Dawˬmehˬ 32:5 - Akha

⁵ Yawꞈ-euˬ mehˬ shi naw maꞈ dehꞈ-eu, yawꞈ-ahˇ saˇ jaˇ puiˬ-euˬ miˇ neh, yaw lehˬ yaw ca myaˬ-eu naw maꞈ, yawꞈ-euˬ zaˬ lehˇ maˬ kuˇ geuˇ-a.

Dawˬmehˬ 32:5 ပူးပေါင်းရင်းမြစ်များ

Aˇ dahˬ 6:12

Miˇ tsaˬ-ahˇ Miˬyehˇ haw ngeh, cawˆ dui dui-iˇ taˬ-euˬ gaˇ ya mawˇ-euˬ meh. Aˬ jeˬ miˇ neh ehˇ naˇ, tsawˇ haˬ zaˬ dawˬ tawˆ luꞈ yaw haiˬ jeˬ tehꞈ-ehˇ mˇ-awˇ, maˬ tsaˬ maˬ dawˇ-eu jeˬ laꞈ kʼoeˇ tehꞈ-ehˇ yaw dehꞈ dehꞈ luꞈ-eu meh.

Jaceuq 78:8

Miˬyehˇ-ahˇ jah-eu maˬ ziꞈ-ehˇ, Miˬyehˇ-ahˇ saˇ jaˇ maˬ ziꞈ-eu uˬ taꞈ, aˬ yawꞈ-eu ehˇ dawˬ maˬ naˇ haˬ ni aˬ yawꞈ-ahˇ puiˬ-eu, aˬ yawꞈ maꞈ-euˬ aˬ poeˬ aˬ bawˇ kʼoeˇ deuˬ-ahˇ ma duˇ ni, aˬ yawꞈ maꞈ dehꞈ tehꞈ-a.

Doˆ-iˇ 32:7

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Yaw kawˇ ma-ehˇ gʼoꞈ ka-iˇ-awˬ. Aˬ jeˬ miˇ neh ehˇ naˇ, Iˇjiˇtuˆ miˇ kʼahˬ laꞈ kʼoeˇ nawˬ neh sheuˬ doˆ laꞈ-euˬ tsawˇ haˬ deuˬ iˬ baˇ mˇ-awˇ ngaˬ-ahˇ puiˬ luꞈ meh.

Dawqdaq 8:8

Ngaˇ kʼaˇ ehˇ-eu jeˬ tsaˬ dui dawˇ dui dui-awˇ, yaw lehˬ yaw ca maˬ ahˇ-eu miˇ neh,

Iˇsaˬyaˇ 1:4

Iˬ baˇ huiˬ-eu tsawˇ jeuˬ law hawˇ nga. Iˬ baˇ neh bi ciˬ tehˬ sehꞈ law hawˇ nga. Yaw haiˬ-euˬ zaˬ pyeuꞈ-awˇ, yaw bahˬ je poˆ-eu nga. Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-awˇ, Iˇsaˬleˬlaˆ-euˬ Muiˬ-eu shawˇ-eu gʼaˬ-ahˇ byehˇ dzeh-euˬ nga. Maˇ maˇ ni byehˇ tsehˆ tsehˆ-euˬ nga.

Iˇsaˬyaˇ 63:8

Sahˬpaˬ Miˬyehˇ ehˇ-eu, “Aˬ yawꞈ maꞈ ngaˬ-euˬ tsawˇ jeuˬ ma. ngaˬ-ahˇ jaˬ myawꞈ maˬ myawꞈ-aˇ” lehˇ ehˇ-awˇ, aˬ yawꞈ maꞈ-ahˇ ka kʼoꞈ-euˬ meh.

Hawˇseˬ 9:9

Giˇbyaˬ meuˬ-ahˇ dehꞈ ngeh loꞈ-ehˇ aˬ yawꞈ maꞈ kʼaˇ mˇ kʼaˇ shaˇ-eu, ehˇ kʼaˇ maˬ za ni haiˬ-eu meh. Iˬ baˇ kʼoeˇ deuˬ-ahˇ maˬ ngehˇ ni, Miˬyehˇ kʼehˬ nehˬ kʼaˆ nehˬ tehꞈ-a.

