Dawˬmehˬ 33:26 - Akha

²⁶ Iˇsaˬleˬlaˆ tsawˇ haˬ deuˬ-oˇ, mˬ taˆ mˬ dmˇ mahˬ dziˬ dziˬ-awˇ, caw ba-eu lehˇ ga keuˆ le-eu, naw maꞈ-euˬ Miˬyehˇ-ahˇ duˇ-eu, Miˬyehˇ nui gʼaˬ aˬ gaˇ jawˇ ta.

Dawˬmehˬ 33:26 ပူးပေါင်းရင်းမြစ်များ

Jaceuq 104:3

mˬ taˆ iˇ cuꞈ kʼoeˇ taˆ nawˬ-euˬ nymˇ tsoˆ daˆ taˬ-euˬ meh. Mˬ dmˇ-ahˇ nawˬ-euˬ mahˬ laˆ lawˬ bi geuꞈ-awˇ, jaˬ lehˇ-euˬ aˬ dahˇ kʼoeˇ taˆ nawˇ dziˬ-eu meh.

Jaceuq 18:10

Jeˬluˇbeˬ -ahˇdziˬ-awˇzaw-awˇ, jaˬlehˇkʼoeˇtaˆgʼa le-euˬ meh.

Jaceuq 68:35

Aˬ yawꞈ-euˬ muiˬ-eu shawˇ-eu jawˇ duˬ-ahˇ neh doˆ le-eu Miˬyehˇ, aˇ naˆ ni zahˬ leˇ paˬ-ehˇ gʼeh-eu nga. Iˇsaˬleˬlaˆ-euˬ Miˬyehˇ aˇ naˆ ni zahˬ leˇ paˬ-ehˇ gʼeh-eu nga. Aˬ yawꞈ-euˬ tsawˇ jeuˬ-ahˇ, gʼaˬ hawˇ-eu baoˬ aˬ yawꞈ biꞈ nehˬ-euˬ meh. Miˬyehˇ-ahˇ ja ceuˬ-awˬ.

Jaceuq 68:4

Miˬyehˇ-ahˇ caˇ-awˇ ja ceuˬ-awˬ. Aˬ yawꞈ-euˬ tsawˇ myahˇ-ahˇ caˇ-awˇ ja ceuˬ-awˬ. Mˬ dmˇ dziˬ-awˇ cah luꞈ-eu gʼaˬ-ahˇ, caˇ dawˬ caˇ-awˇ ciˬ huiˬ ciˬ mahˇ nehˬ-awˬ. Aˬ yawꞈ-euˬ tsawˇ myahˇ Sahˬpaˬ Miˬyehˇ meh. Aˬ yawꞈ mehˬ shi laˬ kʼaˬ cehˇ-awˬ.

Jaceuq 86:8

Sahˬpaˬ Miˬyehˇ-oˇ, nawˬ-ahˇ duˇ-eu Miˬyehˇ maˬ jawˇ-a. Nawˬ neh mˇ-euˬ jeˬ tiˬ gʼaˬ-iˬ mˇ taˬ-euˬ maˬ jaˆ-a.

Doˆ-iˇ 15:11

“Sahˬpaˬ Miˬyehˇ-oˇ, miˬyehˇ heu myaˆ ni gʼeh-eu laꞈ kʼoeˇ aˬ geu gʼaˬ nawˬ-ahˇ duˇ ta. Muiˬ-eu shawˇ-eu paw zahˬ leˇ paˬ-ehˇ gʼeh-eu, Nawˇ loꞈ-ehˇ aˬ suˇ gʼaˬ jawˇ ta. Zahˬ leˇ paˬ-ehˇ gʼeh-eu jeˬ hawˇ-eu baoˬ huiˬ-eu gaˇ mˇ nya-eu, nawˇ loꞈ-ehˇ aˬ suˇ gʼaˬ jawˇ ta.

