Dawˬmehˬ 28:65 - Akha

⁶⁵ Nui saˇ za-eu jeˬ-ahˇ tiˬ gaˇ-iˬ maˬ poˆ mawˇ nya-ehˇ, nawˬ-euˬ jawˇ duˬ lehˇ myahˇ-eu gʼaˇ duˬ, pehˇ tsahˇ maˬ jaˆ ni pyeuꞈ-iˇ tehꞈ-a. Ehˇ kʼawꞈ, noeˬ shaˬ noeˬ zahˬ-eu jeˬ, noeˬ tmˬ duˬ maˬ jaˆ-eu jeˬ hawˇ-eu, nui ma cawˆ-eu jeˬ, Sahˬpaˬ Miˬyehˇ nawˬ-euˬ kʼoeˇ taˆ paˇ baꞈ daˆ nehˬ laꞈ tehꞈ-a.

Dawˬmehˬ 28:65 ပူးပေါင်းရင်းမြစ်များ

Aˇ dahˬ 8:9

Miˇ kʼahˬ kʼahˬ lah ni iˇ cuꞈ dahˬ byah taˬ-euˬ miˇ neh, kʼaˬ kʼoeˬ kʼoeˇ mawˇ tiˬ gaˇ-iˬ zaw dawꞈ kʼaˇ maˬ za-ehˇ, saˇ baoˬ jaˆ gaˇ paˇ zaw kʼoꞈ laꞈ-euˬ meh. Noˇaˬ aˬ laꞈ cawˬ doˆ-awˇ, kʼaˬ kʼoeˬ kʼoeˇ mawˇ-ahˇ saˇ baoˬ laꞈ kʼoeˇ paˇ nyehꞈ uˇ kʼoꞈ-euˬ meh.

Yawˇbaˆ 11:20

Maˬ tsaˬ maˬ dawˇ-eu tsawˇ haˬ nui ma cawˆ-eu laꞈ kʼoeˇ, jawˬ jawˬ-ehˇ haw sehꞈ leꞈ kʼawꞈ, buˬ-iˇ law-iˇ-eu gaˇ ma maˬ dahˇ-a. Aˬ yawꞈ maꞈ-euˬ noeˬ tmˬ duˬ-aˬ shiˇ-eu jeˬ keuˆ le-eu kʼoeˇ meh.”

Iˇsaˬyaˇ 51:17

Yeˬluˇsaˬlehˬ-oˇ, noeˬ laˇ-awˬ. Mˇ zoˇ-awˇ tuˇ laˇ-awˬ. Sahˬpaˬ Miˬyehˇ nui ma pehˇ laˇ-awˇ ciˬ nehˬ-euˬ, kʼehˬ-euˬ kʼaˆ-euˬ kʼmˬ maˬ nawˇ ya ciˬ shuˆ-euˬ meh. Kʼmˬ maˬ kʼoeˇ dawˇ jiˇ-euˬ miˇ neh, nawˇ kuiˇ toꞈ maˬ ciˬ tsaˬ nya-a.

Iˇsaˬyaˇ 57:21

Iˬ baˇ mˇ-eu tsawˇ haˬ nui saˇ maˬ oꞈ-a” lehˇ, Sahˬpaˬ Miˬyehˇ ehˇ taˬ-euˬ meh.

Iˇsaˬyaˇ 65:14

Aˬ yawꞈ maꞈ laˬ kʼaˬ cehˇ-eu caˇ luꞈ ngeh, naw maꞈ-euˬ nui ma tsawˬ paˆ-awˇ ya ngoeˇ tehꞈ-a.

Ngoeˇ dawˬ 1:3

Aˬ cawˬ kʼehˬ-eu kʼaˆ-eu uˬ moˆ, Yuˇdaˆ tsawˇ haˬ bi nyehꞈ byoˆ-awˇ, aˬ cawˬ miˇ kʼahˬ doe ni jawˇ-awˇ, gʼaˬ naˬ naˬ dah kʼaˇ maˬ za-ehˇ, muiˇ-eu deuˬ neh loꞈ jawˬ taˬ-euˬ, cehˆ dzeuˇ-eu gaˇ ma maˬ dahˇ-a.

Ngoeˇ dawˬ 3:65

Yawꞈ maꞈ-ahˇ nawˇ yaˬ kʼehˇ yaˬ-awˇ, noeˬ shaˬ-eu jeˬ bi tahˬ puˬ-awˬ.

Ngoeˇ dawˬ 5:17

Nui ma laꞈ kʼoeˇ gawˇ dui dui-awˇ, myaˆ biˇ yoeˇ-eu myaˆ maˬ mawˇ nya.

