Dawˬmehˬ 29:29 - Akha

²⁹ “Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh zaꞈ taˬ-euˬ jeˬ jaˆ-eu meh. Ehˇ kʼawꞈ, aˬ yawꞈ-euˬ Zahˇ dawˬ kʼoꞈ dawˬ deuˬ aˬ dui-ahˇ pah mehˬ laꞈ-euˬ loꞈ-ehˇ, aˬ dui hawˇ-eu aˬ dui-euˬ zaˬ deuˬ mˬ maˬ maˬ byaˆ zaˇ ziˇ ya naˇ haˬ geuꞈ tehꞈ-a.

Dawˬmehˬ 29:29 ပူးပေါင်းရင်းမြစ်များ

Aˇ dahˬ 41:16

Yoˇsehˆ ehˇ-eu, “Sahˬ paˬ-oˇ, ngaˇ yuꞈ maˆ dawˬ tsuiꞈ maˬ yuˇ doˆ nya nya. Ehˇ kʼawꞈ, nawˬ-euˬ gʼaˇ duˬ Miˬyehˇ dawˬ tsuiꞈ yuˇ doˆ nehˬ laꞈ tehꞈ-a.”

Yawˇbaˆ 28:28

“Kʼoeˇ naˇ, Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ pyeuꞈ-awˇ, yaw haiˬ jeˬ-ahˇ gaˇ jaw jaw-eu jeˬ-aˬ, gʼoˆ siˬ gʼoˆ shaw nya-eu jeˬ pyeuꞈ-eu meh lehˇ, tsawˇ haˬ zaˬ-ahˇ Miˬyehˇ ehˇ taˬ-euˬ meh.”

Jaceuq 25:14

Yehˇdawˬnaˇ-eu tsawˇhaˬdeuˬ-aˬ, SahˬpaˬMiˬyehˇ-euˬcawˬpyeuꞈ-awˇ, Dawˬma saˇjaˇguiˬlahˬdawˬtawˆ, aˬyawꞈmaꞈkʼoeˇtaˆziꞈtehꞈ-a.

Dawqdaq 25:2

Miˬyehˇ-aˬ, zaꞈ taˬ nya-eu gʼaˬ pyeuꞈ-eu miˇ neh, aˬ yawꞈ-ahˇ aˬ dui taˬ huiˬ taˬ mahˇ-eu ma. Sahˬ paˬ deuˬ-aˬ, gaˇ kawˆ pah mehˬ-eu miˇ neh, aˬ yawꞈ maꞈ-ahˇ aˬ dui taˬ huiˬ taˬ mahˇ-eu ma.

Dawqdaq 3:32

Yawˬ haiˬ jeˬ mˇ-eu tsawˇ haˬ-ahˇ Sahˬpaˬ Miˬyehˇ nui daˆ daˆ-awˇ, Yaw tsaˬ yaw dawˇ tsawˇ haˬ-ahˇ aˬ yawꞈ jah coeˇ-eu meh.

Iˇsaˬyaˇ 8:20

Aˬ yawꞈ maꞈ-ahˇ naw maꞈ heu loꞈ-ehˇ ehˇ kʼoꞈ nehˬ-awˬ. “Sahˬpaˬ Miˬyehˇ mehˬ nehˬ tsoˆ nehˬ laꞈ-eu jeˬ-ahˇ naˇ haˬ geuꞈ-awˬ. Nyiˇ paˬ shaˆ ma deuˬ ehˇ gaˇ taˬ naˇ haˬ. Aˬ yawꞈ maꞈ neh ehˇ-euˬ jeˬ naw maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.”

Yeˬlaˬmiˇ 23:18

Ngaˇ heu loꞈ-ehˇ ehˇ-eu ma. “Miˬyehˇ gʼaˇ duˬ ngehˬ dah luꞈ-eu heu deuˬ, Sahˬpaˬ Miˬyehˇ nui noeˬ aˬ geu gʼaˬ siˬ nya ta. Aˬ yawꞈ neh bi ngehˬ dah-euˬ dawˬ, aˬ yawꞈ maꞈ maˬ ya gaˬ haw-ehˇ, gʼoˆ shaw nya-eu tiˬ gʼaˬ-iˬ maˬ ahˇ-a. Sahˬpaˬ Miˬyehˇ neh ngehˬ-euˬ dawˬ deuˬ-ahˇ, yaw muiˬ-ehˇ naˇ haˬ-eu tiˬ gʼaˬ-iˬ maˬ jawˇ-a.

Daˬyeˬlaˇ 2:22

Naꞈ-eu dawˬ tsuiꞈ yawꞈ pah mehˬ-awˇ, yaw zahˇ zaꞈ taˬ-euˬ mawˇ nya-awˇ, yawꞈ jawˇ tiˬ jawˬ yaw shehꞈ bya meh.

