Dawˬmehˬ 33:16 - Akha

¹⁶ Miˬ dzaˬ doꞈ-eu baw duˆ laꞈ kʼoeˇ, dawˬ ngehˬ-euˬ Sahˬpaˬ Miˬyehˇ neh, sehˬ-euˬ lawˇ-euˬ muiˬ-eu guiˬ lahˬ, yawꞈ maꞈ miˇ kʼahˬ-ahˇ byah luꞈ-uˇ. Mehˇ nmˇ dawˬ tawˆ luꞈ-euˬ kʼoeˇ taˆ, aˬ yawꞈ aˬ yuiꞈ geuꞈ-euˬ miˇ neh, Yoˇsehˆ tsawˇ jeuˬ heu jeuˬ kʼoeˇ taˆ, guiˬ lahˬ kʼoeˇ deuˬ keuˆ le luꞈ-uˇ.

Dawˬmehˬ 33:16 ပူးပေါင်းရင်းမြစ်များ

Aˇ dahˬ 37:28

Kʼoeˇ naˇ, Miˇdiˬyaˬ tsawˇ haˬ baw gaꞈ deuˬ dawˬ peh oe keuˆ ngeh, aˬ ha mehˇ nmˇ Yoˇsehˆ-ahˇ lah duˬ laꞈ kʼoeˇ neh gʼeu doˆ-awˇ, Iˇshaˬmeˬlaˇ baw gaꞈ deuˬ-ahˇ ahˬ nehˬ-euˬ meh. Baw gaꞈ kʼoeˇ deuˬ aˬ yawꞈ maꞈ-ahˇ pyuˇ mehˇ byaˆ nyiˬ tseˇ byaˆ biꞈ-awˇ, Yoˇsehˆ-ahˇ zeuˇ-awˇ, Iˇjiˇtuˆ miˇ kʼahˬ-ahˇ sheuˬ gʼeh-euˬ meh.

Aˇ dahˬ 37:36

Aˇ yamˬ kʼoeˇ yamˬ laꞈ kʼoeˇ, Iˇjiˇtuˆ miˇ kʼahˬ-ahˇ iˇ keuˆ-euˬ Miˇdiˬyaˬ tsawˇ haˬ baw gaꞈ kʼoeˇ deuˬ, Iˇjiˇtuˆ sahˬ paˬ-euˬ nymˇ-ahˇ loꞈ piˇ-eu guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ pyeuꞈ-eu Pawˇtiˇpaˬ-euˬ aˬ laꞈ laꞈ kʼoeˇ, Yoˇsehˆ-ahˇ ahˬ ahˇ nehˬ-euˬ meh.

Aˇ dahˬ 37:8

Aˬ yawꞈ-euˬ aˇ doˆ deuˬ ehˇ-eu, “Aˬ kaˇ nga maꞈ kʼoeˇ taˆ nawˇ sahˬ paˬ ya geuꞈ tehꞈ-a lehˇ noeˬ luꞈ te loˇ.” Aˬ yawꞈ yuꞈ maˆ kʼoeˇ loꞈ-ehˇ maˆ-euˬ miˇ neh maˬ ehˇ, yuꞈ maˆ maˆ-euˬ gaˇ kawˆ kʼoeˇ aˬ yawꞈ maꞈ-ahˇ dzawˇ nehˬ leˇ-euˬ miˇ neh maˬ ehˇ, Yoˇsehˆ-ahˇ aˬ yawꞈ maꞈ paˇ bye dzehˬ laˇ-euˬ meh.

Aˇ dahˬ 43:32

Yoˇsehˆ gʼaˇ duˬ hawˬ jeh tiˬ jeh, aˬ ha mehˇ nmˇ gʼaˇ duˬ hawˬ jeh tiˬ jeh, Iˇjiˇtuˆ tsawˇ haˬ deuˬ gʼaˇ duˬ hawˬ jeh tiˬ jeh lehˇ bi shaˇ dahˇ-euˬ meh. Aˬ jeˬ miˇ neh ehˇ naˇ, Heˬbyehˇ tsawˇ haˬ nehˬ-ehˇ dzaˬ taꞈ dawˇ taꞈ naˇ daˬ ga nya lehˇ, Iˇjiˇtuˆ tsawˇ haˬ deuˬ noeˬ-eu meh.