Zeˬpaˬniˇ 3:7

Ngaˬ-euˬ tsawˇ haˬ ngaˬ-ahˇ guˆ-awˇ, mehˬ nehˬ tsoˆ nehˬ gaˇ naˇ haˬ-awˇ, kʼaˇ mehˬ kʼaˇ tsoˆ dzeuˇ yaꞈ-euˬ jeˬ, maˬ ngehˇ leˇ-aˇ lehˇ noeˬ-euˬ kʼawꞈ, aˬ yawꞈ yaw oeˇ paˇ dehꞈ poˆ-awˇ, bahˬ-eu muˆ-eu jeˬ mˇ-eu meh.”

Bawˇtsahˬ 23:21

Iˇsaˬleˬlaˆ tsawˇ haˬ deuˬ mehˬ hu paw dehꞈ daˆ leꞈ-eu gaˇ kawˆ ngaˇ heu loꞈ-ehˇ mawˇ-euˬ ma. Guiˬ lahˬ doeˇ-eu jeˬ hawˇ-eu shaˬ-eu zahˬ-eu jeˬ, aˬ yawꞈ maꞈ kʼoeˇ taˆ maˬ paˇ keuˆ le meh. Aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ, aˬ yawꞈ maꞈ nehˬ-ehˇ jawˇ-eu meh. Aˬ yawꞈ-aˬ, aˬ yawꞈ maꞈ-euˬ sahˬ paˬ ma lehˇ, aˬ yawꞈ maꞈ guˇ-eu meh.

Maꞈtehˬ 16:4

Iˬ nah aˇ yamˬ-ahˇ dehꞈ luꞈ-eu tsawˇ haˬ deuˬ, zahˇ sahˇ kʼoꞈ maˬ baw ni aˇ naˆ ni haiˬ-eu nga. Kʼaˆ jeˬ-ehˇ gʼeh-eu jeˬ mˇ mehˬ nehˬ laꞈ lehˇ, naw maꞈ ngaˬ-ahˇ ehˇ-eu meh. Yawˇnaˆ-euˬ gaˇ kawˆ zahˬ leˇ paˬ-ehˇ gʼeh-eu kʼoeˇ maˬ ngeuˇ naˇ, naw maꞈ-ahˇ ngaˇ nui jeˬ maˬ mehˬ nehˬ.” Kʼoeˇ naˇ, aˬ yawꞈ maꞈ jawˇ gaˇ neh aˬ yawꞈ doˆ-iˇ-euˬ meh.

Maꞈtehˬ 17:17

Yeˬsuˇ ehˇ-eu, “Jah-eu nui ma maˬ ahˇ-eu naˬ lehˬ lehˬ-eu ziˇ heu ziˇ-ahˇ dehꞈ luꞈ-eu tsawˇ haˬ deuˬ-oˇ, naw maꞈ nehˬ-ehˇ aˇ myah keuˆ ni ngaˇ pa ya jawˇ ta. Aˇ myah keuˆ ni paˇ ya oˇ ta. Aˬ li kʼoeˇ li-ahˇ heu gaˇ sheuˬ laꞈ-awˬ.”

Maꞈtehˬ 3:7

Paˬliˬsehˇ deuˬ hawˇ-eu Saˬduˬgehˇ deuˬ kʼawꞈ, Yoˇhaˬ neh iˇ cuꞈ bi shawˇ-eu lehˇ oe luꞈ gaˇ Yoˇhaˬ ya mawˇ ngeh, heu loꞈ-ehˇ ehˇ nehˬ-euˬ meh. “Aˇ lawˇ uiˇ naˆ-euˬ zaˬ deuˬ-oˇ, Miˬyehˇ neh lehˬ hmˬ taˬ-euˬ kʼehˬ-eu kʼaˆ-eu jeˬ-ahˇ ya buˬ-iˇ ni jahˇ-awˬ lehˇ, naw maꞈ-ahˇ aˬ suˇ gʼaˬ ehˇ nehˬ laꞈ taˬ.

