Dawˬmehˬ 31:29 - Akha

²⁹ Ngaˇ shiˇ dzeuˇ ngeh jawˇ, tsawˇ haˬ heu deuˬ yaw haiˬ jeˬ mˇ-awˇ, ngaˬ neh aˬ yawꞈ maꞈ-ahˇ mehˬ nehˬ tsoˆ nehˬ-euˬ jeˬ-ahˇ byehˇ dzeh tehꞈ-a. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, luˬ-iˇ seˇ-iˇ-eu jeˬ aˬ yawꞈ maꞈ ya tahˬ puˬ tehꞈ-a. Aˬ jeˬ miˇ neh ehˇ naˇ, Sahˬpaˬ Miˬyehˇ neh laˆ tsoeˬ taˬ-euˬ jeˬ aˬ yawꞈ maꞈ mˇ-eu laꞈ kʼoeˇ, aˬ yawꞈ nui ma pehˇ ni aˬ yawꞈ maꞈ jahˇ tehꞈ-a.”

Dawˬmehˬ 31:29 ပူးပေါင်းရင်းမြစ်များ

Aˇ dahˬ 49:1

Aˬ yawꞈ-euˬ aˬ li deuˬ-ahˇ Yaˬkoˆ kuˇ uiˬ jiˇ-awˇ, heu loꞈ-ehˇ ehˇ nehˬ-euˬ meh. Heu gaˇ uiˬ laˇ-awˬ. Aˬ kaˇ naw maꞈ-euˬ mehˬ shi keuˆ le-eu gaˇ kawˆ ngaˇ naw maꞈ-ahˇ ehˇ nehˬ nyaˇ.

Aˇ dahˬ 6:11

Ehˇ kʼawꞈ, tsawˇ haˬ zaˬ dawˬ tawˆ luꞈ, Miˬyehˇ mehˬ shi maˬ muiˬ maˬ shawˇ-eu tsawˇ haˬ tehꞈ-ehˇ pyeuꞈ jiˇ-awˇ, yawˬ gaˇ na luꞈ yaw cawˆ jeˬ tehꞈ-ehˇ mˇ luꞈ-eu meh.

2 Laˬsaˬbaˬ 34:24

Sahˬpaˬ Miˬyehˇ heu loꞈ-ehˇ ehˇ-eu meh. ‘Sahˬ paˬ-ahˇ gui mehˬ nehˬ-euˬ sahˬ boꞈ paˇ dmˬ kʼoeˇ dmˬ laꞈ kʼoeˇ boꞈ ahˇ taˬ-euˬ kʼehˬ-eu kʼaˆ-eu jeˬ Yeˬluˇsaˬlehˬ meuˬ hawˇ-eu kʼoeˇ gaˇ jawˇ-eu tsawˇ haˬ deuˬ kʼoeˇ taˆ ngaˇ bi keuˆ le ma.

Yawˇbaˆ 19:25

Ehˇ kʼawꞈ, aˇ saˬ saˬ ngeh ngaˬ-ahˇ ka kʼoꞈ le-eu gʼaˬ, mˬ kʼoeˇ taˆ jawˇ meh lehˇ ngaˇ siˬ nya ma.

Doˆ-iˇ 32:7

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Yaw kawˇ ma-ehˇ gʼoꞈ ka-iˇ-awˬ. Aˬ jeˬ miˇ neh ehˇ naˇ, Iˇjiˇtuˆ miˇ kʼahˬ laꞈ kʼoeˇ nawˬ neh sheuˬ doˆ laꞈ-euˬ tsawˇ haˬ deuˬ iˬ baˇ mˇ-awˇ ngaˬ-ahˇ puiˬ luꞈ meh.

Iˇsaˬyaˇ 1:4

Iˬ baˇ huiˬ-eu tsawˇ jeuˬ law hawˇ nga. Iˬ baˇ neh bi ciˬ tehˬ sehꞈ law hawˇ nga. Yaw haiˬ-euˬ zaˬ pyeuꞈ-awˇ, yaw bahˬ je poˆ-eu nga. Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-awˇ, Iˇsaˬleˬlaˆ-euˬ Muiˬ-eu shawˇ-eu gʼaˬ-ahˇ byehˇ dzeh-euˬ nga. Maˇ maˇ ni byehˇ tsehˆ tsehˆ-euˬ nga.