Aˇ dahˬ 49:26

Aˇ siˬ hawˇ-eu aˇ yehˆ guiˬ lahˬ biꞈ laꞈ tehꞈ-a. Aˇ hu ba neh jaˆ-eu gawˬ jawˬ gawˬ duˇ deuˬ pyeuꞈ-eu, Mˬ maˬ maˬ byaˆ zaˇ ziˇ ziꞈ-eu gawˬ jawˬ gawˬ duˇ deuˬ laꞈ kʼoeˇ jaˆ luꞈ-eu muiˬ-eu guiˬ lahˬ deuˬ hawˇ-eu Nui kʼahˇ shiˇ dui dui paˬ-ehˇ gʼeh-eu jeˬ dawˬ tawˆ luꞈ biꞈ nehˬ laꞈ tehꞈ-a. Guiˬ lahˬ yaw dzahˇ heu deuˬ dawˬ tawˆ luꞈ, Aˬ yawꞈ-euˬ mehˇ nmˇ deuˬ-ahˇ maˬ taꞈ-eu Yoˇsehˆ-euˬ uˬ duˬ naˇ kʼawˇ kʼoeˇ taˆ keuˆ le luꞈ-uˇ.

Jaceuq 24:1

Miˇtsaˬtahˬkʼawˇboeˬboeˬluˆluˆ, kʼaˇdehꞈkʼaˇjawˇ-eu dawˬtawˆluꞈ, SahˬpaˬMiˬyehˇ-euˬpyeuꞈ-eu meh.

Jaceuq 50:12

“Ngaˇ hawˬ mehꞈ mehꞈ laˇ kʼawꞈ naw maꞈ-ahˇ maˬ ehˇ nehˬ. Aˬ jeˬ miˇ neh ehˇ naˇ, miˇ tsaˬ tahˬ kʼawˇ hawˇ-eu kʼoeˇ-euˬ kʼoeˇ taˆ kʼaˇ jaˆ-eu jeˬ dawˬ tawˆ luꞈ ngaˬ-euˬ ma.

Jaceuq 89:11

Mˬ hawˇ-eu miˇ dawˬ tawˆ luꞈ nawˬ-euˬ meh. Miˇ tsaˬ tahˬ kʼawˇ hawˇ-eu miˇ tsaˬ kʼoeˇ taˆ kʼaˇ jaˆ-eu jeˬ dawˬ tawˆ luꞈ nawˬ neh beh-euˬ meh.

Doˆ-iˇ 2:2

Zaˬ miˬ zaˬ kʼoeˇ gʼaˬ aˬ nyiˇ pi-awˇ, aˬ li tiˬ li ciˬ-euˬ meh. Aˬ li kʼoeˇ li muiˬ dui dui gaˇ aˬ yawꞈ ya mawˇ ngeh, ba la smˇ siˬ byah ni cu zaꞈ taˬ-euˬ meh.

Yeˬlaˬmiˇ 8:16

Aˬ dui-ahˇ muiˇ-eu deuˬ Daˬ meuˬ-ahˇ oe keuˆ-awˇ, mahˬ deuˬ naˇ mehˇ baw-eu gaˬ le miˇ-a. Aˬ yawꞈ maꞈ-euˬ mahˬ deuˬ hiˇ gaˇ, miˇ kʼahˬ kʼahˬ lah ni guˆ-awˇ yaw dzuˬ dzuˬ-eu meh. Aˬ dui miˇ kʼahˬ hawˇ-eu kʼaˇ jaˆ-eu jeˬ dawˬ tawˆ, aˬ dui maꞈ-euˬ meuˬ deuˬ hawˇ-eu tsawˇ haˬ dawˬ tawˆ, laˆ cawˆ-eu lehˇ aˬ yawꞈ maꞈ oe-euˬ meh.”

Bawˇtsahˬ 26:28

Maˬnaˇseˬ hawˇ-eu Eˇpaˬleˬ aˬ nyaꞈ nmˇ-euˬ aˬ da pyeuꞈ-eu Yoˇsehˆ-euˬ zaˬ deuˬ uˆ deuˬ pyeuꞈ-eu Yoˇsehˆ tsawˇ jeuˬ deuˬ-aˬ, heu deuˬ meh.

