Dawˬmehˬ 32:25 - Akha

²⁵ Pu ka mi cehˇ guiˇ mˇ le-awˇ, shaˆ shiˇ nymˇ-ahˇ uˇ keuˆ le-awˇ, zaˬ miˬ zaˬ yo deuˬ bi sehꞈ-awˇ, tsawˇ mawˬ zaˬ nahˬ maˬ bi dzeuˇ-iˇ.

Dawˬmehˬ 32:25 ပူးပေါင်းရင်းမြစ်များ

2 Sahˬpaˬ 7:5

Kʼoeˇ naˇ, uˬ ciꞈ zahˇ le jawˬ-ehˇ Suˇliˆ tsawˇ haˬ-euˬ taˆ-ahˇ aˬ yawꞈ maꞈ le-euˬ meh. Kʼoeˇ gaˇ le keuˆ ngeh, tsawˇ haˬ tiˬ gʼaˬ-iˬ maˬ jawˇ gaˇ ya mawˇ-euˬ meh.

2 Laˬsaˬbaˬ 36:17

Kʼoeˇ miˇ neh, Sahˬpaˬ Miˬyehˇ neh Baˬbuˇloˬ sahˬ paˬ-ahˇ pyehˬ gʼeh leꞈ-awˇ, aˬ yawꞈ maꞈ-ahˇ guiˇ bi deuˆ le-euˬ meh. Sahˬpaˬ kʼoeˇ gʼaˬ Yuˇdaˆ tsawˇ haˬ zaˬ guˬ deuˬ-ahˇ Uˬ duˬ tahˬ nymˇ nymˇ ma laꞈ kʼoeˇ sehꞈ-euˬ meh. Tsawˇ mawˬ zaˬ guˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, naˇ-eu deuˬ hawˇ-eu jawˇ saˇ doˆ-eu deuˬ maˬ ehˇ, maˬ tseˇ paˆ ni, tiˬ gʼaˬ-ahˇ-iˬ gʼawˬ shaˬ maˬ gaˬ nehˬ ni sehꞈ-euˬ meh. Aˬ yawꞈ maꞈ dawˬ tawˆ luꞈ-ahˇ Neˬbuˬkaˬneˬzaˬ-euˬ aˬ laꞈ laꞈ kʼoeˇ Miˬyehˇ neh a nehˬ-euˬ meh.

Iˇsaˬyaˇ 30:16

Naw maꞈ mahˬ paˬ yaw kawˇ dziˬ-awˇ, muiˇ-eu deuˬ-ahˇ cehˆ dzeuˇ-eu lehˇ leh jeh luꞈ meh. Maꞈ cehˆ-ehˇ maˬ gʼeh nya-eu miˇ neh, naw maꞈ mˇ-eu tsaˬ meh. Ehˇ kʼawꞈ, naw maꞈ-euˬ mahˬ yaw kawˇ ma lehˇ noeˬ kʼawꞈ, naw maꞈ-ahˇ teh-eu deuˬ kawˇ dzehˬ meh.

Yeˬlaˬmiˇ 44:7

“Teu miˇ neh, Iˇsaˬleˬlaˆ-euˬ Miˬyehˇ pyeuꞈ-eu ngaˇ Baoˬ huiˬ-eu Sahˬpaˬ Miˬyehˇ-aˬ, aˬ jeˬ miˇ neh naw maꞈ yawˬ ha-ahˇ bi deuˬ laˇ-eu yaw haiˬ jeˬ mˇ te lehˇ naˇ haˬ-eu ma. Kʼaˬ dzeˇ zaˬ deuˬ, zaˬ miˬ zaˬ deuˬ hawˇ-eu, zaˬ yaw nyiˇ deuˬ-ahˇ keuˆ ni, naw maꞈ-euˬ tsawˇ haˬ tiˬ gʼaˬ-iˬ maˬ dzeˇ-ehˇ pyeuꞈ-iˇ ngeh keuˆ ni, dawˬ tawˆ luꞈ kʼoeˇ taˆ luˬ-iˇ seˇ-iˇ-eu jeˬ bi keuˆ le mawꞈ te loˇ.

Yeˬlaˬmiˇ 44:8

Naw maꞈ jawˇ uˇ le-euˬ Iˇjiˇtuˆ miˇ kʼahˬ heu kʼahˬ-ahˇ tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-awˇ, miˬ yehˇ nui deuˬ-ahˇ lawˇ-eu shehˇ-eu laꞈ kʼoeˇ, aˬ jeˬ miˇ neh ngaˇ nui ma pehˇ ni naw maꞈ mˇ te. Miˇ kʼahˬ tsawˇ jeuˬ dawˬ tawˆ luꞈ naw maꞈ-ahˇ ja doeˇ-awˇ, naw maꞈ-euˬ tsawˇ myahˇ kuˇ kuˇ-ehˇ yaˬ kʼehˇ bi yaˬ gaˇ keuˆ ni, naw maꞈ yawˬ haˇ yawˬ ha laˆ cawˆ-eu lehˇ mˇ-eu gʼeh te loˇ.

Yeˬlaˬmiˇ 9:21

Shiˇ-eu jeˬ laˇ gʼoˆ zaˬ-ahˇ neh daˆ ahˇ laˇ-awˇ, nymˇ ma paw uˇ keuˆ laˇ-euˬ meh. Meuˬ-euˬ pu ka gʼa-eu zaˬ yaw nyiˇ deuˬ hawˇ-eu, lehˆ kawˆ doe ni cah-eu zaˬ guˬ deuˬ-ahˇ coeˇ tsehˆ-euˬ meh.