Yeˬsaˬgeˬlaˇ 38:8

Aˇ nah aˇ yamˬ gʼawˬ myahˇ ni dzeuˇ-iˇ gʼaˬ ngeh jawˇ, aˬ cawˬ miˇ kʼahˬ gʼawˬ mya kʼahˬ-ahˇ neh gʼoꞈ uiˬ laˇ-awˇ jawˇ-eu, guiˇ deuˆ laˇ gaˇ maˬ guˆ ni ya dehꞈ ya jawˇ luꞈ-eu miˇ kʼahˬ tiˬ kʼahˬ-ahˇ, nawˬ-ahˇ ngaˇ guiˇ bi deuˆ-iˇ ma. Dzeuˇ laˇ ngeh aˇ yamˬ gʼawˬ myahˇ ni cawˆ-iˇ-awˇ ciˬ cuˇ ni jaˆ-euˬ kʼawꞈ, nymˬ-mˇ tsawˇ haˬ dawˬ tawˆ luꞈ nui saˇ oꞈ-eu laꞈ kʼoeˇ jawˇ luꞈ-eu miˇ kʼahˬ pyeuꞈ-eu Iˇsaˬleˬlaˆ gawˬ jawˬ deuˬ-ahˇ aˬ yawꞈ guiˇ ya deuˆ-iˇ tehꞈ-a.

Daˬyeˬlaˇ 10:14

Aˬ kaˇ mehˬ hu paw nawˬ-euˬ tsawˇ jeuˬ kʼoeˇ taˆ aˬ joˆ-ehˇ pyeuꞈ laˇ-eu gaˇ kawˆ nawˇ gʼoˆ shaw nya ni ngaˇ ja mehˬ le-euˬ ma. Heu-aˬ, aˬ kaˇ mehˬ hu paw pyeuꞈ laˇ-eu gaˇ kawˆ-ahˇ taꞈ leˇ-eu yaw sahˇ laꞈ kʼoeˇ ya siˬ ya mawˇ-eu jeˬ meh.”

Hawˇseˬ 9:9

Giˇbyaˬ meuˬ-ahˇ dehꞈ ngeh loꞈ-ehˇ aˬ yawꞈ maꞈ kʼaˇ mˇ kʼaˇ shaˇ-eu, ehˇ kʼaˇ maˬ za ni haiˬ-eu meh. Iˬ baˇ kʼoeˇ deuˬ-ahˇ maˬ ngehˇ ni, Miˬyehˇ kʼehˬ nehˬ kʼaˆ nehˬ tehꞈ-a.

Luˇkaꞈ 21:24

Aˬ yawꞈ maꞈ mi cehˇ kʼehˬ-ahˇ ya shiˇ-awˇ, aˬ cawˬ miˇ kʼahˬ doe ni bi nyehꞈ byoˆ gʼeh tehꞈ-a. Yeˬluˇsaˬlehˬ meuˬ-aˬ, aˬ cawˬ tsawˇ jeuˬ neh bi nawˬ pahˬ tehꞈ-a. Aˬ cawˬ tsawˇ jeuˬ kʼoeˇ deuˬ-euˬ aˇ yamˬ maˬ jiˇ kʼoeˇ keuˆ ni, bi nawˬ pahˬ taˬ tehꞈ-a.

Gʼaˬkʼehˇ 20:30

Naw maꞈ-euˬ laꞈ kʼoeˇ tsawˇ haˬ tiˬ paˆ na deuˬ doˆ laˇ-awˇ, jah-eu tsawˇ haˬ deuˬ-ahˇ mehˇ shuiˇ shuiˇ-eu laꞈ kʼoeˇ aˬ yawꞈ maꞈ jawˇ paw sheuˬ pyawˇ gʼeh tehꞈ-a.

Dawˬmehˬ 31:30

Kʼoeˇ naˇ, Iˇsaˬleˬlaˆ tsawˇ haˬ deuˬ naˇ haˬ luꞈ ngeh, caˇ dawˬ heu bymˇ bymˇ lah ni Moˇseˬ caˇ mehˬ nehˬ-euˬ meh.

Dawˬmehˬ 32:20

Kʼoeˇ naˇ, aˬ yawꞈ ngehˬ-euˬ dawˬ-aˬ, ‘Yawꞈ maꞈ-ahˇ ngehˬ maˬ paˇ gʼeh ma. Nui ma gʼahˇ-awˇ saˇ jaˇ puiˬ-eu, aˬ jeˬ keuˆ le nga lehˇ haw ma.

