Dawˬmehˬ 32:42 - Akha

⁴² Ngaˬ-euˬ kaˆ myaˬ shiˬ dawˇ yehꞈ-awˇ, ngaˬ-euˬ mi cehˇ shaˬ jiˇ dzaˬ-ehˇ, ngaˬ-ahˇ guiˇ kʼaˇ deuˆ laˇ-eu deuˬ, tiˬ gʼaˬ-iˬ maˬ bi dzeuˇ-iˇ ma. Deuˆ tahˬ-awˇ nyehꞈ mi-euˬ deuˬ kʼawꞈ, dawˬ tawˆ luꞈ ya shiˇ jiˇ tehꞈ-a.’

Dawˬmehˬ 32:42 ပူးပေါင်းရင်းမြစ်များ

2 Saˬmeuˬlaˆ 1:22

Yawˇnaˆshaˬ-euˬ shiˬ mehꞈ-eu kaˆ, tsawˇ haˬ sehꞈ dehˆ-euˬ maˬ baw-ehˇ, Sawˇluˆ-euˬ guiˇ deuˆ-eu mi cehˇ, shaˬ jiˇ dzaˬ dehˆ-euˬ maˬ baw-a.

Yawˇbaˆ 13:24

“Aˬ jeˬ miˇ neh nawˬ-euˬ myaˆ pyawˬ ngaˬ-ahˇ maˬ bi mawˇ laꞈ te. Aˬ jeˬ miˇ neh muiˇ-eu tsawˇ haˬ tiˬ gʼaˬ loꞈ-ehˇ sawˇ nehˬ laꞈ te.

Jaceuq 45:5

Nawˬ-euˬ kaˆ myaˬ taˆ dui dui-awˇ, muiˇ-eu deuˬ-euˬ nui ma-ahˇ beuˆ tsoˆ-eu laꞈ kʼoeˇ, aˬ cawˬ tsawˇ jeuˬ deuˬ nawˬ-euˬ aˬ kuiˇ dawˬ peh ya coˬ lah tehꞈ-a.

Jaceuq 45:6

Miˬyehˇ neh nawˬ-ahˇ biꞈ-euˬ miˇ kʼahˬ, mˬ maˬ maˬ byaˆ zaˇ ziˇ ziꞈ tehꞈ-a. Yaw tsaˬ yaw dawˇ laꞈ kʼoeˇ nawˬ-euˬ tsawˇ haˬ deuˬ-ahˇ nawˇ uˆ lahˇ-awˇ,

Jaceuq 68:23

Kʼoeˇ ngeh, aˬ yawꞈ maꞈ-euˬ shiˬ laꞈ kʼoeˇ, nawˬ-euˬ aˬ kuiˇ cawˬ puꞈ-awˇ ya cah-awˇ, nawˬ-euˬ aˬ kuiˬ deuˬ shiˬ maˬ myeuꞈ jiˇ coeˇ-aˇ.

Iˇsaˬyaˇ 34:5

Mˬ taˆ Sahˬpaˬ Miˬyehˇ mi cehˇ sheu doˆ leꞈ-awˇ, aˬ yawꞈ laˆ cawˆ ma lehˇ noeˬ duˬ taˬ-euˬ deuˬ jawˇ luꞈ-eu, Eˬdoˬ meuˬ-ahˇ deuˆ le tehꞈ-a.

Yeˬlaˬmiˇ 12:12

Kʼaˇ shuiꞈ deh ga gawˬ duˇ yaw goˇ deuˬ nyiˬ tsehˆ-ehˇ, yaw haiˬ jeˬ mˇ le-eu tsawˇ haˬ deuˬ oe luꞈ meh. Miˇ kʼahˬ kʼahˬ lah ni bi laˆ cawˆ jiˇ-eu gʼaˇ duˬ, guiˇ deuˆ-eu jeˬ ngaˇ bi keuˆ le-awˇ, tsawˇ haˬ tiˬ gʼaˬ-iˬ nui saˇ maˬ oꞈ-a.

