Dawˬmehˬ 32:22 - Akha

²² Ngaˬ-euˬ nui pehˇ miˬ lmˇ nyehˆ-awˇ, miˇ tsaˬ dawˬ tawˆ bi puiˆ byoˆ ma. Miˇ tsaˬ dawˬ dah puiˆ naꞈ gʼeh-awˇ, gawˬ jawˬ duˬ puˇ puiˆ dzaˬ tehꞈ-a.

Dawˬmehˬ 32:22 ပူးပေါင်းရင်းမြစ်များ

Jaceuq 144:5

Sahˬpaˬ Miˬyehˇ-oˇ, mˬ dehˬ paˆ-awˇ zaꞈ ka le-awˬ. Gawˬ jawˬ-ahˇ toeˬ ciˆ-awˇ uˬ kʼoeˬ bi du doˆ laˇ-awˬ.

Jaceuq 21:9

Miˬdzaˬloꞈ-ehˇsahˬpaˬoe ngeh, aˬyawꞈmaꞈ-ahˇlaˆcawˆtehꞈ-a. SahˬpaˬMiˬyehˇnui ma pehˇ-awˇ, aˬyawꞈmaꞈ-ahˇ myoꞈahˇjiˇ-awˇ, miˬdzaˬneh laˆcawˆnehˬtehꞈ-a.

Jaceuq 46:2

Kʼoeˇ miˇ neh miˇ tsaˬ tahˬ kʼawˇ nyeh laˇ-awˇ, gawˬ jawˬ deuˬ iˬ ma laˆ shaˆ dawˬ dah byaˆ ahˇ jiˇ kʼawꞈ nga maꞈ maˬ guˆ.

Jaceuq 83:14

Yaˇ saˬ-ahˇ miˬ dzaˬ puiˆ-eu loꞈ-ehˇ maˬ ehˇ, gawˬ jawˬ-ahˇ miˬ dzaˬ puiˆ daˆ leꞈ-eu loꞈ-ehˇ maˬ ehˇ,

Jaceuq 86:13

Nawˇ ngaˬ-ahˇ maˬ tsehˆ leˇ ni gaˬ-eu jeˬ huiˬ dui dui meh. Lmˬ bymˇ laꞈ kʼoeˇ ngaˬ-ahˇ nawˇ ka kʼoꞈ doˆ nehˬ laꞈ-euˬ meh.

Jaceuq 97:3

Aˬ yawꞈ-euˬ mehˬ shi miˬ dzaˬ cah-awˇ, tiˬ jawˬ jawˇ-eu muiˇ-eu deuˬ-ahˇ puiˆ sehꞈ-eu meh.

Iˇsaˬyaˇ 24:6

Miˇ tsaˬ tahˬ kʼawˇ-ahˇ Miˬyehˇ yaˬ kehˇ yaˬ-eu miˇ neh, iˬ baˇ naꞈ-eu miˇ tsaˬ zaˬ teˬ le byoˆ le-awˇ, ui cuiˆ tehꞈ-ehˇ dzeuˇ-iˇ-eu meh.

Iˇsaˬyaˇ 30:33

Aˬshuˇliˆ miˇ kʼahˬ-ahˇ miˬ dzaˬ yaw kʼaˆ-ehˇ bi puiˆ-eu gʼaˇ duˬ, aˇ hu ba neh lehˬ hmˬ taˬ-euˬ jawˇ duˬ jaˆ-eu meh. Kʼoeˇ-aˬ, naꞈ dui jeˇ dui dui-eu miˬ dzaˬ jehˆ bymˇ bymˇ ma meh. Miˬ dzaˬ jehˆ bymˇ kʼoeˇ bymˇ-ahˇ, miˬ dzaˬ miˬ lmˇ ahˇ-eu Sahˬpaˬ Miˬyehˇ-euˬ saꞈ neh baw-awˇ bi puiˆ tehꞈ-a.

Iˇsaˬyaˇ 54:10

Gawˬ jawˬ gawˬ duˇ deuˬ byaˆ-iˇ kʼawꞈ, nawˬ-ahˇ ngaˇ gaˬ-eu jeˬ maˬ bi byoˆ-iˇ. Tsaˬ leˇ dzoeˇ leˇ-eu ngaˬ-euˬ saˇ jaˇ dawˬ, mˬ maˬ maˬ byaˆ zaˇ ziˇ bi ziꞈ-eu ma” lehˇ, nawˬ-ahˇ gaˬ-euˬ Sahˬpaˬ Miˬyehˇ ehˇ-eu meh.

