Dawˬmehˬ 32:8 - Akha

⁸ Huiˬ dui mahˇ dui dui-eu Miˬyehˇ, miˇ tsaˬ zaˬ-ahˇ miˇ kʼahˬ biˇ-awˇ, jawˇ duˬ pehˇ tsahˇ tsaˬ tsoˆ nehˬ-awˇ, miˬ yehˇ deuˬ neh bi dzoeˬ-euˬ meh.

Dawˬmehˬ 32:8 ပူးပေါင်းရင်းမြစ်များ

Aˇ dahˬ 10:15

Kaˬnaˬ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Siˇdoˬ hawˇ-eu Heˬtaˆ aˬ nyaꞈ nmˇ-aˬ, aˬ yawꞈ nyaꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ pyeuꞈ-eu meh.

Aˇ dahˬ 10:25

Eˬbaˬ aˬ li nyiˬ li jawˇ le-awˇ, tiˬ li-ahˇ Pehˇlehˆ lehˇ myahˇ nehˬ-euˬ meh. Aˬ yawꞈ dehꞈ le-euˬ aˇ nah aˇ yamˬ kʼoeˇ yamˬ laꞈ kʼoeˇ, tsawˇ haˬ zaˬ deuˬ gʼawˬ-iˇ gʼehˇ-iˇ luꞈ-eu miˇ neh, kʼoeˇ loꞈ-ehˇ myahˇ nehˬ-euˬ meh. Aˬ li yawˬ li yawˬ-ahˇ Yoˇtaˬ lehˇ myahˇ nehˬ-euˬ meh.

Aˇ dahˬ 10:5

Aˬ yawꞈ maꞈ-aˬ, iˬ ma laˆ shaˆ lawˇ taw jawˇ-eu tsawˇ jeuˬ deuˬ hawˇ-eu, iˇ jaw lahˇ deuˬ laꞈ kʼoeˇ jawˇ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh. Heu-aˬ, tsawˇ jeuˬ beu gaˇ-awˇ, miˇ kʼahˬ maˬ taꞈ-eu Yaˬpahˇ-euˬ zaˬ deuˬ uˆ deuˬ pyeuꞈ-eu meh. Aˬ yawꞈ maꞈ yawˬ ha tsawˇ jeuˬ-euˬ dawˬ yawˬ ha baw-eu meh.

1 Laˬsaˬbaˬ 16:18

“Kaˬnaˬ miˇ kʼahˬ nawˬ-ahˇ biꞈ-awˇ, nawˬ-euˬ bi pyeuꞈ tsehˆ-euˬ ma” lehˇ, dzaˬ taˬ-euˬ saˇ jaˇ jaˆ-eu meh.

Yawˇbaˆ 15:19

Aˬ yawꞈ maꞈ miˇ kʼahˬ laꞈ kʼoeˇ aˬ cawˬ tsawˇ jeuˬ tiˬ gʼaˬ-iˬ maˬ jawˇ-ehˇ, aˬ yawꞈ maꞈ-ahˇ Miˬyehˇ-ahˇ sheuˬ gʼawˬ nehˬ-eu tiˬ gʼaˬ-iˬ maˬ jawˇ-a.

Jaceuq 115:16

Mˬ-aˬ, Sahˬpaˬ Miˬyehˇ-euˬ tehꞈ-ehˇ pyeuꞈ kʼawꞈ, tsawˇ haˬ zaˬ-ahˇ miˇ tsaˬ tahˬ kʼawˇ biꞈ taˬ-euˬ meh.

Jaceuq 50:14

Guiˬ lahˬ-ahˇ noeˬ keuˆ-eu jeˬ naw maꞈ neh Miˬyehˇ-ahˇ lawˇ nehˬ-euˬ jeˬ bi pyeuꞈ-awˇ, naw maꞈ neh saˇ jaˇ kʼaˇ dzaˬ taˬ-euˬ loꞈ-ehˇ, Baoˬ huiˬ-eu gʼaˬ-ahˇ biꞈ-awˬ.

Jaceuq 7:17

SahˬpaˬMiˬyehˇ tsaˬ-eu dawˇ-eu, guiˬlahˬhuiˬ-awˇ ja ceuˬ-eu ma. Huiˬdui mahˇdui dui-eu Miˬyehˇ, aˬdui-euˬ SahˬpaˬMiˬyehˇ-ahˇ, ngaˇcaˇ-awˇ ja ceuˬnehˬ-eu ma.

Jaceuq 74:17

Mˬ dzeˇ miˇ dzeˇ miˇ kaˬ nawˬ neh biˇ-awˇ, jawˇ la hawˇ-eu tsahˬ gaˆ nawˬ neh dehˬ paˆ taˬ-euˬ meh.

Jaceuq 82:6

Naw maꞈ miˬ yehˇ meh lehˇ ngaˇ ehˇ-eu ma. Naw maꞈ yawˬ gʼaˬ na luꞈ Huiˬ dui mahˇ dui dui-eu Gʼaˬ-euˬ aˬ li tehꞈ meh.

Jaceuq 91:1

Miˬyehˇ-ahˇ kʼaˇ tahˬ shaˇ-eu tsawˇ haˬ deuˬ, Baoˬ huiˬ-eu Miˬyehˇ haw piˇ-eu uˬ moˆ kʼaˇ jawˇ-eu tsawˇ haˬ deuˬ

Jaceuq 92:8

Aˬ jeˬ miˇ neh ehˇ naˇ , Sahˬpaˬ Miˬyehˇ nawˇ mˬ maˬ maˬ byaˆ zaˇ ziˇ, dawˬ tawˆ luꞈ kʼoeˇ taˆ huiˬ dzehˬ-eu gʼaˬ meh.