Yeˬlaˬmiˇ 16:10

“Gaˇ kawˆ heu deuˬ dawˬ tawˆ luꞈ aˬ yawꞈ maꞈ-ahˇ nawˇ ja nehˬ ngeh, aˬ jeˬ miˇ neh aˬ yawꞈ maꞈ-ahˇ kʼoeˇ naˆ naˆ-ehˇ kʼehˬ nehˬ-eu gʼaˇ duˬ ngaˇ noeˬ tsehˆ taˬ-eu ta lehˇ, aˬ yawꞈ maꞈ nawˬ-ahˇ naˇ haˬ laˇ tehꞈ-a. Aˬ yawꞈ maꞈ iˬ baˇ mˇ taˬ-euˬ aˬ jeˬ jaˆ-awˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ neh mˇ bahˬ taˬ-euˬ aˬ jeˬ jaˆ ta lehˇ naˇ haˬ laˇ tehꞈ-a.

Yeˬlaˬmiˇ 30:14

Yaw beh naw maꞈ-ahˇ gaˬ-euˬ tsawˇ haˬ deuˬ, naw maꞈ-ahˇ ngehˇ tsehˆ jiˇ-awˇ, naw maꞈ gaˇ kawˆ maˬ shaˇ noeˬ-a. Naw maꞈ iˬ baˇ myaˬ dui dui-awˇ, lehˬ-eu ca-eu aˇ dzehˬ dzeuˇ-eu miˇ neh, naw maꞈ-ahˇ ngaˇ muiˇ-eu laꞈ kʼoeˇ, yaw kʼaˆ-ehˇ kʼehˬ-euˬ ma.

Yeˬlaˬmiˇ 46:10

Aˇ nah heu Dawˬ tawˆ kʼoeˇ taˆ uˆ lahˇ-eu-aˬ, Baoˬ huiˬ-eu Sahˬpaˬ Miˬyehˇ-euˬ aˇ nah meh. Iˬ nah aˬ yawꞈ laꞈ poˆ poˆ-awˇ, muiˇ-eu deuˬ-ahˇ kʼehˬ nehˬ tehꞈ-a. Aˬ yawꞈ mi cehˇ aˬ yawꞈ maꞈ-euˬ shaˬ jiˇ tiˬ dehˆ dzaˬ-awˇ, aˬ yawꞈ maꞈ-euˬ shiˬ tiˬ dehˆ dawˇ tehꞈ-a. Iˬ nah kʼoeˇ taˆ paw Uˇpaˬlaˇ lawˇ baˬ dawˬ peh, Baoˬ huiˬ-eu gʼaˬ tsawˇ shiˇ kʼoeˇ deuˬ lawˇ tehꞈ-a.

Yeˬlaˬmiˇ 46:14

“Iˇjiˇtuˆ miˇ kʼahˬ-ahˇ jaˆ-eu meuˬ deuˬ pyeuꞈ-eu, Miˇgaˬdawˇlaˆ, Meˬpiˇ hawˇ-eu, Taˬpaˬneˬ laꞈ kʼoeˇ, heu loꞈ-ehˇ ehˇ gaˬ-awˬ. ‘Yawˬ haˇ yawˬ ha deuˆ piˇ nya ni lehˬ hmˬ taˬ-awˬ. Naw maꞈ guiˇ deuˆ-awˇ ya shiˇ jiˇ tehꞈ-a.

Ngoeˇ dawˬ 2:5

Muiˇ-eu tsawˇ haˬ tiˬ gʼaˬ loꞈ-ehˇ, Iˇsaˬleˬlaˆ-euˬ miˇ kʼahˬ-ahˇ, Sahˬpaˬ Miˬyehˇ laˆ cawˆ-euˬ meh. Sahˬ paˬ jawˇ-eu hawˇ nymˇ hawˇ-eu, ziꞈ dah ni gʼeh-eu taˆ deuˬ-ahˇ, aˬ yawꞈ laˆ cawˆ jiˇ nehˬ-euˬ meh. Yuˇdaˆ tsawˇ haˬ tsawˇ ngoeˇ ngoeˇ-eu, maˬ naˬ nya ni jahˇ nehˬ-euˬ meh.

Dawˬmehˬ 32:23

“Shaˬ zahˬ duˬ gahˬ baꞈ daˆ nehˬ-awˇ, kaˆ myaˬ dawˬ tawˆ beuˆ tsoˆ nehˬ ma.