Dawˬmehˬ 28:32 - Akha

³² Nawˬ-euˬ aˬ buˇ aˬ li deuˬ-ahˇ, boeˇ miˬ shiˬ kʼaˬ deuˬ-euˬ zaˬ kʼaˆ bi geuꞈ-eu gʼaˇ duˬ biꞈ nehˬ gaˇ, nawˇ haw haw-ehˇ ya jawˇ tehꞈ-a. Aˬ yawꞈ nah yawꞈ, myaˆ nui gʼah dui dui laˇ ngeh keuˆ ni, nawˬ buˇ nawˬ li gʼoꞈ laˇ-eu baw le lehˇ nawˇ loꞈ-awˇ haw haw-ehˇ jawˇ kʼawꞈ, tiˬ jawˇ-iˬ gʼoꞈ laˇ-eu ma baw-aˇ.

Dawˬmehˬ 28:32 ပူးပေါင်းရင်းမြစ်များ

2 Laˬsaˬbaˬ 29:9

Aˬ dui-euˬ aˬ da deuˬ-ahˇ aˬ cawˬ neh guiˇ bi deuˆ sehꞈ-awˇ, aˬ dui-euˬ miˬ sawˇ zaˬ deuˬ-ahˇ aˬ cawˬ nyehꞈ geuꞈ gʼeh-euˬ meh.

Yawˇbaˆ 11:20

Maˬ tsaˬ maˬ dawˇ-eu tsawˇ haˬ nui ma cawˆ-eu laꞈ kʼoeˇ, jawˬ jawˬ-ehˇ haw sehꞈ leꞈ kʼawꞈ, buˬ-iˇ law-iˇ-eu gaˇ ma maˬ dahˇ-a. Aˬ yawꞈ maꞈ-euˬ noeˬ tmˬ duˬ-aˬ shiˇ-eu jeˬ keuˆ le-eu kʼoeˇ meh.”

Yawˇbaˆ 17:5

Tsawˇ haˬ tiˬ gʼaˬ pyuˇ shuiˇ myaˆ pyawˬ-ahˇ haw-awˇ yawˬ ha-euˬ cawˬ-ahˇ byehˇ naˇ, yawˬ ha-euˬ zaˬ deuˬ ya shaˬ ya zahˬ tehꞈ-a lehˇ dawˬ daˬ jaˆ-eu meh.

Yawˇbaˆ 31:8

ngaˬ-euˬ dzaˬ la gʼo cehˇ deuˬ cawˆ-iˇ jiˇ-awˇ, ngaˬ neh kʼaˇ ka-euˬ jeˬ aˬ cawˬ dzaˬ luꞈ-uˇ.

Jaceuq 119:123

Nawˬ neh saˇ jaˇ dzaˬ taˬ-eu ka kʼoꞈ-eu jeˬ-ahˇ ngaˇ noeˬ tmˬ-awˇ, myaˆ nuiˆ haw doˆ shaw-iˬ miˇ-a.

Jaceuq 119:82

Nawˬ neh saˇ jaˇ dzaˬ-euˬ jeˬ-ahˇ ngaˇ myaˆ nuiˆ haw doˆ shaw-iˬ miˇ-a. Nawˇ ngaˬ-ahˇ aˬ myah caw ba le-eu gʼeh ta lehˇ ngaˇ ehˇ luꞈ-eu ma.

Jaceuq 69:3

Caw ba nehˬ laꞈ-awˬ lehˇ guˇ doeˇ guˇ gʼa-awˇ, kuˬ byahˬ kuˬ shuˇ guˇ shuˇ-euˬ ma. Nawˇ caw ba le gaˇ haw luꞈ-eu, myaˆ nui haw gʼah laꞈ-euˬ ma.

Iˇsaˬyaˇ 38:14

Ngaˇ dawˬ maˬ ngehˬ doˆ coeˇ ni pyeuꞈ-iˇ-awˇ, kʼaˬ kʼoeˬ duˇ-eu naˆ ni mahˇ-euˬ tehꞈ ma. Mˬ-ahˇ gʼawˇ leuˇ haw-euˬ miˇ neh, ngaˬ-euˬ myaˆ nuiˆ gʼah dui dui nya. Sahˬpaˬ Miˬyehˇ-oˇ, shaˬ zahˬ heu laꞈ kʼoeˇ, ngaˬ-ahˇ ka kʼoꞈ laꞈ-awˬ.

