Dawˬmehˬ 32:15 - Akha

¹⁵ “Sahˬpaˬ Miˬyehˇ-euˬ tsawˇ haˬ deuˬ, mahˬ paˬ cu tsuˇ yawꞈ-ahˇ behˆ-awˇ, bi dzaˬ tsuˇ-euˬ Beh-euˬ yaw sahˇ, Miˬyehˇ-ahˇ myaˆ maˬ haw cawˬ ni, ka kʼoꞈ-eu gʼaˬ-ahˇ byehˇ-euˬ meh.

Dawˬmehˬ 32:15 ပူးပေါင်းရင်းမြစ်များ

2 Saˬmeuˬlaˆ 22:47

Sahˬpaˬ Miˬyehˇ dehꞈ luꞈ-eu meh. ngaˬ-euˬ lo guˇ guiˬ lahˬ huiˬ luˇ. Ka kʼoꞈ laꞈ-euˬ lo guˇ pyeuꞈ-eu, ngaˬ-euˬ Miˬyehˇ-ahˇ ciˬ huiˬ-awˬ.

1 Laˬsaˬbaˬ 5:25

Ehˇ kʼawꞈ, tsawˇ haˬ kʼoeˇ deuˬ-aˬ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ-ahˇ saˇ jaˇ maˬ ziꞈ ni byehˇ dzeh-awˇ, Miˬyehˇ neh teh doˆ-euˬ tsawˇ jeuˬ kʼoeˇ deuˬ-euˬ miˬ yehˇ deuˬ-ahˇ uˬ duˬ tahˬ-euˬ meh.

2 Laˬsaˬbaˬ 12:1

Leˬhawˇbamˬ sahˬ paˬ pyeuꞈ laˇ-awˇ, miˇ kʼahˬ-ahˇ ziꞈ dah ni uˆ lahˇ gʼaˬ ngeh jawˇ, aˬ yawꞈ hawˇ-eu aˬ yawꞈ-eu tsawˇ haˬ dawˬ tawˆ luꞈ Sahˬpaˬ Miˬyehˇ-euˬ Zahˇ dawˬ kʼoꞈ dawˬ-ahˇ byehˇ dzeh-euˬ meh.

2 Laˬsaˬbaˬ 26:16

Sahˬ paˬ Awˇziˇ baoˬ huiˬ laˇ ngeh jawˇ, aˬ yawꞈ nui ma huiˬ laˇ-euˬ miˇ neh, luˬ-iˇ seˇ-iˇ-eu jeˬ aˬ yawꞈ kʼoeˇ taˆ keuˆ le-euˬ meh. Uˬ duˬ tahˬ nymˇ nymˇ ma laꞈ kʼoeˇ aˬ yawꞈ uˇ leˇ-awˇ, yaw saw jeˬ lawˇ-eu lawˇ duˬ kʼoeˇ taˆ aˬ yawꞈ-euˬ gʼawˇ mawˇ yaw saw jeˬ doꞈ-awˇ lawˇ-eu laꞈ kʼoeˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ mˇ bahˬ-euˬ meh.

Neˬhaˬmiˇ 9:25

Ziꞈ-eu meuˬ deuˬ hawˇ-eu muiˬ-eu miˇ tsaˬ maˬ ehˇ, pyuˇ shuiˇ byah-eu nymˇ deuˬ hawˇ-eu duˬ gʼaˬ taˬ-euˬ lah duˬ maˬ ehˇ, Saˬloˬ aˇ bawˇ, aˇ siˬ aˇ bawˇ, aˬ gaꞈ yaˇ kmˇ maˬ ehˇ, nawˬ-euˬ tsawˇ jeuˬ deuˆ za-euˬ meh. Aˬ yawꞈ maꞈ kʼaˇ dzaˬ mawꞈ-eu jeˬ dzaˬ-awˇ tsuˇ laˇ-euˬ meh. Nawˬ neh biꞈ-euˬ muiˬ-eu guiˬ lahˬ deuˬ-ahˇ, aˬ yawꞈ maꞈ laˬ kʼaˬ cehˇ dui dui-euˬ meh.

