Dawˬmehˬ 28:64 - Akha

⁶⁴ “Mˬ dzeˇ miˇ dzeˇ keuˆ ni jawˇ luꞈ-eu tsawˇ jeuˬ deuˬ jawˇ gaˇ Sahˬpaˬ Miˬyehˇ nawˬ-ahˇ teh byaˆ-awˇ, nawˇ hawˇ-eu nawˬ-euˬ aˬ poeˬ aˬ bawˇ deuˬ dzeuˇ laˇ ngeh tiˬ jawˇ-iˬ uˬ duˬ maˬ tahˬ haw-euˬ, daˇ kawˬ hawˇ-eu kʼaˬ lo neh jahˇ taˬ-euˬ miˬyehˇ deuˬ-ahˇ, kʼoeˇ gaˇ nawˇ uˬ duˬ ya tahˬ tehꞈ-a.

Dawˬmehˬ 28:64 ပူးပေါင်းရင်းမြစ်များ

Aˇ dahˬ 4:14

Miˇ kʼahˬ heu kʼahˬ-ahˇ neh nawˬ-euˬ myaˆ pyawˬ maˬ ya mawˇ-eu jawˇ duˬ-ahˇ, nawˇ ngaˬ-ahˇ teh dzeh nehˬ laꞈ-euˬ meh. Ngaˇ tiˬ gaˇ-iˬ jawˇ duˬ dah leˇ kʼaˇ maˬ za ni, miˇ kʼahˬ doe doe-ehˇ cah cah-ehˇ ya jawˇ naˇ, kʼaˇ puˬ kʼaˇ mawˇ le-eu tsawˇ haˬ deuˬ ngaˬ-ahˇ sehꞈ laˇ tehꞈ-a.”

2 Sahˬpaˬ 17:6

Awˇsheˬ sahˬ paˬ geuꞈ-euˬ gʼoeˬ kʼoꞈ tiˬ kʼoꞈ-ahˇ, Aˬshuˇliˆ sahˬ paˬ neh Saˬmaˬliˆ meuˬ-ahˇ deuˆ gʼaˬ-awˇ, Iˇsaˬleˬlaˆ tsawˇ haˬ deuˬ-ahˇ Aˬshuˇliˆ miˇ kʼahˬ-ahˇ nyehꞈ daˆ gʼeh-euˬ meh. Tiˬ paˆ na deuˬ-ahˇ Haˬlahˬ meuˬ-ahˇ bi jawˇ-awˇ, tiˬ paˆ na deuˬ-ahˇ Haˬbawˬ lawˇ baˬ dawˬ peh Goˇzaˬ gahˬ kaˬ-ahˇ bi jawˇ-euˬ meh. Tiˬ paˆ na deuˬ-ahˇ-aˬ, Meˬdiˇ miˇ kʼahˬ laꞈ kʼoeˇ jaˆ-eu meuˬ deuˬ-ahˇ bi jawˇ-euˬ meh.

2 Sahˬpaˬ 25:21

Haˬmaˆ miˇ kʼahˬ Yiˇbaˬlahˬ meuˬ laꞈ kʼoeˇ, Baˬbuˇloˬ sahˬ paˬ neh aˬ yawꞈ maꞈ-ahˇ sehꞈ-euˬ meh. Yuˇdaˆ tsawˇ haˬ deuˬ-aˬ, aˬ yawꞈ maꞈ-euˬ miˇ kʼahˬ laꞈ kʼoeˇ neh, aˬ cawˬ neh kʼoeˇ loꞈ-ehˇ bi nyehꞈ byoˆ gʼeh jiˇ-euˬ meh.

Neˬhaˬmiˇ 1:8

Moˇseˬ-ahˇ nawˬ neh ehˇ taˬ yaꞈ-euˬ dawˬ kʼoeˇ dawˬ-ahˇ noeˬ keuˆ nehˬ laꞈ-awˬ. Nawˇ aˬ yawꞈ-ahˇ heu loꞈ-ehˇ ehˇ taˬ yaꞈ-euˬ meh. Naw maꞈ Iˇsaˬleˬlaˆ tsawˇ haˬ deuˬ ngaˬ-ahˇ saˇ jaˇ maˬ ziꞈ naˇ, aˬ cawˬ tsawˇ jeuˬ yaw kaˬ-ahˇ naw maꞈ-ahˇ bi jawˇ byoˆ jiˇ ma.