Yeˬlaˬmiˇ 15:14

Ngaˬ-euˬ nui pehˇ miˬ dzaˬ-ahˇ duˇ-awˇ, tiˬ jawˇ-iˬ maˬ miˆ-iˇ ni doꞈ-eu miˇ neh, maˬ siˬ maˬ suˇ-eu miˇ kʼahˬ laꞈ kʼoeˇ, aˬ yawꞈ maꞈ-ahˇ muiˇ-eu tsawˇ haˬ deuˬ neh kʼehˇ-euˬ gaˇ bi mˇ ma.”

Yeˬlaˬmiˇ 17:4

Ngaˬ neh naw maꞈ-ahˇ biꞈ taˬ-euˬ miˇ kʼahˬ naw maꞈ ya byehˇ dzeh-awˇ, maˬ siˬ maˬ suˇ-eu miˇ kʼahˬ laꞈ kʼoeˇ, naw maꞈ-ahˇ muiˇ-eu tsawˇ haˬ deuˬ neh kʼehˇ-euˬ gaˇ-ahˇ naw maꞈ ya mˇ tehꞈ-a. Aˬ jeˬ miˇ neh ehˇ naˇ, ngaˬ-euˬ nui pehˇ miˬ dzaˬ doꞈ gaˇ duˇ-awˇ, tiˬ jawˇ-iˬ maˬ miˆ-iˇ-a.”

Yeˬlaˬmiˇ 4:4

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu deuˬ-oˇ, naw maꞈ-euˬ Sahˬpaˬ Miˬyehˇ pyeuꞈ-eu ngaˬ nehˬ-ehˇ, dawˬ ma saˇ jaˇ dzaˬ-awˇ gʼawˇ mawˇ a nehˬ laꞈ-awˬ. Naw maꞈ kʼoeˇ loꞈ-ehˇ maˬ jahˇ naˇ, naw maꞈ neh mˇ-euˬ yaw haiˬ jeˬ baˬ da, ngaˇ nui ma pehˇ-eu jeˬ miˬ dzaˬ doꞈ doˆ laˇ-awˇ, laˆ miˆ nya-eu gʼaˬ maˬ jawˇ-a.”

Ngoeˇ dawˬ 2:2

Yuˇdaˆ miˇ kʼahˬ pu dawˬ tawˆ luꞈ, gʼawˬ shaˬ tiˬ pawꞈ-iˬ maˬ gaˬ ni, Sahˬpaˬ Miˬyehˇ laˆ cawˆ-euˬ meh. Miˇ kʼahˬ kʼoeˇ-ahˇ loꞈ piˇ luꞈ-eu, ziꞈ dah ni gʼeh-eu taˆ deuˬ-ahˇ, aˬ yawꞈ laˆ byaˆ nehˬ jiˇ-euˬ meh. Miˇ kʼahˬ hawˇ-eu sahˬ paˬ deuˬ-ahˇ, miˇ tsa tuˆ ni gʼeu ka nehˬ-awˇ, daˬ ga-awˇ bi shaꞈ dawˇ-euˬ meh.

Ngoeˇ dawˬ 2:3

Aˬ yawꞈ nui ma pehˇ dui dui-awˇ, Iˇsaˬleˬlaˆ-euˬ gʼaˬ gʼaˬ siˬ, tuˆ paˆ dzeh-awˇ bi shaˬ-euˬ meh. Muiˇ-eu deuˬ-ahˇ ciˬ daˬ luꞈ ngeh, caw ba luꞈ-eu aˇ maˇ laꞈ-ahˇ, cawˬ kʼoꞈ nehˬ-awˇ bi shaˬ-euˬ meh. Miˬ dzaˬ puiˆ byoˆ jiˇ-euˬ loꞈ-ehˇ, kʼaˇ jaˆ-eu jeˬ dawˬ tawˆ luꞈ-ahˇ, aˬ yawꞈ laˆ cawˆ nehˬ jiˇ-euˬ meh.

