Dawˬmehˬ 32:41 - Akha

⁴¹ Ngaˬ-euˬ mi cehˇ ngaˇ siˬ taˆ-awˇ, yaw tsaˬ yaw dawˇ jeˬ mˇ byah ma. Muiˇ-eu deuˬ-ahˇ laꞈ poˆ poˆ-awˇ, ngaˬ-ahˇ bye gaˇ ngaˇ kʼehˬ nehˬ ma.

Dawˬmehˬ 32:41 ပူးပေါင်းရင်းမြစ်များ

Jaceuq 149:9

Miˬ yehˇ neh dawˬ biꞈ-euˬ loꞈ-ehˇ aˬ cawˬ tsawˇ jeuˬ-ahˇ kʼehˬ-eu gʼaˇ duˬ, (Mi cehˇ tuˆ tehˬ-awˇ ja ceuˬ ngeh yaw kʼaˆ-ehˇ guˇ luꞈ-uˇ.) Heu-aˬ, Miˬyehˇ-euˬ tsawˇ haˬ deuˬ gʼaˬ leˇ-euˬ bawˬ-iˬ meh. Sahˬpaˬ Miˬyehˇ-ahˇ ja ceuˬ-awˬ.

Jaceuq 31:23

Yawꞈ-euˬtsawˇmuiˬtsawˇjaˬdeuˬ-oˇ, SahˬpaˬMiˬyehˇ-ahˇgaˬ-awˬ. Saˇjaˇziꞈ-eu tsawˇhaˬdeuˬ-ahˇ SahˬpaˬMiˬyehˇ haw piˇnehˬ-awˇ, nui ma huiˬ-eu tsawˇhaˬdeuˬ-ahˇ, yaw kʼaˆkʼaˆ-ehˇkʼehˬnehˬ-eu meh.

Jaceuq 7:12

Yawꞈmaꞈnui ma maˬnoeˬpaˇnaˇ, Miˬyehˇ mi cehˇshiˬtaˆ taˬ-awˇ, kaˆngoꞈdaˆ-awˇ loꞈluꞈ-eu meh.

Jaceuq 7:13

Sehꞈ-eu keu ka lehˬhmˬtaˬ-awˇ, kaˆmyaˬneh mawˬdziˇtaˬ-euˬmeh.

Doˆ-iˇ 20:5

Tahˬ pahˬ aˬ ma mawˇ kawˇ mehˬ shi nawˇ maˬ ya awˆ byaˆ-a. Uˬ duˬ maˬ ya tahˬ-a. Aˬ jeˬ miˇ neh ehˇ naˇ, ngaˇ-aˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-awˇ, myaˆ naˆ-eu Miˬyehˇ tiˬ gʼaˬ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ nehˬ-awˇ, aˬ yawꞈ maꞈ-euˬ zaˬ ziˇ oeˬ ziˇ keuˆ ni ngaˇ kʼehˬ nehˬ ma.

Iˇsaˬyaˇ 1:24

Kʼoeˇ miˇ neh Dawˬ tawˆ kʼoeˇ taˆ huiˬ-eu Sahˬpaˬ Miˬyehˇ, Iˇsaˬleˬlaˆ-euˬ baoˬ huiˬ-eu Miˬyehˇ, heu loꞈ-ehˇ ehˇ-eu meh. “Haw taˬ lawˬ. Ngaˬ-ahˇ muiˇ-eu deuˬ-ahˇ ngaˇ jahˇ kʼoꞈ ma. Aˬ yawꞈ maꞈ ngaˬ-ahˇ maˬ paˇ bi laˆ bahˬ ma.

Iˇsaˬyaˇ 27:1

Aˇ nah kʼoeˇ nah-ahˇ, Sahˬpaˬ Miˬyehˇ aˬ yawꞈ-euˬ baoˬ huiˬ dui dui-eu mi cehˇ-ahˇ gʼoe-awˇ, joe joe-ehˇ maˬ ehˇ, yaw gʼahˬ yaw diˆ-ehˇ maˬ ehˇ, cah nya-eu Leˬbeˇdaˬ aˇ lawˇ ma kʼoeˇ mawˇ-ahˇ kʼehˬ-awˇ, iˬ ma laˆ shaˆ-ahˇ uˇ-eu byaˆ yahˬ yahˬ ma kʼoeˇ mawˇ-ahˇ sehꞈ tehꞈ-a.