Doˆ-iˇ 15:7

Baoˬ huiˬ-eu laꞈ kʼoeˇ, nawˬ-ahˇ muiˇ-eu deuˬ-ahˇ nawˇ laˆ luˬ laˆ seˇ nehˬ-euˬ meh. Nawˇ nui ma pehˇ-eu jeˬ miˬ dzaˬ loꞈ-ehˇ doˆ-iˇ-awˇ, gʼo yoeˬ-ahˇ miˬ dzaˬ puiˆ-eu loꞈ-ehˇ, aˬ yawꞈ maꞈ-ahˇ puiˆ dzeh-euˬ meh.

Doˆ-iˇ 8:10

Moˇseˬ-ahˇ sahˬ paˬ ehˇ-eu, “Ni shawˬ nah ngaˬ-euˬ gʼaˇ duˬ guiˬ lahˬ shaˇ nehˬ laꞈ-awˬ.” Moˇseˬ ehˇ-eu, “Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ duˇ-eu miˬ yehˇ nui gʼaˬ maˬ jawˇ-eu gaˇ kawˆ nawˇ ya siˬ ni, nawˇ kʼaˇ shaˇ-eu loꞈ-ehˇ ngaˇ mˇ nehˬ ma.

Doˆ-iˇ 8:6

Kʼoeˇ naˇ, Aˬloˬ aˬ yawꞈ-euˬ gawˬ yoeˬ yuˇ-awˇ, iˇ cuꞈ kʼaˇ jaˆ gaˇ cawˬ ja-euˬ miˇ neh, kʼaˬ paˬ doˆ laˇ-awˇ, miˇ kʼahˬ kʼoeˇ kʼahˬ kʼahˬ lah ni byah jiˇ-euˬ meh.

Iˇsaˬyaˇ 19:1

Heu-aˬ, Iˇjiˇtuˆ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Haw yawˬ. Mˬ dmˇ yaw kawˇ-ahˇ Sahˬpaˬ Miˬyehˇ dziˬ-awˇ, Iˇjiˇtuˆ miˇ kʼahˬ-ahˇ oe luꞈ meh. Iˇjiˇtuˆ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, aˬ yawꞈ mehˬ shi yaw dzuˬ dzuˬ-awˇ, Iˇjiˇtuˆ tsawˇ haˬ deuˬ-euˬ nui ma guiˇ-iˇ luꞈ meh.

Iˇsaˬyaˇ 40:18

Miˬyehˇ-ahˇ aˬ geu gʼaˬ nehˬ-ehˇ shaˇ cehˆ haw nmˇ. Aˬ yawꞈ aˬ jeˬ-ahˇ duˇ-eu ehˇ nya ma loˇ.

Iˇsaˬyaˇ 40:25

Miˬyehˇ-ahˇ aˬ suˇ gʼaˬ nehˬ-ehˇ shaˇ cehˆ haw nmˇ. Aˬ yawꞈ-ahˇ duˇ-eu jawˇ meh loˇ.

Iˇsaˬyaˇ 44:2

Nawˬ-ahˇ beh-euˬ Sahˬpaˬ Miˬyehˇ kʼoeˇ gʼaˬ ngaˇ ma. Nawˇ dehꞈ doˆ le ngeh tiˬ nah neh, nawˬ-ahˇ ngaˇ caw ba nehˬ-euˬ ma. Taˬ guˆ. Nawˇ ngaˬ-euˬ zaˬ kʼaˆ ma. Nawˬ-ahˇ ngaˇ gaˬ-awˇ tseˇ doˆ taˬ-euˬ ma.

Iˇsaˬyaˇ 66:8

Heu loꞈ-ehˇ gʼeh-eu gaˇ kawˆ-ahˇ, gaˬ haw mawˇ haw-euˬ tsawˇ haˬ jawˇ meh loˇ. Tiˬ nah laꞈ kʼoeˇ miˇ kʼahˬ tiˬ kʼahˬ dehꞈ doˆ le-awˇ, tiˬ kʼehˇ laˇ kʼehˬ laꞈ kʼoeˇ tsawˇ jeuˬ tiˬ jeuˬ pyeuꞈ doˆ laˇ nya meh loˇ. Ehˇ kʼawꞈ, Ziˇoˬ uˬ maˆ naˇ laˇ-eu maˬ dah ni, tsawˇ jeuˬ tiˬ jeuˬ bi dehꞈ doˆ le tehꞈ-a.

