Dawˬmehˬ 33:22 - Akha

²² Daˬ-euˬ gaˇ kawˆ Moˇseˬ ehˇ-eu, “Daˬ-aˬ aˇ laˬ jaˬ shiˇ zaˬ meh. Baˬshaˬ-ahˇ tsawˬ doˆ laꞈ-euˬ meh.”

Dawˬmehˬ 33:22 ပူးပေါင်းရင်းမြစ်များ

1 Laˬsaˬbaˬ 12:35

Daˬ tsawˇ jeuˬ laꞈ kʼoeˇ, dzaw nya taˬ-euˬ tsawˇ haˬ nyiˬ muiˇ yehꞈ heˇ koꞈ yaˇ gʼaˬ,

Yawˇbaˆ 37:1

“Jaˬ lehˇ lehˇ ma baw ngeh ngaˬ-euˬ nui ma cehˇ tahˬ tahˬ dui dui nya.

Yeˬsaˬgeˬlaˇ 19:2

Nawˬ ha aˬ ma aˇ laˬ jaˬ shiˇ, haiˬ-eu jaˬ shiˇ deuˬ yaw kaˬ-ahˇ, aˬ yawꞈ-euˬ zaˬ sheuˬ huiˬ-euˬ meh.

Yeˬsaˬgeˬlaˇ 19:3

Aˬ yawꞈ-euˬ zaˬ jaˬ shiˇ tiˬ mawˇ, bo saˆ huiˬ-awˇ loˆ laˇ-euˬ meh. Jeˬ zaˬ kawꞈ sehꞈ-eu dzaw bym-awˇ, tsawˇ haˬ-ahˇ kawꞈ sehꞈ dzaˬ-euˬ meh.

Yawˇshuˆ 19:47

Daˬ tsawˇ haˬ deuˬ-aˬ, aˬ yawꞈ maꞈ-euˬ miˇ kaˬ dawˬ tawˆ luꞈ-ahˇ deuˆ za geuꞈ-eu yaw shaˬ miˇ neh, Laˬiˇshaˆ meuˬ-ahˇ guiˇ deuˆ leˇ-euˬ meh. Meuˬ kʼoeˇ meuˬ-ahˇ aˬ yawꞈ maꞈ deuˆ gʼaˬ ngeh, kʼoeˇ gaˇ jawˇ-eu tsawˇ haˬ dawˬ tawˆ luꞈ-ahˇ sehꞈ-awˇ, aˬ yawꞈ maꞈ-euˬ meuˬ geuꞈ-euˬ meh. Aˬ yawꞈ maꞈ kʼoeˇ gaˇ jawˇ duˬ dah-awˇ, aˬ yawꞈ maꞈ-euˬ aˬ da yaw dzahˇ gʼaˬ pyeuꞈ-eu Daˬ-euˬ tsawˇ myahˇ yuˇ-awˇ, meuˬ kʼoeˇ meuˬ-ahˇ Daˬ meuˬ lehˇ myahˇ paˇ nehˬ-euˬ meh.

Yaˇ kʼaˬ daˇ 13:2

Kʼoeˇ ngeh yamˬ-ahˇ, Zoˇlahˬ meuˬ-ahˇ jawˇ-eu Maˬnoˇaˬ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, Daˬ tsawˇ jeuˬ meh. Aˬ yawꞈ-euˬ nymˇ dahˬ-aˬ, zaˬ tiˬ gʼaˬ-iˬ maˬ jawˇ-a.

Yaˇ kʼaˬ daˇ 14:19

Ja pyuˬ ni, Sahˬpaˬ Miˬyehˇ-euˬ baoˬ aˬ yawꞈ-ahˇ gʼaˬ bi kʼaˆ laˇ-awˇ, Aˬshaˇgaˬloˇ meuˬ-ahˇ aˬ yawꞈ iˇ-awˇ, tsawˇ haˬ smˬ tseˇ gʼaˬ-ahˇ sehꞈ-awˇ, aˬ yawꞈ maꞈ-euˬ myawˬ deuˬ yuˇ geuꞈ-euˬ meh. Aˬ yawꞈ maꞈ-euˬ muiˬ-eu mehˬ tsoeˬ deuˬ lehˆ doˆ-awˇ, tsaˬ dzoˆ dawˬ tsuiꞈ tsaˬ tsehˆ-euˬ tsawˇ haˬ kʼoeˇ deuˬ-ahˇ biꞈ-euˬ meh.

