Dawˬmehˬ 33:25 - Akha

²⁵ Aˬ yawꞈ-euˬ meuˬ deuˬ-euˬ lahˇ kʼehˬ, shmˇ laˇ gʼoˆ ziꞈ dah ni piˬ-awˇ, guˆ kʼaˇ maˬ za ni jawˇ luꞈ-uˇ.”

Dawˬmehˬ 33:25 ပူးပေါင်းရင်းမြစ်များ

Aˇ dahˬ 49:20

Aˬsaˬ-euˬ miˇ tsaˬ-ahˇ muiˬ-eu dzaˬ dzaˬ dawˇ dawˇ tiˬ byah ni doˆ tehꞈ-a. Sahˬ paˬ dzaˬ-eu dzaˬ dzaˬ dawˇ dawˇ aˬ yawꞈ biꞈ nehˬ tehꞈ-a.

2 Laˬsaˬbaˬ 16:9

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ yaw muiˬ paˬ-ehˇ haw luꞈ-awˇ, aˬ yawꞈ-ahˇ saˇ jaˇ ziꞈ-eu deuˬ-ahˇ gʼaˬ biꞈ luꞈ-eu meh. Nawˇ yaw muiˬ paˬ-ehˇ maˬ shaˇ noeˬ ni kʼoeˇ loꞈ-ehˇ mˇ lehˬ-euˬ miˇ neh, iˬ nah neh aˇ dahˬ beh-awˇ mehˬ hu paw dehꞈ daˆ leꞈ ngeh, nawˇ aˬ myah luꞈ guiˇ ya deuˆ tehꞈ-a.”

Jaceuq 138:3

Nawˬ-ahˇ ngaˇ kuˇ ngeh, ngaˬ-euˬ dawˬ-ahˇ naˇ haˬ nehˬ laꞈ-awˇ, nawˬ-euˬ gʼaˬ neh ngaˬ-ahˇ gʼaˬ lahˬ lahˬ nehˬ laꞈ-euˬ meh.

Jaceuq 147:13

Nawˬ-euˬ lahˇ kʼehˬ laˇ gʼoˆ-ahˇ aˬ yawꞈ neh laˆ ziꞈ-awˇ, nawˬ-euˬ tsawˇ haˬ deuˬ-ahˇ aˬ yawꞈ guiˬ lahˬ biꞈ-euˬ meh.

Iˇsaˬyaˇ 40:29

Gʼaˬ doeˇ doeˇ-awˇ gʼaˬ baˬ luꞈ-eu tsawˇ haˬ deuˬ-ahˇ, aˬ yawꞈ gʼaˬ biꞈ lahˬ nehˬ-eu meh.

Iˇsaˬyaˇ 40:31

Ehˇ kʼawꞈ, Sahˬpaˬ Miˬyehˇ-ahˇ gʼoe-eu tsawˇ haˬ deuˬ, gʼaˬ yaw shuiꞈ paˇ ahˇ laˇ-eu meh. Kʼaˬ dzeˇ zaw-eu loꞈ-ehˇ aˬ yawꞈ maꞈ tuˇ laˇ-awˇ, cehˆ coeˬ coeˬ ngeh gʼaˬ doeˇ maˬ doeˇ leˇ-ehˇ, gaˇ ma cah ngeh gʼaˬ teˬ-iˇ-eu maˬ baw-a.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Luˇkaꞈ 15:22

Ehˇ kʼawꞈ, aˬ da gʼaˬ aˬ yawꞈ-euˬ zaˬ kʼaˆ deuˬ-ahˇ kuˇ-awˇ ehˇ-eu, ‘Aˬ cawˬ naˆ maˬ tseˇ muiˬ dzehˬ-eu pehˇ kʼahˬ pehˇ mahˇ yuˇ leꞈ-awˇ ngaˬ li-ahˇ yaw kawˇ-ehˇ bi dm sheˇ. Laꞈ behˬ gʼeh bi behˬ-awˇ, sehˬ nawˆ gʼeh bi nawˆ-awˬ.

1 Gawˇliˬtu 10:13

Aˬ cawˬ maˬ ya puˬ maˬ ya mawˇ haw-euˬ muˇ juˇ juˇ-eu jeˬ-ahˇ naw maꞈ ya daˬ-eu maˬ ngeuˇ-a. Miˬyehˇ-aˬ, saˇ jaˇ ziꞈ dui dui-awˇ, naw maꞈ maˬ kamˬ coeˇ-eu muˇ juˇ juˇ-eu jeˬ maˬ bi keuˆ le-a. Naw maꞈ kʼoeˇ taˆ muˇ juˇ juˇ-eu jeˬ keuˆ le ngeh, kamˬ coeˇ ni aˬ yawꞈ gʼaˬ biꞈ nehˬ laꞈ-awˇ, buˬ-iˇnya-eu gaˇ ma shaˇ dahˇ nehˬ laꞈ tehꞈ-a.