Dawˬmehˬ 32:29

Aˬ cawˬ neh bi deuˆ gʼaˬ-euˬ kʼoeˇ, gaˇ kawˆ maˬ tseˇ paˆ geuꞈ nya-a.

Dawˬmehˬ 32:5

Yawꞈ-euˬ mehˬ shi naw maꞈ dehꞈ-eu, yawꞈ-ahˇ saˇ jaˇ puiˬ-euˬ miˇ neh, yaw lehˬ yaw ca myaˬ-eu naw maꞈ, yawꞈ-euˬ zaˬ lehˇ maˬ kuˇ geuˇ-a.

Dawˬmehˬ 4:30

Shaˬ-eu zahˬ-eu jeˬ-ahˇ naw maꞈ ya tahˬ puˬ-awˇ, kʼoeˇ deuˬ dawˬ tawˆ luꞈ naw maꞈ kʼoeˇ taˆ keuˆ le naˇ, aˇ saˬ saˬ laˇ ngeh Sahˬpaˬ Miˬyehˇ jawˇ gaˇ naw maꞈ paˇ gʼoꞈ kʼoꞈ laˇ-awˇ, aˬ yawꞈ-euˬ ehˇ dawˬ naˇ haˬ tehꞈ-a.

1 Tiˆmoˇseˬ 4:1

Aˇ nah aˇ nah-ehˇ, tsawˇ haˬ tiˬ paˆ na deuˬ jah-eu jeˬ-ahˇ byehˇ dzeh tehꞈ-a lehˇ Yaw sahˇ Miˬyehˇ ehˇ-eu meh. Jaˬ myawꞈ myawꞈ-eu yaw sahˇ deuˬ-euˬ dawˬ-ahˇ aˬ yawꞈ maꞈ naˇ haˬ-awˇ, nehꞈ mehˬ-eu tsoˆ-eu mehˬ nah caw teh gʼeh tehꞈ-a.

HeˬByehˇ 1:2

Ehˇ kʼawꞈ, aˇ saˬ saˬ-eu aˇ yamˬ pyeuꞈ-eu heu ziˇ laꞈ kʼoeˇ, aˬ yawꞈ-euˬ Zaˬmaˇ-ahˇ gʼoe-awˇ aˬ dui-ahˇ dawˬ ngehˬ cawˬ-euˬ meh. Mˬ hawˇ-eu miˇ dawˬ tawˆ luꞈ-ahˇ Miˬyehˇ beh ngeh, Zaˬmaˇ-ahˇ gʼoe-awˇ beh-euˬ meh. Zaˬmaˇ-aˬ, aˇ saˬ saˬ ngeh kʼaˇ jawˇ kʼaˇ jaˆ-eu jeˬ dawˬ tawˆ luꞈ-ahˇ jeˬ biˇ za-euˬ gʼaˬ pyeuꞈ ni Miˬyehˇ neh tseˇ doˆ-euˬ meh.

2 Beˬtuˆluˆ 3:3

Aˇ saˬ saˬ-eu aˇ nah aˇ yamˬ heu laꞈ kʼoeˇ, yawˬ ha-euˬ shiˬ shaˬ jiˇ nui kʼahˇ mehˬ nah caw teh-awˇ dehꞈ-eu tsawˇ haˬ deuˬ doˆ le tehꞈ-a lehˇ, naw maꞈ-ahˇ jeˬ huˬ bi siˬ nya taˬ-eu tsaˬ meh. Tsawˇ haˬ kʼoeˇ deuˬ naw maꞈ-ahˇ yehˬ bawˬ sehˇ lu-ehˇ ehˇ niˇ gʼa laˇ tehꞈ-a.

Yaˇ kʼaˬ daˇ 2:19

Ehˇ kʼawꞈ, aˬ yuiꞈ aˬ tsu kʼoeˇ gʼaˬ shiˇ dzeuˇ naˇ, aˬ yawꞈ maꞈ aˬ yawꞈ yaw oeˇ loꞈ-ehˇ paˇ dehꞈ poˆ-awˇ, yaw beh ziˇ naˆ maˬ tseˇ, maˬ muiˬ maˬ jaˬ-eu jeˬ paˇ mˇ-euˬ meh. Miˬyehˇ nui deuˬ-ahˇ uˬ duˬ paˇ tahˬ-awˇ, aˬ yawꞈ maꞈ mˇ luꞈ-eu maˬ muiˬ maˬ jaˬ-eu jeˬ-ahˇ kʼawꞈ, maˬ byehˇ dzeh ni mˇ-euˬ meh.