Dawˬmehˬ 32:14 - Akha

¹⁴ Mawˇ neˇ, ciꞈ myehꞈ, aˬ coeˇ mehˇ-awˇ, yawˇ, ciꞈ myehꞈ, mawˇ neˇ loˆ-awˇ, dzaˬ la gʼo cehˇ muiˬ dui dui-awˇ, aˬ gaꞈ dzaˇ uiˇ kuiˇ dui dui-eu, yawꞈ maꞈ dehꞈ dzaˬ-euˬ gaˇ kawˆ meh.

Dawˬmehˬ 32:14 ပူးပေါင်းရင်းမြစ်များ

Aˇ dahˬ 18:8

Kaˬ muˇ, mawˇ neˇ aˬ coeˇ, shaˬ jiˇ heu deuˬ Aˬbyaˬhaˬ yuˇ leꞈ-awˇ, aˬ yawꞈ maꞈ-euˬ mehˬ shi ciˬ taˬ le-euˬ meh. Aˇ bawˇ dawˬ pehˬ kʼoeˇ tsahˇ-ahˇ aˬ yawꞈ dzaˬ kʼmˬ dawˇ gʼawˆ lehˬ hmˬ-awˇ, aˬ yawꞈ maꞈ-ahˇ bi dzaˬ bi dawˇ-euˬ meh.

Aˇ dahˬ 49:11

Muiˬ dui dui-eu aˬ gaꞈ baw duˆ uˬ moˆ, aˬ yawꞈ-euˬ mahˬ tahˬ laˆ-ahˇ aˬ yawꞈ paꞈ tehꞈ-a. Shiˬ loꞈ-ehˇ neˇ-eu aˬ gaꞈ dzaˇ uiˇ laꞈ kʼoeˇ, aˬ yawꞈ-euˬ mehˬ tsoeˬ lehˬ tsiˬ tehꞈ-a.

2 Saˬmeuˬlaˆ 17:29

byaˬ byaˬ uiˇ deuˬ, mawˇ neˇ aˬ coeˇ neh jahˇ-euˬ kaˬ muˇ deuˬ yuˇ laꞈ-awˇ, yawˇ tiˬ deuˬ teh leꞈ nehˬ-euˬ meh. Daˬbiˇ hawˇ-eu aˬ yawꞈ-euˬ tsawˇ haˬ deuˬ, bawˇ tsahˬ bawˇ dahˇ laꞈ kʼoeˇ mehꞈ-eu shuꞈ-eu jeˬ hawˇ-eu gʼaˬ doeˇ doeˇ dui dui-eu jeˬ-ahˇ ya daˬ-euˬ meh lehˇ aˬ yawꞈ maꞈ noeˬ siˬ-eu laꞈ kʼoeˇ, kʼoeˇ loꞈ-ehˇ yuˇ laꞈ nehˬ-euˬ meh.

Neˬhaˬmiˇ 9:25

Ziꞈ-eu meuˬ deuˬ hawˇ-eu muiˬ-eu miˇ tsaˬ maˬ ehˇ, pyuˇ shuiˇ byah-eu nymˇ deuˬ hawˇ-eu duˬ gʼaˬ taˬ-euˬ lah duˬ maˬ ehˇ, Saˬloˬ aˇ bawˇ, aˇ siˬ aˇ bawˇ, aˬ gaꞈ yaˇ kmˇ maˬ ehˇ, nawˬ-euˬ tsawˇ jeuˬ deuˆ za-euˬ meh. Aˬ yawꞈ maꞈ kʼaˇ dzaˬ mawꞈ-eu jeˬ dzaˬ-awˇ tsuˇ laˇ-euˬ meh. Nawˬ neh biꞈ-euˬ muiˬ-eu guiˬ lahˬ deuˬ-ahˇ, aˬ yawꞈ maꞈ laˬ kʼaˬ cehˇ dui dui-euˬ meh.

Neˬhaˬmiˇ 9:26

Ehˇ kʼawꞈ, nawˬ-euˬ tsawˇ jeuˬ nawˬ-ahˇ puiˬ-awˇ, nawˬ-euˬ ehˇ dawˬ maˬ naˇ haˬ-ehˇ, nawˬ-euˬ zahˇ dawˬ kʼoꞈ dawˬ-ahˇ byehˇ dzeh-awˇ, naˇ kʼah ciˬ pyawˇ-awˇ cah-euˬ meh. Nawˇ jawˇ paw gʼoꞈ leˇ-eu gaˇ kawˆ mehˬ-eu, nawˬ-euˬ gʼaˇ duˬ ngehˬ dah nehˬ-eu deuˬ-ahˇ, aˬ yawꞈ maꞈ sehꞈ dzeh-awˇ, nawˬ-ahˇ gʼawˬ mya poˆ ngehˬ bahˬ tmˇ bahˬ-euˬ meh.

