Dawˬmehˬ 3:11 - Akha

¹¹ (Sahˬ paˬ Awˇgaˆ-aˬ, Leˬpeˬ tsawˇ jeuˬ-euˬ sahˬ paˬ deuˬ laꞈ kʼoeˇ aˇ saˬ saˬ-eu gʼaˬ pyeuꞈ-eu meh. Aˬ yawꞈ-ahˇ duˬ pahˬ-eu mawˇ dmˬ kʼaˬ lo neh taꞈ-awˇ, yaw mahˇ paw gʼoeˬ caˆ byah-awˇ, yaw jeˇ paw oeˬ caˆ byah-eu meh. Mawˇ dmˬ kʼoeˇ hmˬ-aˬ, Aˬmoˬ tsawˇ haˬ deuˬ-euˬ Laˬbah meuˬ-ahˇ iˬ nah keuˆ ni jaˆ luꞈ-eu meh.)

Dawˬmehˬ 3:11 ပူးပေါင်းရင်းမြစ်များ

Aˇ dahˬ 14:5

Tseˇ oeˬ kʼoꞈ tiˬ kʼoꞈ keuˆ laˇ ngeh jawˇ, sahˬ paˬ Sheˬdawˇlawˇmaˬ hawˇ-eu aˬ yawꞈ-ahˇ nui ma taꞈ-eu sahˬ paˬ deuˬ oe ka-awˇ, Aˬshaˇteˬyoˇkaˬneˬ meuˬ-ahˇ jawˇ-eu Leˬpeˬ tsawˇ jeuˬ-ahˇ maˬ ehˇ, Haˬmaˇ meuˬ-ahˇ jawˇ-eu Zuˬzmˬ tsawˇ jeuˬ-ahˇ maˬ ehˇ, Kiˇlaˬdeˬ meuˬ-euˬ deh ga-ahˇ jawˇ-eu Eˇmiˬ tsawˇ jeuˬ-ahˇ maˬ ehˇ,

Aˇ dahˬ 6:15

Yaw mahˇ paw shiꞈ tseˇ ngaˬ lmˇ, yaw jeˇ paw tseˇ nyiꞈ lmˇ nui paˆ, yaw goˇ paw shiꞈ lmˇ nui paˆ byah ni tsoˆ-awˬ.

2 Saˬmeuˬlaˆ 11:1

Tsahˬ gaˆ ahˇ le-awˇ, miˇ kʼahˬ sahˬ paˬ deuˬ guiˇ mˇ-eu aˇ yamˬ keuˆ laˇ ngeh, Daˬbiˇ-aˬ, aˬ yawꞈ-euˬ guiˇ maꞈ kʼoeˇ taˆ aˬ yuiꞈ geuꞈ-eu deuˬ hawˇ-eu Yoˇbaˬ-ahˇ, Iˇsaˬleˬlaˆ guiˇ maꞈ bi sheuˬ-awˇ pyehˬ gʼeh-euˬ meh. Aˬmoˬ tsawˇ haˬ deuˬ-ahˇ aˬ yawꞈ maꞈ guiˇ deuˆ gʼaˬ-awˇ, Laˬbah meuˬ-ahˇ loꞈ jawˬ-euˬ meh. Ehˇ kʼawꞈ, Daˬbiˇ aˬ yawꞈ gʼaˬ-aˬ, Yeˬluˇsaˬlehˬ meuˬ-ahˇ jawˇ yaꞈ-euˬ meh.

2 Saˬmeuˬlaˆ 12:26

Aˇ yamˬ kʼoeˇ yamˬ-ahˇ, Aˬmoˬ tsawˇ jeuˬ-euˬ meuˬ meuˬ ma pyeuꞈ-eu Laˬbah meuˬ-ahˇ Yoˇbaˬ guiˇ deuˆ luꞈ-awˇ, deuˆ gʼaˬ-eu dawˬ peh peh laˇ-euˬ meh.

Yeˬlaˬmiˇ 49:2

Ehˇ kʼawꞈ, Aˬmoˬ tsawˇ jeuˬ-euˬ meuˬ meuˬ ma pyeuꞈ-eu Laˬbah meuˬ-ahˇ jawˇ-eu tsawˇ haˬ deuˬ guiˇ deuˆ le-eu teˇ saˇ ya gaˬ-awˇ, meuˬ cawˆ-iˇ-awˇ pu deuˬ miˬ dzaˬ bi keuˬ dzeh jiˇ ngeh keuˆ ni, aˬ yawꞈ maꞈ kʼoeˇ taˆ bi keuˆ le-eu lehˇ ngaˬ neh lehˬ hmˬ taˬ-euˬ aˇ yamˬ keuˆ le-eu dawˬ peh peh laˇ-euˬ meh. Kʼoeˇ ngeh jawˇ, Iˇsaˬleˬlaˆ tsawˇ haˬ deuˬ aˬ cawˬ-euˬ laꞈ-ahˇ ahˇ leˇ-euˬ yawˬ ha-euˬ miˇ kʼahˬ paˇ za kʼoꞈ tehꞈ-a.

Yeˬsaˬgeˬlaˇ 21:20

Gaˇ ma tiˬ kahˇ-aˬ, mi cehˇ kʼoeˇ kahˇ-ahˇ, Aˬmo tsawˇ jeuˬ-euˬ Laˬbah meuˬ-ahˇ toeˬ mehˬ-awˇ, yawˬ kahˇ yawˬ-aˬ, Yuˇdaˆ miˇ kʼahˬ hawˇ-eu paˇ tsoˆ muiˬ taˬ-euˬ Yeˬluˇsaˬlehˬ meuˬ-ahˇ bi toeˬ mehˬ-awˬ.

