Dawˬmehˬ 28:29 - Akha

²⁹ Myaˆ behꞈ loꞈ-ehˇ, nah gʼahˇ nah gaˆ-ahˇ laꞈ sawˆ sawˆ-ehˇ ya cah-awˇ, nawˬ-euˬ gaˇ ma nawˇ maˬ poˆ mawˇ nya ni ya shaˬ tehꞈ-a. Nawˇ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ, maˬ baw maˬ za le ni pyeuꞈ-iˇ tehꞈ-a. Aˬ myah luꞈ aˬ cawˬ kʼehˬ-eu jeˬ hawˇ-eu smˇ kʼaˆ kʼaˆ dzaˬ-eu jeˬ-ahˇ ya daˬ-awˇ, nawˬ-ahˇ caw ba le-eu gʼaˬ maˬ jawˇ-ehˇ pyeuꞈ tehꞈ-a.

Dawˬmehˬ 28:29 ပူးပေါင်းရင်းမြစ်များ

Aˇ dahˬ 19:11

Kʼoeˇ naˇ, daˬ yah kʼoeˇ nyiˬ gʼaˬ neh, laˇ gʼoˆ dawˬ peh jawˇ-eu tsawˇ haˬ kʼoeˇ deuˬ-ahˇ tahˬ sawˇ bi sawˇ-iˇ jiˇ-awˇ, laˇ gʼoˆ maˬ poˆ mawˇ nya ni bi shaˬ-euˬ meh.

Neˬhaˬmiˇ 9:37

Miˇ kʼahˬ heu kʼahˬ-ahˇ nga maꞈ kʼaˇ mˇ za-euˬ jeˬ, nga maꞈ iˬ baˇ mˇ-euˬ miˇ neh nga maꞈ kʼoeˇ taˆ nawˬ neh bi uˆ lahˇ-euˬ sahˬ paˬ deuˬ-euˬ laꞈ-ahˇ le jiˇ-euˬ meh. Nga maꞈ hawˇ-eu nga maꞈ-euˬ jeˬ zaˬ deuˬ-ahˇ, sahˬ paˬ kʼoeˇ deuˬ kʼaˇ jahˇ mawˬ-eu jahˇ-eu miˇ neh, nga maꞈ nui ma cawˆ dui dui-eu ma.”

Yawˇbaˆ 12:25

Yaw zahˇ laꞈ kʼoeˇ laꞈ sawˆ sawˆ sawˆ-ehˇ cah-eu, jiˇ baˬ yehꞈ-eu tsawˇ haˬ loꞈ-ehˇ, aˬ yawꞈ maꞈ cah cah-ehˇ bi shaˬ-euˬ meh.

Yawˇbaˆ 5:14

Nah gʼahˇ nah gaˆ-ahˇ zahˇ tsui ni gʼeh-eu jeˬ keuˆ le-awˇ, nah loˆ ceh ngeh laꞈ sawˆ sawˆ sawˆ-ehˇ cah-eu meh.

Doˆ-iˇ 10:21

Kʼoeˇ naˇ, “Tsawˇ haˬ zaˬ-euˬ aˬ laꞈ neh sawˆ haw ngeh, sawˆ zaꞈ nya paˬ-ehˇ zahˇ-eu, zahˇ tsui ni gʼeh-eu jeˬ, Iˇjiˇtuˆ miˇ kʼahˬ kʼoeˇ taˆ bi keuˆ le-eu gʼaˇ duˬ, nawˬ-euˬ aˬ laꞈ mˬ paw cawˬ diˇ-awˬ” lehˇ, Moˇseˬ-ahˇ Sahˬpaˬ Miˬyehˇ ehˇ nehˬ-euˬ meh.

Iˇsaˬyaˇ 59:10

Myaˆ behꞈ loꞈ-ehˇ nga maꞈ laꞈ sawˆ sawˆ-awˇ cah luꞈ-eu ma. Nah gʼahˇ paw kʼawꞈ uˬ ciꞈ loꞈ-ehˇ sahˬ tiꞈ tiꞈ-awˇ, zahˇ tsui ni gʼeh-eu shiˇ-eu miˇ kʼahˬ-ahˇ cah luꞈ gaˇ duˇ miˇ-a.

Yeˬlaˬmiˇ 9:19

Ziˇoˬ meuˬ-ahˇ tsawˇ ngoeˇ ngoeˇ luꞈ gaˇ naˇ haˬ sheˇ. “Nga maꞈ cawˆ-iˇ jiˇ-euˬ miˇ-a. Myaˆ pyawˬ maˬ ciˬ diˇ coeˇ miˇ-a. Nga maꞈ-euˬ nymˇ jiˇ bi laˆ byoˆ jiˇ-awˇ, yawˬ ha miˇ kʼahˬ-ahˇ ya byehˇ dzeh gaˇ keuˆ miˇ-a” lehˇ ngoeˇ luꞈ meh.

Ngoeˇ dawˬ 4:14

Meuˬ-euˬ lehˆ kawˆ gaˇ ma doe ni, myaˆ behꞈ loꞈ-ehˇ yawꞈ maꞈ cah gaˇ, yawꞈ maꞈ-ahˇ shiˬ lehꞈ-eu miˇ neh, tiˬ gʼaˬ-iˬ maˬ toeˬ ciˆ peuˬ-a.

