Dawˬmehˬ 27:15 - Akha

¹⁵ “ ‘Kʼaˬ lo neh maˬ ehˇ, daˇ kawˬ neh maˬ ehˇ, shmˇ, shuiˇ, pyuˇ, guiˬ shuiˇ, heu deuˬ neh maˬ ehˇ, tahˬ pahˬ aˬ ma mawˇ kawˇ tehˆ-awˇ uˬ duˬ tahˬ kʼoeˬ-eu tsawˇ haˬ kʼoeˇ taˆ, Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ. Tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ-ahˇ Sahˬpaˬ Miˬyehˇ maˬ haw nahˇ-a’ lehˇ guˇ-awˇ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

Dawˬmehˬ 27:15 ပူးပေါင်းရင်းမြစ်များ

Aˇ dahˬ 31:19

Laˬbaˬ yawˇ caꞈ hm tehˬ-iˇ-euˬ kaˬ-ahˇ, Laˬbaˬ-euˬ nymˇ jiˇ uˬ duˬ tahˬ-eu tahˬ pahˬ aˬ ma mawˇ kawˇ deuˬ-ahˇ Laˬkeˬlaˇ kʼoeˬ-euˬ meh.

Aˇ dahˬ 31:34

Tahˬ pahˬ aˬ ma mawˇ kawˇ kʼoeˇ deuˬ-ahˇ Laˬkeˬlaˇ yuˇ-awˇ, law taw kʼaˆ daˬ laꞈ kʼoeˇ nmꞈ zaꞈ-awˇ, kʼaˆ daˬ kʼoeˇ taˆ nuiˇ luꞈ-eu meh. Laˬkeˬlaˇ-euˬ sehˬ gʼawˆ gʼawˆ lah-ehˇ Laˬbaˬ goˬ doe jiˇ-euˬ kʼawꞈ, tahˬ pahˬ aˬ ma mawˇ kawˇ kʼoeˇ deuˬ-ahˇ maˬ goˬ mawˇ nya-a.

Aˇ dahˬ 9:25

“Kaˬnaˬ-euˬ kʼoeˇ taˆ yaˬ kʼehˇ yaˬ-eu jeˬ keuˆ le luꞈ-uˇ. Aˬ yawꞈ-euˬ mehˇ nmˇ deuˬ-euˬ zaˬ kʼaˆ aˬ yawꞈ ya geuꞈ luꞈ-uˇ.

2 Sahˬpaˬ 17:19

Yuˇdaˆ tsawˇ haˬ deuˬ kʼawꞈ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ-ehˇ, Iˇsaˬleˬlaˆ tsawˇ haˬ deuˬ mˇ luꞈ-eu zahˇ sahˇ kʼoꞈ deuˬ-euˬ mehˬ nah caw teh-euˬ meh.

2 Sahˬpaˬ 23:13

Siˇdoˬ miˬ yehˇ ma Aˬshaˇtaˬteˬ, Mawˇbaˆ miˬ yehˇ Sheˬmoˇshaˆ hawˇ-eu, Aˬmoˬ miˬ yehˇ Moˇlehˆ heu deuˬ-ahˇ uˬ duˬ tahˬ-eu gʼaˇ duˬ, Yeˬluˇsaˬlehˬ meuˬ-euˬ nahˇ ma doˆ kʼehˬ paw, Saˬloˬ gawˬ jawˬ-euˬ laꞈ oˆ sahˬ paˬ Sawˇlaˬmoˬ neh tehˆ taˬ yaꞈ-euˬ tahˬ pahˬ aˬ ma mawˇ kawˇ deuˬ-ahˇ kʼawꞈ, Yawˇshiˆ laˆ cawˆ-euˬ meh.

1 Laˬsaˬbaˬ 16:36

Iˇsaˬleˬlaˆ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ yawˬ. Mˬ maˬ maˬ byaˆ zaˇ ziˇ jiˇ ni yawꞈ-ahˇ maˬ byehˇ ni ja ceuˬ yawˬ. Kʼoeˇ naˇ, tsawˇ haˬ dawˬ tawˆ luꞈ “Aˬmiˬ” lehˇ ehˇ-awˇ, Sahˬpaˬ Miˬyehˇ-ahˇ ja ceuˬ-euˬ meh.