Neˬhaˬmiˇ 9:26

Ehˇ kʼawꞈ, nawˬ-euˬ tsawˇ jeuˬ nawˬ-ahˇ puiˬ-awˇ, nawˬ-euˬ ehˇ dawˬ maˬ naˇ haˬ-ehˇ, nawˬ-euˬ zahˇ dawˬ kʼoꞈ dawˬ-ahˇ byehˇ dzeh-awˇ, naˇ kʼah ciˬ pyawˇ-awˇ cah-euˬ meh. Nawˇ jawˇ paw gʼoꞈ leˇ-eu gaˇ kawˆ mehˬ-eu, nawˬ-euˬ gʼaˇ duˬ ngehˬ dah nehˬ-eu deuˬ-ahˇ, aˬ yawꞈ maꞈ sehꞈ dzeh-awˇ, nawˬ-ahˇ gʼawˬ mya poˆ ngehˬ bahˬ tmˇ bahˬ-euˬ meh.

Yawˇbaˆ 15:27

Aˬ jeˬ miˇ neh ehˇ naˇ, aˬ yawꞈ-euˬ baˬ ba tsuˇ dahˬ ni gʼeh -awˇ, aˬ yawꞈ-euˬ joꞈ-ahˇ shaˬ tsuˇ dawꞈ byah jiˇ gaˇ keuˆ ni, aˬ yawꞈ ya dzaˬ ya dawˇ dehˆ luꞈ-eu meh.

Jaceuq 100:3

Sahˬpaˬ Miˬyehˇ-aˬ, Miˬyehˇ meh lehˇ noeˬ siˬ-awˬ. Aˬ yawꞈ aˬ dui-ahˇ beh-awˇ, aˬ dui aˬ yawꞈ-euˬ ma. Aˬ dui aˬ yawꞈ-euˬ tsawˇ haˬ pyeuꞈ-awˇ, aˬ yawꞈ-euˬ yawˇ yawˇ maꞈ pyeuꞈ-eu ma.

Jaceuq 119:70

Tsawˇ haˬ kʼoeˇ deuˬ zahˇ sahˇ kʼoꞈ maˬ baw kʼawꞈ, nawˬ-euˬ zahˇ dawˬ kʼoꞈ dawˬ laꞈ kʼoeˇ ngaˇ laˬ kʼaˬ cehˇ-eu ma.

Jaceuq 17:10

Gʼawˬshaˬgaˬ-eu jeˬmaˬahˇ-ehˇ, Dawˬkʼaˆngehˬ-awˇzuiˆle-euˬmeh.

Jaceuq 18:46

SahˬpaˬMiˬyehˇ dehꞈluꞈ-eu meh. Ngaˬ-euˬlo guˇ-ahˇja ceuˬma. Ngaˬ-ahˇka kʼoꞈ-euˬMiˬyehˇ-ahˇ, ciˬhuiˬciˬmahˇ-awˇguˇ-eu ma.

Jaceuq 73:7

Nui ma laꞈ kʼoeˇ yaw haiˬ yoeˇ doˆ le-awˇ, yaw haiˬ jeˬ mˇ-eu gʼaˇ duˬ shaˇ sawˇ-eu maˬ naˬ leˇ-a.

Jaceuq 81:11

Ehˇ kʼawꞈ, ngaˬ-euˬ ehˇ dawˬ-ahˇ ngaˬ-euˬ tsawˇ haˬ deuˬ maˬ naˇ haˬ-a. Ngaˬ-euˬ ehˇ dawˬ Iˇsaˬleˬlaˆ maˬ geuꞈ-a.

