Dawˬmehˬ 28:63 - Akha

⁶³ Nawˇ baw le za le-awˇ, myaˬ laˇ behˇ laˇ ni jahˇ nehˬ-eu gʼaˇ duˬ Sahˬpaˬ Miˬyehˇ laˬ kʼaˬ cehˇ-eu loꞈ-ehˇ, nawˇ luˬ-iˇ seˇ-iˇ-awˇ, nawˬ-euˬ kʼoeˇ taˆ yaw cawˆ jeˬ keuˆ le ni mˇ-eu gʼaˇ duˬ kʼawꞈ, aˬ yawꞈ laˬ kʼaˬ cehˇ tehꞈ-a. Nawˇ jawˇ leˇ-eu lehˇ gʼeh-eu miˇ kʼahˬ-ahˇ aˬ yawꞈ nawˬ-ahˇ gʼeu dzeh doˆ tehꞈ-a.

Dawˬmehˬ 28:63 ပူးပေါင်းရင်းမြစ်များ

Aˇ dahˬ 6:7

Kʼoeˇ ngeh, aˬ yawꞈ heu loꞈ-ehˇ ehˇ-eu meh. “Ngaˬ neh beh taˬ-euˬ tsawˇ haˬ zaˬ heu deuˬ dawˬ tawˆ luꞈ-ahˇ ngaˇ laˆ cawˆ byoˆ jiˇ ma. Jeˬ zaˬ hawˇ-eu ho zaˬ nga jiˇ dawˬ tawˆ luꞈ-ahˇ kʼawꞈ, ngaˇ laˆ byoˆ jiˇ ma. Teu deuˬ-ahˇ beh-euˬ baˬ da neh ngaˇ aˇ dzehˬ-ehˇ ya noeˬ shaˬ nya.”

Jaceuq 119:68

Nawˇ aˇ naˆ ni muiˬ-awˇ, aˇ naˆ ni gʼawˬ shaˬ gaˬ nya-eu nga. Nawˬ-euˬ zahˇ dawˬ kʼoꞈ dawˬ ngaˬ-ahˇ mehˬ nehˬ laꞈ.

Dawqdaq 1:26

Naw maꞈ shaˬ zahˬ naꞈ ngeh ngaˇ uiˇ haw-awˇ, guˆ-eu gaˆ-eu jeˬ keuˆ le ngeh naˬ gʼa ma.

Dawqdaq 2:22

Ehˇ kʼawꞈ, haiˬ-eu tsawˇ haˬ deuˬ miˇ kʼahˬ heu kʼahˬ laꞈ nyiˇ bi sheuˬ dzeh-awˇ, saˇ jaˇ maˬ ziꞈ-eu deuˬ duˬ puˇ bi gʼeu lehˆ doˆ tehꞈ-a.

Iˇsaˬyaˇ 1:24

Kʼoeˇ miˇ neh Dawˬ tawˆ kʼoeˇ taˆ huiˬ-eu Sahˬpaˬ Miˬyehˇ, Iˇsaˬleˬlaˆ-euˬ baoˬ huiˬ-eu Miˬyehˇ, heu loꞈ-ehˇ ehˇ-eu meh. “Haw taˬ lawˬ. Ngaˬ-ahˇ muiˇ-eu deuˬ-ahˇ ngaˇ jahˇ kʼoꞈ ma. Aˬ yawꞈ maꞈ ngaˬ-ahˇ maˬ paˇ bi laˆ bahˬ ma.