Maˬkuˆ 12:26

Shiˇ-euˬ tsawˇ haˬ gʼoꞈ dehꞈ laˇ-eu gaˇ kawˆ-ahˇ taꞈ leˇ-awˇ, Moˇseˬ-euˬ Sahˬ boꞈ laꞈ kʼoeˇ boꞈ taˬ-euˬ miˬ dzaˬ doꞈ-eu baw duˆ gaˇ kawˆ naw maꞈ ma gui haw-aˬ loˇ. ‘Ngaˇ-aˬ, Aˬbyaˬhaˬ, Iˇtsaˆ, Yaˬkoˆ-euˬ Miˬyehˇ ma’ lehˇ, Moˇseˬ-ahˇ Miˬyehˇ ehˇ nehˬ-euˬ gaˇ kawˆ, kʼoeˇ gaˇ boꞈ taˬ-euˬ maˬ ngeuˇ-a loˇ.

Luˇkaꞈ 2:14

“Mˬ taˆ yaw goˇ jawˇ-eu Miˬyehˇ, baoˬ yaw shehꞈ kʼahˬ sehˇ huiˬ luꞈ-uˇ. Miˇ tsaˬ tsawˇ haˬ zaˬ deuˬ laꞈ kʼoeˇ, aˬ yawꞈ nui kʼahˇ shiˇ-eu deuˬ-ahˇ, nui saˇ za-eu jeˬ oꞈ luꞈ-uˇ.”

Gʼaˬkʼehˇ 7:35

“‘Nga maꞈ kʼoeˇ taˆ uˆ lahˇ-awˇ yaˇ kʼaˬ bi daˇ-eu lehˇ, aˬ suˇ gʼaˬ nawˬ-ahˇ kʼehˇ taˬ ta’ lehˇ, aˬ yawꞈ maꞈ neh ehˇ nehˬ-awˇ byehˇ dzeh nehˬ-euˬ Moˇseˬ kʼoeˇ gʼaˬ-aˬ, aˬ yawꞈ-euˬ mehˬ shi baw duˆ laꞈ kʼoeˇ ya mawˇ-euˬ mˬ taˆ gʼaˬ kʼehˇ neh bi caw ba-eu laꞈ kʼoeˇ, aˬ yawꞈ maꞈ-ahˇ bi uˆ lahˇ-awˇ bi ka kʼoꞈ-eu gʼaˇ duˬ Miˬyehˇ neh kʼehˇ leꞈ-euˬ Moˇseˬ pyeuꞈ-eu meh.

1 Gawˇliˬtu 10:26

Aˬ jeˬ miˇ neh ehˇ naˇ, “Miˇ tsaˬ tahˬ kʼawˇ hawˇ-eu kʼoeˇ-euˬ kʼoeˇ taˆ kʼaˇ jaˆ-eu yawˬ jeˬ na luꞈ Sahˬpaˬ Miˬyehˇ-euˬ tehꞈ meh” lehˇ, Jaˇliꞈ laꞈ koeˇ ehˇ taˬ-euˬ jaˆ meh.

1 Gawˇliˬtu 10:28

Ehˇ kʼawꞈ, “Heu-aˬ, tahˬ pahˬ aˬ ma mawˇ kawˇ-ahˇ lawˇ nehˬ-euˬ dzaˇ ma” lehˇ ehˇ nehˬ laꞈ naˇ, naw maꞈ-ahˇ ehˇ nehˬ laꞈ-euˬ gʼaˬ-euˬ gʼaˇ duˬ hawˇ-eu, naw maꞈ-euˬ siˬ nya-eu nui ma-euˬ gʼaˇ duˬ shaˇ noeˬ-awˇ, maˬ dzaˬ ni byehˇ-awˬ.

HeˬByehˇ 7:26

Kʼoeˇ baˬ da neh, Yeˬsuˇ-aˬ, aˬ dui kʼaˇ loˬ-eu jeˬ mˇ byah nehˬ nya-eu Piˇma Yaw huiˬ gʼaˬ pyeuꞈ-eu meh. Aˬ yawꞈ-aˬ, yaw muiˬ yaw shawˇ meh. Ehˇ kʼaˇ tiˬ pawꞈ-iˬ maˬ za-eu uˬ taꞈ, iˬ baˇ tiˬ pawꞈ-iˬ maˬ ahˇ-a. Iˬ baˇ zaˬ deuˬ nehˬ-ehˇ maˬ bi keuˬ ni aˬ yawꞈ-ahˇ Miˬyehˇ yuˇ doˆ taˬ-awˇ, mˬ naˆ maˬ tseˇ goˇ-eu tiˆ-ahˇ ciˬ huiˬ ciˬ mahˇ keuˆ nehˬ-euˬ meh.