Ngoeˇ dawˬ 1:20

“Ngaˬ-euˬ nui ma shaˬ zahˬ naꞈ-awˇ, ngaˬ-euˬ saꞈ laˇ shaˬ zahˬ mˇ gaˇ, Sahˬpaˬ Miˬyehˇ nawˇ haw le sheˇ. Ngaˬ-euˬ iˬ baˇ-ahˇ shaˇ noeˬ-eu, nui ma tsawˬ paˆ-iˇ-euˬ miˇ-a. Lehˆ kawˆ doe ni tsawˇ haˬ sehꞈ-awˇ, iˇ kahˇ laꞈ kʼoeˇ kʼawꞈ shiˇ luꞈ meh.

Ngoeˇ dawˬ 4:4

Iˇ cuꞈ mehꞈ-awˇ kuˬ byahˬ gui-eu, mehˬ laˇ kʼoeˇ taˆ paw myahˬ leˇ-awˇ, hawˬ mehꞈ mehꞈ-eu kaˬ muˇ shaˇ kʼawꞈ, zaˬ-ahˇ haw cawˬ-eu maˬ jawˇ-a.

Yeˬsaˬgeˬlaˇ 7:15

Meuˬ-euˬ gaˇ ma doe ni guiˇ deuˆ-awˇ, nymˇ laꞈ kʼoeˇ naˇ-eu gawˇ-eu jeˬ hawˇ-eu mehꞈ-eu shuꞈ-eu jeˬ byah tehꞈ-a. Meuˬ-euˬ laꞈ nyiˇ deh ga-ahˇ kʼaˇ jawˇ-eu deuˬ guiˇ bi deuˆ sehꞈ-awˇ, meuˬ laꞈ kʼoeˇ kʼaˇ jawˇ-eu tsawˇ haˬ deuˬ, naˇ gawˇ hawˇ-eu mehꞈ-eu shuꞈ-eu jeˬ baˬ da neh ya shiˇ tehꞈ-a.

Hawˇseˬ 11:6

Aˬ yawꞈ maꞈ-euˬ meuˬ deuˬ kʼoeˇ taˆ, guiˇ deuˆ mi cehˇ deuˬ oe keuˆ-awˇ, meuˬ lahˇ laˇ gʼoˆ pyaˆ jiˇ tehꞈ-a. Yawˬ ha nui noeˬ geuꞈ-eu miˇ neh, laˆ cawˆ nehˬ gaˇ ya daˬ tehꞈ-a.

Hawˇseˬ 9:12

Zaˬ paˇ cu huiˬ law hawˇ kʼawꞈ ni, yaw dehꞈ tiˬ gʼaˬ-iˬ maˬ bi jawˇ. Aˬ yawꞈ maꞈ-ahˇ ngaˇ byehˇ dzeh ngeh, yaw kʼaˆ-ehˇ ya noeˬ shaˬ tehꞈ-a.”

Hawˇseˬ 9:16

Iˇsaˬleˬlaˆ tsawˇ haˬ deuˬ-aˬ, aˇ bawˇ duˬ ciˇ gui-iˇ jiˇ-awˇ, aˇ siˬ maˬ siˬ le-eu loꞈ-ehˇ, zaˬ maˬ jawˇ ni pyeuꞈ-iˇ tehꞈ-a. Tiˬ gʼaˬ na paˇ jawˇ le-euˬ kʼawꞈ, aˬ yawꞈ maꞈ gaˬ-eu zaˬ kʼoeˇ-ahˇ, maˬ bi dzeuˇ-iˇ ni ngaˇ sehꞈ ma.”

Uˬ duˬ 26:25

Ngaˬ nehˬ-ehˇ dzaˬ taˬ-euˬ saˇ jaˇ-ahˇ naw maꞈ puiˬ-eu miˇ neh, naw maꞈ kʼoeˇ taˆ guiˇ deuˆ-eu jeˬ bi keuˆ le-awˇ, naw maꞈ-ahˇ ngaˇ kʼehˬ ma. Naw maꞈ-euˬ meuˬ deuˬ laꞈ kʼoeˇ naw maꞈ uiˬ leˇ-awˇ jawˇ ngeh, maˬ laˆ taˬ nya-eu naˇ gawˇ deuˬ naw maꞈ kʼoeˇ taˆ bi keuˆ le-awˇ, naw maꞈ-ahˇ muiˇ-eu deuˬ-euˬ laꞈ-ahˇ, naw maꞈ ya ahˇ leˇ tehꞈ-a.

Miˇkaˬ 6:14

Naw maꞈ dzaˬ kʼawꞈ, dehˆ laˇ-eu maˬ baw-ehˇ, mehꞈ mehꞈ-ehˇ ya shaˬ tehꞈ-a. Naw maꞈ myawˬ baꞈ doˆ kʼawꞈ, maˬ baꞈ dzeuˇ nya-aˇ. Naw maꞈ yuˇ doˆ dzeuˇ-eu lehˇ kʼaˇ leh jeh-eu jeˬ-ahˇ, guiˇ deuˆ-eu laꞈ kʼoeˇ ngaˇ bi laˆ cawˆ jiˇ ma.

2 Gawˇliˬtu 7:5

Nga maꞈ Maˬgeˬdawˇniˆˆ miˇ kʼahˬ-ahˇ laˇ keuˆ-euˬ kʼawꞈ, yaw saˇ maˬ oꞈ nya. Yawˬ paw na luꞈ shaˬ zahˬ keuˆ le teuˇ le-awˇ, aˬ cawˬ nehˬ-ehˇ ya ja dzaˬ-eu uˬ taꞈ, nui ma laꞈ kʼoeˇ guˆ-eu jeˬ pi luꞈ-eu ma.