Dawˬmehˬ 28:12 - Akha

¹² Tsawˇ jeuˬ gʼawˬ mya jeuˬ nawˬ-ahˇ ya shaˇ ngaˬ ya shaˇ paˇ laˇ kʼawꞈ, aˬ cawˬ tsawˇ jeuˬ-ahˇ nawˇ ya shaˇ paˇ-iˇ gaˇ maˬ bi keuˆ ni, mˬ kʼoeˇ taˆ guiˬ lahˬ yaw dzahˇ laˇ gʼoˆ aˬ yawꞈ pah-awˇ, aˇ yamˬ tsaˬ tsaˬ ni uˬ yehˇ bi yehˇ le-awˇ, nawˇ kʼaˇ mˇ kʼaˇ shaˇ-eu jeˬ laꞈ kʼoeˇ aˬ yawꞈ nawˬ-ahˇ guiˬ lahˬ biꞈ nehˬ laꞈ tehꞈ-a.

Dawˬmehˬ 28:12 ပူးပေါင်းရင်းမြစ်များ

1 Sahˬpaˬ 18:1

Aˇ kʼoꞈ aˇ la ui cuiˆ myahˇ laˇ-awˇ, uˬ yehˇ maˬ yehˇ le-eu aˇ kʼoꞈ smˇ kʼoꞈ tiˬ kʼoꞈ-ahˇ, “Sahˬ paˬ Aˬhaˆ jawˇ gaˇ nawˇ iˇ-awˇ, nawˬ-euˬ gʼawˇ mawˇ aˬ yawꞈ-ahˇ bi mawˇ-awˬ. Ngaˇ uˬ yehˇ bi yehˇ le ma” lehˇ, Eˇliˇyaˆ-ahˇ Sahˬpaˬ Miˬyehˇ ehˇ nehˬ-euˬ meh.

Yawˇbaˆ 38:22

Ngaˬ neh ngehˇ hawˇ-eu uˬ yehˇ aˇ siˬ dawˆ ahˇ taˬ-euˬ kuˆ lawˆ deuˬ jaˆ gaˇ, nawˇ le keuˆ haw maˬ loˇ.

Jaceuq 135:7

Mˬ dmˇ hawˇ-eu jaˬ lehˇ-ahˇ, Uˬ dzeˇ miˇ dzeˇ-ahˇ neh aˬ yawꞈ hehˇ ahˇ laꞈ-eu meh. Jaˬ lehˇ lehˇ ma-ahˇ mˬ jeˬ tsawˬ tehˆ bi tehˆ-awˇ, piˬ lahˇ taˬ-euˬ jaˬ lehˇ pyehˬ doˆ gʼeh leꞈ-eu meh.

Dawqdaq 22:7

Zaˬ coeˬ smˇ muiˬ-euˬ zaˬ kʼaˆ. Dziˇ dzoˆ yaw naꞈ aˬ cawˬ gʼaˬ kʼehˇ.

Yeˬsaˬgeˬlaˇ 34:26

“Aˬ yawꞈ maꞈ-ahˇ ngaˇ guiˬ lahˬ biꞈ-awˇ, ngaˬ-euˬ muiˬ-eu shawˇ-eu gawˬ duˇ jawˬ jawˬ-ehˇ bi jawˇ ma. Aˇ yamˬ tsaˬ ni, aˬ yawꞈ maꞈ gʼaˇ duˬ ngaˇ uˬ yehˇ bi yehˇ le ma.

Uˬ duˬ 26:4

dzaˬ la gʼo cehˇ deuˬ bi muiˬ laˇ-awˇ, aˇ siˬ aˇ bawˇ deuˬ aˇ siˬ bi siˬ laˇ-eu gʼaˇ duˬ, aˇ yamˬ tsaˬ tsaˬ ni uˬ yehˇ bi yehˇ le ma.

Dawˬmehˬ 11:14

Naw maꞈ kʼoeˇ loꞈ-ehˇ mˇ naˇ, dzaˬ la gʼo cehˇ, aˬ gaꞈ dzaˇ uiˇ hawˇ-eu, saˬ loˬ tsiˇ za le ni, yehˇ gʼahˇ ahˇ dahˬ beh ngeh maˬ ehˇ, yehˇ gʼahˇ jiˇ le ngeh maˬ ehˇ, kʼaˇ loˬ-eu loꞈ-ehˇ, miˇ kʼahˬ kʼoeˇ kʼahˬ laꞈ kʼoeˇ uˬ yehˇ bi yehˇ le tehꞈ-a.