Yeˬlaˬmiˇ 10:6

Sahˬpaˬ Miˬyehˇ-oˇ, nawˬ-ahˇ duˇ-eu tiˬ gʼaˬ-iˬ maˬ jawˇ-a. Nawˇ-aˬ, baoˬ huiˬ-eu meh. Nawˬ-euˬ tsawˇ myahˇ baoˬ yaw shehꞈ kʼahˬ sehˇ huiˬ-eu meh.

Hawˇseˬ 13:9

“Iˇsaˬleˬlaˆ tsawˇ haˬ deuˬ-oˇ, naw maꞈ-ahˇ ngaˇ laˆ cawˆ nehˬ ma. Aˬ suˇ gʼaˬ caw ba nehˬ laꞈ nmˇ.

Aˬmoˆ 8:7

Iˇsaˬleˬlaˆ tsawˇ haˬ deuˬ nui ma huiˬ duˬ pyeuꞈ-eu Sahˬpaˬ Miˬyehˇ heu loꞈ-ehˇ saˇ jaˇ dzaˬ taˬ-euˬ meh. “Aˬ yawꞈ maꞈ neh mˇ-euˬ yaw haiˬ jeˬ-ahˇ ngaˇ tiˬ jawˇ-iˬ maˬ ngehˇ.

Haˬbaˬkuˆ 3:8

Sahˬpaˬ Miˬyehˇ nui ma pehˇ-eu, lawˇ baˬ lawˇ gawˆ kʼoeˇ deuˬ-a loˇ. Nawˇ nui ma daˆ laˇ ni jahˇ-euˬ, iˬ ma laˆ shaˆ lah ma-a loˇ. Kʼoeˇ taˆ mˬ dmˇ-ahˇ nawˇ dziˬ-awˇ, jaˬ lehˇ lehˇ ma laˆ lawˬ dziˬ-awˇ, muiˇ-eu deuˬ-ahˇ deuˆ gʼaˬ-euˬ meh.

Dawˬmehˬ 10:14

Goˇ dui dui-eu mˬ deuˬ maˬ ehˇ, miˇ tsaˬ maˬ ehˇ, miˇ tsaˬ kʼoeˇ taˆ kʼaˇ jaˆ-eu yawˬ jeˬ na luꞈ maˬ ehˇ, Sahˬpaˬ Miˬyehˇ-euˬ pyeuꞈ-eu meh.

Dawˬmehˬ 32:15

“Sahˬpaˬ Miˬyehˇ-euˬ tsawˇ haˬ deuˬ, mahˬ paˬ cu tsuˇ yawꞈ-ahˇ behˆ-awˇ, bi dzaˬ tsuˇ-euˬ Beh-euˬ yaw sahˇ, Miˬyehˇ-ahˇ myaˆ maˬ haw cawˬ ni, ka kʼoꞈ-eu gʼaˬ-ahˇ byehˇ-euˬ meh.

Dawˬmehˬ 33:5

Iˇsaˬleˬlaˆ tsawˇ jeuˬ dawˬ tawˆ, uiˬ leˇ bymˇ leˇ taˬ-euˬ kʼoeˇ taˆ, Sahˬpaˬ Miˬyehˇ dzoeˬ dzaˬ-euˬ meh.

Dawˬmehˬ 4:35

Aˬ yawꞈ tiˬ gʼaˬ tehꞈ-ehˇ Miˬyehˇ pyeuꞈ-awˇ, miˬ yehˇ nui gʼaˬ maˬ jawˇ-eu gaˇ kawˆ bi siˬ bi mawˇ-eu gʼaˇ duˬ, naw maꞈ-ahˇ Sahˬpaˬ Miˬyehˇ heu loꞈ-ehˇ mˇ mehˬ-euˬ jeˬ pyeuꞈ-eu meh.