Dawˬmehˬ 32:46 - Akha

⁴⁶ aˬ yawꞈ ehˇ-eu, “Iˬ nah ngaˇ naw maꞈ-ahˇ biꞈ gʼaˬ-eu zahˇ dawˬ kʼoꞈ dawˬ heu deuˬ-ahˇ maˬ ngehˇ ni caw teh-awˬ. Naw maꞈ-euˬ zaˬ deuˬ kʼawꞈ, Sahˬpaˬ Miˬyehˇ neh mehˬ nehˬ tsoˆ nehˬ-eu dawˬ deuˬ-ahˇ saˇ jaˇ ziꞈ-awˇ naˇ haˬ geuꞈ nya ni mehˬ poˆ nehˬ-awˬ.

Dawˬmehˬ 32:46 ပူးပေါင်းရင်းမြစ်များ

1 Laˬsaˬbaˬ 22:19

Naw maꞈ-euˬ nui ma saꞈ laˇ dawˬ tawˆ luꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ gaˇ mˇ-awˬ. Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ hawˇ-eu, aˬ yawꞈ-ahˇ uˬ duˬ tahˬ gaˇ geuꞈ-eu muiˬ-eu shawˇ-eu mˇ myawˬ keu ka dawˬ tawˆ luꞈ bi jaˆ-eu gʼaˇ duˬ, Uˬ duˬ tahˬ nymˇ nymˇ ma tsoˆ-eu dawꞈ leˇ-awˬ.”

Jaceuq 78:5

Iˇsaˬleˬlaˆ tsawˇ haˬ-ahˇ zahˇ sahˇ kʼoꞈ deuˬ aˬ yawꞈ biꞈ yaꞈ-awˇ, Yaˬkoˆ-euˬ zaˬ deuˬ uˆ deuˬ-ahˇ zahˇ dawˬ kʼoꞈ dawˬ biꞈ yaꞈ-euˬ meh. Zaˬ deuˬ-ahˇ aˬ yawꞈ-euˬ zahˇ dawˬ kʼoꞈ dawˬ bi mehˬ yaꞈ-eu gʼaˇ duˬ, aˬ dui-euˬ aˬ poeˬ aˬ bawˇ deuˬ-ahˇ aˬ yawꞈ mehˬ yaꞈ tsoˆ yaꞈ-euˬ meh.

Dawqdaq 12:28

Yaw tsaˬ yaw dawˇ jeˬ-aˬ, dehꞈ-eu gaˇ ma pyeuꞈ-awˇ, yaw haiˬ jeˬ-aˬ, shiˇ-eu gaˇ dahˬ meh.

Yeˬsaˬgeˬlaˇ 40:4

Aˬ yawꞈ ngaˬ-ahˇ ehˇ-eu, “Tsawˇ haˬ zaˬ-oˇ, haw taˬ-awˬ. Naˬ bawˇ yaw muiˬ paˬ-ehˇ ciˬ kʼmˇ-awˇ, ngaˇ nawˬ-ahˇ kʼaˇ mehˬ nehˬ laꞈ-eu jeˬ-ahˇ yaw muiˬ paˬ-ehˇ haw duˬ taˬ-awˬ. Aˬ jeˬ miˇ neh ehˇ naˇ, heu loꞈ-ehˇ bi haw taˬ-eu gʼaˇ duˬ nawˬ-ahˇ heu gaˇ sheuˬ laꞈ-euˬ meh. Nawˬ neh kʼaˇ ya mawˇ-euˬ yawˬ jeˬ na luꞈ Iˇsaˬleˬlaˆ tsawˇ haˬ deuˬ-ahˇ nawˇ ya dzawˇ nehˬ-iˇ meh.”

Yeˬsaˬgeˬlaˇ 44:5

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ zaˬ-oˇ, nawˇ kʼaˇ ya gaˬ kʼaˇ ya mawˇ-euˬ jeˬ-ahˇ yaw muiˬ paˬ-ehˇ noeˬ taˬ juiˇ taˬ-awˬ. Uˬ duˬ tahˬ nymˇ nymˇ ma-ahˇ taꞈ leˇ-eu zahˇ sahˇ kʼoꞈ deuˬ, ngaˇ nawˬ-ahˇ ehˇ nehˬ-eu lehˇ gʼeh-eu ma. Aˬ joˆ-ehˇ gʼeh-eu tsawˇ haˬ deuˬ uˇ leˇ kʼmˬ-awˇ, aˬ joˆ-ehˇ gʼeh-eu tsawˇ haˬ deuˬ maˬ uˇ leˇ kʼmˬ-eu gaˇ kawˆ, yaw duˬ duˬ-ehˇ noeˬ taˬ juiˇ taˬ-awˬ.

