Dawˬmehˬ 28:18 - Akha

¹⁸ “Nawˬ-euˬ zaˬ ui cuiˆ tehꞈ-ehˇ bi jawˇ le-eu laꞈ kʼoeˇ maˬ ehˇ, nawˬ-euˬ dzaˬ la gʼo cehˇ bi za cuiˆ le-eu laꞈ kʼoeˇ maˬ ehˇ, nawˬ-euˬ jeˬ zaˬ deuˬ bi teˬ le-eu laꞈ kʼoeˇ maˬ ehˇ, Sahˬpaˬ Miˬyehˇ nawˬ-ahˇ yaˬ kʼehˇ yaˬ nehˬ tehꞈ-a.

Dawˬmehˬ 28:18 ပူးပေါင်းရင်းမြစ်များ

Ngoeˇ dawˬ 2:20

Sahˬpaˬ Miˬyehˇ-oˇ haw leꞈ sheˇ. Nawˬ neh kʼehˬ-euˬ tsawˇ haˬ deuˬ-ahˇ, haw gʼeh leꞈ-awˇ shaˇ noeˬ haw sheˇ. Yawˬ ha gaˬ-eu zaˬ-euˬ shaˬ jiˇ, aˬ ma deuˬ dzaˬ kʼmˬ tehꞈ-a loˇ. Piˇ ma hawˇ-eu bawˇ lawˇ peh deuˬ, Sahˬpaˬ Miˬyehˇ-euˬ nymˇ laꞈ kʼoeˇ, bi sehꞈ ahˇ taˬ-euˬ tsaˬ meh loˇ.

Uˬ duˬ 26:26

Naw maꞈ-euˬ dzaˬ dzaˬ dawˇ dawˇ sha miˇ-eu gaˇ ma ngaˇ deuˆ tsehˆ-euˬ miˇ neh, zaˬ miˬ zaˬ tseˇ gʼaˬ kʼaˇ jaˆ-eu kaˬ muˇ yuˇ uiˬ-awˇ jahˇ ngeh, mui za za zaˬ tiˬ siˬ laꞈ kʼoeˇ jahˇ loꞈ ni tehꞈ-ehˇ jaˆ tehꞈ-a. Kaˬ muˇ kʼoeˇ aˬ yawꞈ maꞈ biˇ doe nehˬ-awˇ, naw maꞈ dzaˬ jiˇ ngeh, maˬ ya dzaˬ dehˆ-ehˇ ya shaˬ tehꞈ-a.

Haˬbaˬkuˆ 3:17

Siˬ guˬ aˇ yehˆ maˬ yehˆ le-ehˇ, aˬ gaꞈ aˇ siˬ maˬ siˬ le kʼawꞈ, Saˬ loˬ aˇ siˬ maˬ sahˇ le-ehˇ, dzaˬ la gʼo cehˇ maˬ za le kʼawꞈ, ciˬ myehꞈ hawˇ-eu yawˇ shiˇ jiˇ-awˇ, mawˇ neˇ mawˇ kuˆ ciˬ cuˇ jaˆ kʼawꞈ,

Maˬlaˬkiˇ 2:3

Naw maꞈ-euˬ zaˬ deuˬ-ahˇ ngaˇ yaˬ kʼehˇ yaˬ-awˇ, naw maꞈ neh lawˇ-euˬ shehˇ-euˬ jeˬ zaˬ deuˬ-euˬ keˬ neh, naw maꞈ-euˬ baˬ ba-ahˇ ngaˇ sawˆ lehꞈ nehˬ-awˇ, keˬ-euˬ gawˬ jawˬ-ahˇ bi sheuˬ gʼeh ma.

Dawˬmehˬ 28:16

“Nawˬ-euˬ meuˬ deuˬ hawˇ-eu nawˬ-euˬ deh yaˇ deuˬ-ahˇ Sahˬpaˬ Miˬyehˇ yaˬ kʼehˇ yaˬ nehˬ tehꞈ-a.

Dawˬmehˬ 28:19

“Nawˇ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ, Sahˬpaˬ Miˬyehˇ nawˬ-ahˇ yaˬ kʼehˇ yaˬ tehꞈ-a.

Dawˬmehˬ 28:4

“Nawˬ-euˬ zaˬ bi myaˬ bi behˇ laˇ-eu laꞈ kʼoeˇ maˬ ehˇ, dzaˬ la gʼo cehˇ bi za myaˬ le-eu laꞈ kʼoeˇ maˬ ehˇ, jeˬ zaˬ bi behˇ laˇ-eu laꞈ kʼoeˇ maˬ ehˇ, Sahˬpaˬ Miˬyehˇ nawˬ-ahˇ guiˬ lahˬ biꞈ nehˬ laꞈ tehꞈ-a.

Dawˬmehˬ 5:9

Tahˬ pahˬ aˬ ma mawˇ kawˇ mehˬ shi nawˇ awˆ byaˆ-awˇ uˬ duˬ maˬ ya tahˬ-a. Aˬ jeˬ miˇ neh ehˇ naˇ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ-aˬ, myaˆ naˆ-eu Miˬyehˇ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ-awˇ, aˬ yawꞈ maꞈ-euˬ zaˬ ziˇ smˬ ziˇ oeˬ ziˇ keuˆ ni ngaˇ kʼehˬ ma.