Dawˬmehˬ 27:10 - Akha

¹⁰ Kʼoeˇ miˇ neh, aˬ yawꞈ ehˇ dawˬ naˇ haˬ-awˇ, iˬ nah ngaˇ naw maꞈ-ahˇ biꞈ luꞈ-eu aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-euˬ mehˬ nah caw teh-awˬ.”

Dawˬmehˬ 27:10 ပူးပေါင်းရင်းမြစ်များ

Uˬ duˬ 19:2

“Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Naw maꞈ yaw muiˬ yaw shawˇ shawˇ-ehˇ dehꞈ-awˬ. Aˬ jeˬ miˇ neh ehˇ naˇ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ-aˬ, yaw muiˬ yaw shawˇ ma.

Miˇkaˬ 4:5

Tsawˇ jeuˬ yawˬ jeuˬ na luꞈ yawˬ ha-euˬ miˬ yehˇ-ahˇ uˬ duˬ tahˬ-awˇ, yawˬ ha miˬ yehˇ-euˬ ehˇ dawˬ naˇ haˬ luꞈ meh. Ehˇ kʼawꞈ, aˬ dui-aˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ dui uˬ duˬ tahˬ-awˇ, mˬ maˬ maˬ byaˆ zaˇ ziˇ aˬ yawꞈ-euˬ dawˬ naˇ haˬ geuꞈ ma.

Miˇkaˬ 6:8

Kʼoeˇ loꞈ-ehˇ maˬ ngeuˇ-a. Aˬ geu jeˬ muiˬ-eu gaˇ kawˆ Sahˬpaˬ Miˬyehˇ aˬ dui-ahˇ dzawˇ mehˬ taˬ-euˬ meh. Aˬ dui maꞈ laꞈ kʼoeˇ Sahˬpaˬ Miˬyehˇ geuꞈ mawꞈ-eu jeˬ-aˬ, yaw tsaˬ yaw dawˇ jeˬ-ahˇ mˇ-eu jeˬ, aˬ myah luꞈ ziꞈ-eu gʼoeˇ-eu gaˬ-eu jeˬ hawˇ-eu, nui ma nahˬ yu ni taˬ-awˇ Miˬyehˇ-ahˇ cawˬ cawˬ taꞈ-eu jeˬ, heu deuˬ meh.

Maꞈtehˬ 5:48

Kʼoeˇ miˇ neh, mˬ kʼoeˇ taˆ jawˇ-eu naw maꞈ-euˬ Aˬ da byah-eu loꞈ-ehˇ, naw maꞈ kʼawꞈ bi byah laˇ-awˬ.

Dawˬmehˬ 11:1

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˇ, aˬ yawꞈ-euˬ zahˇ dawˬ kʼoꞈ dawˬ deuˬ-ahˇ aˬ myah luꞈ naˇ haˬ geuꞈ-awˬ.

Dawˬmehˬ 26:17

“Sahˬpaˬ Miˬyehˇ-aˬ, nawˬ-euˬ Miˬyehˇ ma lehˇ nawˇ ehˇ tsehˆ-eu laꞈ kʼoeˇ, aˬ yawꞈ-euˬ ehˇ dawˬ-ahˇ naˇ haˬ-awˇ, aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ caw teh-eu uˬ taꞈ, aˬ yawꞈ neh dawˬ kʼaˇ biꞈ taˬ-eu loꞈ-ehˇ dawˬ tawˆ luꞈ mˇ ma lehˇ nawˇ saˇ jaˇ dzaˬ gʼaˬ taˬ-euˬ meh.

Dawˬmehˬ 26:18

Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, aˬ yawꞈ-euˬ tsawˇ jeuˬ loꞈ-ehˇ naw maꞈ-ahˇ iˬ nah aˬ yawꞈ ha geuꞈ-awˇ, aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naˇ haˬ geuꞈ-awˬ lehˇ, aˬ yawꞈ naw maꞈ-ahˇ dawˬ biꞈ taˬ-euˬ meh.

Dawˬmehˬ 27:11

Kʼoeˇ naˇ, Iˇsaˬleˬlaˆ tsawˇ haˬ deuˬ-ahˇ Moˇseˬ heu loꞈ-ehˇ ehˇ nehˬ-euˬ meh.

Dawˬmehˬ 27:9

Kʼoeˇ naˇ, Moˇseˬ hawˇ-eu Leˬbiˇ tsawˇ haˬ piˇ ma deuˬ Iˇsaˬleˬlaˆ tsawˇ haˬ dawˬ tawˆ luꞈ-ahˇ ehˇ nehˬ-eu, “Iˇsaˬleˬlaˆ tsawˇ jeuˬ-oˇ, ciˬ cuˇ ni jawˇ-awˇ naˬ bawˇ ciˬ kʼmˇ taˬ-eu laꞈ kʼoeˇ, ngaˇ ehˇ gaˇ naˇ haˬ sheˇ. Iˬ nah nawˇ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ jeuˬ pyeuꞈ laˇ-euˬ meh.