Jaceuq 44:11

Yawˇzaˬdiˬsehꞈdzaˬ-eu loꞈ-ehˇ, ngaˬmaꞈ-ahˇbi sehꞈdzeh laꞈ-awˇ, aˬcawˬtsawˇjeuˬmiˇkʼahˬdoe ni, teh byaˆ-awˇbi shaˬlaꞈ-euˬmeh.

Iˇsaˬyaˇ 6:12

Tsawˇ haˬ kʼoeˇ deuˬ-ahˇ gaˇ mahˇ kaˬ gaˇ Sahˬpaˬ Miˬyehˇ teh dzeh-awˇ, miˇ kʼahˬ kʼoeˇ kʼahˬ doe ni, byehˇ dzeh yaꞈ-euˬ jawˇ duˬ gʼawˬ mya ni jaˆ tehꞈ-a.

Yeˬlaˬmiˇ 15:14

Ngaˬ-euˬ nui pehˇ miˬ dzaˬ-ahˇ duˇ-awˇ, tiˬ jawˇ-iˬ maˬ miˆ-iˇ ni doꞈ-eu miˇ neh, maˬ siˬ maˬ suˇ-eu miˇ kʼahˬ laꞈ kʼoeˇ, aˬ yawꞈ maꞈ-ahˇ muiˇ-eu tsawˇ haˬ deuˬ neh kʼehˇ-euˬ gaˇ bi mˇ ma.”

Yeˬlaˬmiˇ 16:13

Kʼoeˇ miˇ neh miˇ kʼahˬ heu kʼahˬ laꞈ kʼoeˇ neh naw maꞈ-ahˇ ngaˇ biˬ doˆ-awˇ, naw maꞈ-euˬ aˬ poeˬ aˬ bawˇ deuˬ kʼawꞈ maˬ gaˬ haw-ehˇ, naw maꞈ kʼawꞈ maˬ gaˬ haw-euˬ miˇ kʼahˬ laꞈ kʼoeˇ biˬ ahˇ nehˬ ma. Kʼoeˇ gaˇ uˬ ciꞈ nah gʼahˇ maˬ ehˇ miˬ yehˇ nui deuˬ-euˬ nui kʼahˇ naw maꞈ ya mˇ byah-awˇ, naw maꞈ-ahˇ ngaˇ gʼawˬ shaˬ maˬ gaˬ nehˬ lehˇ ehˇ-eu meh lehˇ ehˇ nehˬ-awˬ.”

Yeˬlaˬmiˇ 50:17

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ-aˬ, aˇ laˬ jaˬ shiˇ neh bi teh byaˆ-euˬ yawˇ deuˬ-ahˇ duˇ-eu meh. Yaw beh Aˬshuˇliˆ sahˬ paˬ neh bi kawꞈ sehꞈ dzaˬ-awˇ, kʼoeˇ naˇ, Baˬbuˇloˬ sahˬ paˬ Neˬbuˬkaˬneˬzaˬ neh shaˬ yoeˬ bi teuꞈ byoˆ jiˇ-euˬ meh.

Yeˬlaˬmiˇ 9:16

Aˬ yawꞈ maꞈ-euˬ aˬ poeˬ aˬ bawˇ deuˬ-euˬ ziˇ-ahˇ neh maˬ gaˬ haw maˬ mawˇ haw-euˬ tsawˇ jeuˬ deuˬ-euˬ yaw kaˬ-ahˇ aˬ yawꞈ maꞈ-ahˇ ngaˇ teh byaˆ-awˇ, guiˇ maꞈ deuˬ pyehˬ gʼeh leꞈ-eu laꞈ kʼoeˇ, geuꞈ-eu jeˬ maˬ ahˇ gaˇ keuˆ ni aˬ yawꞈ maꞈ-ahˇ bi laˆ cawˆ ma.”