Ngoeˇ dawˬ 2:4

Muiˇ-eu deuˬ neh jahˇ-euˬ loꞈ-ehˇ, nga maꞈ-ahˇ kaˆ ngoꞈ daˆ taˬ-awˇ, nga maꞈ nui kʼahˇ shiˇ-eu deuˬ-ahˇ, aˬ yawꞈ neh sehꞈ dzeh jiˇ-euˬ meh. Yeˬluˇsaˬlehˬ meuˬ heu laꞈ kʼoeˇ, aˬ yawꞈ-euˬ nui ma pehˇ-eu jeˬ, miˬ dzaˬ loꞈ-ehˇ luˬ laˇ-euˬ meh.

Ngoeˇ dawˬ 4:11

Sahˬpaˬ Miˬyehˇ nui ma pehˇ-eu, dawˬ tawˆ luꞈ puiˇ pyehˬ ka leꞈ-awˇ, nui pehˇ miˬ dzaˬ shehˆ daˆ leꞈ ngeh, Ziˇoˬ meuˬ-ahˇ puiˆ dzaˬ-euˬ kʼoeˇ, ciˇ tahˬ puiˆ byoˆ gaˇ keuˆ-euˬ meh.

Yeˬsaˬgeˬlaˇ 19:12

Ehˇ kʼawꞈ nui ma pehˇ-eu jeˬ neh gʼawˇ lehˆ-awˇ biˬ dzeh nehˬ-euˬ meh. Nahˇ ma doˆ kʼehˬ paw neh oe-euˬ lahˇ dui dui-eu jaˬ lehˇ baˬ da, aˇ siˬ nyoeˬ jiˇ koˆ jiˇ-euˬ meh. Uˬ pyaˬ uˬ laꞈ koˆ-iˇ jiˇ-awˇ, miˬ dzaˬ bi keuˬ puiˆ dzeh-euˬ meh.

Yeˬsaˬgeˬlaˇ 22:21

Ngeuˇ ma. Aˬ yawꞈ maꞈ-ahˇ Yeˬluˇsaˬlehˬ meuˬ-ahˇ sheuˬ uiˬ-awˇ, aˬ yawꞈ maꞈ-euˬ uˬ moˆ miˬ dzaˬ dzah-awˇ, nui ma pehˇ-eu laꞈ kʼoeˇ baw guiˇ nehˬ ma.

Yeˬsaˬgeˬlaˇ 36:5

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ nui ma pehˇ dui dui-eu laꞈ kʼoeˇ, dawˬ peh jawˇ-eu tsawˇ jeuˬ deuˬ-ahˇ heu loꞈ-ehˇ ehˇ-eu ma. Eˬdoˬ miˇ kʼahˬ-ahˇ ngaˇ kʼaˆ kʼaˆ ni ehˇ mawꞈ-eu ma. Aˬ yawꞈ maꞈ myaˆ naˆ-eu laꞈ kʼoeˇ, ngaˬ-euˬ miˇ kʼahˬ deuˆ geuꞈ-awˇ, jeˬ zaˬ gaˆ kʼahˬ yuˇ geuꞈ-euˬ meh.

Yeˬsaˬgeˬlaˇ 38:19

Kʼoeˇ ngeh nah, Iˇsaˬleˬlaˆ miˇ kʼahˬ laꞈ kʼoe miˇ luˆ luˆ dui dui tehꞈ-a lehˇ, nui ma daˆ dui dui-eu laꞈ kʼoeˇ ngaˇ ehˇ-eu ma.

Uˬ duˬ 26:20

Naw maꞈ mˇ sehꞈ leꞈ kʼawꞈ, guiˬ lahˬ maˬ baw-aˇ. Aˬ jeˬ miˇ neh ehˇ naˇ, naw maꞈ-euˬ miˇ tsaˬ naw maꞈ-ahˇ dzaˬ la gʼo cehˇ maˬ bi za le-eu uˬ taꞈ, aˇ siˬ aˇ bawˇ deuˬ kʼawꞈ, aˇ siˬ maˬ bi siˬ le-a.