Aˬmoˆ 5:4

Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ ehˇ-eu, “Ngaˇ jawˇ gaˇ laˇ-awˬ.

Luˇkaꞈ 9:44

“Dawˬ heu dawˬ-ahˇ naˬ bawˇ yaw muiˬ paˬ-ehˇ ciˬ kʼmˇ taˬ de. Tsawˇhaˬ-euˬ Zaˬmaˇ-ahˇ aˬ cawˬ-euˬ aˬ laꞈ laꞈ kʼoeˇ a nehˬ tehꞈ-a.”

Dawˬmehˬ 11:18

“Zahˇ dawˬ kʼoꞈ dawˬ heu deuˬ-ahˇ maˬ ya ngehˇ leˇ ni, naw maꞈ-euˬ nui ma laꞈ kʼoeˇ yaw muiˬ paˬ-ehˇ juiˇ taˬ-awˬ. Aˬ myah luꞈ noeˬ keuˆ-eu gʼaˇ duˬ, zahˇ dawˬ kʼoꞈ dawˬ heu deuˬ naw maꞈ-euˬ laꞈ du-ahˇ paꞈ-awˇ, naˇ kʼawˇ-ahˇ geuꞈ taˬ gʼeh-awˬ.

Dawˬmehˬ 11:19

Naw maꞈ-euˬ zaˬ deuˬ-ahˇ zahˇ dawˬ kʼoꞈ dawˬ kʼoeˇ deuˬ mehˬ nehˬ tsoˆ nehˬ-awˬ. Naw maꞈ iˇ kahˇ jawˇ ngeh maˬ ehˇ, gaˇ mahˇ kaˬ gaˇ iˇ ngeh maˬ ehˇ, gʼaˬ naˬ naˬ ngeh maˬ ehˇ, gaˇ mˇ ngeh maˬ ehˇ, zahˇ dawˬ kʼoꞈ dawˬ gaˇ kawˆ ja uˇ ja uˇ-ehˇ jawˇ-awˬ.

Dawˬmehˬ 32:45

Miˬyehˇ mehˬ-euˬ tsoˆ-euˬ dawˬ deuˬ Iˇsaˬleˬlaˆ tsawˇ haˬ deuˬ-ahˇ Moˇseˬ biꞈ gʼaˬ ngeh,

Dawˬmehˬ 4:6

Naw maꞈ aˇ naˆ ni zaˬ siˬ tsawˇ gahˇ ahˇ-eu gaˇ kawˆ aˬ cawˬ tsawˇ jeuˬ deuˬ ya siˬ ya mawˇ ni, zahˇ dawˬ kʼoꞈ dawˬ heu deuˬ-ahˇ tiˬ byah tiˬ loꞈ caw teh-awˬ. Zahˇ dawˬ kʼoꞈ dawˬ heu deuˬ dawˬ tawˆ luꞈ gaˇ kawˆ aˬ yawꞈ maꞈ ya gaˬ ngeh, ‘Huiˬ-eu tsawˇ jeuˬ heu jeuˬ aˇ naˆ naˆ-ehˇ gʼeh-eu zaˬ siˬ-eu tsawˇ gahˇ hawˇ-eu siˬ nya-eu jeˬ ahˇ law hawˇ maˬ siˬ ngaˇ’ lehˇ aˬ yawꞈ maꞈ ehˇ tehꞈ-a.

Dawˬmehˬ 4:9

Naw maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ, naw maꞈ myaˆ nuiˆ neh ya haw mawˇ yaꞈ-euˬ jeˬ-ahˇ maˬ ya ngehˇ byoˆ ni, yaw muiˬ paˬ-ehˇ yahˇ-awˇ dehꞈ-awˬ. Naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ gaˇ kawˆ kʼoeˇ deuˬ dzawˇ mehˬ nehˬ-awˬ.

HeˬByehˇ 2:1

Kʼoeˇ miˇ neh, aˬ dui-ahˇ yawˬ paw yawˬ maˬ bi tsahˇ jiˆ gʼeh-eu gʼaˇ duˬ, aˬ dui ya gaˬ taˬ-euˬ yaw tsaˬ yaw dawˇ jeˬ-ahˇ heu naˆ maˬ tseˇ ziꞈ dah ni ya tuˆ tehˬ taˬ meh.