Iˇsaˬyaˇ 59:18

Aˬ yawꞈ maꞈ neh kʼaˇ mˇ-euˬ jeˬ aˬ yawꞈ mˇ kʼoꞈ tehꞈ-a. Muiˇ-eu deuˬ-ahˇ aˬ yawꞈ-euˬ nui ma bi mawˇ-awˇ, puiˬ-eu deuˬ-ahˇ yaw doeˇ jahˇ kʼoꞈ tehꞈ-a. Gaˇ mahˇ kaˬ gaˇ jawˇ-eu deuˬ kʼawꞈ maˬ dzeuˇ-iˇ-a.

Iˇsaˬyaˇ 66:16

Iˬ baˇ kʼaˇ ahˇ-eu miˇ tsaˬ zaˬ deuˬ-ahˇ, miˬ dzaˬ hawˇ-eu mi cehˇ neh kʼehˬ nehˬ-eu miˇ neh, tsawˇ haˬ gʼawˬ mya ni shiˇ tehꞈ-a.

Iˇsaˬyaˇ 66:6

Meuˬ-ahˇ lawꞈ gʼa luꞈ-eu teˇ saˇ hawˇ-eu Uˬ duˬ tahˬ nymˇ nymˇ ma laꞈ kʼoeˇ guˇ-eu teˇ saˇ-ahˇ naˇ haˬ sheˇ. Muiˇ-eu deuˬ-ahˇ Sahˬpaˬ Miˬyehˇ kʼehˬ luꞈ-eu teˇ saˇ meh.

Yeˬlaˬmiˇ 44:26

Ehˇ kʼawꞈ, nymˬ-mˇ poˆ jawˇ-aˬ, Sahˬpaˬ Miˬyehˇ pyeuꞈ-eu ngaˬ neh, baoˬ huiˬ-eu ngaˬ-euˬ tsawˇ myahˇ-ahˇ gʼoe-awˇ Iˇjiˇtuˆ miˇ kʼahˬ laꞈ kʼoeˇ jawˇ luꞈ-eu naw maꞈ Iˇsaˬleˬlaˆ tsawˇ haˬ dawˬ tawˆ luꞈ-ahˇ saˇ jaˇ biꞈ gaˇ naˇ haˬ-awˬ. Naw maꞈ ngaˬ-euˬ tsawˇ myahˇ-ahˇ gʼoe gʼoe-ehˇ, dehꞈ luꞈ-eu Sahˬpaˬ Miˬyehˇ mehˬ shi kamˬ-eu ma lehˇ tiˬ jawˇ-iˬ maˬ paˇ bi ehˇ ma.

Yeˬlaˬmiˇ 50:18

Kʼoeˇ baˬ da neh, Iˇsaˬleˬlaˆ-euˬ Miˬyehˇ pyeuꞈ-eu ngaˇ Baoˬ huiˬ-eu Sahˬpaˬ Miˬyehˇ-aˬ, Aˬshuˇliˆ sahˬ paˬ-ahˇ kʼehˬ nehˬ-euˬ loꞈ-ehˇ, sahˬ paˬ Neˬbuˬkaˬneˬzaˬ hawˇ-eu aˬ yawꞈ-euˬ miˇ kʼahˬ-ahˇ kʼawꞈ kʼehˬ nehˬ ma.

Yeˬlaˬmiˇ 50:28

Baˬbuˇloˬ miˇ kʼahˬ-ahˇ neh cehˆ doˆ laˇ-euˬ tsawˇ haˬ deuˬ Yeˬluˇsaˬlehˬ meuˬ-ahˇ cehˆ laˇ-awˇ, aˬ yawꞈ-euˬ Uˬ duˬ tahˬ nymˇ nymˇ ma-ahˇ Baˬbuˇloˬ tsawˇ haˬ deuˬ yehˬ bawˬ sehˇ lu-ehˇ jahˇ yaꞈ-euˬ baˬ da neh, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ maꞈ-ahˇ aˬ joˆ-ehˇ paˇ jahˇ poˆ nehˬ-euˬ gaˇ kawˆ dzawˇ le-euˬ meh.