Iˇsaˬyaˇ 6:11

“Aˇ myah keuˆ ni kʼoeˇ loꞈ-ehˇ jahˇ nehˬ nmˇ” lehˇ, Sahˬpaˬ Miˬyehˇ-ahˇ ngaˇ naˇ haˬ ngeh, heu loꞈ-ehˇ ehˇ kʼoꞈ nehˬ laꞈ-euˬ meh. “Meuˬ deuˬ cawˆ-iˇ jiˇ-awˇ, tsawˇ haˬ tiˬ gʼaˬ-iˬ maˬ jawˇ-ehˇ pyeuꞈ-iˇ ngeh keuˆ ni, nymˇ laꞈ kʼoeˇ tsawˇ haˬ tiˬ gʼaˬ-iˬ maˬ ya mawˇ-ehˇ, miˇ kʼahˬ kʼahˬ lah-ehˇ ciˬ cuˇ ni pyeuꞈ-iˇ ngeh keuˆ ni, kʼoeˇ loꞈ-ehˇ jahˇ nehˬ ma.

Iˇsaˬyaˇ 62:5

Miˬ daꞈ zaˬ daꞈ sheuˬ dahˬ dzaˬ-eu loꞈ-ehˇ, nawˬ-ahˇ beh-euˬ gʼaˬ nawˬ-ahˇ sheuˬ dahˬ dzaˬ tehꞈ-a. Miˬ zaˬ yo zaˬ tiˬ gʼaˬ tiˇ gʼaˬ nui kʼahˇ jaˆ-eu loꞈ-ehˇ, nawˬ-euˬ Miˬyehˇ kʼawꞈ nawˬ-ahˇ nui kʼahˇ jaˆ tehꞈ-a.

Yeˬlaˬmiˇ 18:7

Tsawˇ jeuˬ tiˬ jeuˬ-ahˇ ngaˇ puˇ ngawˬ ngawˬ lehˆ doˆ-awˇ, ngawˬ kʼehꞈ ngawˬ kʼoeˆ nehˬ-eu laꞈ kʼoeˇ laˆ luˬ laˆ seˇ nehˬ ma lehˇ ngaˇ ehˇ-euˬ kʼawꞈ,

Yeˬlaˬmiˇ 24:6

Aˬ yawꞈ maꞈ-ahˇ ngaˇ haw piˇ-awˇ, miˇ kʼahˬ heu kʼahˬ laꞈ kʼoeˇ paˇ sheuˬ kʼoꞈ laꞈ ma. Aˬ yawꞈ maꞈ-ahˇ ngaˇ maˬ laˆ coeˬ maˬ laˆ ciˆ nehˬ ni, bo saˆ huiˬ nehˬ ma. Aˬ yawꞈ maꞈ-ahˇ ngaˇ maˬ gʼawˇ dzeh-ehˇ ka dehꞈ nehˬ ma.

Yeˬlaˬmiˇ 31:28

Aˬ yawꞈ maꞈ-ahˇ puˇ ngawˬ ngawˬ dzeh-eu gʼaˇ duˬ maˬ ehˇ, gʼeu ka-eu gʼaˇ duˬ maˬ ehˇ, teh dzeh-eu gʼaˇ duˬ maˬ ehˇ, laˆ luˬ laˆ seˇ nehˬ-eu gʼaˇ duˬ maˬ ehˇ, laˆ shaˬ laˆ zahˬ nehˬ-eu gʼaˇ duˬ maˬ ehˇ, ngaˇ shaˇ noeˬ-awˇ jahˇ nehˬ gʼaˬ-euˬ loꞈ-ehˇ, aˬ yawꞈ maꞈ-ahˇ paˇ ka ziꞈ-awˇ, laˆ saˆ huiˬ laˆ saˆ mahˇ nehˬ-eu gʼaˇ duˬ kʼawꞈ, ngaˇ shaˇ noeˬ-awˇ jahˇ nehˬ ma.