Yeˬsaˬgeˬlaˇ 25:5

Laˬ bah meuˬ-ahˇ law taw gaˆ duˬ bi pyeuꞈ-iˇ-awˇ, Aˬmoˬ miˇ kʼahˬ kʼahˬ lah ni yawˇ bo duˬ bi pyeuꞈ-iˇ ma. Ngaˇ Sahˬpaˬ Miˬyehˇ pyeuꞈ-eu naw maꞈ-ahˇ siˬ duˬ leˇ ni, kʼoeˇ loꞈ-ehˇ jahˇ ma.

Aˬmoˆ 1:14

Kʼoeˇ miˇ neh, Laˬbah meuˬ-euˬ meuˬ lahˇ kʼoeˇ taˆ ngaˇ miˬ dzaˬ pyehˬ doꞈ-awˇ, meuˬ laꞈ kʼoeˇ ziꞈ dah ni tsoˆ taˬ-euˬ nymˇ nymˇ ma deuˬ-ahˇ ngaˇ keuˬ dzeh ma. Kʼoeˇ naˇ, guiˇ deuˆ ngeh nah yaw kʼaˆ-ehˇ guˇ-eu teˇ saˇ ya gaˬ-awˇ, jaˬ lehˇ lehˇ ma baw-eu loꞈ-ehˇ guiˇ deuˆ dui dui tehꞈ-a.

Aˬmoˆ 2:9

“Ehˇ kʼawꞈ, ngaˬ-euˬ tsawˇ haˬ deuˬ-oˇ, shuˬ liˇ aˇ bawˇ loꞈ-ehˇ goˇ-awˇ tsuiꞈ kaˆ aˇ bawˇ loꞈ-ehˇ deuˇ-eu Aˬmawˇliˆ tsawˇ haˬ deuˬ-ahˇ, naw maꞈ gʼaˇ duˬ ngaˇ laˆ luˬ laˆ seˇ nehˬ jiˇ-euˬ ma.

Dawˬmehˬ 2:11

Aˬnaˬkaˆ tsawˇ haˬ deuˬ-ahˇ kuˇ-eu loꞈ-ehˇ, aˬ yawꞈ maꞈ-ahˇ kʼawꞈ Leˬpeˬ tsawˇ jeuˬ lehˇ kuˇ-eu meh. Ehˇ kʼawꞈ, Mawˇbaˆ tsawˇ haˬ deuˬ aˬ yawꞈ maꞈ-ahˇ Eˇmiˬ tsawˇ jeuˬ lehˇ kuˇ-eu meh.

Dawˬmehˬ 2:20

(Miˇ kʼahˬ heu kʼahˬ-ahˇ aˇ hu jawˇ haw-euˬ tsawˇ jeuˬ-euˬ tsawˇ myahˇ yuˇ-awˇ, Leˬpeˬ miˇ kʼahˬ lehˇ kʼawꞈ kuˇ-eu meh. Tsawˇ haˬ kʼoeˇ deuˬ-ahˇ Aˬmoˬ tsawˇ haˬ deuˬ Zaˬmaˬzmˬmiˬ lehˇ kuˇ-eu meh.

Yawˇshuˆ 12:4

Aˬshaˇtaˬyoˇ meuˬ hawˇ-eu Eˬdiˇliˇ meuˬ-ahˇ jawˇ-awˇ uˆ lahˇ-euˬ Leˬpeˬ tsawˇ jeuˬ laꞈ kʼoeˇ dzeˇ yaꞈ-euˬ sahˬ paˬ Awˇgaˆ-ahˇ kʼawꞈ, aˬ yawꞈ maꞈ neh deuˆ gʼaˬ-euˬ meh.

Yawˇshuˆ 13:12

Leˬpeˬ tsawˇ jeuˬ laꞈ kʼoeˇ dzeˇ yaꞈ-euˬ gʼaˬ pyeuꞈ-awˇ, Aˬshaˇtaˬyoˇ meuˬ hawˇ-eu Eˬdiˇliˇ meuˬ-ahˇ jawˇ-awˇ uˆ lahˇ-euˬ gʼaˬ pyeuꞈ-eu Awˇgaˆ-euˬ miˇ kʼahˬ dawˬ tawˆ luꞈ kʼawꞈ, kʼoeˇ gaˇ ahˇ leˇ-euˬ meh. Tsawˇ haˬ kʼoeˇ deuˬ-ahˇ Moˇseˬ deuˆ gʼaˬ-awˇ teh doˆ nehˬ-euˬ meh.

Panmaeq 21:17

Mˬ taˆ gʼaˬ kʼehˇ kʼoeˇ gʼaˬ meuˬ meuˬ lahˇ-ahˇ paˇ dza haw-euˬ meh. Aˬ yawꞈ-euˬ aˇ lmˇ-ahˇ tsaˬ ni, tiˬ yaˇ oeˬ tseˇ oeˬ caˆ goˇ-eu meh.

1 Saˬmeuˬlaˆ 17:4

Gaˬdaˇ meuˬ-ahˇ neh oe-euˬ Gawˇliˇyaˆ lehˇ myahˇ-euˬ Piˇliˇtiˆ tsawˇ haˬ tiˬ gʼaˬ, aˬ yawꞈ maꞈ-euˬ taˆ laꞈ kʼoeˇ neh doˆ le-euˬ meh. Aˬ yawꞈ-aˬ, koꞈ caˆ uˬ taꞈ tiˬ toˇ ehˇ gʼaˬ ni goˇ-eu tsawˇ haˬ tiˬ gʼaˬ pyeuꞈ-eu meh.