Dawˬmehˬ 31:28 - Akha

²⁸ Gaˇ kawˆ heu deuˬ ngaˇ dzawˇ mehˬ nehˬ nya ni, naw maꞈ-euˬ tsawˇ jeuˬ aˬ yawꞈ jeuˬ yawꞈ-euˬ aˬ yuiꞈ aˬ tsu deuˬ hawˇ-eu yaw huiˬ yaw mahˇ deuˬ-ahˇ kuˇ uiˬ-awˬ. Aˬ yawꞈ maꞈ-euˬ mehˬ shi saˇ kiˇ bi geuꞈ-eu gʼaˇ duˬ, mˬ hawˇ-eu miˇ-ahˇ ngaˇ kuˇ-eu ma.

Dawˬmehˬ 31:28 ပူးပေါင်းရင်းမြစ်များ

2 Sahˬpaˬ 23:1

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ kʼaˇ jawˇ-eu aˬ yuiꞈ aˬ tsu deuˬ-ahˇ, Yawˇshiˆ neh kuˇ uiˬ jiˇ-euˬ meh.

Yawˇbaˆ 20:27

Tsawˇ haˬ kʼoeˇ gʼaˬ-euˬ iˬ baˇ-ahˇ mˬ pah mehˬ-awˇ, miˇ tsaˬ tahˬ kʼawˇ saˇ kiˇ kamˬ tehꞈ-a.

Jaceuq 50:4

Aˬ yawꞈ-euˬ tsawˇ haˬ deuˬ-ahˇ aˬ yawꞈ yaˇ kʼaˬ daˇ gaˇ, mˬ hawˇ-eu miˇ-ahˇ saˇ kiˇ bi geuꞈ-euˬ meh.

Doˆ-iˇ 18:25

Aˬ yuiꞈ aˬ tsu bi geuꞈ-eu gʼaˇ duˬ, Iˇsaˬleˬlaˆ tsawˇ haˬ dawˬ tawˆ luꞈ laꞈ kʼoeˇ, gʼeh nya-eu tsawˇ haˬ deuˬ aˬ yawꞈ tseˇ doˆ-awˇ, aˇ heˇ gʼaˬ kʼoeˇ taˆ aˬ yuiꞈ geuꞈ-eu deuˬ, aˇ yaˇ gʼaˬ kʼoeˇ taˆ aˬ yuiꞈ geuꞈ-eu deuˬ, ngaˬ tseˇ gʼaˬ kʼoeˇ taˆ aˬ yuiꞈ geuꞈ-eu deuˬ hawˇ-eu, tseˇ gʼaˬ kʼoeˇ taˆ aˬ yuiꞈ geuꞈ-eu deuˬ lehˇ bi baw-euˬ meh.

Iˇsaˬyaˇ 1:2

Sahˬpaˬ Miˬyehˇ ehˇ-eu, “Mˬ hawˇ-eu miˇ-oˇ, naˬ bawˇ ciˬ kʼmˇ sheˇ. Ngaˇ ehˇ gaˇ naˇ haˬ sheˇ. Ngaˬ neh cu huiˬ-euˬ zaˬ deuˬ, ngaˬ-ahˇ puiˬ luꞈ meh.

Luˇkaꞈ 19:40

Yeˬsuˇ ehˇ-eu, “Ngaˇ naw maꞈ-ahˇ ehˇ nehˬ nyaˇ. Tsawˇ haˬ heu deuˬ maˬ guˇ-ehˇ naˬ leˇ naˇ, kʼaˬ lo deuˬ guˇ laˇ tehꞈ-a.”

Dawˬmehˬ 29:10

“Iˬ nah naw maꞈ dawˬ tawˆ luꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi yawꞈ luꞈ-eu meh. Naw maꞈ-euˬ aˬ yuiꞈ aˬ tsu deuˬ hawˇ-eu yaw huiˬ yaw mahˇ deuˬ maˬ ehˇ, kʼaˬ dzeˇ zaˬ deuˬ maˬ ehˇ,

Dawˬmehˬ 30:19

Nymˬ-mˇ, ngaˇ nawˬ-ahˇ dehꞈ-eu jeˬ hawˇ-eu shiˇ-eu jeˬ bi tseˇ geuꞈ-eu ma. Sahˬpaˬ Miˬyehˇ-euˬ guiˬ lahˬ hawˇ-eu yaˬ kʼehˇ yaˬ-eu jeˬ bi tseˇ geuꞈ-eu ma. Mˬ hawˇ-eu miˇ-ahˇ ngaˇ kuˇ-awˇ, nawˬ neh kʼaˇ tseˇ geuꞈ-euˬ jeˬ gʼaˇ duˬ saˇ kiˇ bi geuꞈ ma. Dehꞈ-eu jeˬ-ahˇ tseˇ-awˬ.

Dawˬmehˬ 31:12

Yawˬ gʼaˬ na luꞈ ya gaˬ-eu laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ yaw zeu baw-eu siˬ nya laˇ-awˇ, aˬ yawꞈ neh mehˬ nehˬ tsoˆ nehˬ-euˬ jeˬ-ahˇ saˇ jaˇ ziꞈ-eu laꞈ kʼoeˇ naˇ haˬ geuꞈ nya laˇ ni, kʼaˬ dzeˇ zaˬ deuˬ, zaˬ miˬ zaˬ deuˬ, zaˬ deuˬ hawˇ-eu naw maꞈ-euˬ meuˬ deuˬ laꞈ kʼoeˇ jawˇ luꞈ-eu boeˇ miˬ siˬ kʼaˬ dawˬ tawˆ luꞈ-ahˇ kuˇ uiˬ-awˬ.

Dawˬmehˬ 32:1

“Mˬ-oˇ, ngaˬ-euˬ dawˬ naˇ haˬ-awˬ. Yaw duˬ duˬ-ehˇ naˇ haˬ duˬ-awˬ. Miˇ-oˇ, ngaˬ-euˬ teˇ saˇ gaˬ-awˬ.

Dawˬmehˬ 4:26

Mˬ hawˇ-eu miˇ-ahˇ tsawˇ kaˬ bi geuꞈ-awˇ, naw maꞈ-ahˇ iˬ nah ngaˇ heu loꞈ-ehˇ ehˇ-eu ma. Ngaˬ-euˬ ehˇ dawˬ-ahˇ naw maꞈ maˬ naˇ haˬ geuꞈ naˇ, miˇ kʼahˬ kʼoeˇ kʼahˬ laꞈ kʼoeˇ, tiˬ kʼehˇ laˇ kʼehˬ laꞈ kʼoeˇ tehꞈ-ehˇ naw maꞈ ya luˬ ya seˇ-iˇ tehꞈ-a. Naw maꞈ jawˇ leˇ-eu lehˇ gʼeh-eu Yawˇdaˬ lawˇ baˬ nui baˬ-ahˇ jaˆ-eu miˇ kʼahˬ kʼoeˇ kʼahˬ laꞈ kʼoeˇ, gʼawˬ myahˇ ni maˬ ya jawˇ-aˇ. Geuꞈ-eu jeˬ maˬ ahˇ gaˇ keuˆ ni laˆ luˬ laˆ seˇ nehˬ-eu jeˬ-ahˇ ya daˬ tehꞈ-a.