Dawˬmehˬ 33:12 - Akha

¹² Beˬyaˬmiˬ-euˬ gaˇ kawˆ ehˇ-eu, “Sahˬpaˬ Miˬyehˇ gaˬ-eu tsawˇ jeuˬ, aˬ yawꞈ neh haw piˇ-euˬ tsawˇ jeuˬ, aˬ yawꞈ maꞈ gʼahˇ ceh jawˇ-eu meh.”

Dawˬmehˬ 33:12 ပူးပေါင်းရင်းမြစ်များ

2 Saˬmeuˬlaˆ 12:24

Kʼoeˇ naˇ, aˬ yawꞈ-euˬ miˬ zaˬ Baˬsheˬba-ahˇ Daˬbiˇ gʼaˬ biꞈ nehˬ-euˬ meh. Aˬ yawꞈ nyaꞈ paˇ yuꞈ paˇ jawˇ taꞈ-awˇ, aˬ li tiˬ li paˇ jawˇ le-euˬ meh. Aˬ li kʼoeˇ li-ahˇ Daˬbiˇ neh Sawˇlaˬmoˬ lehˇ myahˇ nehˬ-awˇ, Sahˬpaˬ Miˬyehˇ gaˬ-eu aˬ li tiˬ li pyeuꞈ-eu meh.

2 Saˬmeuˬlaˆ 12:25

Aˬ li heu li-ahˇ Yeˬdiˇdiˬ lehˇ myahˇ nehˬ-awˬ lehˇ, Miˬyehˇ gʼaˇ duˬ ngehˬ dah-eu Naˬdaˬ-ahˇ Sahˬpaˬ Miˬyehˇ dawˬ biꞈ-euˬ meh. Aˬ jeˬ miˇ neh ehˇ naˇ, aˬ yawꞈ-ahˇ Sahˬpaˬ Miˬyehˇ gaˬ-eu meh.

1 Sahˬpaˬ 12:21

Leˬhawˇbamˬ Yeˬluˇsaˬlehˬ meuˬ-ahˇ gʼoꞈ keuˆ-iˇ ngeh, Yuˇdaˆ tsawˇ jeuˬ hawˇ-eu Beˬyaˬmiˬ tsawˇ jeuˬ laꞈ kʼoeˇ nya dui dui-eu yehˇ tiˬ seh yehꞈ muiˇ gʼaˬ kuˇ uiˬ-euˬ meh. Laꞈ taˆ paw jawˇ-eu Iˇsaˬleˬlaˆ tsawˇ jeuˬ deuˬ-ahˇ deuˆ gʼaˬ-awˇ uˆ lahˇ ma lehˇ aˬ yawꞈ noeˬ-euˬ meh.

2 Laˬsaˬbaˬ 11:1

Sahˬ paˬ Leˬhawˇbamˬ Yeˬluˇsaˬlehˬ meuˬ-ahˇ gʼoꞈ keuˆ-iˇ ngeh, Beˬyaˬmiˬ tsawˇ jeuˬ hawˇ-eu Yuˇdaˆ tsawˇ jeuˬ laꞈ kʼoeˇ nya dui dui-eu yehˇ tiˬ seh yehꞈ muiˇ gʼaˬ kuˇ uiˬ-euˬ meh. Laˬ taˆ paw pyawˬ-ahˇ jawˇ-eu Iˇsaˬleˬlaˆ tsawˇ jeuˬ deuˬ-ahˇ deuˆ gʼaˬ-awˇ uˆ lahˇ ma lehˇ aˬ yawꞈ noeˬ-euˬ meh.

2 Laˬsaˬbaˬ 15:2

Kʼoeˇ naˇ, Aˬsaˬ jawˇ gaˇ iˇ-awˇ ehˇ nehˬ-eu, “Sahˬ paˬ Aˬsaˬ hawˇ-eu, Yuˇdaˆ miˇ kʼahˬ, Beˬyaˬmiˬ miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ ngaˇ ehˇ gaˇ naˇ haˬ sheˇ. Naw maꞈ Sahˬpaˬ Miˬyehˇ laꞈ kʼoeˇ kʼaˇ jawˇ kʼoeˇ keuˆ ni, aˬ yawꞈ kʼawꞈ naw maꞈ nehˬ-ehˇ jawˇ tehꞈ-a. Naw maꞈ aˬ yawꞈ-ahˇ poˆ naˇ, aˬ yawꞈ naw maꞈ-ahˇ bi mawˇ laꞈ tehꞈ-a. Ehˇ kʼawꞈ, naw maꞈ aˬ yawꞈ-ahˇ byehˇ dzeh naˇ, aˬ yawꞈ kʼawꞈ naw maꞈ-ahˇ byehˇ dzeh tehꞈ-a.