Daˬyeˬlaˇ 4:9

Mah loˬ ja maw nya-eu deuˬ dawˬ tawˆ kʼoeˇ taˆ huiˬ dzehˬ-eu Beˬteˬshaˬzaˬ-oˇ, muiˬ-eu shawˇ-eu miˬ yehˇ-euˬ yaw sahˇ nawˬ-euˬ laꞈ kʼoeˇ jawˇ-awˇ, kʼaˇ zaꞈ taˬ-euˬ jeˬ dawˬ tawˆ luꞈ nawˇ siˬ nya meh lehˇ ngaˇ jah ma. Ngaˇ yuꞈ maˆ heu loꞈ-ehˇ maˆ-euˬ ma. Dawˬ tsuiꞈ tiˬ poˆ yuˇ doˆ nehˬ laꞈ sheˇ.

Aˬmoˆ 3:7

Baoˬ huiˬ-eu Sahˬpaˬ Miˬyehˇ-aˬ, aˬ yawꞈ-euˬ zaˬ kʼaˆ pyeuꞈ-eu Miˬyehˇ gʼaˇ duˬ ngehˬ dah-eu deuˬ-ahˇ maˬ pah mehˬ nehˬ ni tiˬ jeˬ-iˬ maˬ mˇ dzeuˇ-a.

Maꞈtehˬ 13:11

Yeˬsuˇ ehˇ-eu, “Mˬtaˆ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, aˬ yawꞈ maꞈ-ahˇ maˬ biꞈ taˬ-aˬ.

Maꞈtehˬ 13:35

Miˬyehˇ gʼaˇ duˬ ngehˬ dah-eu deuˬ neh ehˇ taˬ-euˬ dawˬ heu deuˬ byah laˇ ni, aˬ yawꞈ kʼoeˇ loꞈ-ehˇ mehˬ nehˬ-euˬ meh. “Ngaˬ-euˬ kʼaˬ meh ngaˇ mˇ nga-awˇ, yaw jeˬ ma jeˬ ja mehˬ nehˬ-awˇ, Miˇ beh ngeh neh zaꞈ taˬ-euˬ jeˬ, aˬ yawꞈ maꞈ-ahˇ dzawˇ duˬ nehˬ ma.”

Yoˇhaˬ 15:15

Aˬ kaˇ naˇ, ngaˇ naw maꞈ-ahˇ zaˬ kʼaˆ lehˇ maˬ paˇ kuˇ ma. Aˬ jeˬ miˇ neh ehˇ naˇ, zaˬ kʼaˆ-aˬ, yawˬ ha-euˬ baw leˬ aˬ jeˬ mˇ luꞈ-eu gaˇ kawˆ maˬ siˬ nya-a. Ngaˇ naw maꞈ-ahˇ ngaˬ-euˬ cawˬ lehˇ kuˇ ma. Aˬ jeˬ miˇ neh ehˇ naˇ, ngaˬ Da neh kʼaˇ ehˇ nehˬ laꞈ-euˬ jeˬ naw maꞈ-ahˇ ngaˇ dzawˇ nehˬ gʼaˬ jiˇ-euˬ ma.

Yoˇhaˬ 20:31

Ehˇ kʼawꞈ, heu gaˇ kʼaˇ boꞈ taˬ-euˬ heu deuˬ-aˬ, Yeˬsuˇ-aˬ Meˬsiˇya hawˇ-eu Miˬyehˇ-euˬ Zaˬmaˇ pyeuꞈ-eu naw maꞈ jah laˇ ni maˬ ehˇ, naw maꞈ aˬ yawꞈ-ahˇ jah-eu laꞈ kʼoeˇ dehꞈ-eu jeˬ za nya ni maˬ ehˇ, boꞈ taˬ-euˬ jeˬ pyeuꞈ-eu ma.

Yoˇhaˬ 21:22

Yeˬsuˇ ehˇ-eu, “Ngaˇ oe ngeh keuˆ ni aˬ yawꞈ-ahˇ ngaˇ bi dehꞈ keuˆ mawꞈ lawˬ naˇ, nawˇ aˬ jeˬ kʼahˇ kʼoꞈ kʼaˇ za ta. Ngaˬ-euˬ mehˬ nah laˇ gʼeh laꞈ-awˬ.”

Yoˇhaˬ 5:39

Jaˇ liꞈ laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ-ahˇ poˆ mawˇ nya tehꞈ-a lehˇ naw maꞈ noeˬ-awˇ, Jaˇ liꞈ gui-eu meh. Naw maꞈ gui-eu Jaˇ liꞈ kʼoeˇ-euˬ laꞈ kʼoeˇ, ngaˬ-euˬ gaˇ kawˆ ehˇ taˬ-euˬ meh.