Aˬmoˆ 5:6

Sahˬpaˬ Miˬyehˇ jawˇ gaˇ le-awˬ. Naw maꞈ yaw dehꞈ ya dehꞈ tehꞈ-a. Naw maꞈ aˬ yawꞈ jawˇ gaˇ maˬ le naˇ, Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ kʼoeˇ taˆ, miˬ dzaˬ jehˆ bymˇ bymˇ ma loꞈ-ehˇ aˬ yawꞈ ga le tehꞈ-a. Miˬ dzaˬ kʼoeˇ Beˬdeˬlaˇ meuˬ-ahˇ jawˇ-eu deuˬ-ahˇ puiˆ dzaˬ-awˇ, tiˬ gʼaˬ-iˬ maˬ laˆ miˆ nya ni doꞈ tehꞈ-a.

Aˬmoˆ 7:4

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-aˬ, yaw sahˇ laꞈ kʼoeˇ ngaˬ-ahˇ heu loꞈ-ehˇ paˇ bi mawˇ laꞈ-euˬ meh. Aˬ yawꞈ-euˬ tsawˇ haˬ deuˬ-ahˇ miˬ dzaˬ neh kʼehˬ nehˬ kʼaˆ nehˬ-eu lehˇ aˬ yawꞈ lehˬ hmˬ luꞈ-eu meh. Miˇ tsaˬ dawˬ dah jaˆ-eu iˬ ma laˆ shaˆ-ahˇ miˬ dzaˬ puiˆ dzaˬ-awˇ, miˇ tsaˬ-ahˇ doꞈ nyawˬ-euˬ meh.

Miˇkaˬ 1:4

Byaˬ shahˬ miˬ dzaˬ puiˆ-eu loꞈ-ehˇ, gawˬ jawˬ kʼoeˇ deuˬ aˬ yawꞈ uˬ moˆ, ya guiˇ byoˆ-iˇ jiˇ gaˇ keuˆ-awˇ, baˬ gʼa yoeˇ-eu iˇ cuꞈ loꞈ-ehˇ, lawˇ kʼmˬ-ahˇ yoeˇ ka le tehꞈ-a.

Haˬbaˬkuˆ 3:10

Gawˬ jawˬ deuˬ nawˬ-ahˇ ya mawˇ ngeh, guˆ dui dui-awˇ yaw dzuˬ dzuˬ meh. Mˬ-ahˇ iˇ cuꞈ shehˆ dzeh leꞈ-awˇ, miˇ oˆ iˇ cuꞈ teˇ saˇ mahˇ-awˇ, iˇ luˆ dzeh goˇ daˆ leꞈ-eu meh.

Zeˬpaˬniˇ 1:18

Sahˬpaˬ Miˬyehˇ nui ma pehˇ-eu, aˇ nah nah huiˬ kʼoeˇ keuˆ le ngeh, yawˬ ha-euˬ pyuˇ kʼoˇ shuiˇ kʼoˇ neh, yawˬ ha-ahˇ maˬ ka kʼoꞈ nya-a. Nui ma pehˇ-eu miˬ dzaˬ miˬ lmˇ, miˇ tsaˬ tahˬ kʼawˇ-ahˇ myoꞈ ahˇ-awˇ, miˇ tsaˬ kʼoeˇ taˆ kʼaˇ jawˇ-eu deuˬ, ja pyuˬ ni ya cawˆ jiˇ tehꞈ-a.

Zeˬpaˬniˇ 3:8

Sahˬpaˬ Miˬyehˇ ehˇ-eu, “Aˇ yamˬ tiˬ kʼehˇ kʼehˬ dawˬ tawˬ siˬ. Ngaˇ tuˇ laˇ-awˇ yaw lehˬ poˆ ngeh, miˇ kʼahˬ tsawˇ jeuˬ kuˇ uiˬ jiˇ-awˇ, ngaˬ-euˬ nui ma ngaˇ bi mawˇ ma. Ngaˬ-euˬ nui pehˇ miˬ dzaˬ doꞈ ngeh, miˇ tsaˬ tahˬ kʼawˇ puiˆ dzaˬ tehꞈ-a.