Uˬ duˬ 26:16

naw maꞈ-ahˇ ngaˇ kʼehˬ nehˬ kʼaˆ nehˬ ma. Naw maꞈ kʼoeˇ taˆ shaˬ zahˬ guˆ gaˆ bi keuˆ le ma. Naw maꞈ-euˬ myaˆ nuiˆ myaˆ behꞈ behꞈ-iˇ-awˇ, tsawˇ shiˇ uˬ kʼawˇ-ahˇ deuˬ leˇ gaˇ keuˆ ni kʼaˆ-eu maˬ laˆ taˬ nya-eu naˇ gawˇ deuˬ, naw maꞈ kʼoeˇ taˆ ngaˇ bi keuˆ le ma. Naw maꞈ siˬ yoeˬ sehˬ kʼawꞈ, guiˬ lahˬ maˬ baw-aˇ. Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ naw maꞈ-ahˇ deuˆ gʼaˬ-awˇ, naw maꞈ neh kʼaˇ ka taˬ-euˬ deuˬ yuˇ dzaˬ jiˇ tehꞈ-a.

Uˬ duˬ 26:36

“Aˬ cawˬ-euˬ miˇ kʼahˬ-ahˇ bi nyehꞈ gʼeh-euˬ naw maꞈ-euˬ tsawˇ haˬ deuˬ, aˇ paꞈ-ahˇ jaˬ lehˇ baw shawˆ-eu teˇ saˇ-ahˇ keuˆni, cehˆ byoˆ paˬ-ehˇ guˆ-eu nui ma ahˇ ni ngaˇ jahˇ nehˬ ma. Guiˇ deuˆ luꞈ ngeh aˬ cawˬ neh bi teh-euˬ loꞈ-ehˇ aˬ yawꞈ maꞈ cehˆ-awˇ, muiˇ-eu tsawˇ haˬ deuˬ aˬ yawꞈ maꞈ-euˬ dawˬ peh maˬ jawˇ kʼawꞈ, coˬ lah gaˇ keuˆ ni guˆ-iˇ tehꞈ-a.

Aˬmoˆ 9:4

Aˬ yawꞈ maꞈ-ahˇ muiˇ-eu deuˬ neh aˬ yawꞈ maꞈ-ahˇ bi nyehꞈ byoˆ gʼeh kʼawꞈ, aˬ yawꞈ maꞈ-ahˇ sehꞈ-awˬ lehˇ ngaˇ dawˬ biꞈ ma. Aˬ yawꞈ maꞈ-ahˇ ngehˬ gʼeh-eu maˬ ngeuˇ-ehˇ, laˆ cawˆ nehˬ-eu gʼaˇ duˬ nymˬ-mˇ poˆ jawˇ ngaˇ noeˬ tsehˆ taˬ-euˬ ma.”

Haˬbaˬkuˆ 3:16

Gaˇ kawˆ kʼoeˇ ngaˇ ya gaˬ gʼaˬ ngeh, gʼawˇ mawˇ mawˇ lah yaw dzuˬ dzuˬ-awˇ, mehˬ luˬ mehˬ ma shaˬ dehꞈ dehꞈ nya. Shaˬ yoeˬ shaˬ laꞈ peuˬ-iˇ jiˇ-awˇ, kuiˇ toꞈ yaˇ laˇ jiˇ-euˬ miˇ-a. Ngaˬ-ahˇ guiˇ deuˆ le-eu deuˬ-ahˇ, Miˬyehˇ kʼehˬ nehˬ-eu aˇ nah-ahˇ, ciˬ cuˇ ni ngaˇ dawˬ luꞈ-eu ma.

Maꞈtehˬ 24:8

Heu deuˬ dawˬ tawˆ luꞈ, zaˬ baw-eu lehˇ gʼeh ngeh, uˬ maˆ naˇ dahˬ beh laˇ-eu loꞈ-ehˇ tehꞈ-a siˬ.

Luˇkaꞈ 21:26

Miˇ tsaˬ kʼoeˇ taˆ keuˆ le teuˇ le-eu lehˇ gʼeh-eu jeˬ-ahˇ tsawˇ haˬ zaˬ deuˬ noeˬ mawˇ-awˇ, myaꞈ leˇ tehꞈ-a. Aˬ jeˬ miˇ neh ehˇ naˇ, mˬ taˆ-euˬ baoˬ deuˬ luˆ laˇ nyeh laˇ jiˇ tehꞈ-a.

Lormav 11:10

Aꞈ yawꞈ maꞈ myaˆ behꞈ behꞈ-iˇ-awˇ, maˬ mawˇ nya ni pyeuꞈ-iˇ luꞈ-uˇ. Shaˬ zahˬ pi-eu maˬ gʼaˬ leˇ-ehˇ, daˇ tsuiꞈ kʼoꞈ-iˇ-awˇ shaˬ luꞈ-uˇ.”

Dawˬmehˬ 28:66

Nawˇ yaw dehꞈ dehꞈ-eu jeˬ-aˬ, aˬ myah luꞈ guˆ kʼaˇ za tehꞈ-a. Uˬ ciꞈ nah gʼahˇ maˬ ehˇ, nawˇ guˆ guˆ-ehˇ ya jawˇ-awˇ, aˬ geu ngeh ya shiˇ-eu maˬ siˬ lehˇ, nawˇ maˬ tsehˆ leˇ ni noeˬ guˆ noeˬ guˆ-ehˇ ya dehꞈ tehꞈ-a.