Gʼaˬkʼehˇ 1:7

Aˬ yawꞈ maꞈ-ahˇ Yeˬsuˇ ehˇ nehˬ-eu, “Aˇ yamˬ aˇ law-ahˇ ngaˬ Da-euˬ baoˬ neh toꞈ taˬ gʼaˬ jiˇ-euˬ meh. Naw maꞈ siˬ nya-eu maˬ loˬ-a.

Gʼaˬkʼehˇ 17:11

Kʼoeˇ gaˇ jawˇ-eu tsawˇ haˬ deuˬ-aˬ, Teˇsaˬloˇni meuˬ-ahˇ jawˇ-eu tsawˇ haˬ deuˬ naˆ maˬ tseˇ nui ma laˇ gʼoˆ pah taˬ-awˇ, guiˬ lahˬ dawˬ-ahˇ nui ma keuˆ-eu laꞈ kʼoeˇ naˇ haˬ-awˇ, Pawˇluˆ neh ehˇ-euˬ kʼoeˇ tsaˬ-eu maˬ tsaˬ-eu siˬ duˬ laˇ ni yawˬ nah na luꞈ Jaˇliꞈ-ahˇ gui haw luꞈ-eu meh.

1 Gawˇliˬtu 2:16

Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Sahˬpaˬ Miˬyehˇ-euˬ nui ma-ahˇ, siˬ du nya-eu aˬ suˇ jawˇ ta. Yawꞈ-ahˇ nui noeˬ nui duˇ biꞈ-awˇ, ja mehˬ nya-eu aˬ suˇ jawˇ ta.” Ehˇ kʼawꞈ, aˬ dui-aˬ, Ka li-euˬ nui ma pi luꞈ-eu tsawˇ haˬ ma.

Dawˬmehˬ 30:2

Nawˇ hawˇ-eu naw maꞈ-euˬ zaˬ deuˬ uˆ deuˬ Sahˬpaˬ Miˬyehˇ jawˇ gaˇ paˇ gʼoꞈ poˆ laˇ-awˇ, iˬ nah ngaˇ nawˬ-ahˇ biꞈ-euˬ aˬ yawꞈ-euˬ zahˇ dawˬ kʼoꞈ dawˬ deuˬ-ahˇ nui ma laꞈ kʼoeˇ keuˆ ni nawˇ naˇ haˬ geuꞈ naˇ,

Dawˬmehˬ 6:7

Zahˇ dawˬ kʼoꞈ dawˬ kʼoeˇ deuˬ naw maꞈ-euˬ zaˬ deuˬ uˆ deuˬ-ahˇ mehˬ nehˬ tsoˆ nehˬ-awˬ. Iˇ kahˇ jawˇ ngeh maˬ ehˇ, gaˇ mahˇ kaˬ gaˇ ya -iˇ ngeh maˬ ehˇ, gʼaˬ naˬ naˬ luꞈ ngeh maˬ ehˇ, gaˇ mˇ luꞈ ngeh maˬ ehˇ, zahˇ dawˬ kʼoꞈ dawˬ kʼoeˇ deuˬ-ahˇ gui poˆ poˆ-awˬ.

2 Tiˆmoˇseˬ 1:5

Shawˇ jehˆ ni gʼeh-eu nawˬ-euˬ jah-eu jeˬ-ahˇ ngaˇ noeˬ mawˇ luꞈ ma. Nawˬ-euˬ jah-eu jeˬ-aˬ, nawˬ piˬ Lawˇiˆ hawˇ-eu nawˬ ma Uˇniˇ-euˬ jah-eu jeˬ-ahˇ duˇ-eu meh. Jah-eu jeˬ kʼoeˇ, nawˬ-euˬ laꞈ kʼoeˇ kʼawꞈ ahˇ meh lehˇ ngaˇ siˬ duˬ ma.

2 Tiˆmoˇseˬ 3:16

Jaˇliꞈ dawˬ kawˬ dawˬ tawˆ luꞈ Miˬyehˇ neh bi noeˬ doˆ-eu laꞈ kʼoeˇ boꞈ doˆ taˬ-euˬ jeˬ pyeuꞈ-awˇ, yaw tsaˬ yaw dawˇ jeˬ mehˬ-eu tsoˆ-eu gʼaˇ duˬ maˬ ehˇ, iˬ baˇ-ahˇ toeˬ mehˬ-eu gʼaˇ duˬ maˬ ehˇ, maˬ tsaˬ-eu jeˬ-ahˇ mehˬ paˇ tsoˆ paˇ-eu gʼaˇ duˬ maˬ ehˇ, yaw tsaˬ yaw dawˇ dawˇ-ehˇ dehꞈ ni mehˬ-eu tsoˆ-eu gʼaˇ duˬ maˬ ehˇ, gaˇ dahˇ tsoeˬ dui dui-eu meh.