2 Laˬsaˬbaˬ 33:2

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ miˇ kʼahˬ kʼoeˇ kʼahˬ laꞈ kʼoeˇ sheuˬ uˇ gʼeh ngeh, miˇ kʼahˬ kʼoeˇ kʼahˬ laꞈ kʼoeˇ aˬ yawꞈ neh teh dzeh-euˬ tsawˇ jeuˬ kʼoeˇ deuˬ mˇ-euˬ jawꞈ dui dui-eu jeˬ-ahˇ Maˬnaˇseˬ caw teh--eu laꞈ kʼoeˇ Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

Doˆ-iˇ 20:23

Ngaˇ uˬ taꞈ, yawˬ ha-euˬ gʼaˇ duˬ, pyuˇ neh maˬ ehˇ, shuiˇ neh maˬ ehˇ, miˬyehˇ tehˆ-awˇ, naw maꞈ uˬ duˬ maˬ ya tahˬ-a.

Doˆ-iˇ 20:4

“Mˬ kʼoeˇ taˆ maˬ ehˇ, miˇ tsaˬ kʼoeˇ taˆ maˬ ehˇ, miˇ tsaˬ dawˬ dah iˇ cuꞈ laꞈ kʼoeˇ maˬ ehˇ, kʼaˇ jawˇ kʼaˇ jaˆ-eu jeˬ-ahˇ duˇ-eu tahˬ pahˬ aˬ ma mawˇ kawˇ yawˬ ha gʼaˇ duˬ maˬ ya tehˆ-a.

Doˆ-iˇ 34:17

“Naw maꞈ tahˬ pahˬ aˬ ma mawˇ kawˇ tehˆ-awˇ uˬ duˬ maˬ ya tahˬ-a.

Iˇsaˬyaˇ 44:13

Laꞈ saˇ maˇ geuꞈ-eu deuˬ daˇ kawˬ-ahˇ dza haw-awˇ, sahˬ duˇ neh kawˆ byawꞈ-awˇ, tsawˇ haˬ mawˇ kawˇ doˆ laˇ ni laꞈ saˇ maˇ keu ka neh taꞈ-awˇ, muiˬ dui dui-eu tsawˇ haˬ mawˇ kawˇ kʼoeˇ aˬ yawꞈ-euˬ nymˇ-ahˇ ciˬ taˬ-awˇ bi jaˆ-eu meh.

Iˇsaˬyaˇ 44:17

Dzeˇ-eu tiˬ kʼehˆ-ahˇ tahˬ pahˬ aˬ ma mawˇ kawˇ pyaꞈ-awˇ, awˆ byaˆ-awˇ uˬ duˬ tahˬ-eu meh. Tahˬ pahˬ aˬ ma mawˇ kawˇ kʼoeˇ-ahˇ aˬ yawꞈ guiˬ lahˬ shaˇ-awˇ, “Nawˇ ngaˬ-euˬ miˬ yehˇ ma. Ngaˬ-ahˇ ka kʼoꞈ nehˬ laꞈ-awˬ” lehˇ ehˇ-eu meh.

Iˇsaˬyaˇ 44:19

Tahˬ pahˬ aˬ ma mawˇ kawˇ jahˇ-eu tsawˇ haˬ deuˬ heu loꞈ-ehˇ tiˬ jawˇ-iˬ maˬ ehˇ-a. “Daˇ kawˬ tiˬ tm-ahˇ miˬ dzaˬ doꞈ-awˇ, miˬ jiˆ kʼoeˇ taˆ hawˬ tahˬ puiˆ dzaˬ-awˇ, shaˬ jiˇ tehˬ ba dzaˬ-euˬ ma. Kʼoeˇ naˇ, daˇ kawˬ tiˬ tm-ahˇ tahˬ pahˬ aˬ ma mawˇ kawˇ pyaꞈ-euˬ ma. Nymˬ-mˇ ngaˇ daˇ kawˬ diˬ tm-ahˇ uˬ duˬ tahˬ luꞈ-eu ma” lehˇ tiˬ jawˇ-iˬ maˬ ehˇ-a.