Jaceuq 132:14

“Heu gaˇ-ahˇ ngaˇ mˬ maˬ maˬ byaˆ zaˇ ziˇ jawˇ ma. Heu gaˇ jawˇ-awˇ ngaˇ uˆ lahˇ ma.

Jaceuq 60:5

Nawˇ gaˬ-eu tsawˇ haˬ deuˬ ya buˬ ya law-iˇ ni, nga maꞈ-euˬ shaˇ dawˬ naˇ haˬ nehˬ laꞈ-awˇ nawˬ-euˬ baoˬ neh nga maꞈ-ahˇ ka kʼoꞈ nehˬ laꞈ.

Jaceuq 91:4

Aˬ yawꞈ-euˬ aˬ dahˇ neh nawˬ-ahˇ kʼawˆ kaˬ-awˇ, aˬ yawꞈ bo saˆ ngehˬ gʼeh-eu laꞈ kʼoeˇ nawˇ nui saˇ oꞈ tehꞈ-a. Aˬ yawꞈ-euˬ saˇ jaˇ ziꞈ-eu jeˬ nawˬ-ahˇ haw piˇ nehˬ laꞈ tehꞈ-a.

Doˆ-iˇ 28:12

Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ dah zaˇ pyeuꞈ-eu gʼaˇ duˬ, kʼaˬ lo sehˇ kʼoeˇ nyiˬ siˬ-ahˇ, pehˇ kʼahˬ pehˇ nymˇ-ahˇ tsoꞈ-eu baꞈ pu aˇ caˆ kʼoeˇ taˆ bi jaˆ-awˬ. Sahˬpaˬ Miˬyehˇ pyeuꞈ-eu ngaˇ, ngaˬ-eu tsawˇ haˬ deuˬ-ahˇ aˬ myah luꞈ noeˬ keuˆ-eu gʼaˇ duˬ, Aˬloˬ-aˬ, aˬ yawꞈ-euˬ baꞈ pu kʼoeˇ taˆ, aˬ yawꞈ maꞈ-euˬ tsawˇ myahˇ deuˬ-ahˇ, kʼoeˇ loꞈ-ehˇ ya pi tehꞈ-a.

Iˇsaˬyaˇ 37:22

Saˬneˬkaˬliˇ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. Saˬneˬkaˬliˇ-oˇ, Yeˬluˇsaˬlehˬ meuˬ nawˬ-ahˇ uiˇ-awˇ, noeˬ teˬ dui dui luꞈ meh.

Iˇsaˬyaˇ 37:35

Ngaˬ-euˬ myaˆ pyawˬ naˇ mehˇ gʼaˇ duˬ maˬ ehˇ, ngaˬ-euˬ zaˬ kʼaˆ Daˬbiˇ-ahˇ ngaˬ neh saˇ jaˇ dzaˬ taˬ-euˬ baˬ da neh maˬ ehˇ, meuˬ heu meuˬ-ahˇ ngaˇ bo saˆ haw piˇ ma.’ lehˇ ehˇ taˬ-euˬ meh.”

Iˇsaˬyaˇ 51:16

Mˬ toˆ pyeh-awˇ miˇ tsaˬ dawˬ pehˬ pehˬ-euˬ ngaˇ ma. Yeˬluˇsaˬlehˬ meuˬ-ahˇ heu loꞈ-ehˇ ehˇ nehˬ-euˬ gʼaˬ ngaˇ ma. ‘Nawˇ ngaˬ-eu tsawˇ haˬ ma. Nawˬ-ahˇ mehˬ nehˬ tsoˆ nehˬ-euˬ gʼaˬ ngaˇ ma. Ngaˬ-euˬ aˬ laꞈ nawˬ-ahˇ haw piˇ-euˬ ma.’ ”

Yeˬlaˬmiˇ 12:7

Sahˬpaˬ Miˬyehˇ ehˇ-eu, “Iˇsaˬleˬlaˆ-ahˇ ngaˇ byehˇ dzeh-euˬ ma. Ngaˬ neh tseˇ doˆ-euˬ tsawˇ jeuˬ-ahˇ maˬ paˇ haw ma. Ngaˇ gaˬ-eu tsawˇ haˬ heu deuˬ-ahˇ, muiˇ-eu deuˬ aˬ laꞈ laꞈ kʼoeˇ a nehˬ-euˬ ma.

