Dawˬmehˬ 28:50 - Akha

⁵⁰ Aˬ yawꞈ maꞈ-aˬ, haiˬ dui dui-awˇ, tsawˇ mawˬ-ahˇ maˬ ehˇ, zaˬ guˬ-ahˇ maˬ ehˇ, gʼawˬ shaˬ gaˬ-eu maˬ siˬ nya-a.

Dawˬmehˬ 28:50 ပူးပေါင်းရင်းမြစ်များ

2 Laˬsaˬbaˬ 36:17

Kʼoeˇ miˇ neh, Sahˬpaˬ Miˬyehˇ neh Baˬbuˇloˬ sahˬ paˬ-ahˇ pyehˬ gʼeh leꞈ-awˇ, aˬ yawꞈ maꞈ-ahˇ guiˇ bi deuˆ le-euˬ meh. Sahˬpaˬ kʼoeˇ gʼaˬ Yuˇdaˆ tsawˇ haˬ zaˬ guˬ deuˬ-ahˇ Uˬ duˬ tahˬ nymˇ nymˇ ma laꞈ kʼoeˇ sehꞈ-euˬ meh. Tsawˇ mawˬ zaˬ guˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, naˇ-eu deuˬ hawˇ-eu jawˇ saˇ doˆ-eu deuˬ maˬ ehˇ, maˬ tseˇ paˆ ni, tiˬ gʼaˬ-ahˇ-iˬ gʼawˬ shaˬ maˬ gaˬ nehˬ ni sehꞈ-euˬ meh. Aˬ yawꞈ maꞈ dawˬ tawˆ luꞈ-ahˇ Neˬbuˬkaˬneˬzaˬ-euˬ aˬ laꞈ laꞈ kʼoeˇ Miˬyehˇ neh a nehˬ-euˬ meh.

Dawqdaq 7:13

Zaˬ guˬ kʼoeˇ gʼaˬ-ahˇ aˬ yawꞈ byaˇ cuꞈ-awˇ mehˬ cuˇ cuˇ-awˇ, myaˆ pyawˬ-ahˇ haw tsoˆ taˬ-awˇ heu loꞈ-ehˇ ehˇ nehˬ-eu meh.

Dawˬ tsoˆ 8:1

Zaˬ siˬ tsawˇ gahˇ ahˇ-eu tsawˇ haˬ-ahˇ duˇ-eu aˬ suˇ gʼaˬ jawˇ ta. Aˬ yawꞈ loꞈ-ehˇ dawˬ tsuiꞈ beuˬ doˆ mehˬ nya-eu aˬ suˇ gʼaˬ jawˇ ta. Zaˬ siˬ tsawˇ gahˇ-aˬ, tsawˇ haˬ zaˬ-euˬ myaˆ pyawˬ-ahˇ shiˬ keuˇ ni bi jaˆ-awˇ, nahˬ jawˆ ni bi pyeuꞈ laˇ-eu meh.

Iˇsaˬyaˇ 33:19

Naw maꞈ maˬ gʼoˆ shaw nya-eu dawˬ ngehˬ-eu, nui ma gʼahˇ-eu boeˇ miˬ siˬ kʼaˬ kʼoeˇ deuˬ-ahˇ, naw maꞈ maˬ paˇ ya mawˇ haw meh.

Iˇsaˬyaˇ 47:6

Ngaˬ-euˬ tsawˇ jeuˬ-ahˇ ngaˇ nui ma pehˇ-awˇ, ngaˬ-euˬ tsawˇ haˬ maˬ paˇ sawˇ ni byehˇ dzeh nehˬ ngeh, nawˬ-euˬ baoˬ uˬ moˆ aˬ yawꞈ maꞈ-ahˇ ngaˇ bi jawˇ-euˬ ma. Kʼoeˇ ngeh aˬ yawꞈ maꞈ-ahˇ nawˇ gʼawˬ shaˬ maˬ gaˬ-ehˇ, tsawˇ mawˬ deuˬ-ahˇ kʼawꞈ yehˬ bawˬ-ehˇ jahˇ nehˬ-euˬ meh.