Yaˇ kʼaˬ daˇ 14:6

Ja pyuˬ ni, Sahˬpaˬ Miˬyehˇ-euˬ baoˬ Saˬsoˬ-ahˇ gʼaˬ bi kʼaˆ laˇ-awˇ, ciꞈ myehꞈ ciꞈ zaˬ-ahˇ ngawˬ paˆ-eu loꞈ-ehˇ, aˇ laˬ jaˬ shiˇ kʼoeˇ mawˇ-ahˇ aˬ yawꞈ-euˬ aˬ laꞈ neh ngawˬ paˆ dzeh-euˬ meh. Ehˇ kʼawꞈ, aˬ yawꞈ kʼoeˇ loꞈ-ehˇ jahˇ-euˬ gaˇ kawˆ, aˬ yawꞈ-euˬ aˬ da aˬ ma-ahˇ aˬ yawꞈ maˬ ehˇ nehˬ-a.

Yaˇ kʼaˬ daˇ 15:15

Kʼoeˇ ngeh, shiˇ-euˬ maˬ myahˇ laˇ-euˬ mahˬ tahˬ laˆ tiˬ mawˇ-euˬ mehˬ oꞈ shaˬ yoeˬ tiˬ hmˬ aˬ yawꞈ mawˇ-euˬ meh. Aˬ yawꞈ awˆ kʼoꞈ-awˇ, shaˬ yoeˬ kʼoeˇ yuˇ-awˇ, tsawˇ haˬ tiˬ heˇ gʼaˬ sehꞈ-euˬ meh.

Yaˇ kʼaˬ daˇ 15:8

Aˬ yawꞈ maꞈ-ahˇ aˬ yawꞈ diˬ-awˇ, gʼawˬ mya gʼaˬ bi diˬ sehꞈ-euˬ meh. Kʼoeˇ naˇ, Eˇtamˬ lo guˇ-ahˇ jaˆ-eu lo kʼahˬ-ahˇ Saˬsoˬ jawˇ leˇ-euˬ meh.

Yaˇ kʼaˬ daˇ 16:30

Kʼoeˇ naˇ, “Piˇliˇtiˆ tsawˇ haˬ deuˬ nehˬ-ehˇ ngaˬ-ahˇ bi shiˇ laꞈ-awˬ” lehˇ aˬ yawꞈ guˇ-awˇ, gʼaˬ kʼaˇ jaˆ-eu shaˇ-awˇ dehˬ ngeh, nymˇ kʼoeˇ nymˇ coˬ pyaˆ-awˇ, sahˬ paˬ kʼoeˇ ngaˬ gʼaˬ hawˇ-eu tsawˇ haˬ yawˬ gʼaˬ na luꞈ-ahˇ deh sehꞈ-euˬ meh. Saˬsoˬ yaw dehꞈ dehꞈ ngeh aˬ cawˬ-ahˇ sehꞈ-euˬ myaˆ maˬ tseˇ, aˬ yawꞈ siˇ ngeh poˆ sehꞈ myaˬ dzehˬ-euˬ meh.

Yaˇ kʼaˬ daˇ 18:27

Kʼoeˇ naˇ, Miˇkaˬ-euˬ piˇ ma hawˇ-eu aˬ yawꞈ neh jahˇ taˬ-euˬ myawˬ deuˬ yuˇ-awˇ, tiˬ jeˬ-iˬ kʼahˬ maˬ lahˇ ni nui saˇ oꞈ-eu laꞈ kʼoeˇ jawˇ luꞈ-eu Laˬiˇshaˆ meuˬ-ahˇ aˬ yawꞈ maꞈ iˇ-euˬ meh. Meuˬ kʼoeˇ meuˬ-ahˇ jawˇ-eu tsawˇ haˬ deuˬ-ahˇ aˬ yawꞈ maꞈ sehꞈ-awˇ, meuˬ kʼoeˇ meuˬ-ahˇ kʼawꞈ miˬ dzaˬ keuˬ dzeh-euˬ meh.