Dawˬmehˬ 28:30 - Akha

³⁰ “Zaˬ miˬ aˬ buˇ tiˬ gʼaˬ-ahˇ sheuˬ-eu gʼaˇ duˬ nawˇ ngehˬ cawˬ tsehˆ taˬ kʼawꞈ, aˬ cawˬ neh bi sheuˬ geuꞈ tehꞈ-a. Nawˇ nymˇ tsoˆ kʼawꞈ, nawˬ neh tsoˆ-euˬ nymˇ-ahˇ nawˇ tiˬ jawˇ-iˬ maˬ ya jawˇ-aˇ. Aˬ gaꞈ yaˇ kmˇ mˇ kʼawꞈ, aˬ gaꞈ aˇ siˬ nawˇ tiˬ jawˇ-iˬ maˬ ya dzaˬ-aˇ.

Dawˬmehˬ 28:30 ပူးပေါင်းရင်းမြစ်များ

2 Saˬmeuˬlaˆ 12:11

Nawˬ-euˬ nymˇ kʼahˬ zaˬ tiˬ gʼaˬ na baˬ da neh, nawˬ-euˬ nymˇ jiˇ kʼoeˇ taˆ shaˬ-eu zahˬ-eu jeˬ bi keuˆ le ma lehˇ ngaˇ kamˬ-eu ma. Nawˬ-euˬ miˬ zaˬ deuˬ-ahˇ ngaˇ yuˇ-awˇ, yawˬ gʼaˬ yawˬ-ahˇ biꞈ nehˬ ngeh, ngaˬ neh ehˇ-euˬ loꞈ-ehˇ ngaˇ aˬ diˇ mˇ luꞈ-eu ngaˇ lehˇ siˬ nya-awˬ. Nah gʼahˇ nah gaˆ-ahˇ, nawˬ-euˬ miˬ zaˬ deuˬ nehˬ-ehˇ aˬ yawꞈ yuꞈ taꞈ jawˇ taꞈ tehꞈ-a.

Yawˇbaˆ 20:18

Yawˬ ha neh mˇ za-euˬ jeˬ-ahˇ byehˇ dzeh-awˇ, yawˬ ha-euˬ pyuˇ shuiˇ myawˬ gahˬ ya zmˬ byawˬ gaˇ maˬ keuˆ leˇ-a.

Yawˇbaˆ 3:18

Tawˬ-ahˇ uˇ-euˬ tsawˇ haˬ deuˬ kʼawꞈ, dehˬ-eu guˇ-eu teˇ saˇ-ahˇ maˬ paˇ ya gaˬ-ehˇ, coꞈ ngehˇ ni ya jawˇ-eu meh.

Yawˇbaˆ 31:10

ngaˬ-euˬ miˬ zaˬ aˬ cawˬ aˬ da-ahˇ dzaˇ bi jahˇ nehˬ-awˇ, aˬ cawˬ aˬ da nehˬ-ehˇ bi joe luꞈ-uˇ.

Iˇsaˬyaˇ 62:8

Sahˬpaˬ Miˬyehˇ heu loꞈ-ehˇ saˇ jaˇ dzaˬ taˬ-euˬ jaˆ-awˇ, aˬ yawꞈ-euˬ baoˬ zmˬ-awˇ saˇ jaˇ kʼoeˇ bi byah laˇ tehꞈ-a. “Muiˇ-eu deuˬ-ahˇ naw maꞈ-euˬ cehˇ maˬ paˇ bi dzaˬ ma. Boeˇ miˬ siˬ kʼaˬ deuˬ-ahˇ naw maꞈ-eu aˬ gaꞈ dzaˇ uiˇ maˬ paˇ bi dawˇ ma.

Yeˬlaˬmiˇ 12:13

Ngaˬ-euˬ tsawˇ haˬ deuˬ cehˇ ka kʼawꞈ, shmˇ ma tehꞈ-ehˇ ya yehˬ tehꞈ-a. Aˬ yawꞈ maꞈ gaˇ mˇ sehꞈ leꞈ kʼawꞈ, guiˬ lahˬ tiˬ jeˬ-iˬ maˬ baw-a. Ngaˇ nui ma pehˇ-eu jeˬ baˬ da neh, dzaˬ la gʼo cehˇ maˬ za le-a.”

Yeˬlaˬmiˇ 6:12

Aˬ yawꞈ maꞈ-euˬ nymˇ deuˬ aˬ cawˬ-ahˇ ya biꞈ-awˇ, deh yaˇ hawˇ-eu miˬ zaˬ ya a nehˬ gaˇ keuˆ ni, miˇ kʼahˬ heu kʼahˬ-ahˇ ngaˇ kʼehˬ ma.

Yeˬlaˬmiˇ 8:10

Kʼoeˇ miˇ neh aˬ yawꞈ maꞈ-euˬ deh yaˇ aˬ cawˬ-ahˇ biꞈ-awˇ, aˬ yawꞈ maꞈ-euˬ miˬ zaˬ aˬ cawˬ-ahˇ biꞈ nehˬ ma. Huiˬ zaˬ nyiˇ zaˬ maˬ tseˇ paˆ ni, maˬ sui maˬ dawˇ-eu laꞈ kʼoeˇ pyuˇ shuiˇ poˆ-euˬ meh. Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ kʼawꞈ, miˇ kʼahˬ zaˬ-ahˇ myawꞈ dzaˬ-eu meh.