Yeˬlaˬmiˇ 31:40

Lmˬ bymˇ jaˆ-awˇ yaw jawꞈ yaw laꞈ biˬ dzeh duˬ pyeuꞈ-eu deh kʼawꞈ kʼawꞈ lah-ehˇ maˬ ehˇ, Giˇdaˬloˬ lawˇ gawˆ kʼoeˇ taˆ paw dzeˇ, nahˇ ma doˆ kʼehˬ paw Mahˬ-euˬ lahˇ kʼehˬ-ahˇ keuˆ ni jaˆ-eu deh ga ga lah-ehˇ maˬ ehˇ, ngaˬ-euˬ gʼaˇ duˬ muiˬ-eu shawˇ-eu pehˇ tsahˇ pyeuꞈ laˇ tehꞈ-a. Meuˬ heu meuˬ-ahˇ tiˬ jawˇ-iˬ maˬ paˇ bi byaˆ-iˇ-ehˇ, tiˬ jawˇ-iˬ maˬ paˇ bi laˆ cawˆ ma.”

Yeˬlaˬmiˇ 32:41

Aˬ yawꞈ maꞈ-ahˇ yaw muiˬ jeˬ mˇ nehˬ-eu gʼaˇ duˬ ngaˇ laˬ kʼaˬ cehˇ-awˇ, miˇ kʼahˬ heu kʼahˬ laꞈ kʼoeˇ ziꞈ dah ni bi dehꞈ ma.

Yeˬlaˬmiˇ 42:10

Sahˬpaˬ Miˬyehˇ heu loꞈ-ehˇ ehˇ-eu meh. ‘Miˇ kʼahˬ heu kʼahˬ laꞈ kʼoeˇ naw maꞈ jawˇ daˆ leꞈ mawꞈ naˇ, naw maꞈ-ahˇ ngaˇ maˬ laˆ pyaˆ ni ciˬ tuˇ nehˬ ma. Naw maꞈ-ahˇ ngaˇ maˬ gʼawˇ lehˆ ni, tsoˆ ziꞈ nehˬ ma. Naw maꞈ-ahˇ ngaˬ neh laˆ luˬ laˆ seˇ nehˬ-euˬ gaˇ ngaˇ nui ma tiˬ pawꞈ-iˬ maˬ saˇ nya.

Yeˬlaˬmiˇ 42:2

ngaˇ jawˇ gaˇ oe-awˇ heu loꞈ-ehˇ ehˇ le-euˬ meh. “Nga maꞈ nawˬ-ahˇ shaˇ-eu loꞈ-ehˇ jahˇ nehˬ laꞈ-awˬ. Nga maꞈ gʼaˇ duˬ nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ. Buˬ-iˇ law-iˇ-euˬ tsawˇ haˬ deuˬ pyeuꞈ-eu nga maꞈ dawˬ tawˆ luꞈ gʼaˇ duˬ guiˬ lahˬ shaˇ nehˬ laꞈ-awˬ. Dzeuˇ laˇ ngeh aˬ dui tsawˇ haˬ myaˬ dui dui-euˬ kʼawꞈ, nymˬ-mˇ nawˇ mawˇ luꞈ-eu loꞈ-ehˇ ui cuiˆ dzeˇ-eu tehꞈ meh.

Yeˬlaˬmiˇ 45:4

“Ehˇ kʼawꞈ Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh tsoˆ doˆ taˬ-euˬ jeˬ deh pyaˆ-awˇ, ngaˬ neh ka dehꞈ taˬ-euˬ jeˬ gʼawˇ lehˆ-eu ma. Miˇ kʼahˬ kʼahˬ lah ni ngaˇ kʼoeˇ loꞈ-ehˇ jahˇ nehˬ ma.

Ngoeˇ dawˬ 2:9

Lahˇ kʼehˬ laˇ gʼoˆ miˇ tsa pahˬ-awˇ, gʼoˆ bahˬ dawˬ tawˆ kʼehꞈ jiˇ-euˬ meh. Sahˬ paˬ sahˬ ma deuˬ dawˬ tawˆ luꞈ, aˬ cawˬ neh nyehꞈ byoˆ jiˇ-euˬ meh. Zahˇ dawˬ kʼoꞈ dawˬ maˬ paˇ baw-ehˇ, Miˬyehˇ dawˬ ngehˬ dah-eu deuˬ kʼawꞈ, Sahˬpaˬ Miˬyehˇ maˬ pah mehˬ-ehˇ, Miˬyehˇ-euˬ dawˬ maˬ ngehˬ nya-a.

