Dawˬmehˬ 31:23 - Akha

²³ Kʼoeˇ naˇ, Nuˬ-eu aˬ li Yawˇshuˆ-ahˇ Sahˬpaˬ Miˬyehˇ dawˬ ngehˬ-awˇ ehˇ nehˬ-eu, “Yaw haˇ yawˬ ha nui jah ahˇ-awˇ, nui ma kʼaˬ duˬ ni taˬ-awˬ. Ngaˬ neh saˇ jaˇ dzaˬ taˬ-euˬ miˇ kʼahˬ laꞈ kʼoeˇ Iˇsaˬleˬlaˆ tsawˇ haˬ deuˬ-ahˇ nawˇ ya sheuˬ uˇ gʼeh tehꞈ-a. Nawˬ nehˬ-ehˇ ngaˇ jawˇ ma.”

Dawˬmehˬ 31:23 ပူးပေါင်းရင်းမြစ်များ

1 Sahˬpaˬ 2:2

“Ngaˇ ziˇ dehꞈ jiˇ-eu aˇ yamˬ dawˬ peh peh laˇ-euˬ miˇ-a. Nawˇ yawˬ haˇ yawˬ ha nui jah ahˇ-eu laꞈ kʼoeˇ, nui ma ziꞈ dah ni taˬ-awˬ.

1 Laˬsaˬbaˬ 7:27

Nuˬ, Yawˇshuˆ lehˇ meh.

Doˆ-iˇ 3:12

Miˬyehˇ ehˇ-eu, “Ngaˇ nawˬ nehˬ-ehˇ jawˇ ma. Iˇsaˬleˬlaˆ tsawˇ haˬ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ neh nawˇ sheuˬ doˆ laꞈ ngeh, gawˬ jawˬ heu jawˬ kʼoeˇ taˆ, ngaˬ-ahˇ uˬ duˬ ya tahˬ tehꞈ-a. Heu-aˬ, ngaˬ neh nawˬ-ahˇ kʼehˇ gʼeh-euˬ gaˇ kawˆ, bi siˬ bi mawˇ-eu jeˬ pyeuꞈ tehꞈ-a.”

Haˬgaiˇ 2:4

Ehˇ kʼawꞈ, naw maꞈ tiˬ gʼaˬ-iˬ nui ma taꞈ cawˆ. Zeˬluˇbaˬbeˬlaˇ-oˇ, Piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ-oˇ, Miˇ kʼahˬ zaˬ dawˬ tawˆ luꞈ-oˇ, nui ma taˬ cawˆ. Naw maꞈ nehˬ-ehˇ ngaˇ jawˇ ma.

Bawˇtsahˬ 13:20

Miˇ tsaˬ miˇ muiˬ muiˬ-awˇ, aˇ bawˇ sahˬ kʼaˆ jeˬ nga loˇ lehˇ pyehˆ tseˇ duˬ-awˬ. Kʼoeˇ naˇ, miˇ kʼahˬ kʼoeˇ kʼahˬ-ahˇ jaˆ-eu aˇ siˬ aˇ lu ui cuiˆ maˬ ngehˇ ni yuˇ kʼoꞈ laꞈ law.” (Aˇ yamˬ kʼoeˇ yamˬ-aˬ, aˬ gaꞈ aˇ siˬ awꞈ dahˬ beh-eu aˇ yamˬ pyeuꞈ-eu meh.)

Bawˇtsahˬ 23:21

Iˇsaˬleˬlaˆ tsawˇ haˬ deuˬ mehˬ hu paw dehꞈ daˆ leꞈ-eu gaˇ kawˆ ngaˇ heu loꞈ-ehˇ mawˇ-euˬ ma. Guiˬ lahˬ doeˇ-eu jeˬ hawˇ-eu shaˬ-eu zahˬ-eu jeˬ, aˬ yawꞈ maꞈ kʼoeˇ taˆ maˬ paˇ keuˆ le meh. Aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ, aˬ yawꞈ maꞈ nehˬ-ehˇ jawˇ-eu meh. Aˬ yawꞈ-aˬ, aˬ yawꞈ maꞈ-euˬ sahˬ paˬ ma lehˇ, aˬ yawꞈ maꞈ guˇ-eu meh.