Yeˬlaˬmiˇ 11:3

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, aˬ yawꞈ maꞈ-ahˇ dzawˇ nehˬ-awˬ. Dawˬ ma saˇ jaˇ heu hmˬ-ahˇ taꞈ-eu dawˬ deuˬ-ahˇ maˬ naˇ haˬ-eu tsawˇ haˬ yawˬ gʼaˬ na luꞈ kʼoeˇ taˆ, yaˬ kʼehˇ yaˬ-eu jeˬ keuˆ le tehꞈ-a.

Yeˬlaˬmiˇ 11:5

Kʼoeˇ naˇ, aˬ yawꞈ maꞈ-euˬ aˬ poeˬ aˬ bawˇ deuˬ nehˬ-ehˇ, ngaˬ neh dzaˬ taˬ-euˬ saˇ jaˇ-ahˇ ngaˇ ziꞈ-awˇ, nymˬ-mˇ aˬ yawꞈ maꞈ jawˇ luꞈ-eu miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ heu kʼahˬ, aˬ yawꞈ maꞈ-ahˇ ngaˇ biꞈ ma lehˇ ehˇ nehˬ-euˬ ma.” Kʼoeˇ ngeh, “Sahˬpaˬ Miˬyehˇ nawˇ kʼaˇ ehˇ-eu loꞈ-ehˇ ngaˇ mˇ ma” lehˇ, ngaˇ ehˇ kʼoꞈ nehˬ-euˬ ma.

Yeˬlaˬmiˇ 23:24

Tiˬ tsahˇ tehꞈ-ehˇ jawˇ-eu Miˬyehˇ maˬ ngeuˇ. Tsawˇ haˬ tiˬ gʼaˬ-iˬ ngaˇ maˬ mawˇ gaˇ maˬ cehˆ zaꞈ nya-a. Mˬ hawˇ-eu miˇ tsaˬ yawˬ gaˇ na luꞈ doe ni, ngaˇ jawˇ luꞈ-eu gaˇ kawˆ naw maꞈ maˬ siˬ nya te loˇ.

Yeˬlaˬmiˇ 28:6

“Yaw zawˇ-ehˇ zahˬ leˇ paˬ-ehˇ gʼeh nya. Sahˬpaˬ Miˬyehˇ kʼoeˇ loꞈ-ehˇ mˇ luꞈ-uˇ lehˇ ngaˇ noeˬ tmˬ-eu ma. Nawˬ neh kʼaˇ ehˇ-euˬ loꞈ-ehˇ pyeuꞈ laˇ ni aˬ yawꞈ jahˇ-eu laꞈ kʼoeˇ, Baˬbuˇloˬ miˇ kʼahˬ-ahˇ pi daˆ gʼeh-euˬ Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ shuiˇ myawˬ gahˬ deuˬ paˇ pi kʼoꞈ keuˆ leꞈ jiˇ-awˇ, bi nyehꞈ daˆ gʼeh-euˬ tsawˇ haˬ deuˬ kʼawꞈ, gʼoꞈ keuˆ le jiˇ luꞈ-uˇ.

Yeˬsaˬgeˬlaˇ 14:4

“Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ aˬ yawꞈ maꞈ-ahˇ dzawˇ nehˬ-awˬ. Tahˬ pahˬ aˬ ma mawˇ kawˇ deuˬ-ahˇ nui ma gʼawˇ mawˇ a nehˬ taˬ-awˇ, tahˬ pahˬ aˬ ma mawˇ kawˇ neh iˬ baˇ gaˇ ma-ahˇ bi sheuˬ gʼeh-euˬ Iˇsaˬleˬlaˆ tsawˇ haˬ aˬ geu gʼaˬ maˬ kaˬ, Miˬyehˇ gʼaˇ duˬ ngehˬ dah-eu tsawˇ haˬ jawˇ gaˇ ja uˇ laˇ naˇ, aˬ yawꞈ-euˬ tahˬ pahˬ aˬ ma mawˇ kawˇ deuˬ-ahˇ oꞈ-eu ngaˬ-euˬ dawˬ bi gaˬ kʼoꞈ ma.