Jaceuq 89:26

Aˬ yawꞈ ngaˬ-ahˇ heu loꞈ-ehˇ ehˇ tehꞈ-a. ‘Nawˇ-aˬ, ngaˬ-euˬ aˬ da hawˇ-eu ngaˬ-euˬ Miˬyehˇ ma. Ngaˬ-ahˇ haw piˇ-awˇ ka kʼoꞈ nehˬ laꞈ-eu gʼaˬ ma.’

Jaceuq 89:27

Aˬ yawꞈ-ahˇ ngaˬ-euˬ aˬ li aˬ yuiꞈ yuiꞈ saˬ gʼaˬ bi geuꞈ-awˇ, sahˬ paˬ dawˬ tawˆ kʼoeˇ taˆ huiˬ dzehˬ-eu gʼaˬ bi geuꞈ ma.

Jaceuq 95:1

Laˇ-awˬ. Sahˬpaˬ Miˬyehˇ-ahˇ aˬ dui ja ceuˬ ma. Aˬ dui-ahˇ haw piˇ nehˬ laꞈ-euˬ Miˬyehˇ-ahˇ laˬ kʼaˬ tiˬ cehˇ caˇ-awˇ ja ceuˬ kaˇ-euˇ.

Iˇsaˬyaˇ 1:4

Iˬ baˇ huiˬ-eu tsawˇ jeuˬ law hawˇ nga. Iˬ baˇ neh bi ciˬ tehˬ sehꞈ law hawˇ nga. Yaw haiˬ-euˬ zaˬ pyeuꞈ-awˇ, yaw bahˬ je poˆ-eu nga. Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-awˇ, Iˇsaˬleˬlaˆ-euˬ Muiˬ-eu shawˇ-eu gʼaˬ-ahˇ byehˇ dzeh-euˬ nga. Maˇ maˇ ni byehˇ tsehˆ tsehˆ-euˬ nga.

Iˇsaˬyaˇ 43:1

Iˇsaˬleˬlaˆ-oˇ, nawˬ-ahˇ beh-euˬ Miˬyehˇ heu loꞈ-ehˇ ehˇ-eu meh. “Taˬ guˆ. Nawˬ-ahˇ ngaˇ ka kʼoꞈ ma. Nawˬ-ahˇ ngaˇ tsawˇ myahˇ kuˇ-awˇ tseˇ-euˬ ma. Nawˇ ngaˬ-euˬ tsawˇ haˬ ma.

Iˇsaˬyaˇ 44:2

Nawˬ-ahˇ beh-euˬ Sahˬpaˬ Miˬyehˇ kʼoeˇ gʼaˬ ngaˇ ma. Nawˇ dehꞈ doˆ le ngeh tiˬ nah neh, nawˬ-ahˇ ngaˇ caw ba nehˬ-euˬ ma. Taˬ guˆ. Nawˇ ngaˬ-euˬ zaˬ kʼaˆ ma. Nawˬ-ahˇ ngaˇ gaˬ-awˇ tseˇ doˆ taˬ-euˬ ma.

Iˇsaˬyaˇ 6:10

Tsawˇ haˬ heu deuˬ nui ma bi gʼahˇ-awˇ, naˬ bawˇ bi tuˇ-eu uˬ taꞈ, myaˆ nuiˆ laˆ behꞈ nehˬ-awˬ. Toˆ-ehˇ maˬ ngeuˇ naˇ, aˬ yawꞈ maꞈ myaˆ nuiˆ haw mawˇ nya-awˇ, naˬ bawˇ gaˬ leˇ-eu uˬ taꞈ, aˬ yawꞈ maꞈ-euˬ nui ma gʼoˆ shaw geuꞈ nya-eu miˇ neh, ngaˇ jawˇ gaˇ gʼoꞈ kʼoꞈ laˇ-awˇ, naˇ gawˇ taˬ leˇ tehꞈ-a.”