Ngoeˇ dawˬ 1:18

“Sahˬpaˬ Miˬyehˇ tsaˬ meh dawˇ meh. Yawꞈ-euˬ dawˬ-ahˇ ngaˇ puiˬ-euˬ ma. Tsawˇ haˬ dawˬ tawˆ luꞈ naˇ haˬ sheˇ. Ngaˇ daˬ luꞈ-eu jeˬ-ahˇ haw sheˇ. Ngaˬ li ngaˬ buˇ zaˬ guˬ dawˬ tawˆ, aˬ cawˬ neh nyehꞈ gʼeh jiˇ-euˬ meh.

Ngoeˇ dawˬ 2:11

Ngaˬ-euˬ myaˆ nuiˆ maˬ ngoeˇ coeˇ-ehˇ, ngaˬ-euˬ saꞈ laˇ maˬ shaˬ coeˇ nya. Ngaˬ-euˬ tsawˇ haˬ shiˇ jiˇ-euˬ gaˇ, nui ma tsawˬ paˆ shaw-euˬ miˇ-a. Zaˬ nahˬ hawˇ-eu zaˬ yaw nyiˇ deuˬ, meuˬ-euˬ gʼahˇ ceh gaˇ ma doe ni, maˬ shiˇ tsehˆ-ehˇ ga luꞈ-eu meh.

Ngoeˇ dawˬ 4:17

Myaˆ nuiˆ haw doˆ-eu keuˆ laˇ kʼawꞈ, caw ba le-eu gʼaˬ maˬ jawˇ-a. Kawˬ lahˇ loꞈ kʼehꞈ-eu keuˆ laˇ kʼawꞈ, ngehˬ gʼeh le-eu gʼaˬ maˬ jawˇ-a.

Ngoeˇ dawˬ 5:17

Nui ma laꞈ kʼoeˇ gawˇ dui dui-awˇ, myaˆ biˇ yoeˇ-eu myaˆ maˬ mawˇ nya.

Yeˬsaˬgeˬlaˇ 24:25

Sahˬpaˬ Miˬyehˇ ehˇ-eu, “Tsawˇ haˬ zaˬ-oˇ, nymˬ-mˇ poˆ jawˇ-aˬ, aˬ yawꞈ maꞈ nui ma huiˬ duˬ, laˬ kʼaˬ cehˇ duˬ hawˇ-eu, aˬ yawꞈ maꞈ tiˬ kʼehˬ maˬ taˬ ni ciˬ pyawˇ haw-awˇ dawˬ deh gʼa leˇ-eu jawˇ duˬ pyeuꞈ-eu Uˬ duˬ tahˬ nymˇ nymˇ ma kʼoeˇ ngaˇ yuˇ dzeh ma. Aˬ yawꞈ maꞈ-euˬ aˬ buˇ aˬ li deuˬ, ngaˇ sheuˬ byoˆ jiˇ ma.

Yawˇlaˆ 3:6

Yuˇdaˆ miˇ kʼahˬ zaˬ deuˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ, gaˇ mahˇ kaˬ gaˇ naw maꞈ sheuˬ byoˆ gʼeh-awˇ, Heˬlaˬshaˆ tsawˇ haˬ deuˬ-ahˇ ahˬ dzaˬ-euˬ meh.

Aˬmoˆ 5:27

Naw maꞈ-ahˇ ngaˇ Daˬmaˬsehˇ meuˬ-euˬ kʼoeˇ paw paˆ bi nyehꞈ byoˆ gʼeh ma” lehˇ, Baoˬ huiˬ-eu Miˬyehˇ lehˇ myahˇ-euˬ Sahˬpaˬ Miˬyehˇ ehˇ-eu meh.

Miˇkaˬ 2:1

Yaw noeˬ-ehˇ yuꞈ-awˇ yaw haiˬ jeˬ mˇ-eu gʼaˇ duˬ saˇ sawˇ luꞈ-eu tsawˇ haˬ deuˬ kʼoeˇ taˆ guˆ-eu gaˆ-eu jeˬ keuˆ le tehꞈ-a. Uˬ bya bya laˇ-awˇ, yaw haiˬ jeˬ mˇ-eu gʼaˇ duˬ yehꞈ laˇ ngeh jawˇ, aˬ yawꞈ maꞈ neh saˇ sawˇ taˬ-euˬ jeˬ tiˬ poˆ tehꞈ-ehˇ mˇ-eu meh.

