Dawˬmehˬ 31:7 - Akha

⁷ Kʼoeˇ naˇ, Yawˇshuˆ-ahˇ Moˇseˬ kuˇ-awˇ, Iˇsaˬleˬlaˆ tsawˇ haˬ dawˬ tawˆ luꞈ-euˬ mehˬ shi heu loꞈ-ehˇ ehˇ nehˬ-euˬ meh. “Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ. Nawˇ-aˬ, Iˇsaˬleˬlaˆ tsawˇ haˬ deuˬ-euˬ aˬ poeˬ aˬ bawˇ deuˬ-ahˇ Sahˬpaˬ Miˬyehˇ neh saˇ jaˇ dzaˬ taˬ-euˬ miˇ kʼahˬ-ahˇ, aˬ yawꞈ maꞈ-ahˇ aˬ yuiꞈ geuꞈ-awˇ ya sheuˬ gʼeh-eu gʼaˬ pyeuꞈ-eu meh.

Dawˬmehˬ 31:7 ပူးပေါင်းရင်းမြစ်များ

2 Saˬmeuˬlaˆ 10:12

Gʼaˬ byehˆ maˬ byehˆ ni nui ma kʼaˬ duˬ ni taˬ-awˬ. Aˬ dui-euˬ tsawˇ jeuˬ hawˇ-eu, aˬ dui Miˬyehˇ-euˬ meuˬ deuˬ gʼaˇ duˬ, yaw kʼaˆ kʼaˆ-ehˇ guiˇ deuˆ kaˇ-euˇ. Sahˬpaˬ Miˬyehˇ nui ma tsaˬ-eu jeˬ keuˆ le luꞈ-uˇ.”

1 Sahˬpaˬ 2:2

“Ngaˇ ziˇ dehꞈ jiˇ-eu aˇ yamˬ dawˬ peh peh laˇ-euˬ miˇ-a. Nawˇ yawˬ haˇ yawˬ ha nui jah ahˇ-eu laꞈ kʼoeˇ, nui ma ziꞈ dah ni taˬ-awˬ.

1 Laˬsaˬbaˬ 22:13

Iˇsaˬleˬlaˆ tsawˇ jeuˬ gʼaˇ duˬ, Sahˬpaˬ Miˬyehˇ neh Moˇseˬ-ahˇ biꞈ taˬ-euˬ zahˇ dawˬ kʼoꞈ dawˬ deuˬ-ahˇ nawˇ naˇ haˬ geuꞈ naˇ, nawˇ huiˬ laˇ mahˇ laˇ tehꞈ-a. Nui ma ziꞈ dah ni taˬ-awˇ, yawˬ haˇ yawˬ ha nui jah ahˇ-eu laꞈ kʼoeˇ, tiˬ jeˬ-ahˇ-iˬ maˬ guˆ ni dehꞈ-awˬ.

Daˬyeˬlaˇ 10:19

“Miˬyehˇ nawˬ-ahˇ gaˬ-eu meh. Kʼoeˇ miˇ neh, nawˇ tiˬ jeˬ-ahˇ-iˬ noeˬ shaˬ-awˇ taˬ guˆ” lehˇ aˬ yawꞈ ehˇ-eu meh. Aˬ yawꞈ kʼoeˇ loꞈ-ehˇ ehˇ gʼaˬ ngeh, ngaˇ gʼaˬ paˇ ahˇ dzehˬ laˇ-awˇ, heu loꞈ-ehˇ ehˇ-euˬ ma. “Yaw huiˬ yaw mahˇ gʼaˬ-oˇ, nawˇ ngaˬ-ahˇ dzawˇ nehˬ paˬ-ehˇ gʼeh-eu jeˬ dzawˇ nehˬ laꞈ-awˬ. Nawˬ neh ngaˬ-ahˇ gʼaˬ bi ahˇ dzehˬ laˇ-euˬ miˇ-a.”

Bawˇtsahˬ 13:20

Miˇ tsaˬ miˇ muiˬ muiˬ-awˇ, aˇ bawˇ sahˬ kʼaˆ jeˬ nga loˇ lehˇ pyehˆ tseˇ duˬ-awˬ. Kʼoeˇ naˇ, miˇ kʼahˬ kʼoeˇ kʼahˬ-ahˇ jaˆ-eu aˇ siˬ aˇ lu ui cuiˆ maˬ ngehˇ ni yuˇ kʼoꞈ laꞈ law.” (Aˇ yamˬ kʼoeˇ yamˬ-aˬ, aˬ gaꞈ aˇ siˬ awꞈ dahˬ beh-eu aˇ yamˬ pyeuꞈ-eu meh.)