Luˇkaꞈ 9:41

Yeˬsuˇ ehˇ-eu, “Jah-eu nui ma maˬ ahˇ-eu naˬ lehˬ lehˬ-eu ziˇ heu ziˇ-ahˇ dehꞈ luꞈ-eu tsawˇ haˬ deuˬ-oˇ, naw maꞈ nehˬ-ehˇ ngaˇ aˇ myah keuˆ ni paˇ ya jawˇ ta. Naw maꞈ-ahˇ ngaˇ aˇ myah keuˆ ni paˇ ya oˇ ta. Nawˬ li-ahˇ heu gaˇ sheuˬ laꞈ-awˬ.”

Yoˇhaˬ 8:41

Naw maꞈ-aˬ, naw maꞈ-euˬ aˬ da mˇ-euˬ loꞈ-ehˇ mˇ-eu meh. Aˬ yawꞈ maꞈ ehˇ-eu, “Nga maꞈ-euˬ aˬ da-aˬ, Miˬyehˇ tiˬ gʼaˬ tehꞈ ma. Nga maꞈ maˇ maˇ ni aˬ yawꞈ-euˬ zaˬ ma. Jawˇ zaˇ shaˬ leˇ-awˇ dehꞈ le-euˬ zaˬ deuˬ maˬ ngeuˇ.”

Gʼaˬkʼehˇ 2:40

Beˬtuˆluˆ-aˬ, aˬ yawꞈ maꞈ-ahˇ gʼawˬ mya jeˬ ja ja-ehˇ mehˬ nehˬ-awˇ heu loꞈ ehˇ gʼaˬ biꞈ nehˬ-euˬ meh. “Ziˇ heu ziˇ-ahˇ dehꞈ-eu haiˬ-eu tsawˇ haˬ heu deuˬ kʼoeˇ taˆ keuˆ le-eu lehˇ gʼeh-eu kʼehˬ-eu kʼaˆ-eu jeˬ laꞈ kʼoeˇ, naw maꞈ ya buˬ-iˇ ni leh jeh-awˬ.”

Gʼaˬkʼehˇ 7:51

Naw maꞈ nui ma aˇ naˆ naˆ-ehˇ gʼahˇ te. Naˬ bawˇ aˇ naˆ naˆ-ehˇ tuˇ te. Miˬyehˇ-ahˇ maˬ siˬ nya-eu tsawˇ haˬ deuˬ loꞈ-ehˇ aˇ naˆ naˆ-ehˇ dzawˬ te. Naw maꞈ-aˬ, naw maꞈ-euˬ aˬ poeˬ aˬ bawˇ deuˬ-ahˇ duˇ-awˇ, Muiˬ-eu shawˇ-eu Yaw sahˇ Miˬyehˇ-euˬ dawˬ-ahˇ tiˬ jawˇ-iˬ maˬ naˇ haˬ geuꞈ-a.

2 Gawˇliˬtu 11:3

Eˇbaˆ-ahˇ aˇ lawˇ neh mehˇ shuiˇ bi shuiˇ tawˆ-euˬ loꞈ-ehˇ, Ka li-ahˇ maˇ maˇ ni shawˇ jehˆ ni gaˬ-eu naw maꞈ-euˬ nui ma bi tsahˇ pyawˇ gaˇ ngaˇ kʼahˬ lahˇ dui dui nya.

Dawˬmehˬ 31:29

Ngaˇ shiˇ dzeuˇ ngeh jawˇ, tsawˇ haˬ heu deuˬ yaw haiˬ jeˬ mˇ-awˇ, ngaˬ neh aˬ yawꞈ maꞈ-ahˇ mehˬ nehˬ tsoˆ nehˬ-euˬ jeˬ-ahˇ byehˇ dzeh tehꞈ-a. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, luˬ-iˇ seˇ-iˇ-eu jeˬ aˬ yawꞈ maꞈ ya tahˬ puˬ tehꞈ-a. Aˬ jeˬ miˇ neh ehˇ naˇ, Sahˬpaˬ Miˬyehˇ neh laˆ tsoeˬ taˬ-euˬ jeˬ aˬ yawꞈ maꞈ mˇ-eu laꞈ kʼoeˇ, aˬ yawꞈ nui ma pehˇ ni aˬ yawꞈ maꞈ jahˇ tehꞈ-a.”