Iˇsaˬyaˇ 14:14

Mˬ dmˇ uˬ du ngaˇ daˆ keuˆ leˇ-awˇ, Huiˬ dui mahˇ dui dui-eu gʼaˬ-ahˇ dehꞈ duˇ ma.”

Daˬyeˬlaˇ 4:17

Heu-aˬ, haw luꞈ pyaˆ luꞈ-eu mˬ taˆ gʼaˬ kʼehˇ neh noeˬ tsehˆ-awˇ, daˇ tsehˆ-euˬ dawˬ ma. Dawˬ tawˆ kʼoeˇ taˆ huiˬ-eu Miˬyehˇ-aˬ, tsawˇ haˬ zaˬ-euˬ miˇ kʼahˬ kʼoeˇ taˆ baoˬ jaˆ-awˇ, aˬ yawꞈ kʼaˇ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, teˬ dui nyiˇ dui dui-eu tsawˇ haˬ tiˬ gʼaˬ-ahˇ keuˆ ni, aˬ yawꞈ miˇ kʼahˬ dzoeˬ dzaˬ biꞈ keuˆ nehˬ nya-eu gaˇ kawˆ, mˬ dzeˇ miˇ dzeˇ keuˆ ni jawˇ-eu tsawˇ haˬ dawˬ tawˆ luꞈ siˬ duˬ luꞈ-uˇ’ lehˇ ehˇ-eu meh.

Daˬyeˬlaˇ 5:18

“Dawˬ tawˆ kʼoeˇ taˆ huiˬ-eu Miˬyehˇ neh nawˬ da-ahˇ huiˬ dui dui-eu sahˬ paˬ tiˬ gʼaˬ bi pyeuꞈ laˇ-awˇ, baoˬ yaw shehꞈ kʼahˬ sehˇ biꞈ nehˬ-euˬ meh.

Miˇkaˬ 2:5

Kʼoeˇ naˇ, Sahˬpaˬ Miˬyehˇ-euˬ tsawˇ haˬ deuˬ-ahˇ miˇ tsaˬ kʼoeˇ deuˬ paˇ biꞈ kʼoꞈ ngeh nah, naw maꞈ-ahˇ miˇ tsaˬ maˬ paˇ oꞈ meh.

Bawˇtsahˬ 23:9

Lo guˇ uˬ gʼmˬ-ahˇ jawˇ-awˇ, aˬ yawꞈ maꞈ-ahˇ ngaˇ mawˇ-euˬ ma. Gawˬ duˇ uˬ du daˆ-awˇ, aˬ yawꞈ maꞈ-ahˇ ngaˇ haw-euˬ ma. Aˬ yawꞈ maꞈ aˬ cawˬ-ahˇ maˬ keuˬ leˇ ni, yawˬ haˇ yawˬ ha jawˇ-eu tsawˇ jeuˬ meh. Aˬ cawˬ tsawˇ jeuˬ naˆ maˬ tseˇ yawˬ ha guiˬ lahˬ za-euˬ, aˬ yawꞈ maꞈ siˬ nya luꞈ meh.

Bawˇtsahˬ 24:16

Miˬyehˇ-euˬ dawˬ-ahˇ gaˬ nya-awˇ, dawˬ tawˆ luꞈ kʼoeˇ taˆ huiˬ dzehˬ mahˇ dzehˬ-eu gʼaˬ jawˇ gaˇ neh oe-euˬ zaˬ siˬ nui gahˇ za-euˬ gʼaˬ-euˬ dawˬ heu loˇ ma. Baoˬ huiˬ-eu Miˬyehˇ neh mehˬ nehˬ laꞈ-euˬ jeˬ-ahˇ, yaw sahˇ laꞈ kʼoeˇ maˇ jawˆ ni ngaˇ mawˇ-euˬ ma.

Gʼaˬkʼehˇ 17:26

Tsawˇ haˬ tiˬ gʼaˬ o neh miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ beh taˬ-euˬ jeˬ pyeuꞈ-awˇ, miˇ tsaˬ tahˬ kʼawˇ bi jawˇ byah taˬ-euˬ meh. Aˬ yawꞈ maꞈ yaw dehꞈ ya dehꞈ-eu aˇ yamˬ hawˇ-eu jawˇ duˬ-ahˇ, aˇ dahˬ beh ngeh neh neh lehˬ hmˬ taˬ-awˇ toꞈ tsaˬ jiˆ tsaˬ jiˇ taˬ-euˬ meh.

Gʼaˬkʼehˇ 7:48

“Ehˇ kʼawꞈ, Dawˬ tawˆ kʼoeˇ taˆ Huiˬ-eu Sahˬpaˬ Miˬyehˇ-aˬ, tsawˇ haˬ zaˬ-euˬ aˬ laꞈ neh tsoˆ-euˬ nymˇ-ahˇ jawˇ-eu maˬ ngeuˇ-a lehˇ, Miˬyehˇ gʼaˇ duˬ ngeh dah-eu tsawˇ haˬ neh ehˇ taˬ-euˬ heu loꞈ-ehˇ jaˆ-eu meh.

Dawˬmehˬ 33:28

Kʼoeˇ miˇ neh, Yaˬkoˆ-euˬ zaˬ deuˬ, dzaˬ la gʼo cehˇ aˬ gaꞈ dzaˇ uiˇ, dzaˬ ngeh maˬ jiˇ dawˇ ngeh maˬ shuꞈ, uˬ yehˇ loꞈ-ehˇ ceuˬ ga muiˬ-eu, miˇ kʼahˬ-ahˇ naw maꞈ ya jawˇ-awˇ, nui saˇ oꞈ-eu laꞈ kʼoeˇ dehꞈ-awˬ.