Bawˇtsahˬ 27:19

Piˇ ma Eˇlaˬzaˬ hawˇ-eu Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ mehˬ shi aˬ yawꞈ-ahˇ bi yawꞈ-awˇ, nawˬ-euˬ dah zaˇ gaˇ mˇ-eu gʼaˇ duˬ aˬ yawꞈ-ahˇ tseˇ doˆ-euˬ gaˇ kawˆ, aˬ yawꞈ maꞈ dawˬ tawˆ luꞈ-ahˇ guˇ gaˬ nehˬ-awˬ.

Yoˇhaˬ 1:17

Miˬyehˇ aˬ dui-ahˇ Zahˇ dawˬ kʼoꞈ dawˬ biꞈ laꞈ ngeh, Moˇseˬ-ahˇ gʼoe-awˇ biꞈ laꞈ-euˬ meh. Ehˇ kʼawꞈ, Miˬyehˇ aˬ dui-ahˇ gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ pah mehˬ laꞈ ngeh, Yeˬsuˇ-ahˇ gʼoe-awˇ pah mehˬ laꞈ-euˬ meh.

Eˇpeˇsu 6:10

Aˇ saˬ saˬ-eu dawˬ heu loꞈ-ehˇ ehˇ-eu ma. Sahˬpaˬ Yeˬsuˇ-euˬ huiˬ-eu baoˬ-ahˇ gʼoe-awˇ, aˬ yawꞈ laꞈ kʼoeˇ gʼaˬ ahˇ laˇ-awˬ.

Dawˬmehˬ 1:38

Ehˇ kʼawꞈ, nawˬ-ahˇ caw ba-eu gʼaˬ pyeuꞈ-eu Nuˬ-euˬ aˬ li Yawˇshuˆ-ahˇ gʼaˬ yaw kʼaˆ-ehˇ biꞈ-awˬ. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ-ahˇ, miˇ kʼahˬ kʼoeˇ kʼahˬ laꞈ kʼoeˇ aˬ yawꞈ ya sheuˬ uˇ gʼeh tehꞈ-a’ lehˇ ehˇ-eu meh.

Dawˬmehˬ 1:8

Miˇ kʼahˬ heu dawˬ tawˆ luꞈ, naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ hawˇ-eu Yaˬkoˆ-ahˇ maˬ ehˇ, aˬ yawꞈ maꞈ-euˬ zaˬ deuˬ uˆ deuˬ-ahˇ maˬ ehˇ, biꞈ ma lehˇ Sahˬpaˬ Miˬyehˇ pyeuꞈ-eu ngaˇ saˇ jaˇ dzaˬ taˬ-euˬ ma. Naw maꞈ iˇ-awˇ kʼoeˇ gaˇ jawˇ-iˇ-awˬ’ lehˇ ehˇ-eu meh.”

Dawˬmehˬ 11:8

“Iˬ nah ngaˇ naw maꞈ-ahˇ biꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naˇ haˬ geuꞈ-awˬ. Kʼoeˇ loꞈ-ehˇ jahˇ naˇ, naw maꞈ lawˇ baˬ tsehˆ doˆ nya-awˇ, naw maꞈ jawˇ leˇ-eu lehˇ gʼeh-eu miˇ kʼahˬ naw maꞈ za tehꞈ-a.

Dawˬmehˬ 3:28

Yawˇshuˆ-ahˇ mehˬ nehˬ tsoˆ nehˬ paˬ-ehˇ gʼeh-eu jeˬ mehˬ nehˬ tsoˆ nehˬ-awˇ gʼaˬ biꞈ nehˬ-awˬ. Aˬ jeˬ miˇ neh ehˇ naˇ, nawˬ neh haw mawˇ-euˬ miˇ kʼahˬ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ aˬ yawꞈ ya sheuˬ uˇ gʼeh meh’ lehˇ ehˇ nehˬ laꞈ-euˬ meh.

