Dawˬmehˬ 28:23 - Akha

²³ Uˬ yehˇ maˬ yehˇ le-eu miˇ neh, nawˬ-euˬ miˇ tsaˬ shmˇ loꞈ-ehˇ gʼahˇ dui dui-iˇ tehꞈ-a.

Dawˬmehˬ 28:23 ပူးပေါင်းရင်းမြစ်များ

1 Sahˬpaˬ 17:1

Giˇlaˆ miˇ kʼahˬ Tiˇshaˬbeˬ meuˬ-ahˇ jawˇ-eu Eˇliˇyaˆ lehˇ myahˇ-euˬ Miˬyehˇ gʼaˇ duˬ ngehˬ dah-eu gʼaˬ neh, sahˬ paˬ Aˬhaˆ-ahˇ heu loꞈ-ehˇ ehˇ nehˬ-euˬ meh. “Ngaˇ dawˬ maˬ ngehˬ maˬ tmˇ kʼoeˇ keuˆ ni, smˇ kʼoꞈ byah ni ceuˬ maˬ ga le, uˬ yehˇ maˬ yehˇ le ni jaˆ tehꞈ-a lehˇ, ngaˇ uˬ duˬ tahˬ luꞈ-eu Iˇsaˬleˬlaˆ-euˬ Dehꞈ luꞈ-eu Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ myahˇ uˬ moˆ, nawˬ-ahˇ ngaˇ ehˇ-eu ma.”

1 Sahˬpaˬ 18:2

Kʼoeˇ ngeh, sahˬ paˬ Aˬhaˆ jawˇ gaˇ iˇ-eu lehˇ Eˇliˇyaˆ doˆ-iˇ-euˬ meh. Aˇ yamˬ kʼoeˇ yamˬ-ahˇ, Saˬmaˬliˆ meuˬ laꞈ kʼoeˇ mehꞈ dui shuꞈ dui dui luꞈ-eu meh.

Uˬ duˬ 26:19

Naw maꞈ-euˬ nui ma huiˬ-eu gʼahˇ-eu jeˬ-ahˇ ngaˇ laˆ cawˆ ma. Uˬ yehˇ maˬ jaˆ-eu uˬ taꞈ, naw maꞈ-euˬ miˇ kʼahˬ gui coˇ ni pyeuꞈ-iˇ-awˇ, shmˇ loꞈ-ehˇ gʼahˇ tehꞈ-a.

Aˬmoˆ 4:7

Naw maꞈ dzaˬ la gʼo cehˇ ka taˬ-euˬ iˇ cuꞈ loˬ dui dui ngeh ngaˇ mˬ gʼmˇ bi gʼmˇ-euˬ ma. Meuˬ tiˬ meuˬ-ahˇ uˬ yehˇ bi yehˇ le-awˇ, yawˬ meuˬ yawˬ-ahˇ maˬ bi yehˇ le ni ngaˇ jahˇ-euˬ ma. Deh yaˇ tiˬ kawˬ-ahˇ uˬ yehˇ yehˇ shehˬ kʼawꞈ, yawˬ kawˬ yawˬ gui coˇ ni jaˆ-eu meh.

Haˬgaiˇ 1:10

Kʼoeˇ miˇ neh, uˬ yehˇ maˬ yehˇ le, ceuˬ maˬ ga le-ehˇ, sahˬ lahˬ maˬ dehꞈ doˆ laˇ nya-a.

Dawˬmehˬ 28:22

Nyawˬ leˇ nya-eu naˇ gawˇ maˬ ehˇ, maˇ cuˬ maˇ lu lu-awˇ pyaˬ-eu jeˬ maˬ ehˇ, Sahˬpaˬ Miˬyehˇ nawˬ-euˬ kʼoeˇ taˆ bi keuˆ le tehꞈ-a. Nawˬ-euˬ dzaˬ la gʼo cehˇ-ahˇ bi laˆ cawˆ-eu gʼaˇ duˬ, uˬ yehˇ maˬ bi yehˇ le-eu uˬ taꞈ, lahˇ dui dui-eu jaˬ lehˇ bi baw tehꞈ-a.

Dawˬmehˬ 28:24

Uˬ yehˇ bi yehˇ le-eu dah zaˇ, nawˇ ya luˬ ya seˇ-iˇ ngeh keuˆ ni, jaˬ lehˇ lehˇ ma bi baw laˇ-awˇ, kʼaˬ lehˇ hawˇ-eu kʼaˇ shuiꞈ bi hehˇ ahˇ laꞈ tehꞈ-a.