Eˇpeˇsu 6:10

Aˇ saˬ saˬ-eu dawˬ heu loꞈ-ehˇ ehˇ-eu ma. Sahˬpaˬ Yeˬsuˇ-euˬ huiˬ-eu baoˬ-ahˇ gʼoe-awˇ, aˬ yawꞈ laꞈ kʼoeˇ gʼaˬ ahˇ laˇ-awˬ.

Eˇpeˇsu 6:15

Biˬ tsaˬ bi dzoeˇ leˇ-eu Laˬ kʼaˬ cehˇ-eu Guiˬ lahˬ dawˬ sehˬ nawˆ nawˆ-awˬ.

Dawˬmehˬ 32:47

Mehˬ-eu tsoˆ-eu dawˬ heu deuˬ-aˬ, gaˇ dahˇ maˬ tsoeˬ-eu dawˬ deuˬ maˬ ngeuˇ-a. Heu-aˬ, naw maꞈ-euˬ dehꞈ jeˬ dehꞈ kawˆ meh. Heu deuˬ-ahˇ naˇ haˬ geuꞈ naˇ, naw maꞈ jawˇ leˇ-eu lehˇ gʼeh-eu Yawˇdaˬ lawˇ baˬ nui baˬ paw jaˆ-eu miˇ kʼahˬ kʼoeˇ kʼahˬ laꞈ kʼoeˇ, naw maꞈ gʼawˬ myahˇ ni ya dehꞈ ya jawˇ tehꞈ-a.”

Dawˬmehˬ 4:40

Naw maꞈ hawˇ-eu naw maꞈ-euˬ zaˬ deuˬ yaw muiˬ paˬ-ehˇ ya dehꞈ dzaˬ ni, iˬ nah ngaˇ naw maꞈ-ahˇ biꞈ nehˬ-eu aˬ yawꞈ-euˬ zahˇ dawˬ kʼoꞈ dawˬ heu deuˬ dawˬ tawˆ luꞈ-ahˇ naˇ haˬ geuꞈ-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ mˬ maˬ maˬ byaˆ zaˇ ziˇ jiˇ ni biꞈ taˬ-euˬ miˇ kʼahˬ kʼoeˇ kʼahˬ-ahˇ naw maꞈ ya dehˬ ya jawˇ daˆ leꞈ tehꞈ-a.”

Dawˬmehˬ 8:9

Kʼoeˇ gaˇ, naw maꞈ tiˬ jawˇ-iˬ maˬ ya mehꞈ maˬ ya shuꞈ-eu uˬ taꞈ, tiˬ jeˬ-iˬ maˬ loˬ ni ya dehꞈ dzaˬ tehꞈ-a. Kʼoeˇ gaˇ jaˆ-eu lo guˇ deuˬ laꞈ kʼoeˇ, shmˇ doˆ-awˇ, gawˬ duˇ-ahˇ naw maꞈ guiˬ shuiˇ ya duˬ doˆ geuꞈ tehꞈ-a.

Piˇliˇpiˆ 4:13

Aˬ geu jeˬ keuˆ le-eu maˬ kaˬ, Ka li neh ngaˬ-ahˇ biꞈ laꞈ-euˬ baoˬ-ahˇ gʼoe-awˇ ciˬ daˬ coeˇ ma.

Gawˇlawˇsehˇ 1:11

Yawˬ jeˬ na luꞈ-ahˇ naw maꞈ nui ma gʼawˬ mahˇ ni taˬ-awˇ daˬ coeˇ ni, aˬ yawꞈ-euˬ yaw shehꞈ kʼahˬ sehˇ huiˬ-eu baoˬ-ahˇ neh doˆ le-euˬ gʼaˬ baˬ da neh naw maꞈ gʼaˬ kʼaˆ laˇ luꞈ-uˇ. Yaw shehꞈ-euˬ miˇ kʼahˬ laꞈ kʼoeˇ aˬ yawꞈ-euˬ tsawˇ haˬ deuˬ bi jawˇ-eu gʼaˇ duˬ lehˬ hmˬ taˬ-euˬ jawˇ duˬ-ahˇ naw maꞈ jawˇ leˇ nya ni jahˇ nehˬ laꞈ-euˬ Aˬda Miˬyehˇ-euˬ guiˬ lahˬ-ahˇ, laˬ kʼaˬ tiˬ cehˇ ja ceuˬ-awˬ.

Yawˇshuˆ 14:11

Ehˇ kʼawꞈ, Moˇseˬ ngaˬ-ahˇ pyehˬ gʼeh ngeh loꞈ-ehˇ, nymˬ-mˇ keuˆ ni gʼaˬ kʼaˆ gʼaˬ loeˇ soeˇ-i jaˆ-eu ma. Guiˇ deuˆ-eu gʼaˇ duˬ maˬ ehˇ, aˬ geu jeˬ mˇ-eu gʼaˇ duˬ maˬ ehˇ, ngaˇ gʼaˬ tiˬ loꞈ ahˇ te siˬ.