Ngoeˇ dawˬ 5:17

Nui ma laꞈ kʼoeˇ gawˇ dui dui-awˇ, myaˆ biˇ yoeˇ-eu myaˆ maˬ mawˇ nya.

Ngoeˇ dawˬ 5:8

Zaˬ kʼaˆ deuˬ dzoeˬ dzaˬ-eu miˇ neh, aˬ cawˬ uˆ lahˇ-eu baoˬ uˬ moˆ, nga maꞈ-ahˇ maˬ ka kʼoꞈ nya-a.

Zeˬpaˬniˇ 1:17

Sahˬpaˬ Miˬyehˇ ehˇ-eu, “Ngaˬ-ahˇ mˇ bahˬ taˬ-euˬ miˇ neh, aˬ yawꞈ maꞈ-ahˇ bi noeˬ shaˬ-awˇ, myaˆ behꞈ maˬ cah nya-eu loꞈ-ehˇ, kuiˇ toꞈ ciˬ zaˇ bi saˇ sawˇ ma. Iˇ cuꞈ loꞈ-ehˇ shiˬ bi yoeˇ-awˇ, miˇ tsa shiˇ buꞈ-awˇ bi ga ma.”

Gʼaˬkʼehˇ 21:24

Aˬ yawꞈ maꞈ nehˬ-ehˇ le-awˇ gʼawˇ mawˇ shawˇ-eu zahˇ jahˇ leˇ-awˬ. Aˬ yawꞈ maꞈ uˬ jehˆ jehˆ dzeh nya ni aˬ yawꞈ maꞈ gʼaˇ duˬ aˇ poeˬ biꞈ nehˬ-awˬ. Kʼoeˇloꞈ-ehˇ jahˇ naˇ, nawˬ-euˬ gaˇ kawˆ aˬ cawˬ kʼaˇ ehˇ-eu loꞈ-ehˇ maˬ ngeuˇ law hawˇ ngaˬ lehˇ yawˬ gʼaˬ na luꞈ ya siˬ duˬ-eu uˬ taꞈ, nawˇ kʼawꞈ Moˇseˬ-euˬ Zahˇ dawˬ kʼoꞈ dawˬ-ahˇ caw teh-awˇ dehꞈ luꞈ gaˇ aˬ yawꞈ maꞈ ya mawˇ tehꞈ-a.

Lormav 11:25

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ yawˬ haˇ yawˬ ha zaˬ siˬ tsawˇ gahˇ ahˇ ma lehˇ maˬ ya noeˬ ni, zaꞈ taˬ-euˬ yaw tsaˬ yaw dawˇ tiˬ jeˬ naw maꞈ-ahˇ ngaˇ ehˇ nehˬ mawꞈ miˇ-a. Iˇsaˬleˬlaˇ tsawˇ haˬ deuˬ nui ma gʼahˇ-eu kʼoeˇ-aˬ, gʼawˬ myahˇ ni maˬ gmˬ-aˇ. Aˬ cawˬ tsawˇ jeuˬ aˇ myaˆ gʼaˬ bi laˇ byah-eu lehˇ Miˬyehˇ neh noeˬ taˬ-euˬ loꞈ-ehˇ laˇ byah ngeh keuˆ ni gmˬ-eu tehꞈ meh.

Dawˬmehˬ 28:28

Nawˇ tsawˇ uˬ uˬ-iˇ ni maˬ ehˇ, myaˆ behꞈ behꞈ-iˇ ni maˬ ehˇ, nui ma suˬ saˬ ni maˬ ehˇ, Sahˬpaˬ Miˬyehˇ jahˇ tehꞈ-a.

Yaˇ kʼaˬ daˇ 10:8

Yawˇdaˬ lawˇ baˬ nahˇ ma doˆ kʼehˬ paw Giˇlaˆ miˇ kʼahˬ laꞈ kʼoeˇ jaˆ-eu Aˬmawˇliˆ miˇ kʼahˬ laꞈ kʼoeˇ jawˇ-eu Iˇsaˬleˬlaˆ tsawˇ haˬ deuˬ-ahˇ, tseˇ yehꞈ kʼoꞈ keuˆ ni aˬ yawꞈ maꞈ kʼehˬ nehˬ kʼaˆ nehˬ-euˬ meh.

Yaˇ kʼaˬ daˇ 13:1

Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-euˬ mehˬ shi iˬ baˇ mˇ-euˬ miˇ neh, Piˇliˇtiˆ tsawˇ haˬ deuˬ neh aˬ yawꞈ maꞈ-ahˇ oeˬ tseˇ kʼoꞈ Sahˬpaˬ Miˬyehˇ bi uˆ lahˇ-euˬ meh.

Yaˇ kʼaˬ daˇ 3:14

Eˇgaˬloˬ uˆ lahˇ-euˬ uˬ moˆ, Iˇsaˬleˬlaˆ tsawˇ haˬ deuˬ tseˇ yehꞈ kʼoꞈ jawˇ-euˬ meh.