Dawˬmehˬ 31:4 - Akha

⁴ Aˬmawˇliˆ tsawˇ haˬ deuˬ-euˬ sahˬ paˬ pyeuꞈ-eu Siˇhoˬ hawˇ-eu Awˇgaˆ-ahˇ aˬ yawꞈ guiˇ deuˆ gʼaˬ-awˇ, aˬ yawꞈ maꞈ-euˬ miˇ kʼahˬ-ahˇ laˆ luˬ laˆ seˇ nehˬ-euˬ loꞈ-ehˇ, tsawˇ jeuˬ kʼoeˇ deuˬ-ahˇ kʼawꞈ Sahˬpaˬ Miˬyehˇ laˆ luˬ laˆ seˇ nehˬ tehꞈ-a.

Dawˬmehˬ 31:4 ပူးပေါင်းရင်းမြစ်များ

Dawˬmehˬ 2:33

Ehˇ kʼawꞈ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh, aˬ yawꞈ-ahˇ aˬ dui-euˬ laꞈ-ahˇ bi ahˇ le-awˇ, aˬ yawꞈ-ahˇ maˬ ehˇ, aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ-euˬ tsawˇ haˬ dawˬ tawˆ luꞈ-ahˇ maˬ ehˇ, aˬ dui sehꞈ-euˬ ma.

Dawˬmehˬ 3:21

“Kʼoeˇ naˇ, Yawˇshuˆ-ahˇ ngaˇ heu loꞈ-ehˇ mehˬ nehˬ tsoˆ nehˬ-euˬ ma. ‘Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh, sahˬ paˬ Siˇhoˬ hawˇ-eu sahˬ paˬ Awˇgaˆ aˬ nyaꞈ-ahˇ kʼaˇ jahˇ nehˬ-euˬ jeˬ dawˬ tawˆ luꞈ, nawˇ ya mawˇ-euˬ meh. Naw maꞈ guiˇ kʼaˇ deuˆ uˇ gʼeh-eu miˇ kʼahˬ-ahˇ aˬ yawꞈ kʼoeˇ loꞈ-ehˇ jahˇ nehˬ tehꞈ-a.

Dawˬmehˬ 31:3

Kʼoeˇ gaˇ jawˇ luꞈ-eu tsawˇ jeuˬ deuˬ-euˬ miˇ kʼahˬ-ahˇ naw maꞈ jawˇ leˇ nya-eu gʼaˇ duˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-euˬ mehˬ hu le-awˇ, aˬ yawꞈ maꞈ-ahˇ laˆ luˬ laˆ seˇ nehˬ tehꞈ-a. Sahˬpaˬ Miˬyehˇ neh ehˇ taˬ-euˬ jaˆ-eu loꞈ-ehˇ, naw maꞈ-euˬ kʼoeˇ taˆ Yawˇshuˆ aˬ yuiꞈ geuꞈ-awˇ, naw maꞈ-ahˇ sheuˬ gʼeh nehˬ laꞈ tehꞈ-a.

Dawˬmehˬ 31:5

Sahˬpaˬ Miˬyehˇ naw maꞈ-ahˇ tsawˇ jeuˬ kʼoeˇ deuˬ-ahˇ bi gʼaˬ leˇ-awˇ, ngaˬ neh naw maꞈ-ahˇ kʼaˇ ehˇ taˬ-euˬ loꞈ-ehˇ tiˬ pawꞈ-iˬ maˬ bi lehˬ-iˇ ni, tsawˇ jeuˬ kʼoeˇ deuˬ-ahˇ naw maꞈ ya jahˇ nehˬ tehꞈ-a.

Dawˬmehˬ 7:16

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-euˬ laꞈ-ahˇ bi ahˇ le-euˬ tsawˇ jeuˬ dawˬ tawˆ luꞈ-ahˇ, naw maꞈ laˆ luˬ laˆ seˇ nehˬ-awˬ. Aˬ yawꞈ maꞈ-ahˇ gʼawˬ shaˬ taˬ gaˬ. Aˬ yawꞈ maꞈ-euˬ miˬyehˇ deuˬ-ahˇ uˬ duˬ taˬ tahˬ. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-aˬ, naw maꞈ-ahˇ lahˇ ju kʼmˇ gaˇ duˇ-eu meh.

Dawˬmehˬ 7:2

Tsawˇ jeuˬ kʼoeˇ deuˬ naw maꞈ-euˬ laꞈ-ahˇ ahˇ le ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jahˇ-awˇ, aˬ yawꞈ maꞈ dawˬ tawˆ luꞈ-ahˇ naw maꞈ ya sehꞈ meh. Aˬ yawꞈ maꞈ nehˬ-ehˇ saˇ jaˇ taˬ dzaˬ.

Yawˇshuˆ 24:12

Naw maꞈ le gʼeh leꞈ-eu nehˬ-ehˇ, naw maꞈ-euˬ mehˬ shi ngaˇ byaˬ duˇ pyehˬ gʼeh-awˇ, Aˬmawˇliˆ sahˬ paˬ kʼoeˇ nyiˬ gʼaˬ-ahˇ teh doˆ-euˬ ma. Naw maꞈ-euˬ mi cehˇ hawˇ-eu kaˆ deuˬ, kʼoeˇ gaˇ tiˬ jeˬ-iˬ maˬ mˇ-aˬ.