Dawˬmehˬ 30:1 - Akha

¹ “Nymˬ-mˇ, ngaˇ naw maꞈ-ahˇ guiˬ lahˬ hawˇ-eu yaˬ kʼehˇ yaˬ-eu heu nyiˬ jeˬ bi tseˇ geuꞈ-eu ma. Kʼoeˇ deuˬ dawˬ tawˆ luꞈ nawˬ-euˬ kʼoeˇ taˆ keuˆ le-awˇ, Sahˬpaˬ Miˬyehˇ neh naw maꞈ-ahˇ bi cehˆ byaˆ-euˬ miˇ kʼahˬ-ahˇ nawˇ jawˇ luꞈ ngeh, ngaˬ neh nawˬ-ahˇ bi tseˇ geuꞈ-euˬ gaˇ nawˇ noeˬ keuˆ tehꞈ-a.

Dawˬmehˬ 30:1 ပူးပေါင်းရင်းမြစ်များ

Aˇ dahˬ 4:14

Miˇ kʼahˬ heu kʼahˬ-ahˇ neh nawˬ-euˬ myaˆ pyawˬ maˬ ya mawˇ-eu jawˇ duˬ-ahˇ, nawˇ ngaˬ-ahˇ teh dzeh nehˬ laꞈ-euˬ meh. Ngaˇ tiˬ gaˇ-iˬ jawˇ duˬ dah leˇ kʼaˇ maˬ za ni, miˇ kʼahˬ doe doe-ehˇ cah cah-ehˇ ya jawˇ naˇ, kʼaˇ puˬ kʼaˇ mawˇ le-eu tsawˇ haˬ deuˬ ngaˬ-ahˇ sehꞈ laˇ tehꞈ-a.”

1 Sahˬpaˬ 8:34

mˬ kʼoeˇ taˆ jawˇ-awˇ, aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-awˬ. Aˬ yawꞈ maꞈ-ahˇ nawˇ iˬ baˇ pyehˬ nehˬ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ nawˬ neh biꞈ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ nawˇ sheuˬ kʼoꞈ gʼeh nehˬ-awˬ.

2 Laˬsaˬbaˬ 30:9

Naw maꞈ Sahˬpaˬ Miˬyehˇ jawˇ paw gʼoꞈ laˇ naˇ, naw maꞈ-euˬ aˬ yuiꞈ aˬ nyiˇ deuˬ-ahˇ nyehꞈ gʼeh-euˬ tsawˇ haˬ deuˬ naw maꞈ-euˬ aˬ yuiꞈ aˬ nyiˇ kʼoeˇ deuˬ-ahˇ gʼawˬ shaˬ haw gaˬ-awˇ, iˇ kʼahˇ-ahˇ bi gʼoꞈ laˇ tehꞈ-a. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, gʼawˬ shaˬ gaˬ nya-awˇ, caw ba nya-eu miˇ neh, naw maꞈ aˬ yawꞈ jawˇ paw gʼoꞈ laˇ naˇ, aˬ yawꞈ naw maꞈ-ahˇ ha geuꞈ nehˬ laꞈ tehꞈ-a.”

Neˬhaˬmiˇ 1:9

Ehˇ kʼawꞈ, naw maꞈ ngaˇ jawˇ paw paˇ gʼoꞈ poˆ laˇ-awˇ, ngaˇ naw maꞈ-ahˇ ehˇ taˬ-euˬ loꞈ-ehˇ mˇ naˇ, mˬ dzeˇ miˇ dzeˇ keuˆ ni naw maꞈ ya jawˇ byoˆ taˬ-euˬ kʼawꞈ, ngaˬ-ahˇ uˬ duˬ bi tahˬ-eu lehˇ ngaˬ neh tseˇ doˆ taˬ-euˬ jawˇ duˬ-ahˇ naw maꞈ-ahˇ ngaˇ paˇ sheuˬ kʼoꞈ laꞈ ma lehˇ nawˇ ehˇ taˬ-euˬ meh.

Iˇsaˬyaˇ 46:8

“Iˬ baˇ zaˬ-oˇ, gaˇ kawˆ heu noeˬ mawˇ-awˬ. Ngaˬ neh mˇ dzeuˇ yaꞈ-euˬ gaˇ-ahˇ shaˇ noeˬ haw-awˬ.