Yeˬlaˬmiˇ 50:29

“Kaˆ baꞈ-awˇ guiˇ deuˆ-eu deuˬ-ahˇ Baˬbuˇloˬ meuˬ-ahˇ deuˆ-awˬ lehˇ ehˇ nehˬ-awˬ. Kaˆ kʼaˇ beuˆ nya-eu deuˬ bi iˇ-awˬ. Tiˬ gʼaˬ-iˬ maˬ bi dzeuˇ-iˇ ni meuˬ-ahˇ loꞈ jawˬ-awˬ. Aˬ yawꞈ neh aˬ cawˬ-ahˇ kʼaˇ jahˇ nehˬ-euˬ jeˬ, aˬ yawꞈ-ahˇ paˇ jahˇ kʼoꞈ nehˬ-awˬ. Aˬ jeˬ miˇ neh ehˇ naˇ, aˬ yawꞈ nui ma huiˬ-eu laꞈ kʼoeˇ, Iˇsaˬleˬlaˆ-euˬ Muiˬ dui shawˇ dui dui-eu Gʼaˬ pyeuꞈ-eu ngaˬ-ahˇ jahˇ gʼeh haw-euˬ meh.

Yeˬsaˬgeˬlaˇ 21:20

Gaˇ ma tiˬ kahˇ-aˬ, mi cehˇ kʼoeˇ kahˇ-ahˇ, Aˬmo tsawˇ jeuˬ-euˬ Laˬbah meuˬ-ahˇ toeˬ mehˬ-awˇ, yawˬ kahˇ yawˬ-aˬ, Yuˇdaˆ miˇ kʼahˬ hawˇ-eu paˇ tsoˆ muiˬ taˬ-euˬ Yeˬluˇsaˬlehˬ meuˬ-ahˇ bi toeˬ mehˬ-awˬ.

Yeˬsaˬgeˬlaˇ 25:14

Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ Eˬdoˬ miˇ kʼahˬ-ahˇ laꞈ poˆ poˆ kʼoꞈ nehˬ-awˇ, ngaˇ nui ma pehˇ-eu jeˬ Eˬdoˬ miˇ kʼahˬ-ahˇ siˬ leˇ ngeh keuˆ ni jahˇ nehˬ tehꞈ-a. Ngaˇ laꞈ poˆ poˆ kʼoꞈ nehˬ-euˬ jeˬ aˬ joˆ-ehˇ gʼeh-eu nya lehˇ, aˬ yawꞈ maꞈ-ahˇ siˬ duˬ leˇ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 32:10

Ngaˬ neh nawˬ-ahˇ jahˇ nehˬ-euˬ gaˇ, tsawˇ jeuˬ gʼawˬ mya ni tsawˬ guˆ-iˇ tehꞈ-a. Ngaˬ-euˬ mi cehˇ sheu juiꞈ mehˬ ngeh, sahˬ paˬ deuˬ laˇ baˇ-iˇ tehꞈ-a. Nawˇ coˬ le ngeh nah, aˬ yawꞈ maꞈ dawˬ tawˆ luꞈ yawˬ ha uˬ kʼawˇ deuˬ laˇ gaˇ kʼahˬ lahˇ dui dui tehꞈ-a.”

Naˬhmˬ 1:2

Sahˬpaˬ Miˬyehˇ pyeuꞈ-eu Miˬyehˇ, myaˆ naˆ-eu nui ma ahˇ-eu meh. Yawꞈ-ahˇ puiˬ-eu deuˬ-ahˇ kʼehˬ-awˇ, yawꞈ-ahˇ jahˇ gʼeh haw-eu deuˬ-ahˇ, nui ma pehˇ-awˇ laꞈ poˆ poˆ meh.

Zeˬpaˬniˇ 2:12

Suˬdaˬ miˇ kʼahˬ zaˬ deuˬ-ahˇ kʼawꞈ, Sahˬpaˬ Miˬyehˇ sehꞈ dzeh tehꞈ-a.