Bawˇtsahˬ 16:33

Aˬ yawꞈ maꞈ hawˇ-eu aˬ yawꞈ maꞈ kʼaˇ jaˆ-eu jeˬ dawˬ tawˆ luꞈ tiˬ kawˆ loꞈ-ehˇ, shiˇ-eu miˇ kʼahˬ-ahˇ yaw dehꞈ-ehˇ ga ahˇ jiˇ-euˬ meh. Kʼoeˇ naˇ, aˬ yawꞈ maꞈ kʼoeˇ taˆ miˇ tsaˬ paˇ piˬ tehˬ-awˇ, aˬ yawꞈ maꞈ byoˆ-iˇ-euˬ meh.

Bawˇtsahˬ 16:35

Kʼoeˇ naˇ, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, yaw saw jeˬ lawˇ luꞈ-eu tsawˇ haˬ kʼoeˇ nyiˬ yaˇ ngaˬ tseˇ gʼaˬ-ahˇ puiˆ-eu meh.

Maꞈtehˬ 10:28

Gʼawˇ mawˇ-ahˇ sehꞈ nya kʼawꞈ, saꞈ laˇ-ahˇ maˬ sehꞈ nya-eu tsawˇ haˬ-ahˇ taˬ guˆ. Ehˇ kʼawꞈ, gʼawˇ mawˇ hawˇ-eu saꞈ laˇ heu nyiˬ jeˬ luꞈ-ahˇ, shiˬ buiˇ lah ma laꞈ kʼoeˇ laˆ cawˆ nya-eu gʼaˬ pyeuꞈ-eu Miˬyehˇ-ahˇ guˆ-awˬ.

Maꞈtehˬ 18:9

Nawˬ-euˬ myaˆ nuiˆ baˬ da neh nawˬ-euˬ jah-eu nui ma byoˆ-iˇ-euˬ ngeuˇ naˇ, kʼeuꞈ doˆ-awˇ biˬ dzeh-awˬ. Myaˆ nuiˆ nyiˬ nuiˆ luꞈ tsoꞈ-awˇ shiˬ buiˇ lah ma-ahˇ bi biˬ ahˇ-eu naˆ maˬ tseˇ, myaˆ nuiˆ tiˬ nuiˆ tehꞈ-ehˇ tsoꞈ-awˇ, dehꞈ-eu jeˬ za-eu-aˬ muiˬ dzehˬ tehꞈ-a.

Maꞈtehˬ 23:33

Aˇ lawˇ uiˇ naˆ-euˬ zaˬ deuˬ-oˇ, shiˬ buiˇ lah ma-ahˇ maˬ ya uˇ-iˇ ni ya dzeuˇ-iˇ ma lehˇ naw maꞈ noeˬ te loˇ.

Dawˬmehˬ 29:20

Kʼoeˇ loꞈ-ehˇ gʼeh-eu tsawˇ haˬ-ahˇ Sahˬpaˬ Miˬyehˇ iˬ baˇ maˬ pyehˬ nehˬ-ehˇ, Sahˬpaˬ Miˬyehˇ-euˬ nui ma pehˇ-eu miˬ dzaˬ aˬ yawꞈ-ahˇ zaw leˇ-awˇ, geuꞈ-eu jeˬ maˬ ahˇ gaˇ keuˆ ni aˬ yawꞈ-ahˇ laˆ luˬ laˆ seˇ nehˬ ngeh keuˆ ni, sahˬ boꞈ heu taꞈ laꞈ kʼoeˇ kʼaˇ boꞈ taˬ-euˬ luˬ-iˇ seˇ-iˇ-eu jeˬ aˬ yawꞈ kʼoeˇ taˆ keuˆ le tehꞈ-a.

2 Teˇsaˬloˇni 1:8

Miˬyehˇ-ahˇ Miˬyehˇ meh lehˇ maˬ sawˇ-ehˇ, aˬ dui-euˬ Sahˬpaˬ Yeˬsuˇ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ naˇ haˬ geuꞈ-eu tsawˇ haˬ deuˬ-ahˇ kʼehˬ-eu gʼaˇ duˬ Sahˬpaˬ Yeˬsuˇ oe ngeh, miˬ dzaˬ miˬ lmˇ hehˇ leꞈ tehꞈ-a.

HeˬByehˇ 12:29

Aˬ jeˬ miˇ neh ehˇ naˇ, aˬ dui-euˬ Miˬyehˇ-aˬ, maˇ maˇ ni laˆ luˬ laˆ seˇ-eu miˬ dzaˬ pyeuꞈ-eu meh.