Miˇkaˬ 4:10

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, zaˬ baw-eu shaˬ luꞈ-eu zaˬ miˬ zaˬ tiˬ gʼaˬ loꞈ-ehˇ teuˆ teuˆ-ehˇ ngoeˇ-awˬ. Aˬ jeˬ miˇ neh ehˇ naˇ, nymˬ-mˇ neh naw maꞈ meuˬ laꞈ nyiˇ ya doˆ-iˇ-awˇ, deh ga buˇ deˬ-ahˇ ya jawˇ-iˇ tehꞈ-a. Baˬbuˇloˬ miˇ kʼahˬ-ahˇ naw maꞈ ya jawˇ-iˇ tehꞈ-a. Ehˇ kʼawꞈ, muiˇ-eu deuˬ-euˬ laꞈ-ahˇ neh, kʼoeˇ gaˇ Sahˬpaˬ Miˬyehˇ naw maꞈ-ahˇ ka kʼoꞈ tehꞈ-a.

Bawˇtsahˬ 21:29

Mawˇbaˆ tsawˇ haˬ deuˬ-oˇ, naw maꞈ gʼaˇ duˬ aˇ naˆ ni guˆ paˬ-ehˇ gʼeh-eu nga. Sheˬmoˇshaˆ-ahˇ uˬ duˬ tahˬ-eu naw maꞈ ya luˬ ya seˇ-iˇ-euˬ maˬ ngeuˇ nya loˇ. Naw maꞈ-euˬ miˬyehˇ naw maꞈ-ahˇ bi cehˆ byoˆ laꞈ-awˇ, Zaˬ miˬ zaˬ deuˬ-ahˇ Aˬmawˇliˆ sahˬ paˬ neh bi nyehꞈ geuꞈ-euˬ meh.

Dawˬmehˬ 28:18

“Nawˬ-euˬ zaˬ ui cuiˆ tehꞈ-ehˇ bi jawˇ le-eu laꞈ kʼoeˇ maˬ ehˇ, nawˬ-euˬ dzaˬ la gʼo cehˇ bi za cuiˆ le-eu laꞈ kʼoeˇ maˬ ehˇ, nawˬ-euˬ jeˬ zaˬ deuˬ bi teˬ le-eu laꞈ kʼoeˇ maˬ ehˇ, Sahˬpaˬ Miˬyehˇ nawˬ-ahˇ yaˬ kʼehˇ yaˬ nehˬ tehꞈ-a.

Dawˬmehˬ 28:31

Nawˬ-euˬ myaˆ kʼeh, nawˬ-euˬ mawˇ neˇ aˬ cawˬ sehꞈ dzaˬ gaˇ nawˇ haw haw-ehˇ ya jawˇ tehꞈ-a. Ehˇ kʼawꞈ, shaˬ jiˇ kʼoeˇ nawˇ tiˬ jehꞈ-iˬ maˬ ya dzaˬ haw gaˇ keuˆ tehꞈ-a. Nawˬ-euˬ mahˬ tahˬ laˆ deuˬ-ahˇ, nawˇ mawˇ mawˇ-ehˇ aˬ cawˬ tsahˇ geuꞈ gʼeh tehꞈ-a. Ehˇ kʼawꞈ, mahˬ tahˬ laˆ kʼoeˇ deuˬ-ahˇ nawˇ tiˬ jawˇ-iˬ maˬ paˇ za kʼoꞈ ni pyeuꞈ-iˇ tehꞈ-a. Nawˬ-ahˇ muiˇ-eu deuˬ-ahˇ nawˬ-euˬ yawˇ deuˬ ya teh nehˬ gaˇ keuˆ kʼawꞈ, nawˬ-ahˇ caw ba le-eu gʼaˬ maˬ jawˇ ni pyeuꞈ tehꞈ-a.

Dawˬmehˬ 28:41

Nawˇ aˬ buˇ aˬ li jawˇ kʼawꞈ, muiˇ-eu deuˬ guiˇ deuˆ le-awˇ bi nyehꞈ geuꞈ gʼeh-eu miˇ neh, aˬ buˇ aˬ li maˬ jawˇ ni pyeuꞈ-iˇ tehꞈ-a.

Dawˬmehˬ 28:65

Nui saˇ za-eu jeˬ-ahˇ tiˬ gaˇ-iˬ maˬ poˆ mawˇ nya-ehˇ, nawˬ-euˬ jawˇ duˬ lehˇ myahˇ-eu gʼaˇ duˬ, pehˇ tsahˇ maˬ jaˆ ni pyeuꞈ-iˇ tehꞈ-a. Ehˇ kʼawꞈ, noeˬ shaˬ noeˬ zahˬ-eu jeˬ, noeˬ tmˬ duˬ maˬ jaˆ-eu jeˬ hawˇ-eu, nui ma cawˆ-eu jeˬ, Sahˬpaˬ Miˬyehˇ nawˬ-euˬ kʼoeˇ taˆ paˇ baꞈ daˆ nehˬ laꞈ tehꞈ-a.