Yeˬlaˬmiˇ 29:14

Naw maꞈ ngaˬ-ahˇ poˆ mawˇ-awˇ, naw maꞈ-euˬ miˇ kʼahˬ laꞈ kʼoeˇ, naw maꞈ-ahˇ sheuˬ kʼoꞈ gʼeh nehˬ ma lehˇ ngaˇ ehˇ-eu ma. Naw maꞈ miˇ kʼahˬ aˬ geu kʼahˬ laꞈ kʼoeˇ jawˇ luꞈ-eu maˬ kaˬ, ngaˬ neh teh byaˆ nehˬ-euˬ jawˇ duˬ aˬ geu tsahˇ-ahˇ jawˇ luꞈ-eu maˬ kaˬ, ngaˬ neh naw maꞈ-ahˇ teh doˆ-awˇ maˬ bi nyehꞈ byoˆ gʼeh mi naˆ-ehˇ naw maꞈ jawˇ-euˬ naw maꞈ-euˬ miˇ kʼahˬ kʼoeˇ kʼahˬ laꞈ kʼoeˇ, naw maꞈ-ahˇ ngaˇ sheuˬ kʼoꞈ keuˆ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.’

Yeˬlaˬmiˇ 3:13

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ puiˬ-euˬ miˇ neh, nawˇ iˬ baˇ ahˇ-eu ma lehˇ ehˇ doˆ naˇ gʼaˬ ma. Aˇ bawˇ naˇ shmˇ kʼaˇ muiˬ-eu tsahˇ uˬ moˆ, boeˇ miˬ siˬ kʼaˬ-euˬ Miˬyehˇ deuˬ-ahˇ nawˇ gaˬ-awˇ, ngaˬ-euˬ zahˇ dawˬ kʼoꞈ dawˬ-ahˇ nawˇ maˬ naˇ haˬ geuꞈ-euˬ gaˇ kawˆ, dawˇ coe ni ehˇ doˆ jiˇ-awˬ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 8:3

Haiˬ-eu tsawˇ jeuˬ heu jeuˬ laꞈ kʼoeˇ, maˬ shiˇ-ehˇ dzeuˇ-iˇ-awˇ, ngaˬ neh kʼaˇ teh dzeh nehˬ-euˬ gaˇ dehꞈ gʼawˬ-awˇ jawˇ-eu deuˬ kʼawꞈ, dehꞈ-eu naˆ maˬ tseˇ shiˇ mawꞈ dzehˬ tehꞈ-a lehˇ Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 18:28

Aˬ yawꞈ yawˬ ha-euˬ yaw lehˬ noeˬ siˬ-awˇ, iˬ baˇ maˬ mˇ ni byehˇ-euˬ meh. Kʼoeˇ miˇ neh, aˬ yawꞈ maˬ ya shiˇ-ehˇ, yaw dehꞈ ya dehꞈ daˆ leꞈ tehꞈ-a.

Yeˬsaˬgeˬlaˇ 6:9

Aˬ cawˬ aˬ yawꞈ maꞈ-ahˇ kʼoeˇ gaˇ nyehꞈ gʼeh-awˇ bi jawˇ tehꞈ-a. Kʼoeˇ gaˇ, aˬ yawꞈ maꞈ ngaˬ-ahˇ noeˬ mawˇ laˇ-awˇ, aˬ yawꞈ maꞈ-euˬ saˇ jaˇ maˬ ziꞈ-eu nui ma ngaˬ-ahˇ byehˇ dzeh-awˇ, ngaˬ-ahˇ naˆ maˬ tseˇ tahˬ pahˬ aˬ ma mawˇ kawˇ deuˬ-ahˇ taˬ huiˬ-euˬ baˬ da neh, ngaˬ neh aˬ yawꞈ maꞈ-ahˇ kʼehˬ-euˬ nya lehˇ siˬ leˇ tehꞈ-a. Kʼoeˇ ngeh jawˇ, aˬ yawꞈ maꞈ neh mˇ dzeuˇ yaꞈ-euˬ yaw haiˬ jeˬ hawˇ-eu yaw cawˆ jeˬ-ahˇ noeˬ doˆ leˇ-awˇ, yawˬ haˇ yawˬ ha nui daˆ daˆ tehꞈ-a.

Zaˬkaˬliˇ 10:9

Miˇ kʼahˬ doe ni aˬ yawꞈ maꞈ-ahˇ, ngaˇ teh dzeh-awˇ bi jawˇ-euˬ kʼawꞈ, gaˇ mahˇ kaˬ gaˇ jawˇ byoˆ luꞈ ngeh, yawꞈ maꞈ ngaˬ-ahˇ noeˬ mawˇ tehꞈ-a. Aˬ yawꞈ maꞈ maˬ byoˆ maˬ laˆ ni, zaˬ deuˬ nehˬ-ehˇ tiˬ kawˆ loꞈ-ehˇ, iˇ kahˇ-ahˇ gʼoꞈ doˆ laˇ tehꞈ-a.