Yawˇbaˆ 20:17

Saˬ loˬ tsiˇ lawˇ baˬ loꞈ-ehˇ yoeˇ le-awˇ, mawˇ neˇ aˬ coeˇ hawˇ-eu byaˬ byaˬ uiˇ lawˇ gawˆ yoeˇ le-eu ya mawˇ gaˇ keuˆ ni, aˬ yawꞈ maˬ dehꞈ maˬ jawˇ keuˆ nya-a.

Yawˇbaˆ 29:6

Mawˇ neˇ aˬ coeˇ hawˇ-eu ciꞈ myehꞈ aˬ coeˇ tiˬ byah jaˆ-awˇ, kʼaˬ lo lo gahˬ-ahˇ saˬ loˬ yaˇ jaˆ-euˬ ma.

Jaceuq 147:14

Nawˬ-euˬ miˇ kʼahˬ-ahˇ nui saˇ oꞈ-eu jeˬ aˬ yawꞈ neh bi keuˆ le-awˇ, nawˬ-euˬ nui kʼahˇ tiˬ shiˇ muiˬ dui dui-eu cehˇ bi za le-euˬ meh.

Jaceuq 22:12

Mawˇneˇmawˇgaw tiˬjawˬoe-awˇ, Baˬshaˬmawˇneˇyaw gʼeh kʼoeˇdeuˬ, ngaˬ-ahˇjawˬlahˇjiˇtaˬ-euˬmeh.

Jaceuq 81:16

Ehˇkʼawꞈ ngaˇ naw maꞈ-ahˇ, muiˬ dui dui-eu cehˇ bi dzaˬ-awˇ, lo guˇ byaˬ uiˇ bi dawˇ dehˆ ma.”

Iˇsaˬyaˇ 7:15

Aˬ yawꞈ huiˬ loˆ laˇ-awˇ, yaw muiˬ yaw doeˇ tseˇ paˆ geuꞈ nya laˇ ngeh, miˇ kʼahˬ zaˬ deuˬ mawˇ neˇ aˬ coeˇ dawˇ-awˇ byaˬ byaˬ uiˇ dzaˬ luꞈ tehꞈ-a.

Iˇsaˬyaˇ 7:22

aˬ coeˇ dahˬ dui dui-eu miˇ neh, mawˇ neˇ aˬ coeˇ ja leh ya dzaˬ dehˆ tehꞈ-a. Miˇ kʼahˬ heu kʼahˬ-ahˇ kʼaˇ dzeˇ yaꞈ-euˬ tsawˇ haˬ dawˬ tawˆ luꞈ, mawˇ neˇ aˬ coeˇ ya dawˇ dehˆ-awˇ, mawˇ neˇ aˬ coeˇ ja leh ya dzaˬ dehˆ tehꞈ-a.

Yeˬsaˬgeˬlaˇ 39:18

Yawˇ deuˬ, ciꞈ myehꞈ deuˬ hawˇ-eu, tsuˇ dui dui-eu mawˇ neˇ mawˇ gaw deuˬ sehꞈ-eu loꞈ-ehˇ bi sehꞈ-eu yehˇ deuˬ-euˬ shaˬ jiˇ aˬ yawꞈ maꞈ ya dzaˬ-awˇ, miˇ tsaˬ kʼoeˇ taˆ sahˬpaˬ sahˬ ma geuꞈ-eu deuˬ-eu shiˬ, aˬ yawꞈ maꞈ ya dawˇ tehꞈ-a.

Hawˇseˬ 11:4

Nui gaˬ shaˬ coeˇ byah-eu laꞈ kʼoeˇ, aˬ yawꞈ maꞈ-ahˇ ngaˇ tsahˇ-euˬ ma. Aˬ yawꞈ maꞈ-ahˇ ciˬ cuˇ cuˇ-awˇ, baˬ ba tiˬ gaˇ ciˬ tawꞈ-euˬ ma. Ngaˬ-euˬ gʼawˇ mawˇ awˆ kʼoꞈ nehˬ-awˇ, aˬ yawꞈ maꞈ-ahˇ bi dzaˬ-euˬ ma.