Yeˬsaˬgeˬlaˇ 7:20

Aˇ hu, muiˬ dui dui-eu pyuˇ shuiˇ myawˬ guˇ deuˬ-ahˇ aˬ yawꞈ maꞈ kʼahˬ sehˇ jehˆ-euˬ meh. Ehˇ kʼawꞈ, kʼoeˇ deuˬ yuˇ-awˇ aˬ yawꞈ maꞈ tahˬ pahˬ aˬ ma mawˇ kawˇ tehˆ-euˬ meh. Kʼoeˇ miˇ neh, aˬ yawꞈ maꞈ-euˬ pyuˇ shuiˇ myawˬ gahˬ deuˬ aˬ yawꞈ maꞈ-ahˇ paˇ bi laˆ jawꞈ ni, Sahˬpaˬ Miˬyehˇ jahˇ-euˬ meh.

Daˬyeˬlaˇ 11:31

Aˬ yawꞈ-euˬ yehˇ tiˬ paˆ na deuˬ, Uˬ duˬ tahˬ nymˇ nymˇ ma-ahˇ laˆ jawꞈ tehꞈ-a. Yawˬ nah na luꞈ lawˇ-eu shehˇ-eu jeˬ maˬ bi mˇ ni, aˬ yawꞈ maꞈ laˆ tsoeˬ-awˇ, doeˇ dui dui-eu nui daˆ daˆ laˇ paˬ-ehˇ gʼeh-eu jeˬ kʼoeˇ gaˇ bi jaˆ tehꞈ-a.

Daˬyeˬlaˇ 9:11

Iˇsaˬleˬlaˆ tsawˇ jeuˬ jeuˬ lah ni nawˬ-euˬ zahˇ dawˬ kʼoꞈ dawˬ-ahˇ byehˇ-awˇ, nawˇ ehˇ gaˇ maˬ naˇ haˬ ni dehꞈ-euˬ meh. Nawˬ-euˬ mehˬ shi nga maꞈ iˬ baˇ mˇ-euˬ miˇ neh, nawˬ-euˬ zaˬ kʼaˆ Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ boꞈ ahˇ taˬ-euˬ yaˬ kʼehˇ yaˬ-eu jeˬ, nga maꞈ kʼoeˇ taˆ nawˇ bi keuˆ le-euˬ meh.

Uˬ duˬ 19:4

“Ngaˬ-ahˇ byehˇ dzeh-awˇ, tahˬ pahˬ aˬ ma mawˇ kawˇ deuˬ-ahˇ naw maꞈ uˬ duˬ taˬ tahˬ. Shmˇ, shuiˇ, pyuˇ, kʼoeˇ loꞈ-ehˇ gʼeh-eu deuˬ neh miˬ yehˇ mawˇ kawˇ tehˆ-awˇ, uˬ duˬ taˬ tahˬ. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Uˬ duˬ 26:1

Sahˬpaˬ Miˬyehˇ ehˇ-eu, “Naw maꞈ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ tehˆ-eu maˬ ehˇ, kʼaˬ lo kʼawˇ zeuˇ ka tuˇ-eu maˬ ehˇ, kʼaˬ lo-ahˇ dzahˬ taꞈ taꞈ-eu maˬ ehˇ, maˬ ya jahˇ-a. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Bawˇtsahˬ 5:22

Iˇ cuꞈ heu nawˬ-euˬ uˬ maˆ laꞈ kʼoeˇ uˇ keuˆ-iˇ-awˇ, nawˬ-eu uˬ maˆ puˬ laˇ-awˇ, nawˬ-euˬ pyaˬ kaˬ liˬ-iˇ koˆ-iˇ-eu jeˬ bi keuˆ le luꞈ-uˇ.” Zaˬ miˬ zaˬ kʼoeˇ gʼaˬ gʼeh, “Ngaˇ nui ma tsaˬ ma. Sahˬpaˬ Miˬyehˇ kʼoeˇ loꞈ-ehˇ mˇ nehˬ laꞈ luꞈ-uˇ” lehˇ ya ehˇ meh.