Yeˬsaˬgeˬlaˇ 33:11

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, iˬ baˇ zaˬ tiˬ gʼaˬ shiˇ gaˇ ngaˇ maˬ mawˇ mawꞈ-ehˇ iˬ baˇ mˇ-eu byehˇ dzeh-awˇ dehꞈ daˆ leꞈ gaˇ mawˇ mawꞈ-eu meh lehˇ, aˬ yawꞈ maꞈ-ahˇ ehˇ nehˬ-awˬ. Iˇsaˬleˬlaˆ -oˇ, yaw haiˬ jeˬ mˇ-eu byehˇ-awˬ. Aˬ jeˬ miˇ neh shiˇ mawꞈ-eu nya lehˇ ehˇ nehˬ-awˬ.

Yeˬsaˬgeˬlaˇ 5:13

Ngaˇ nui kʼahˇ tiˬ shiˇ maˬ ya jahˇ nehˬ gʼaˬ kʼoeˇ keuˆ ni, ngaˬ-euˬ nui pehˇ naw maꞈ ya mawˇ duˬ tehꞈ-a. Kʼoeˇ loꞈ-ehˇ pyeuꞈ laˇ ngeh, naw maꞈ saˇ jaˇ maˬ ziꞈ gaˇ ngaˇ nui ma pehˇ dui dui-awˇ ehˇ luꞈ-eu ngaˇ lehˇ, naw maꞈ ya siˬ duˬ tehꞈ-a.

Daˬyeˬlaˇ 7:8

Uˬ coeˇ kʼoeˇ deuˬ-ahˇ ngaˇ zahˬ leˇ-awˇ haw haw-ehˇ jawˇ ngeh, uˬ coeˇ kʼoeˇ deuˬ yaw kaˬ-ahˇ uˬ coeˇ coeˇ zaˬ tiˬ coeˇ doˆ laˇ-euˬ meh. Uˬ coeˇ coeˇ zaˬ kʼoeˇ neh kʼoeˇ gaˇ tsoꞈ-eu uˬ coeˇ smˇ kahˬ tahˬ juˆ dzeh-euˬ meh. Uˬ coeˇ kʼoeˇ coeˇ-ahˇ tsawˇ haˬ zaˬ-euˬ myaˆ nuiˆ tsoꞈ-awˇ, kʼahˬ sehˇ jehˆ-eu kʼaˬ meh tiˬ meh tsoꞈ-eu meh.

Aˬmoˆ 5:3

Dawˬ tawˆ luꞈ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Iˇsaˬleˬlaˆ miˇ kʼahˬ laꞈ kʼoeˇ jaˆ-eu meuˬ tiˬ meuˬ yehˇ tiˬ heˇ gʼaˬ pyehˬ doˆ gʼeh ngeh, tiˬ yaˇ gʼaˬ tehꞈ-ehˇ gʼoꞈ doˆ laˇ-euˬ meh. Meuˬ yawˬ meuˬ yawˬ tiˬ yaˇ gʼaˬ pyehˬ doˆ gʼeh ngeh, tseˇ gʼaˬ tehꞈ-ehˇ gʼoꞈ doˆ laˇ-eu meh.”

Miˇkaˬ 7:18

Sahˬpaˬ Miˬyehˇ-oˇ, nawˬ-ahˇ duˇ-eu miˬ yehˇ nui gʼaˬ maˬ jawˇ-a. Luˬ-iˇ seˇ-iˇ-eu jeˬ-ahˇ buˬ-iˇ law-iˇ-euˬ nawˬ-euˬ tsawˇ haˬ deuˬ-euˬ iˬ baˇ-ahˇ nawˇ pyehˬ nehˬ-euˬ meh. Nawˇ-aˬ, aˬ myah luꞈ nui ma pehˇ pehˇ-ehˇ maˬ jawˇ ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ nga maꞈ-ahˇ bi mawˇ-eu laꞈ kʼoeˇ nawˇ nui kʼahˇ shiˇ-eu meh.