Dawˬmehˬ 31:21

Kʼoeˇ ngeh, guˆ laˇ paˬ-ehˇ gʼeh-eu luˬ-iˇ seˇ-iˇ-eu gʼawˬ mya jeˬ, aˬ yawꞈ maꞈ kʼoeˇ taˆ keuˆ le tehꞈ-a. Ehˇ kʼawˬ, caˇ dawˬ heu bymˇ-ahˇ aˬ myah luꞈ ya caˇ-awˇ, caˇ dawˬ heu aˬ yawꞈ maꞈ gʼaˇ duˬ saˇ kiˇ pyeuꞈ tehꞈ-a. Aˬ yawꞈ maꞈ-ahˇ biꞈ ma lehˇ ngaˬ neh saˇ jaˇ dzaˬ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ maˬ sheuˬ uˇ gʼeh mi naˆ-ehˇ kʼawꞈ, nymˬ-mˇ aˬ yawꞈ maꞈ-euˬ nui ma laꞈ kʼoeˇ aˬ joˆ-ehˇ noeˬ luꞈ-eu ngaˇ siˬ nya ma.”

Dawˬmehˬ 31:23

Kʼoeˇ naˇ, Nuˬ-eu aˬ li Yawˇshuˆ-ahˇ Sahˬpaˬ Miˬyehˇ dawˬ ngehˬ-awˇ ehˇ nehˬ-eu, “Yaw haˇ yawˬ ha nui jah ahˇ-awˇ, nui ma kʼaˬ duˬ ni taˬ-awˬ. Ngaˬ neh saˇ jaˇ dzaˬ taˬ-euˬ miˇ kʼahˬ laꞈ kʼoeˇ Iˇsaˬleˬlaˆ tsawˇ haˬ deuˬ-ahˇ nawˇ ya sheuˬ uˇ gʼeh tehꞈ-a. Nawˬ nehˬ-ehˇ ngaˇ jawˇ ma.”

Dawˬmehˬ 31:3

Kʼoeˇ gaˇ jawˇ luꞈ-eu tsawˇ jeuˬ deuˬ-euˬ miˇ kʼahˬ-ahˇ naw maꞈ jawˇ leˇ nya-eu gʼaˇ duˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-euˬ mehˬ hu le-awˇ, aˬ yawꞈ maꞈ-ahˇ laˆ luˬ laˆ seˇ nehˬ tehꞈ-a. Sahˬpaˬ Miˬyehˇ neh ehˇ taˬ-euˬ jaˆ-eu loꞈ-ehˇ, naw maꞈ-euˬ kʼoeˇ taˆ Yawˇshuˆ aˬ yuiꞈ geuꞈ-awˇ, naw maꞈ-ahˇ sheuˬ gʼeh nehˬ laꞈ tehꞈ-a.

Dawˬmehˬ 31:6

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ. Aˬ yawꞈ maꞈ-ahˇ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-euˬ mawˇ do naw maꞈ nehˬ-ehˇ jawˇ tehꞈ-a. Aˬ yawꞈ naw maꞈ-ahˇ byehˇ dzeh-awˇ maˬ bi jawˇ nehˬ laꞈ-aˇ.”

Yawˇshuˆ 1:5

Yawˇshuˆ-oˇ, nawˇ yaw dehꞈ kʼaˇ dehꞈ kʼoeˇ keuˆ ni tsawˇ haˬ tiˬ gʼaˬ-iˬ nawˬ-ahˇ maˬ gʼaˬ laˇ-aˇ. Moˇseˬ nehˬ-ehˇ ngaˇ jawˇ-euˬ loꞈ-ehˇ, nawˬ nehˬ-ehˇ ngaˇ jawˇ ma. Aˬ myah luꞈ nawˬ nehˬ-ehˇ ngaˇ jawˇ-awˇ, nawˬ-ahˇ ngaˇ maˬ byehˇ dzeh.

Yawˇshuˆ 1:6

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ. Aˬ jeˬ miˇ neh ehˇ naˇ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh saˇ jaˇ dzaˬ taˬ-euˬ miˇ kʼahˬ-ahˇ tsawˇ haˬ heu deuˬ jawˇ leˇ ngeh, aˬ yawꞈ maꞈ kʼoeˇ taˆ nawˇ aˬ yuiꞈ ya geuˬ tehꞈ-a.