Luˇkaꞈ 15:17

Aˬ li kʼoeˇ gʼaˬ aˬ yawˇ yawꞈ noeˬ gahˇ laˇ-awˇ, ‘Ngaˬ da-ahˇ gʼaˬ mahˇ mahˇ dzaˬ-eu tsawˇ haˬ deuˬ maˬ dzaˬ maˬ dawˇ jiˇ coeˇ-a. Ehˇ kʼawꞈ, ngaˇ-aˬ, heu gaˇ hawˬ dzahˬ sehꞈ shaw-iˬ miˇ-a.

Dawˬmehˬ 28:28

Nawˇ tsawˇ uˬ uˬ-iˇ ni maˬ ehˇ, myaˆ behꞈ behꞈ-iˇ ni maˬ ehˇ, nui ma suˬ saˬ ni maˬ ehˇ, Sahˬpaˬ Miˬyehˇ jahˇ tehꞈ-a.

Dawˬmehˬ 28:64

“Mˬ dzeˇ miˇ dzeˇ keuˆ ni jawˇ luꞈ-eu tsawˇ jeuˬ deuˬ jawˇ gaˇ Sahˬpaˬ Miˬyehˇ nawˬ-ahˇ teh byaˆ-awˇ, nawˇ hawˇ-eu nawˬ-euˬ aˬ poeˬ aˬ bawˇ deuˬ dzeuˇ laˇ ngeh tiˬ jawˇ-iˬ uˬ duˬ maˬ tahˬ haw-euˬ, daˇ kawˬ hawˇ-eu kʼaˬ lo neh jahˇ taˬ-euˬ miˬyehˇ deuˬ-ahˇ, kʼoeˇ gaˇ nawˇ uˬ duˬ ya tahˬ tehꞈ-a.

Dawˬmehˬ 29:27

Kʼoeˇ miˇ neh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ laˇ-awˇ, sahˬ boꞈ heu taꞈ laꞈ kʼoeˇ kʼaˇ boꞈ taˬ-euˬ luˬ-iˇ seˇ-iˇ-eu jeˬ aˬ yawꞈ maꞈ-euˬ miˇ kʼahˬ kʼoeˇ taˆ bi keuˆ le-euˬ meh.

Dawˬmehˬ 29:28

Sahˬpaˬ Miˬyehˇ nui ma pehˇ dui dui laˇ-euˬ laꞈ kʼoeˇ, aˇ bawˇ duˬ ciˇ gʼawˇ lehˆ-eu loꞈ-ehˇ, aˬ yawꞈ maꞈ-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ gʼawˇ lehˆ doˆ-awˇ, boeˇ miˬ siˬ kʼaˬ deuˬ-euˬ miˇ kʼahˬ-ahˇ biˬ ahˇ nehˬ-awˇ, iˬ nah aˬ yawꞈ maꞈ kʼoeˇ gaˇ dehꞈ luꞈ-eu meh’ lehˇ ya ehˇ kʼoꞈ gaˇ keuˆ tehꞈ-a.

Dawˬmehˬ 30:15

“Iˬ nah nawˬ-ahˇ ngaˇ yaw muiˬ hawˇ-eu yaw doeˇ bi tseˇ geuꞈ-eu ma. Dehꞈ-eu jeˬ hawˇ-eu shiˇ-eu jeˬ bi tseˇ geuꞈ-eu ma.

Dawˬmehˬ 30:19

Nymˬ-mˇ, ngaˇ nawˬ-ahˇ dehꞈ-eu jeˬ hawˇ-eu shiˇ-eu jeˬ bi tseˇ geuꞈ-eu ma. Sahˬpaˬ Miˬyehˇ-euˬ guiˬ lahˬ hawˇ-eu yaˬ kʼehˇ yaˬ-eu jeˬ bi tseˇ geuꞈ-eu ma. Mˬ hawˇ-eu miˇ-ahˇ ngaˇ kuˇ-awˇ, nawˬ neh kʼaˇ tseˇ geuꞈ-euˬ jeˬ gʼaˇ duˬ saˇ kiˇ bi geuꞈ ma. Dehꞈ-eu jeˬ-ahˇ tseˇ-awˬ.

Dawˬmehˬ 32:36

Yawꞈ-euˬ tsawˇ haˬ gʼaˬ juˬ-iˇ ngeh, Sahˬpaˬ Miˬyehˇ ka kʼoꞈ tehꞈ-a. Yawꞈ-ahˇ saˇ jaˇ ziꞈ luꞈ-eu deuˬ, caw ba nehˬ-eu gʼaˬ maˬ jawˇ ngeh, aˬ yawꞈ gʼawˬ shaˬ gaˬ nehˬ tehꞈ-a.