Dawˬmehˬ 14:29

Dzaˬ dzaˬ dawˇ dawˇ kʼoeˇ deuˬ-aˬ, naw maꞈ-euˬ meuˬ deuˬ-ahˇ jawˇ luꞈ-eu jeˬ biˇ maˬ baw-eu Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ gʼaˇ duˬ meh. Aˬ yawꞈ maꞈ kʼaˇ loˬ-eu loꞈ-ehˇ, kʼoeˇ gaˇ yuˇ laꞈ tehꞈ-a. Naw maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ guiˬ lahˬ biꞈ laꞈ ni, naw maꞈ kʼoeˇ loꞈ-ehˇ mˇ-awˬ.

Dawˬmehˬ 15:10

Tsawˇ tsiˇ maˬ tsiˇ ni, nui ma keuˆ-eu laꞈ kʼoeˇ aˬ yawꞈ-ahˇ biꞈ nehˬ-awˬ. Naw maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, Sahˬpaˬ Miˬyehˇ naw maꞈ-ahˇ guiˬ lahˬ biꞈ laꞈ tehꞈ-a.

Dawˬmehˬ 15:6

Sahˬpaˬ Miˬyehˇ saˇ jaˇ dzaˬ taˬ-euˬ loꞈ-ehˇ, naw maꞈ-ahˇ aˬ yawꞈ guiˬ lahˬ biꞈ laꞈ tehꞈ-a. Tsawˇ jeuˬ gʼawˬ mya jeuˬ, naw maꞈ-ahˇ pyuˇ ya shaˇ paˇ laˇ tehꞈ-a. Ehˇ kʼawꞈ, aˬ cawˬ tsawˇ jeuˬ tiˬ jeuˬ-ahˇ-iˬ, naw maꞈ pyuˇ ya shaˇ paˇ-iˇ gaˇ maˬ keuˆ-aˇ. Tsawˇ jeuˬ gʼawˬ mya jeuˬ kʼoeˇ taˆ naw maꞈ ya uˆ lahˇ tehꞈ-a. Ehˇ kʼawꞈ, tsawˇ jeuˬ tiˬ jeuˬ-iˬ naw maꞈ kʼoeˇ taˆ maˬ ya uˆ lahˇ-aˇ.

Dawˬmehˬ 23:20

Aˬ cawˬ tsawˇ jeuˬ-ahˇ nawˇ paˇ nehˬ ngeh, jiˇ jeuˬ yuˇ dzaˬ nya meh. Ehˇ kʼawꞈ, nawˬ-euˬ tsawˇ jeuˬ Iˇsaˬleˬlaˆ tsawˇ haˬ kʼoeˇ taˆ nawˇ jiˇ jeuˬ maˬ ya yuˇ-a. Nawˇ jawˇ leˇ-eu lehˇ gʼeh-eu miˇ kʼahˬ-ahˇ, nawˬ neh kʼaˇ mˇ kʼaˇ shaˇ-euˬ jeˬ laꞈ kʼoeˇ, Sahˬpaˬ Miˬyehˇ guiˬ lahˬ biꞈ laꞈ ni, zahˇ sahˇ kʼoꞈ heu hmˬ-ahˇ caw teh-awˬ.

Dawˬmehˬ 28:24

Uˬ yehˇ bi yehˇ le-eu dah zaˇ, nawˇ ya luˬ ya seˇ-iˇ ngeh keuˆ ni, jaˬ lehˇ lehˇ ma bi baw laˇ-awˇ, kʼaˬ lehˇ hawˇ-eu kʼaˇ shuiꞈ bi hehˇ ahˇ laꞈ tehꞈ-a.

Dawˬmehˬ 28:44

Aˬ yawꞈ maꞈ nawˬ-ahˇ pyuˇ paˇ nehˬ nya kʼawꞈ, nawˇ aˬ yawꞈ maꞈ-ahˇ paˇ nehˬ-eu gʼaˇ duˬ pyuˇ maˬ ahˇ-ehˇ pyeuꞈ-iˇ tehꞈ-a. Aˇ saˬ saˬ laˇ ngeh, aˬ yawꞈ maꞈ nawˬ-euˬ kʼoeˇ taˆ uˆ lahˇ tehꞈ-a.