Zeˬpaˬniˇ 3:17

Sahˬpaˬ Miˬyehˇ nawˬ nehˇ jawˇ-awˇ, gʼaˬ leˇ-eu baoˬ biꞈ laꞈ tehꞈ-a. Aˬ yawꞈ nawˬ-ahˇ nui kʼahˇ shiˇ-awˇ, nawˬ-ahˇ gaˬ-eu jeˬ baˬ da neh, yaw shuiꞈ bi dehꞈ paˇ laꞈ tehꞈ-a. Aˬ yawꞈ nawˬ-ahˇ nui ma tsaˬ-eu, laˬ kʼaˬ cehˇ-eu caˇ dawˬ caˇ-awˇ,

Luˇkaꞈ 15:32

Laˬ kʼaˬ tiˬ cehˇ dzaˬ taꞈ dawˇ taꞈ-eu heu-aˬ, jahˇ paˬ-ehˇ gʼeh-eu tiˬ jeˬ meh. Aˬ jeˬ miˇ neh ehˇ naˇ, nawˬ-euˬ aˬ nyiˇ heu gʼaˬ shiˇ-euˬ kʼawꞈ, nymˬ-mˇ paˇ gʼoꞈ dehꞈ laˇ-euˬ meh. Aˬ yawꞈ byoˆ-iˇ-euˬ kʼawꞈ, nymˬ-mˇ paˇ mawˇ kʼoꞈ-euˬ ma.”’

Dawˬmehˬ 30:9

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, Sahˬpaˬ Miˬyehˇ nawˬ-ahˇ bi baw bi za le tehꞈ-a. Nawˬ-euˬ zaˬ deuˬ jeuˬ le o le-awˇ, nawˬ-euˬ mawˇ nyoˬ jeˬ kaˇ myaˬ laˇ behˇ laˇ-eu uˬ taꞈ, nawˬ-euˬ deh yaˇ-ahˇ dzaˬ la gʼo cehˇ za dui dui le tehꞈ-a. Nawˬ-euˬ aˬ poeˬ aˬ bawˇ deuˬ baw le za le ni mˇ nehˬ-eu gʼaˇ duˬ aˬ yawꞈ laˬ kʼaˬ cehˇ-eu loꞈ-ehˇ, nawˇ baw le za le ni mˇ nehˬ-eu gʼaˇ duˬ kʼawꞈ, aˬ yawꞈ laˬ kʼaˬ cehˇ tehꞈ-a.

Dawˬmehˬ 4:27

Aˬ cawˬ tsawˇ jeuˬ deuˬ yaw kaˬ-ahˇ naw maꞈ ya cehˆ byaˆ ni Sahˬpaˬ Miˬyehˇ jahˇ-awˇ, naw maꞈ laꞈkʼoeˇ tsawˇ haˬ ui cuiˆ tehꞈ-ehˇ kʼoeˇ gaˇ ya buˬ ya law-iˇ tehꞈ-a.

Dawˬmehˬ 7:22

Naw maꞈ le gʼeh leꞈ-eu nehˬ-ehˇ, aˬ yawꞈ maꞈ-ahˇ tiˬ jawˇ ui cuiˆ ui cuiˆ-ehˇ Sahˬpaˬ Miˬyehˇ teh doˆ nehˬ tehꞈ-a. Aˬ yawꞈ maꞈ dawˬ tawˆ luꞈ-ahˇ, naw maꞈ tiˬ poˆ tehꞈ-ehˇ maˬ laˆ luˬ maˬ laˆ seˇ nehˬ nya-a. Kʼoeˇ loꞈ-ehˇ jahˇ naˇ, bawˇ tsahˬ jeˬ zaˬ myaˬ dui dui laˇ-awˇ, naw maꞈ-ahˇ laˆ bahˬ tehꞈ-a.