Bawˇtsahˬ 10:35

Dawˬ ma saˇ jaˇ Bahˬ keuˆkʼoeˇ kʼaˇ baꞈ luˆ gʼeh ngeh, “Sahˬpaˬ Miˬyehˇ-oˇ, tuˇ-awˬ. Nawˬ-ahˇ muiˇ-eu deuˬ-ahˇ teh byaˆ-awˇ, nawˬ-ahˇ bye-eu deuˬ bi cehˆ byoˆ jiˇ-awˬ” lehˇ Moˇseˬ ehˇ-eu meh.

Maˬkuˆ 1:2

Gaˇ kawˆ heu-aˬ, Miˬyehˇ gʼaˇ duˬ ngehˬ dah-eu Iˇsaˬyaˇ neh heu loꞈ-ehˇ boꞈ-euˬ gaˇ aˇ dahˬ beh taˬ-euˬ meh. “Miˬyehˇ heu loꞈ-ehˇ ehˇ-eu meh. ‘Haw yawˬ, nawˇ iˇ-eu gaˇ ma-ahˇ, lehˬ hmˬ laˆ saˆ taˬ-eu gʼaˇ duˬ, ngaˬ-euˬ gʼaˬ kʼehˇ tiˬ gʼaˬ-ahˇ ngaˇ, nawˬ-euˬ mehˬ hu pyehˬ gʼeh-eu ma.

Lormav 1:30

Tiˬ gʼaˬ tiˇ gʼaˬ ja bu ja doeˇ-eu, Miˬyehˇ-ahˇ muiˇ-eu, aˬ cawˬ-ahˇ ngehˬ coeˬ ehˇ coeˬ-eu, yawˬ haˇ yawˬ ha taˬ huiˬ-eu, kʼahˬ sehˇ jehˆ-eu, yaw haiˬ jeˬ mˇ-eu gʼaˇ duˬ kʼaˆ kʼaˆ ni shaˇ noeˬ-eu, aˬ da aˬ ma ehˇ dawˬ maˬ naˇ haˬ-eu, heu deuˬ kʼawꞈ ahˇ-eu meh.

Lormav 8:7

Tsawˇ haˬ ti gʼaˬ yawˬ ha-euˬ shiˬ shaˬ jiˇ nui noeˬ neh bi uˆ lahˇ shaw naˇ, Miˬyehˇ-ahˇ muiˇ-eu tsawˇ haˬ pyeuꞈ laˇ-eu meh. Aˬ jeˬ miˇ neh ehˇ naˇ, Miˬyehˇ-euˬ zahˇ dawˬ kʼoꞈ dawˬ-ahˇ aˬ yawꞈ maˬ caw teh-a. Caw teh-eu gʼaˇ duˬ maˇ maˇ ni maˬ gʼeh nya-a.

Dawˬmehˬ 32:35

Aˬ yawꞈ neh laꞈ poˆ bi poˆ-awˇ, muiˇ-eu deuˬ ya coˬ dzeh-iˇ-eu, aˇ nah kʼoeˇ nah peh le luꞈ meh.

Dawˬmehˬ 5:9

Tahˬ pahˬ aˬ ma mawˇ kawˇ mehˬ shi nawˇ awˆ byaˆ-awˇ uˬ duˬ maˬ ya tahˬ-a. Aˬ jeˬ miˇ neh ehˇ naˇ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ-aˬ, myaˆ naˆ-eu Miˬyehˇ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ-awˇ, aˬ yawꞈ maꞈ-euˬ zaˬ ziˇ smˬ ziˇ oeˬ ziˇ keuˆ ni ngaˇ kʼehˬ ma.

Dawˬmehˬ 7:10

Ehˇ kʼawꞈ, aˬ yawꞈ-ahˇ bye-eu tsawˇ haˬ-ahˇ aˬ yawꞈ maˬ nyi naˬ ni kʼehˬ nehˬ kʼaˆ nehˬ tehꞈ-a.

2 Tiˆmoˇseˬ 3:4

saˇ jaˇ puiˬ-eu, nui ma-ahˇ maˬ noeˬ-eu, nui ma huiˬ-eu, Miˬyehˇ-ahˇ gaˬ-eu naˆ maˬ tseˇ byawˬ gʼa mo gʼa-eu jeˬ-ahˇ gaˬ-eu,