Yeˬlaˬmiˇ 21:7

Ehˇ kʼawꞈ, nawˇ hawˇ-eu nawˬ-euˬ gaˇ mˇ-eu yaw huiˬ yaw mahˇ deuˬ-ahˇ maˬ ehˇ, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ gawˇ, heu deuˬ-ahˇ kʼaˇ dzeuˇ-iˇ-euˬ tsawˇ haˬ deuˬ-ahˇ maˬ ehˇ, sahˬ paˬ Neˬbuˬkaˬneˬzaˬ hawˇ-eu naw maꞈ-ahˇ sehꞈ mawꞈ-euˬ muiˇ-eu deuˬ neh bi nyehꞈ jiˇ ma. Neˬbuˬkaˬneˬzaˬ naw maꞈ-ahˇ sehꞈ tehꞈ-a. Naw maꞈ-ahˇ aˬ yawꞈ gʼawˬ shaˬ maˬ gaˬ ni, tiˬ gʼaˬ-iˬ maˬ bi dzeuˇ-iˇ ni sehꞈ jiˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Daˬyeˬlaˇ 7:7

Ngaˇ haw haw-ehˇ jawˇ ngeh, jeˬ zaˬ oeˬ mawˇ tiˬ mawˇ paˇ doˆ laˇ-euˬ meh. Jeˬ zaˬ kʼoeˇ mawˇ gʼaˬ kʼaˆ dui dui-awˇ, guˆ dui dui laˇ paˬ-ehˇ gʼeh-eu meh. Huiˬ dui dui-eu shuiˇ-euˬ seuˬ neh aˬ cawˬ-ahˇ kawꞈ nmˆ leꞈ-awˇ, nawˬ pyehˆ nehˬ-eu meh. Jeˬ zaˬ nui deuˬ-ahˇ maˬ duˇ ni, uˬ coeˇ tseˇ kahˬ tsoꞈ-eu meh.

Daˬyeˬlaˇ 8:23

“Miˇ kʼahˬ kʼoeˇ deuˬ aˇ saˬ saˬ-eu aˇ nah aˇ yamˬ dawˬ peh peh laˇ-awˇ, haiˬ dui dui laˇ ngeh, nui ma gʼahˇ dui dui-awˇ dzawˬ dui gahˇ dui dui-eu sahˬ paˬ tiˬ gʼaˬ doˆ laˇ tehꞈ-a.

Hawˇseˬ 13:16

Ngaˬ-ahˇ puiˬ-euˬ jeˬ baˬ da neh, Saˬmaˬliˆ meuˬ-ahˇ ya kʼehˬ meh. Meuˬ laꞈ kʼoeˇ jawˇ-eu tsawˇ haˬ deuˬ, guiˇ deuˆ luꞈ ngeh bi deuˆ sehꞈ-awˇ, zaˬ nahˬ yaw nyiˇ deuˬ-ahˇ keuˆ ni, miˇ tsa dawˬ duˆ ka sehꞈ nehˬ-awˇ, aˬ nyiˇ pi-eu aˬ ma deuˬ-ahˇ, uˬ maˆ ceuꞈ paˆ nehˬ yaꞈ tehꞈ-a.”

Luˇkaꞈ 19:44

Nawˇ hawˇ-eu nawˬ-euˬ meuˬ lahˇ laꞈ kʼoeˇ jawˇ-eu tsawˇ haˬ deuˬ-ahˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni a yawꞈ maꞈ laˆ cawˆ jiˇ tehꞈ-a. Kʼaˬ lo tsaˬ byaˆ deuˬ tiˬ siˬ kʼoeˇ taˆ tiˬ siˬ maˬ jaˆ coeˇ gaˇ keuˆ ni aˬ yawꞈ maꞈ jahˇ tehꞈ-a. Aˬ jeˬ miˇ neh ehˇ naˇ, Miˬyehˇ nawˬ-ahˇ ka kʼoꞈ le-eu lehˇ oe yaꞈ-euˬ aˇ yamˬ-ahˇ nawˇ maˬ siˬ nya-aˬ.”

Dawˬmehˬ 28:51

Nawˬ-euˬ mawˇ neˇ hawˇ-eu dzaˬ la gʼo cehˇ deuˬ-ahˇ aˬ yawꞈ maꞈ dzaˬ-awˇ, nawˇ gʼaˬ-aˬ, ya mehꞈ sehꞈ leꞈ tehꞈ-a. Dzaˬ la gʼo cehˇ maˬ ehˇ, aˬ gaꞈ dzaˇ uiˇ maˬ ehˇ, saˬ loˬ tsiˇ maˬ ehˇ, mawˇ neˇ maˬ ehˇ, aˬ yawꞈ maꞈ tiˬ pawꞈ-iˬ maˬ bi jaˆ yaꞈ-eu miˇ neh, nawˇ ya shiˇ tehꞈ-a.