Ngoeˇ dawˬ 1:3

Aˬ cawˬ kʼehˬ-eu kʼaˆ-eu uˬ moˆ, Yuˇdaˆ tsawˇ haˬ bi nyehꞈ byoˆ-awˇ, aˬ cawˬ miˇ kʼahˬ doe ni jawˇ-awˇ, gʼaˬ naˬ naˬ dah kʼaˇ maˬ za-ehˇ, muiˇ-eu deuˬ neh loꞈ jawˬ taˬ-euˬ, cehˆ dzeuˇ-eu gaˇ ma maˬ dahˇ-a.

Yeˬsaˬgeˬlaˇ 20:23

Kʼoeˇ miˇ neh, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ-ahˇ ngaˇ heu loꞈ-ehˇ saˇ jaˇ paˇ dzaˬ-euˬ ma. Aˬ yawꞈ maꞈ-ahˇ miˇ kʼahˬ doe ni teh byaˆ nehˬ ma lehˇ ngaˇ ehˇ tsehˆ nehˬ-euˬ ma.

Yeˬsaˬgeˬlaˇ 36:19

Aˬ yawꞈ maꞈ-euˬ dehꞈ jeˬ dehꞈ kawˆ maˬ muiˬ-eu baˬ da neh, aˬ yawꞈ maꞈ-ahˇ ngaˇ maˬ haw nahˇ-ehˇ, aˬ cawˬ miˇ kʼahˬ doe ni teh byaˆ nehˬ-euˬ ma.

Uˬ duˬ 26:33

Naw maꞈ kʼoeˇ taˆ guiˇ deuˆ-eu jeˬ ngaˇ bi keuˆ le-awˇ, aˬ cawˬ miˇ kʼahˬ laꞈ kʼoeˇ, tiˬ gaˇ tiˬ gʼaˬ-ehˇ naw maꞈ ya jawˇ byoˆ tehꞈ-a. Naw maꞈ-euˬ miˇ kʼahˬ ciˬ cuˇ ni jaˆ yaꞈ-awˇ, naw maꞈ-euˬ meuˬ deuˬ yaw pyaˆ yaw shaˆ-ehˇ jaˆ yaꞈ tehꞈ-a.

Aˬmoˆ 9:9

“Ngaˇ dawˬ biꞈ-awˇ, Iˇsaˬleˬlaˆ tsawˇ haˬ deuˬ-ahˇ cehˇ yaˇ yaˇ-eu loꞈ-ehˇ yaˇ ma. Aˬ cawˬ tsawˇ jeuˬ deuˬ nehˬ-ehˇ aˬ yawꞈ maꞈ-ahˇ puiˬ jeˬ jeˬ-awˇ, maˬ muiˬ-eu deuˬ dawˬ tawˆ luꞈ biˬ dzeh ma.

Zaˬkaˬliˇ 2:10

“Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, laˬ kʼaˬ cehˇ-eu caˇ dawˬ caˇ-awˬ. Ngaˇ naw maꞈ nehˬ-ehˇ jawˇ le-eu lehˇ gʼeh-eu ma” lehˇ, Sahˬpaˬ Miˬyehˇ ehˇ-eu meh.

Zaˬkaˬliˇ 7:14

Jaˬ lehˇ lehˇ ma baw-eu loꞈ-ehˇ, aˬ yawꞈ maꞈ-ahˇ aˬ cawˬ miˇ kʼahˬ doe ni baw dzeh gʼeh-awˇ bi jawˇ byaˆ jiˇ-awˇ, muiˬ-eu miˇ kʼahˬ heu kʼahˬ laꞈ kʼoeˇ tsawˇ haˬ tiˬ gʼaˬ-iˬ maˬ dzeˇ ni bi pyeuꞈ-iˇ-euˬ ma.”

Luˇkaꞈ 21:24

Aˬ yawꞈ maꞈ mi cehˇ kʼehˬ-ahˇ ya shiˇ-awˇ, aˬ cawˬ miˇ kʼahˬ doe ni bi nyehꞈ byoˆ gʼeh tehꞈ-a. Yeˬluˇsaˬlehˬ meuˬ-aˬ, aˬ cawˬ tsawˇ jeuˬ neh bi nawˬ pahˬ tehꞈ-a. Aˬ cawˬ tsawˇ jeuˬ kʼoeˇ deuˬ-euˬ aˇ yamˬ maˬ jiˇ kʼoeˇ keuˆ ni, bi nawˬ pahˬ taˬ tehꞈ-a.