Ngoeˇ dawˬ 5:11

Ziˇoˬ meuˬ-euˬ zaˬ miˬ zaˬ deuˬ, Yuˇdaˆ miˇ kʼahˬ-euˬ miˬ daꞈ deuˬ, aˬ cawˬ dawꞈ gaˇ ya daˬ-euˬ meh.

Ngoeˇ dawˬ 5:2

Nga maꞈ za taˬ-euˬ jeˬ biˇ deuˬ, aˬ cawˬ tsawˇ jeuˬ yuˇ geuꞈ jiˇ-awˇ, nga maꞈ neh tsoˆ-euˬ nymˇ laꞈ kʼoeˇ, boeˇ miˬ siˬ kʼaˬ deuˬ jawˇ luꞈ meh.

Hawˇseˬ 4:2

Dawˬ kʼaˆ ngehˬ-awˇ kamˬ-eu maˬ ehˇ, jaˬ myawꞈ mehˇ shuiˇ shuiˇ-eu maˬ ehˇ, tsawˇ haˬ-ahˇ sehꞈ-eu jeˬ maˬ ehˇ, kʼoeˬ-eu gʼehꞈ-eu gaˇ kawˆ maˬ ehˇ, kʼaˬ miˬ sheu-awˇ bahˬ-eu maˬ ehˇ, miˇ kʼahˬ heu doe ni byah jiˇ-awˇ, yaw haiˬ mˇ-eu aˇ dzehˬ dzeuˇ-awˇ, tsawˇ haˬ sehꞈ dehˆ-euˬ maˬ baw-a.

Aˬmoˆ 5:11

Iˇ shaˬ zaˬ deuˬ-ahˇ naw maꞈ zuiˆ gʼaˬ-awˇ, aˬ yawꞈ maꞈ-euˬ cehˇ naw maꞈ nawˬ dzaˬ kʼaˆ dzaˬ-eu meh. Kʼoeˇ miˇ neh, naw maꞈ neh tsoˆ-euˬ muiˬ dui dui-eu kʼaˬ lo nymˇ-ahˇ naw maꞈ maˬ paˇ ya jawˇ-ehˇ, naw maꞈ neh ka taˬ-euˬ haw muiˬ dui dui-eu aˬ gaꞈ yaˇ kmˇ-ahˇ neh doˆ le-euˬ aˬ gaꞈ dzaˇ uiˇ naw maꞈ maˬ paˇ ya dawˇ meh.

Miˇkaˬ 6:15

Naw maꞈ cehˇ ka kʼawꞈ, maˬ ya yehˬ dzaˬ-aˇ. Saˬ loˬ tsiˇ lehˬ doˆ kʼawꞈ, maˬ ya zmˬ-aˇ. Aˬ gaꞈ dzaˇ uiˇ jahˇ kʼawꞈ, maˬ ya dawˇ haw-aˇ.

Haˬbaˬkuˆ 3:17

Siˬ guˬ aˇ yehˆ maˬ yehˆ le-ehˇ, aˬ gaꞈ aˇ siˬ maˬ siˬ le kʼawꞈ, Saˬ loˬ aˇ siˬ maˬ sahˇ le-ehˇ, dzaˬ la gʼo cehˇ maˬ za le kʼawꞈ, ciˬ myehꞈ hawˇ-eu yawˇ shiˇ jiˇ-awˇ, mawˇ neˇ mawˇ kuˆ ciˬ cuˇ jaˆ kʼawꞈ,

Zeˬpaˬniˇ 1:13

Aˬ yawꞈ maꞈ tahˇ joe bi joe-awˇ, nymˇ deuˬ bi deh pyaˆ jiˇ tehꞈ-a. Yawˬ ha neh tsoˆ taˬ-euˬ nymˇ muiˬ, yawˬ ha maˬ ya jawˇ gaˇ keuˆ-awˇ, yawˬ ha mˇ-euˬ aˬ gaꞈ yaˇ kmˇ, aˬ gaꞈ dzaˇ uiˇ maˬ ya dawˇ-aˇ.”

Dawˬmehˬ 28:31

Nawˬ-euˬ myaˆ kʼeh, nawˬ-euˬ mawˇ neˇ aˬ cawˬ sehꞈ dzaˬ gaˇ nawˇ haw haw-ehˇ ya jawˇ tehꞈ-a. Ehˇ kʼawꞈ, shaˬ jiˇ kʼoeˇ nawˇ tiˬ jehꞈ-iˬ maˬ ya dzaˬ haw gaˇ keuˆ tehꞈ-a. Nawˬ-euˬ mahˬ tahˬ laˆ deuˬ-ahˇ, nawˇ mawˇ mawˇ-ehˇ aˬ cawˬ tsahˇ geuꞈ gʼeh tehꞈ-a. Ehˇ kʼawꞈ, mahˬ tahˬ laˆ kʼoeˇ deuˬ-ahˇ nawˇ tiˬ jawˇ-iˬ maˬ paˇ za kʼoꞈ ni pyeuꞈ-iˇ tehꞈ-a. Nawˬ-ahˇ muiˇ-eu deuˬ-ahˇ nawˬ-euˬ yawˇ deuˬ ya teh nehˬ gaˇ keuˆ kʼawꞈ, nawˬ-ahˇ caw ba le-eu gʼaˬ maˬ jawˇ ni pyeuꞈ tehꞈ-a.