Yeˬlaˬmiˇ 2:31

Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ naˇ haˬ-awˬ. Ngaˇ-aˬ, naw maꞈ gʼaˇ duˬ kʼaˇ shuiꞈ deh yaˇ-ahˇ duˇ ta loˇ. Zahˇ tsui ni gʼeh-awˇ guˆ kʼaˇ za-eu miˇ kʼahˬ-ahˇ duˇ ta loˇ. Aˬ jeˬ miˇ neh ngaˇ jawˇ paw maˬ gʼoꞈ pyawˇ laˇ-ehˇ, yawˬ ha kʼaˇ noeˬ-euˬ jeˬ mˇ ma ehˇ te.

Yeˬlaˬmiˇ 2:32

Zaˬ miˬ aˬ buˇ tiˬ gʼaˬ yawˬ ha-euˬ laꞈ duꞈ lahˇ dah-ahˇ ngehˇ nmˇ loˇ. Smˇ miˇ iˇ-eu zaˬ miˬ oeˇ mˇ baˇ-eu mehˬ tsoeˬ ngehˇ kʼmˬ nmˇ loˇ. Ehˇ kʼawꞈ aˇ nah aˇ yamˬ maˬ gui jiˇ coeˇ gaˇ keuˆ ni, ngaˬ-euˬ tsawˇ haˬ ngaˬ-ahˇ ngehˇ byoˆ-euˬ meh.

Yeˬlaˬmiˇ 2:5

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-euˬ aˬ poeˬ aˬ bawˇ deuˬ ngaˬ-ahˇ byehˇ dzeh paˬ-ehˇ, ngaˬ-euˬ yaw lehˬ aˬ geu jeˬ-ahˇ haw toˆ-euˬ taˬ. Gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ-ahˇ uˬ duˬ tahˬ-awˇ, aˇ poeˬ maˬ baw ni dehꞈ pyeuꞈ-euˬ meh.

Yeˬlaˬmiˇ 5:28

Aˬ yawꞈ maꞈ ya dzaˬ ya dawˇ dehˆ-awˇ tsuˇ dui dui-eu meh. yaw haiˬ jeˬ mˇ-eu aˇ saˬ saˬ-euˬ maˬ baw-ehˇ, muˇ coe aˬ nmˇ deuˬ-ahˇ ngehˬ maˬ gʼeh-eu uˬ taꞈ, yaw shaˬ zaˬ-ahˇ yaw dawˇ dawˇ-ehˇ yaˇ kʼaˬ maˬ daˇ nehˬ-a.

Yeˬlaˬmiˇ 5:7

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ haˬ deuˬ-ahˇ aˬ jeˬ miˇ neh ngaˇ iˬ baˇ ya pyehˬ ta. Aˬ yawꞈ maꞈ ngaˬ-ahˇ byehˇ dzeh-awˇ, miˬ yehˇ maˬ ngeuˇ-eu deuˬ-ahˇ uˬ duˬ tahˬ-euˬ meh. Ngaˬ-euˬ tsawˇ haˬ deuˬ-ahˇ ngaˇ bi dzaˬ dehˆ-euˬ kʼawꞈ, aˬ cawˬ-euˬ zaˬ miˬ zaˬ yo-ahˇ bahˬ-awˇ, meh maˬ laˇ deuˬ nehˬ-ehˇ aˇ yamˬ laˆ jiˇ-euˬ meh.

Yeˬsaˬgeˬlaˇ 14:5

Tahˬ pahˬ aˬ ma mawˇ kawˇ kʼoeˇ deuˬ, Iˇsaˬleˬlaˆ tsawˇ haˬ deuˬ-ahˇ ngaˇ jawˇ gaˇ neh sheuˬ byoˆ gʼeh-euˬ meh. Ehˇ kʼawꞈ, aˬ yawꞈ maꞈ ngaˬ-ahˇ saˇ jaˇ paˇ ziꞈ kʼoꞈ laˇ tehꞈ-a lehˇ ngaˇ noeˬ tmˬ-euˬ ma.