Aˬmoˆ 4:1

Dzaˇ yaw muiˬ ya dzaˬ-eu miˇ neh tsuˇ dui dui-eu Baˬshaˬ meuˬ-ahˇ jawˇ-eu mawˇ neˇ mawˇ ma-ahˇ duˇ-eu Saˬmaˬliˆ meuˬ-ahˇ jawˇ-eu zaˬ miˬ zaˬ deuˬ-oˇ, naˇ haˬ sheˇ. Gʼaˬ baˬ-eu deuˬ-ahˇ naw maꞈ yehˬ bawˬ-ehˇ jahˇ nehˬ-awˇ, yaw shaˬ zaˬ deuˬ kʼoeˇ taˆ naw maꞈ kʼaˆ dzaˬ-euˬ meh. Naw maꞈ-euˬ kʼaˬ dzeˇ zaˬ deuˬ-ahˇ, jiˇ baˬ ciˬ laꞈ sheˇ lehˇ naw maꞈ kʼehˇ-eu meh.

Miˇkaˬ 7:14

Sahˬpaˬ Miˬyehˇ-oˇ, yawˇ bo-eu yaw sahˇ yawˇ zaˬ deuˬ-ahˇ haw piˇ-eu loꞈ-ehˇ, nawˬ neh tseˇ doˆ-euˬ nawˬ-euˬ tsawˇ jeuˬ-ahˇ haw piˇ-awˬ. Aˬ yawꞈ maꞈ bawˇ tsahˬ-ahˇ jawˇ ceuˆ taˬ-euˬ kʼawꞈ, aˬ yawꞈ maꞈ-euˬ jawˬ jawˬ-ehˇ miˇ muiˬ muiˬ-eu miˇ tsaˬ jaˆ-eu meh. Aˇ hu ba aˬ yawꞈ maꞈ neh mˇ dzaˬ kʼawꞈ dawˇ yaꞈ-euˬ miˇ tsaˬ miˇ muiˬ muiˬ dui dui-eu Baˬshaˬ hawˇ-eu Giˇlaˆ gahˬ kaˬ-ahˇ, aˬ yawꞈ maꞈ-ahˇ bi mˇ dzaˬ bi kʼawꞈ dawˇ poˆ-iˇ-awˬ.

Bawˇtsahˬ 18:12

“Keuˆ beh beh le-euˬ saˬ loˬ tsiˇ, aˬ gaꞈ dzaˇ uiˇ hawˇ-eu dzaˬ la gʼo cehˇ deuˬ laꞈ kʼoeˇ, aˬ cawˬ naˆ maˬ tseˇ muiˬ dzehˬ-eu deuˬ yuˇ-awˇ, Iˇsaˬleˬlaˆ tsawˇ haˬ deuˬ ngaˬ-ahˇ damˬ laˇ ngeh, kʼoeˇ deuˬ dawˬ tawˆ luꞈ ngaˇ naw maꞈ-ahˇ biꞈ-eu ma.

Dawˬmehˬ 28:47

Yawˬ jeˬ na luꞈ laꞈ kʼoeˇ, Sahˬpaˬ Miˬyehˇ nawˬ-ahˇ guiˬ lahˬ biꞈ-euˬ meh. Ehˇ kʼawꞈ, aˬ yawꞈ-euˬ gaˇ-ahˇ nawˇ laˬ kʼaˬ tiˬ cehˇ maˬ mˇ-a.

Panmaeq 14:20

Aˬ gaꞈ aˇ siˬ kʼoeˇ deuˬ-aˬ, meuˬ-euˬ laꞈ nyiˇ paw jaˆ-eu aˬ gaꞈ dzaˇ uiˇ nawˬ duˬ-ahˇ bi nawˬ pyehˆ-awˇ, aˬ gaꞈ dzaˇ uiˇ nawˬ duˬ-ahˇ shiˬ yoeˇ doˆ le-euˬ meh. Shiˬ lawˇ gawˆ kʼoeˇ gawˆ-aˬ, mahˬ-euˬ naˇ mehˇ-ahˇ keuˆ ni naꞈ-awˇ, tiˬ yaˇ yehꞈ tseˇ laˇ kaˬ gaˇ keuˆ ni yoeˇ keuˆ-eu meh.

Yaˇ kʼaˬ daˇ 5:25

Siˇseˬlaˇ iˇ cuꞈ shaˇ ngeh, aˬ yawꞈ mawˇ neˇ aˬ coeˇ biꞈ-euˬ meh. Huiˬ dui dui-eu kʼmˬ maˬ ciˬ-awˇ, mawˇ neˇ aˬ coeˇ lehˇ hu ciˬ nehˬ-euˬ meh.