Dawˬmehˬ 13:8

Aˬ yawꞈ muˇ juˇ juˇ-eu mehˬ nah naw maꞈ maˬ ya caw teh-a. Aˬ yawꞈ-euˬ dawˬ-ahˇ keuˆ ni, tiˬ pawꞈ-iˬ taˬ naˇ haˬ. Aˬ yawꞈ-ahˇ gʼawˬ shaˬ maˬ ya gaˬ-eu uˬ taꞈ, maˬ ya sheuˬ zaꞈ-a.

Dawˬmehˬ 28:36

“Nawˇ maˬ ehˇ, nawˬ-euˬ aˬ poeˬ aˬ bawˇ deuˬ maˬ ehˇ, dzeuˇ laˇ ngeh tiˬ jawˇ-iˬ maˬ jawˇ haw-euˬ boeˇ miˬ siˬ kʼaˬ deuˬ-euˬ miˇ kʼahˬ-ahˇ, nawˇ hawˇ-eu nawˬ-euˬ sahˬ paˬ-ahˇ Sahˬpaˬ Miˬyehˇ sheuˬ gʼeh tehꞈ-a. Kʼoeˇ gaˇ, daˇ kawˬ hawˇ-eu kʼaˬ lo neh jahˇ taˬ-euˬ miˬyehˇ deuˬ-ahˇ nawˇ uˬ duˬ ya tahˬ tehꞈ-a.

Dawˬmehˬ 29:26

‘Dzeuˇ laˇ ngeh tiˬ jawˇ-iˬ uˬ duˬ maˬ tahˬ haw-euˬ miˬ yehˇ deuˬ-ahˇ aˬ yawꞈ maꞈ uˬ duˬ tahˬ-euˬ meh. Miˬyehˇ kʼoeˇ deuˬ-ahˇ uˬ duˬ maˬ ya tahˬ-a lehˇ Sahˬpaˬ Miˬyehˇ neh ehˇ taˬ-euˬ daw-ahˇ leuˇ-awˇ, aˬ yawꞈ maꞈ uˬ duˬ tahˬ-euˬ meh.

Dawˬmehˬ 30:1

“Nymˬ-mˇ, ngaˇ naw maꞈ-ahˇ guiˬ lahˬ hawˇ-eu yaˬ kʼehˇ yaˬ-eu heu nyiˬ jeˬ bi tseˇ geuꞈ-eu ma. Kʼoeˇ deuˬ dawˬ tawˆ luꞈ nawˬ-euˬ kʼoeˇ taˆ keuˆ le-awˇ, Sahˬpaˬ Miˬyehˇ neh naw maꞈ-ahˇ bi cehˆ byaˆ-euˬ miˇ kʼahˬ-ahˇ nawˇ jawˇ luꞈ ngeh, ngaˬ neh nawˬ-ahˇ bi tseˇ geuꞈ-euˬ gaˇ nawˇ noeˬ keuˆ tehꞈ-a.

Dawˬmehˬ 32:17

Aˬ poeˬ ziˇ-ahˇ maˬ gaˬ haw-ehˇ, aˬ bawˇ ziˇ-ahˇ maˬ gʼoe haw-euˬ, miˬ yehˇ maˬ ngeuˇ-eu nehꞈ deuˬ-ahˇ, aˬ yawꞈ maꞈ lawˇ-euˬ shehˇ-euˬ meh.

Dawˬmehˬ 32:26

Aˬ cawˬ maˬ paˇ noeˬ mawˇ coeˇ ni, kʼaˬ puiˬ kʼaˬ lehˇ lehˇ byoˆ nehˬ ma.

Dawˬmehˬ 4:32

“Naw maꞈ maˬ dehꞈ le mi naˆ-ehˇ pyeuꞈ dzeuˇ yaꞈ-euˬ gaˇ kawˆ-ahˇ, miˇ tsaˬ kʼoeˇ taˆ tsawˇ haˬ zaˬ-ahˇ Miˬyehˇ beh-euˬ aˇ yamˬ-ahˇ keuˆ ni poˆ tseˇ haw sheˇ. Heu loꞈ-ehˇ huiˬ-eu gaˇ kawˆ pyeuꞈ laˇ haw mehˬ loˇ.