Bawˇtsahˬ 27:23

Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Yawˇshuˆ-euˬ uˬ duˬ-ahˇ Moˇseˬ aˬ laꞈ baꞈ daˆ-awˇ, aˬ yawꞈ-euˬ dah zaˇ gaˇ bi mˇ-eu gʼaˇ duˬ tseˇ doˆ gʼaˬ-euˬ gaˇ kawˆ guˇ gaˬ-euˬ meh.

Gʼaˬkʼehˇ 7:45

Aˬ dui maꞈ-euˬ aˬ poeˬ aˬ bawˇ kʼoeˇ deuˬ, aˬ yawꞈ maꞈ-euˬ aˬ da deuˬ-euˬ laꞈ-ahˇ neh sehˬ gʼawˆ kʼoeˇ hmˬ za-awˇ, aˬ yawꞈ maꞈ mehˬ hu paw le gʼeh leꞈ-eu nehˬ-ehˇ Miˬyehˇ neh bi teh doˆ-euˬ tsawˇ jeuˬ deuˬ-euˬ miˇ kʼahˬ yuˇ geuꞈ-eu lehˇ Yawˇshuˆ nehˬ-ehˇ aˬ yawꞈ maꞈ le ngeh jawˇ, sehˬ gʼawˆ kʼoeˇ gʼawˆ baꞈ gʼeh-euˬ meh. Kʼoeˇ naˇ, sehˬ gʼawˆ kʼoeˇ Daˬbiˇ-euˬ ziˇ-ahˇ keuˆ ni kʼoeˇ gaˇ jaˆ-euˬ meh.

Dawˬmehˬ 3:28

Yawˇshuˆ-ahˇ mehˬ nehˬ tsoˆ nehˬ paˬ-ehˇ gʼeh-eu jeˬ mehˬ nehˬ tsoˆ nehˬ-awˇ gʼaˬ biꞈ nehˬ-awˬ. Aˬ jeˬ miˇ neh ehˇ naˇ, nawˬ neh haw mawˇ-euˬ miˇ kʼahˬ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ aˬ yawꞈ ya sheuˬ uˇ gʼeh meh’ lehˇ ehˇ nehˬ laꞈ-euˬ meh.

Dawˬmehˬ 31:14

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nawˇ gʼawˬ myahˇ ni maˬ paˇ ya dehꞈ meh. Yawˇshuˆ-ahˇ ngaˇ dawˬ mehˬ dawˬ tsoˆ tsoˆ nehˬ-eu gʼaˇ duˬ, ngaˇ jawˇ-eu Sehˬ gʼawˆ-ahˇ sheuˬ laꞈ-awˬ.” Kʼoeˇ naˇ, Moˇseˬ hawˇ-eu Yawˇshuˆ aˬ nyaꞈ Sehˬ gʼawˆ-ahˇ le-euˬ meh.

Dawˬmehˬ 31:24

Miˬyehˇ-euˬ zahˇ dawˬ kʼoꞈ dawˬ-ahˇ, sahˬ boꞈ tiˬ taꞈ laꞈ kʼoeˇ Moˇseˬ boꞈ-euˬ meh. Dawˬ tiˬ dawˬ tehꞈ-ehˇ kʼawꞈ maˬ ya ngehˇ yaꞈ-eu gʼaˇ duˬ, yahˇ dui dui-eu laꞈ kʼoeˇ boꞈ-euˬ meh.

Dawˬmehˬ 31:3

Kʼoeˇ gaˇ jawˇ luꞈ-eu tsawˇ jeuˬ deuˬ-euˬ miˇ kʼahˬ-ahˇ naw maꞈ jawˇ leˇ nya-eu gʼaˇ duˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-euˬ mehˬ hu le-awˇ, aˬ yawꞈ maꞈ-ahˇ laˆ luˬ laˆ seˇ nehˬ tehꞈ-a. Sahˬpaˬ Miˬyehˇ neh ehˇ taˬ-euˬ jaˆ-eu loꞈ-ehˇ, naw maꞈ-euˬ kʼoeˇ taˆ Yawˇshuˆ aˬ yuiꞈ geuꞈ-awˇ, naw maꞈ-ahˇ sheuˬ gʼeh nehˬ laꞈ tehꞈ-a.

Dawˬmehˬ 31:6

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ. Aˬ yawꞈ maꞈ-ahˇ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-euˬ mawˇ do naw maꞈ nehˬ-ehˇ jawˇ tehꞈ-a. Aˬ yawꞈ naw maꞈ-ahˇ byehˇ dzeh-awˇ maˬ bi jawˇ nehˬ laꞈ-aˇ.”