Hawˇseˬ 13:6

Ehˇ kʼawꞈ, miˇ muiˬ-ahˇ le uˇ-awˇ, ya dzaˬ ya dawˇ dehˆ laˇ ngeh nah, naw maꞈ nui ma huiˬ laˇ jiˇ-awˇ, ngaˬ-ahˇ ngehˇ byoˆ nehˬ laꞈ-euˬ meh.

Hawˇseˬ 4:7

“Piˇ ma ngehˬ myaˬ iˬ baˇ ngehˬ mˇ, aˬ yawꞈ maꞈ-euˬ yaw shehꞈ kʼahˬ sehˇ, daˬ ga jiˇ ni ngaˇ jahˇ nehˬ ma.

Gʼaˬkʼehˇ 28:27

Aˬ jeˬ miˇ neh ehˇ naˇ, yawꞈ maꞈ nui ma gʼahˇ-awˇ, naˬ bawˇ paꞈ tsoeˬ tsoeˬ-awˇ, myaˆ nuiˆ miˆ tehˬ-euˬ meh. Kʼoeˇ loꞈ-ehˇ maˬ gʼeh law nmˇ-aˬ, myaˆ nuiˆ-ahˇ mawˇ leˇ-awˇ, naˬ bawˇ-ahˇ gaˬ leˇ-awˇ, nui ma-ahˇ noeˬ leˇ-awˇ, ngaˇ jawˇ gaˇ gʼoꞈ laˇ ngeh, naˇ gawˇ yaˇ taˬ nehˬ ma.”’

Gʼaˬkʼehˇ 9:5

Aˬ yawꞈ ehˇ-eu, “Sahˬpaˬ-oˇ, nawˇ aˬ suˇ gʼaˬ te.”

Dawˬmehˬ 31:16

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Gʼawˬ myahˇ maˬ gʼeh-ehˇ nawˇ ziˇ jiˇ le tehꞈ-a. Nawˇ shiˇ dzeuˇ ngeh, tsawˇ haˬ heu deuˬ ngaˬ-ahˇ saˇ jaˇ maˬ ziꞈ ni pyeuꞈ-iˇ-awˇ, ngaˬ neh aˬ yawꞈ maꞈ nehˬ-ehˇ dzaˬ taˬ-euˬ dawˬ ma saˇ jaˇ-ahˇ aˬ yawꞈ maꞈ puiˬ tehꞈ-a. Aˬ yawꞈ maꞈ ngaˬ-ahˇ byehˇ dzeh-awˇ, aˬ yawꞈ maꞈ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ, lawˇ ciꞈ zaˬ deuˬ-euˬ miˬyehˇ deuˬ-ahˇ aˬ yawꞈ maꞈ uˬ duˬ tahˬ tehꞈ-a.

Dawˬmehˬ 31:20

Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh saˇ jaˇ dzaˬ taˬ-euˬ loꞈ-ehˇ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ-ahˇ aˬ yawꞈ maꞈ-ahˇ ngaˇ sheuˬ uˇ gʼeh ma. Kʼoeˇ gaˇ, aˬ yawꞈ maꞈ kʼaˇ dzaˬ mawꞈ-eu jeˬ tiˬ byah ni jaˆ-awˇ, yaw saˇ saˇ-ehˇ ya dehꞈ ya jawˇ tehꞈ-a. Ehˇ kʼawꞈ, aˬ yawꞈ maꞈ mehˬ shiˬ yawˬ paw yawˬ ciˬ pyawˇ-awˇ, miˬyehˇ nui deuˬ-ahˇ uˬ duˬ tahˬ tehꞈ-a. Aˬ yawꞈ maꞈ ngaˬ-ahˇ byehˇ dzeh-awˇ, ngaˬ-euˬ dawˬ ma saˇ jaˇ-ahˇ puiˬ tehꞈ-a.