Maꞈtehˬ 24:15

“Miˬyehˇ gʼaˇ duˬ ngehˬ dah-eu Daˬyeˬlaˆ neh ehˇ taˬ-euˬ ‘Guˆ dui dui laˇ paˬ-ahˇ gʼeh-eu yaw jawꞈ jeˬ’ -ahˇ naw maꞈ ya mawˇ tehꞈ-a. Yaw jawꞈ jeˬ kʼoeˇ, muiˬ-eu shawˇ-eu jawˇ duˬ-ahˇ ka tuˇ taˬ-awˇ jaˆ tehꞈ-a.” (Jaˇliꞈ gui-eu deuˬ dawˬ heu dawˬ-euˬ dawˬ tsuiꞈ gʼoˆ shaw luꞈ-uˇ.)

Maꞈtehˬ 6:13

Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

1 Gawˇliˬtu 14:16

Nawˬ-euˬ saꞈ laˇ tehꞈ-ehˇ Miˬyehˇ-euˬ guiˬ lahˬ-ahˇ ja ceuˬ naˇ, nawˬ nehˬ-ehˇ tiˬ kawˆ loꞈ-ehˇ uˬ duˬ tahˬ luꞈ-eu maˬ siˬ nya-eu tsawˇ haˬ nawˬ neh guiˬ lah shaˇ-euˬ gaˇ “Aˬ miˬ” lehˇ aˬ joˆ-ehˇ ehˇ caw nya nmˇ. Nawˇ aˬ jeˬ ehˇ luꞈ-eu aˬ yawꞈ tiˬ pawꞈ-iˬ maˬ gʼoˆ siˬ nya-a.

Dawˬmehˬ 27:14

Leˬbiˇ tsawˇ haˬ deuˬ, yaw kʼaˆ ehˇ guˇ-awˇ, heu loꞈ-ehˇ ya ehˇ meh.

Dawˬmehˬ 29:17

Daˇ kawˬ, kʼaˬ lo, pyuˇ hawˇ-eu shuiˇ heu deuˬ neh jahˇ taˬ-euˬ maˬ haw nahˇ paˬ-ehˇ gʼeh-eu aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ-ahˇ naw maꞈ ya mawˇ haw-euˬ meh.

Dawˬmehˬ 4:25

“Miˇ kʼahˬ kʼoeˇ kʼahˬ laꞈ kʼoeˇ naw maꞈ gʼawˬ myahˇ ni jawˇ keuˆ laꞈ-awˇ, zaˬ deuˬ hawˇ-eu oeˬ paˬ oeˬ ma deuˬ jawˇ le-euˬ kʼawꞈ, aˬ joˆ-ehˇ gʼeh-eu tahˬ pahˬ aˬ ma mawˇ kawˇ maˬ kaˬ, naw maꞈ tehˆ-eu laꞈ kʼoeˇ iˬ baˇ taˬ mˇ. Kʼoeˇ loꞈ-ehˇ jahˇ-eu jeˬ-aˬ, Sahˬpaˬ Miˬyehˇ mehˬ shi maˬ muiˬ maˬ jaˬ-eu jeˬ pyeuꞈ-awˇ, aˬ yawꞈ-ahˇ nui ma bi pehˇ tehꞈ-a.

Dawˬmehˬ 5:8

“Mˬ kʼoeˇ taˆ maˬ ehˇ, miˇ tsaˬ kʼoeˇ taˆ maˬ ehˇ, miˇ tsaˬ dawˬ dah iˇ cuꞈ laꞈ kʼoeˇ maˬ ehˇ, kʼaˇ jawˇ kʼaˇ jaˆ-eu jeˬ-ahˇ duˇ-eu tahˬ pahˬ aˬ ma mawˇ kawˇ nawˇ maˬ ya tehˆ-a.

