Dawˬmehˬ 3:18 - Akha18 “Kʼoeˇ ngeh, aˬ yawꞈ maꞈ-ahˇ ngaˇ heu loꞈ-ehˇ mehˬ nehˬ tsoˆ nehˬ-euˬ ma. ‘Yawˇdaˬ lawˇ baˬ-euˬ nahˇ ma doˆ kʼehˬ paw jaˆ-eu miˇ kʼahˬ heu kʼahˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ biꞈ-euˬ meh. Nymˬ-mˇ, Iˇsaˬleˬlaˆ tsawˇ jeuˬ nui deuˬ miˇ kʼahˬ za ni guiˇ caw deuˆ nehˬ leˇ-eu gʼaˇ duˬ, naw maꞈ-euˬ guiˆ deuˆ-eu tsawˇ haˬ deuˬ aˇ kʼaˆ bi laˆ dawˆ-awˇ, Iˇsaˬleˬlaˆ tsawˇ jeuˬ kʼoeˇ deuˬ-euˬ mehˬ hu guiˇ daˬ bi daˬ-awˇ, Yawˇdaˬ lawˇ baˬ bi le tsehˆ-awˬ. အခန်းကိုကြည့်ပါ။ |
Dawˬmehˬ 3:18
18 ပူးပေါင်းရင်းမြစ်များ
“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ miˇ kʼahˬ laꞈ kʼoeˇ, aˬ yawꞈ naw maꞈ-ahˇ guiˬ lahˬ biꞈ nehˬ laꞈ tehꞈ-a. Iˬ nah ngaˇ naw maꞈ-ahˇ dawˬ kʼaˇ biꞈ nehˬ-euˬ yawˬ jeˬ na luꞈ-ahˇ yaw muiˬ paˬ-ehˇ caw teh -awˇ, aˬ yawꞈ-euˬ ehˇ dawˬ naˇ haˬ geuꞈ naˇ, naw maꞈ tsawˇ haˬ tiˬ gʼaˬ-iˬ maˬ shaˬ ni ya dehꞈ dzaˬ tehꞈ-a.
nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ laꞈ-euˬ miˇ kʼahˬ-ahˇ smˬ paˆ ya biˇ paˆ-awˇ, aˬ yawꞈ paˆ yawꞈ laꞈ kʼoeˇ yaw awˇ laꞈ-ehˇ iˇ keuˆ nya-eu meuˬ tiˬ meuˬ ya tseˇ doˆ taˬ meh. Aˬ cawˬ-ahˇ sehꞈ-euˬ tsawˇ haˬ-aˬ, meuˬ kʼoeˇ tiˬ meuˬ na laꞈ kʼoeˇ cehˆ uˇ leˇ-awˇ, tsawˇ shiˇ uˬ kʼawˇ cehˆ buˬ nya tehꞈ-a.
Miˇ kʼahˬ kʼoeˇ kʼahˬ Sahˬpaˬ Miˬyehˇ nawˬ-ahˇ biꞈ nehˬ laꞈ gʼaˬ-awˇ, nawˇ jawˇ-eu jawˬ jawˬ-ehˇ jawˇ luꞈ-eu nawˬ-ahˇ muiˇ-eu deuˬ-ahˇ nawˇ guˆ kʼaˇ maˬ za ni dehꞈ ziꞈ laˇ ngeh, Aˬmaˬlehˇ tsawˇ haˬ deuˬ-ahˇ maˬ ngehˇ ni sehꞈ jiˇ nehˬ-awˬ. Tsawˇ haˬ dawˬ tawˆ luꞈ aˬ yawꞈ maꞈ-ahˇ ya ngehˇ jiˇ ni, kʼoeˇ loꞈ-ehˇ jahˇ kʼoꞈ nehˬ-awˬ. Aˬ yawꞈ maꞈ-ahˇ maˬ sehꞈ ni taˬ byehˇ.
Ehˇ kʼawꞈ, Moˇseˬ nawˇ-aˬ, ngaˬ nehˬ-ehˇ heu gaˇ jawˇ yaꞈ-awˬ. Ngaˬ-euˬ zahˇ dawˬ kʼoꞈ dawˬ dawˬ tawˆ luꞈ nawˬ-ahˇ ngaˇ biꞈ ma. Aˬ yawꞈ maꞈ-ahˇ ngaˬ neh biꞈ-euˬ miˇ kʼahˬ laꞈ kʼoeˇ, zahˇ dawˬ kʼoꞈ dawˬ kʼoeˇ deuˬ-ahˇ aˬ yawꞈ maꞈ bi caw teh-eu gʼaˇ duˬ, zahˇ dawˬ kʼoꞈ dawˬ kʼoeˇ deuˬ aˬ yawꞈ maꞈ-ahˇ mehˬ nehˬ-awˬ’ lehˇ ehˇ-eu meh.
ကြော်ငြာတွေ