Dawˬmehˬ 32:4

“Aˬ dui lo guˇ Sahˬpaˬ Miˬyehˇ, yawꞈ mˇ-euˬ jeˬ tsaˬ meh byah meh. Aˬ dui Miˬyehˇ saˇ jaˇ ziꞈ-awˇ, tsaˬ dui, sui dui, dawˇ dui dui meh.

Dawˬmehˬ 32:6

Beh-euˬ yaw sahˇ naw maꞈ Aˬ da, naw maꞈ tsawˇ jeuˬ-ahˇ ciˬ tuˇ-euˬ, Sahˬpaˬ Miˬyehˇ mehˬ shi naw maꞈ, aˬ dzawˬ aˇ gah ya gah nmˇ loˇ.

Dawˬmehˬ 33:26

Iˇsaˬleˬlaˆ tsawˇ haˬ deuˬ-oˇ, mˬ taˆ mˬ dmˇ mahˬ dziˬ dziˬ-awˇ, caw ba-eu lehˇ ga keuˆ le-eu, naw maꞈ-euˬ Miˬyehˇ-ahˇ duˇ-eu, Miˬyehˇ nui gʼaˬ aˬ gaˇ jawˇ ta.

Dawˬmehˬ 33:5

Iˇsaˬleˬlaˆ tsawˇ jeuˬ dawˬ tawˆ, uiˬ leˇ bymˇ leˇ taˬ-euˬ kʼoeˇ taˆ, Sahˬpaˬ Miˬyehˇ dzoeˬ dzaˬ-euˬ meh.

Yaˇ kʼaˬ daˇ 10:6

Iˇsaˬleˬlaˆ tsawˇ haˬ deuˬ-aˬ, Baˬlaˇ miˬ yehˇ hawˇ-eu Aˬshaˇtaˬyoˇ miˬ yehˇ deuˬ-ahˇ maˬ ehˇ, Siˇdoˬ miˬ yehˇ deuˬ-ahˇ maˬ ehˇ, Mawˇbaˆ miˬ yehˇ deuˬ-ahˇ maˬ ehˇ, Aˬmoˬ miˬ yehˇ deuˬ-ahˇ maˬ ehˇ, Piˇliˇtiˆ miˬ yehˇ deuˬ-ahˇ maˬ ehˇ, uˬ duˬ tahˬ-eu laꞈ kʼoeˇ, Sahˬpaˬ Miˬyehˇ mehˬ shi iˬ baˇ mˇ-euˬ meh. Sahˬpaˬ Miˬyehˇ-ahˇ aˬ yawꞈ maꞈ uˬ duˬ maˬ tahˬ ni byehˇ dzeh-euˬ meh.

1 Saˬmeuˬlaˆ 2:29

Toˆ-ehˇ ngeuˇ naˇ, ngaˬ-euˬ tsawˇ haˬ deuˬ-ahˇ ngaˬ neh bi lawˇ-euˬ loꞈ-ehˇ, aˬ yawꞈ maꞈ ngaˬ-ahˇ lawˇ nehˬ laꞈ-euˬ jeˬ hawˇ-eu damˬ nehˬ laꞈ-euˬ jeˬ-ahˇ, aˬ jeˬ miˇ neh mehˇ juiˇ juiˇ te. Ngaˬ-ahˇ kʼaˇ lawˇ kʼaˇ shehˇ laˇ-euˬ jeˬ laꞈ kʼoeˇ, kʼaˇ muiˬ kʼaˇ kuiˇ-eu jeˬ-ahˇ nawˬ li deuˬ yuˇ doˆ-awˇ dzaˬ luꞈ gaˇ haw sheˇ. Eˇliˆ-oˇ, nawˬ-euˬ aˬ li deuˬ-ahˇ kʼoeˇ loꞈ-ehˇ bi jahˇ-awˇ, ngaˬ-ahˇ naˆ maˬ tseˇ aˬ yawꞈ maꞈ-ahˇ nawˇ aˬ jeˬ miˇ neh taˬ huiˬ te.