Dawˬmehˬ 7:25

Aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ miˬ dzaˬ-ahˇ dzah puiˆ dzeh-awˬ. Kʼoeˇ-euˬ kʼoeˇ taˆ jaˆ-eu pyuˇ hawˇ-eu shuiˇ-ahˇ mehˇ juiˇ juiˇ-awˇ, yawˬ ha gʼaˇ duˬ naw maꞈ taˬ yuˇ geuꞈ. Yuˇ geuꞈ naˇ, lahˇ ju kʼmˇ taˬ-euˬ gaˇ naw maꞈ paꞈ leˇ tehꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui daˆ daˆ-eu meh.

Yaˇ kʼaˬ daˇ 17:3

Pyuˇ kʼoeˇ deuˬ aˬ yawꞈ-euˬ aˬ ma-ahˇ biꞈ kʼoꞈ nehˬ ngeh, aˬ ma gʼaˬ ehˇ-eu, “Yaˬ kʼehˇ yaˬ-eu jeˬ ngaˬ li kʼoeˇ taˆ ma ya bi keuˆ le-eu gʼaˇ duˬ, pyuˇ maˇ byaˆ heu deuˬ Sahˬpaˬ Miˬyehˇ-ahˇ ngaˇ aˬ diˇ aˬ maˇ damˬ nehˬ ma. Daˇ kawˬ-ahˇ pyuˇ yaw-awˇ jahˇ-euˬ tahˬ pahˬ aˬ ma mawˇ kawˇ jahˇ gaˇ, pyuˇ kʼoeˇ deuˬ zmˬ ma. Nymˬ-mˇ ngaˇ nawˬ-ahˇ pyuˇ maˇ byaˆ heu deuˬ biꞈ kʼoꞈ nehˬ-eu ma.”

Yaˇ kʼaˬ daˇ 17:4

Kʼoeˇ naˇ, aˬ li gʼaˬ pyuˇ kʼoeˇ deuˬ yuˇ-awˇ, aˬ ma gʼaˬ-ahˇ biꞈ kʼoꞈ nehˬ-euˬ meh. Aˬ ma gʼaˬ pyuˇ maˇ byaˆ nyiˬ yaˇ byaˆ yuˇ-awˇ, ba jiˬ-ahˇ biꞈ-awˇ, daˇ kawˬ-ahˇ pyuˇ yaw-euˬ tahˬ pahˬ aˬ ma mawˇ kawˇ bi jahˇ-euˬ meh. Tahˬ pahˬ aˬ ma mawˇ kawˇ kʼoeˇ hmˬ Miˇkaˬ-euˬ nymˇ-ahˇ bi jaˆ-euˬ meh.

1 Saˬmeuˬlaˆ 26:19

Ngaˇ aˬ jeˬ mˇ lehˬ taˬ-euˬ jaˆ ta. Sahˬ paˬ-oˇ, ngaˇ ehˇ gaˇ tiˬ poˆ naˇ haˬ sheˇ, Nawˇ ngaˬ-ahˇ muiˇ ni Sahˬpaˬ Miˬyehˇ neh jahˇ-euˬ ngeuˇ naˇ, aˬ yawꞈ-ahˇ lawˇ nehˬ shehˇ nehˬ ngeh aˬ yawꞈ nui ma paˇ laˇ tehꞈ-a. Ehˇ kʼawꞈ, tsawˇ haˬ zaˬ neh jahˇ-euˬ jeˬ ngeuˇ naˇ, aˬ yawꞈ maꞈ kʼoeˇ taˆ Sahˬpaˬ Miˬyehˇ neh yaˬ kʼehˇ yaˬ nehˬ-euˬ jeˬ keuˆ le luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ miˇ kʼahˬ laꞈ kʼoeˇ neh aˬ yawꞈ maꞈ ngaˬ-ahˇ teh doˆ-awˇ, boeˇ miˬ siˬ kʼaˬ deuˬ-euˬ miˬ yehˇ deuˬ-ahˇ maˬ ngeuˇ naˇ uˬ duˬ tahˬ kʼaˇ maˬ za-eu bawˇ tsahˬ bawˇ dahˇ laꞈ kʼoeˇ bi shaˬ laꞈ-euˬ meh.