Dawˬmehˬ 32:20

Kʼoeˇ naˇ, aˬ yawꞈ ngehˬ-euˬ dawˬ-aˬ, ‘Yawꞈ maꞈ-ahˇ ngehˬ maˬ paˇ gʼeh ma. Nui ma gʼahˇ-awˇ saˇ jaˇ puiˬ-eu, aˬ jeˬ keuˆ le nga lehˇ haw ma.

Dawˬmehˬ 4:25

“Miˇ kʼahˬ kʼoeˇ kʼahˬ laꞈ kʼoeˇ naw maꞈ gʼawˬ myahˇ ni jawˇ keuˆ laꞈ-awˇ, zaˬ deuˬ hawˇ-eu oeˬ paˬ oeˬ ma deuˬ jawˇ le-euˬ kʼawꞈ, aˬ joˆ-ehˇ gʼeh-eu tahˬ pahˬ aˬ ma mawˇ kawˇ maˬ kaˬ, naw maꞈ tehˆ-eu laꞈ kʼoeˇ iˬ baˇ taˬ mˇ. Kʼoeˇ loꞈ-ehˇ jahˇ-eu jeˬ-aˬ, Sahˬpaˬ Miˬyehˇ mehˬ shi maˬ muiˬ maˬ jaˬ-eu jeˬ pyeuꞈ-awˇ, aˬ yawꞈ-ahˇ nui ma bi pehˇ tehꞈ-a.

Dawˬmehˬ 9:24

Aˬ yawꞈ-ahˇ naw maꞈ maˬ jah-ehˇ, aˬ yawꞈ-euˬ ehˇ dawˬ-ahˇ naw maꞈ maˬ naˇ haˬ-aˬ. Naw maꞈ-ahˇ ngaˇ siˬ nya ngeh tiˬ nah neh, Sahˬpaˬ Miˬyehˇ-ahˇ naw maꞈ puiˬ luꞈ-eu meh.

Piˇliˇpiˆ 2:15

Kʼoeˇ loꞈ-ehˇ mˇ naˇ, iˬ baˇ mˇ-awˇ bahˬ-eu muˆ-eu tsawˇ haˬ deuˬ jawˇ-eu miˇ tsaˬ heu kʼoeˇ taˆ, naw maꞈ-aˬ, iˬ baˇ taˬ kʼaˇ maˬ za ni muiˬ dui dui-eu Miˬyehˇ-euˬ zaˬ deuˬ pyeuꞈ laˇ tehꞈ-a. Mˬ kʼoeˇ taˆ tsehˬ-eu aˬ guiˇ loꞈ-ehˇ aˬ yawꞈ maꞈ-ahˇ yaw shehꞈ bya nehˬ-awˬ.

Yaˇ kʼaˬ daˇ 2:19

Ehˇ kʼawꞈ, aˬ yuiꞈ aˬ tsu kʼoeˇ gʼaˬ shiˇ dzeuˇ naˇ, aˬ yawꞈ maꞈ aˬ yawꞈ yaw oeˇ loꞈ-ehˇ paˇ dehꞈ poˆ-awˇ, yaw beh ziˇ naˆ maˬ tseˇ, maˬ muiˬ maˬ jaˬ-eu jeˬ paˇ mˇ-euˬ meh. Miˬyehˇ nui deuˬ-ahˇ uˬ duˬ paˇ tahˬ-awˇ, aˬ yawꞈ maꞈ mˇ luꞈ-eu maˬ muiˬ maˬ jaˬ-eu jeˬ-ahˇ kʼawꞈ, maˬ byehˇ dzeh ni mˇ-euˬ meh.