Dawˬmehˬ 27:12 - Akha

¹² “Naw maꞈ Yawˇdaˬ lawˇ baˬ tsehˆ doˆ gʼaˬ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ guiˬ lahˬ biꞈ-awˇ dawˬ ngehˬ gʼeh nehˬ ngeh, Suˇmoˬ tsawˇ jeuˬ, Leˬbiˇ tsawˇ jeuˬ, Yuˇdaˆ tsawˇ jeuˬ, Iˇsaˬkaˬ tsawˇ jeuˬ, Yoˇsehˆ tsawˇ jeuˬ hawˇ-eu Beˬyaˬmiˬ tsawˇ jeuˬ heu deuˬ, Geˬlaˬzmˬ gawˬ jawˬ kʼoeˇ taˆ ya yawꞈ meh.

Dawˬmehˬ 27:12 ပူးပေါင်းရင်းမြစ်များ

Aˇ dahˬ 30:18

“Ngaˬ-euˬ kʼaˬ dzeˇ zaˬ-ahˇ, ngaˬ-euˬ zaˬ kʼaˆ ngaˇ biꞈ nehˬ-euˬ miˇ neh, Miˬyehˇ ngaˬ-ahˇ aˇ poeˬ biꞈ laꞈ-euˬ nga” lehˇ Leˇaˬ ehˇ-awˇ, aˬ li kʼoeˇ li-ahˇ Iˇsaˬkaˬ lehˇ myahˇ nehˬ-euˬ meh.

Aˇ dahˬ 30:24

Sahˬpaˬ Miˬyehˇ ngaˬ-ahˇ aˬ li tiˬ li paˇ biꞈ laꞈ luꞈ-uˇ” lehˇ Laˬkeˬlaˇ ehˇ-awˇ, aˬ li kʼoeˇ li-ahˇ Yoˇsehˆ lehˇ myahˇ nehˬ-euˬ meh.

Aˇ dahˬ 35:18

Ehˇ kʼawꞈ, Laˬkeˬlaˇ shiˇ leˇ-awˇ, maˬ shiˇ tsehˆ mi naˆ-ehˇ aˬ li kʼoeˇ li-ahˇ Beˬnoˇniˆ lehˇ myahˇ nehˬ yaꞈ-euˬ meh. Aˬ da gʼaˬ neh, aˬ li kʼoeˇ li-ahˇ, Beˬyaˬmiˬ lehˇ myahˇ nehˬ-euˬ meh.

Aˇ dahˬ 35:22

Yaˬkoˆ kʼoeˇ gaˇ jawˇ luꞈ ngeh, aˬ yawꞈ-euˬ aˬ li Luˇbeˬ gʼaˬ, aˬ yawꞈ-euˬ ma nyiˇ Biˇlaˬhaˇ nehˬ-ehˇ yuꞈ taꞈ-euˬ meh. Gaˇ kawˆ kʼoeˇ Yaˬkoˆ ya gaˬ ngeh, nui ma pehˇ dui dui-euˬ meh.

Dawˬmehˬ 27:11

Kʼoeˇ naˇ, Iˇsaˬleˬlaˆ tsawˇ haˬ deuˬ-ahˇ Moˇseˬ heu loꞈ-ehˇ ehˇ nehˬ-euˬ meh.

Dawˬmehˬ 27:13

Kʼoeˇ naˇ, yaˬ kʼehˇ yaˬ-eu dawˬ ngehˬ ngeh, Luˇbeˬ tsawˇ jeuˬ, Gaˆ tsawˇ jeuˬ, Aˬshaˬ tsawˇ jeuˬ, Zeˬbuˬluˬ tsawˇ jeuˬ, Daˬ tsawˇ jeuˬ hawˇ-eu Naˬtaˬliˇ tsawˇ jeuˬ heu deuˬ, Eˇbaˬlaˇ gawˬ jawˬ kʼoeˇ taˆ ya yawꞈ meh.

Yaˇ kʼaˬ daˇ 9:7

Gaˇ kawˆ kʼoeˇ Yoˇdamˬ ya gaˬ ngeh, Geˬlaˬzmˬ gawˬ jawˬ uˬ du daˆ leˇ-awˇ, aˬ yawꞈ maꞈ-ahˇ heu loꞈ-ehˇ guˇ gaˬ nehˬ-euˬ meh. “Sheˬkmˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-euˬ dawˬ-ahˇ Miˬyehˇ naˇ haˬ ni, ngaˇ ehˇ gaˇ naw maꞈ naˇ haˬ sheˇ.