Bawˇtsahˬ 34:21

Beˬyaˬmiˬ tsawˇ jeuˬ laꞈ kʼoeˇ, Ciˇsaˬloˬ-euˬ aˬ li Eˇliˇdaˆ.

Maꞈtehˬ 23:37

“Yeˬluˇsaˬlehˬ-oˇ, Yeˬluˇsaˬlehˬ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ nawˇ sehꞈ-awˇ, Miˬyehˇ neh kʼehˇ gʼeh leꞈ-euˬ tsawˇ haˬ deuˬ-ahˇ nawˇ kʼaˬ lo neh biˬ-euˬ meh. Ya ciˆ ya ma-euˬ aˬ dahˇ uˬ moˆ ya ciˆ ya zaˬ deuˬ-ahˇ uˆ kaˬ nehˬ-eu loꞈ-ehˇ, nawˬ-euˬ zaˬ deuˬ-ahˇ ngaˇ aˇ myaˆ poˆ uˆ kaˬ nehˬ mawꞈ-eu nga. Ehˇ kʼawꞈ, nawˇ ngaˬ-ahˇ kʼoeˇ loꞈ-ehˇ maˬ bi uˆ kaˬ nehˬ laꞈ-a.

Dawˬmehˬ 12:10

Yawˇdaˬ lawˇ baˬ tsehˆ doˆ ngeh, Sahˬpaˬ Miˬyehˇ naw maꞈ-ahˇ miˇ kʼahˬ kʼoeˇ kʼahˬ biꞈ laꞈ-awˇ, bi jawˇ laꞈ tehꞈ-a. Naw maꞈ-ahˇ muiˇ-eu deuˬ dawˬ tawˆ luꞈ-euˬ baꞈ tsahˬ laꞈ kʼoeˇ, aˬ yawꞈ naw maꞈ-ahˇ haw piˇ-awˇ, naw maꞈ nui ma saˇ lehˆ ni ya jawˇ tehꞈ-a.

Dawˬmehˬ 32:11

Dzeˇ ma aˬ dahˇ uˬ moˆ dzeˇ zaˬ, zaw nya ni hehˇ tehˇ-euˬ loꞈ-ehˇ, Iˇsaˬlaˬleˇ tsawˇ haˬ deuˬ-ahˇ, Sahˬpaˬ Miˬyehˇ hehˇ tehˇ-euˬ meh.

Dawˬmehˬ 33:11

Yawꞈ maꞈ tsawˇ jeuˬ gʼaˬ kʼaˆ laˇ ni, Sahˬpaˬ Miˬyehˇ caw ba nehˬ-awˬ. Yawꞈ maꞈ mˇ gaˇ nui ma tsaˬ-awˇ, muiˇ-eu deuˬ-ahˇ laˆ cawˆ nehˬ-awˇ, maˬ tuˇ laˇ coeˇ ni kʼehˬ nehˬ-awˬ.”

Dawˬmehˬ 4:37

Naw maꞈ-euˬ aˬ poeˬ aˬ bawˇ deuˬ-ahˇ aˬ yawꞈ gaˬ-eu miˇ neh, naw maꞈ-ahˇ aˬ yawꞈ tseˇ doˆ-awˇ, aˬ yawꞈ-euˬ huiˬ-eu baoˬ-ahˇ gʼoe-eu laꞈ kʼoeˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ aˬ yawꞈ sheuˬ doˆ laꞈ-euˬ meh.

Yaˇ kʼaˬ daˇ 1:21

Ehˇ kʼawꞈ, Beˬyaˬmiˬ tsawˇ jeuˬ-aˬ, Yeˬluˇsaˬlehˬ meuˬ laꞈ kʼoeˇ jawˇ-eu Yeˬbuˇ tsawˇ jeuˬ-ahˇ maˬ teh doˆ-ehˇ, Yeˬbuˇ tsawˇ jeuˬ hawˇ-eu Beˬyaˬmiˬ tsawˇ jeuˬ tiˬ kawˆ loꞈ-ehˇ jawˇ daˆ leꞈ-euˬ meh.

1 Saˬmeuˬlaˆ 10:20

Kʼoeˇ ngeh, tsawˇ jeuˬ aˬ yawꞈ jeuˬ yawꞈ-ahˇ Saˬmeuˬlaˆ neh mehˬ hu paw bi doˆ laˇ-awˇ, Beˬyaˬmiˬ tsawˇ jeuˬ-ahˇ Sahˬpaˬ Miˬyehˇ tseˇ doˆ-euˬ meh.