Dawˬmehˬ 26:14 - Akha

¹⁴ Tsawˇ ngoeˇ ngoeˇ luꞈ-eu aˇ yamˬ laꞈ kʼoeˇ, tseˇ bymˇ tiˬ bymˇ ngaˇ maˬ dzaˬ haw-aˬ. Ngaˇ maˬ shawˇ-eu tsawˇ haˬ pyeuꞈ luꞈ ngeh, ngaˬ-euˬ nymˇ laꞈ nyiˇ paw tseˇ bymˇ tiˬ bymˇ maˬ yuˇ doˆ gʼeh haw-aˬ. Tseˇ bymˇ tiˬ bymˇ yuˇ-awˇ, shiˇ-euˬ tsawˇ haˬ gʼaˇ duˬ ngaˇ maˬ lawˇ haw-aˬ. Sahˬpaˬ Miˬyehˇ-oˇ, nawˬ-euˬ ehˇ dawˬ-ahˇ ngaˇ naˇ haˬ-euˬ ma. Tseˇ bymˇ tiˬ bymˇ-ahˇ taꞈ leˇ-awˇ, nawˬ neh dawˬ kʼaˇ biꞈ taˬ-eu loꞈ-ehˇ, yawˬ jeˬ na luꞈ ngaˇ mˇ-euˬ ma.

Dawˬmehˬ 26:14 ပူးပေါင်းရင်းမြစ်များ

Jaceuq 106:28

Miˬyehˇ-euˬ tsawˇ haˬ deuˬ Peˬoˇ meuˬ-ahˇ, Baˬlaˇ miˬ yehˇ-ahˇ uˬ duˬ tahˬ-awˇ, yaw dehꞈ maˬ dehꞈ-eu miˬ yehˇ-ahˇ lawˇ-euˬ dzaˇ, aˬ yawꞈ maꞈ dzaˬ-euˬ meh.

Jaceuq 18:22

Yawꞈ-euˬzahˇdawˬkʼoꞈdawˬdeuˬ-ahˇ, maˬcaw teh-euˬmaˬjaˆhaw-ehˇ, yawꞈneh biꞈtaˬ-euˬdawˬdeuˬ-ahˇ, maˬnaˇhaˬ-euˬmaˬjaˆhaw-aˬ.

Yeˬlaˬmiˇ 16:7

Gaˬ-eu gʼoeˇ-eu tsawˇ haˬ tiˬ gʼaˬ na shiˇ-euˬ kʼawꞈ, dzaˬ taꞈ dawˇ taꞈ-awˇ, gʼaˬ biꞈ-eu gʼaˬ maˬ jawˇ-ehˇ pyeuꞈ-iˇ tehꞈ-a. Aˬ ma aˬ da bi shiˇ-euˬ tsawˇ haˬ nehˬ-ehˇ kʼawꞈ, jawˇ cawˬ cawˬ nehˬ-eu tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.

Yeˬsaˬgeˬlaˇ 24:17

Nawˇ ngoeˇ-eu teˇ saˇ ngaˬ-ahˇ taˬ bi gaˬ laˇ. Nawˇ shaˬ zahˬ mˇ-eu bi siˬ bi mawˇ-eu gʼaˇ duˬ, uˬ jehˆ jehˆ-awˇ sehˬ nawˆ maˬ nawˬ-ehˇ taˬ cah haw. Nawˬ-euˬ myaˆ pyawˬ taˬ dehˬ kaˬ. Tsawˇ ngoeˇ ngoeˇ-eu deuˬ dzaˬ-eu dzaˇ taˬ dzaˬ.”

Hawˇseˬ 9:4

Aˬ cawˬ miˇ kʼahˬ kʼoeˇ deuˬ laꞈ kʼoeˇ, yawꞈ maꞈ-euˬ Sahˬpaˬ Miˬyehˇ-ahˇ, lawˇ-eu shehˇ-eu maˬ mˇ nya-a. Yawꞈ maꞈ dzaˬ-eu dzaˇ kʼoeˇ deuˬ-aˬ, tsawˇ shiˇ hawˬ byawˇ lawˇ gaˇ duˇ-awˇ, kʼaˇ dzaˬ kʼaˇ dawˇ-eu tsawˇ haˬ deuˬ, maˬ shawˇ-eu tsawˇ haˬ pyeuꞈ-eu meh. Aˬ yawꞈ maꞈ dzaˬ-eu dzaˇ kʼoeˇ deuˬ, uˬ maˆ bi dehˆ laˇ-eu tehꞈ meh. Sahˬpaˬ Miˬyehˇ-euˬ nymˇ laꞈ kʼoeˇ, lawˇ gaˇ shehˇ gaˇ maˬ geuꞈ nya-a.

Uˬ duˬ 21:1

Moˇseˬ-ahˇ Sahˬpaˬ Miˬyehˇ heu loꞈ-ehˇ dawˬ biꞈ nehˬ-euˬ meh. “Aˬloˬ-euˬ aˬ li piˇ ma deuˬ-ahˇ heu loꞈ-ehˇ ehˇ nehˬ-awˬ. Piˇ ma geuꞈ-eu gʼaˬ-aˬ, yawˬ ha-euˬ aˇ jeuˬ aˇ ca shiˇ ngeh, tsawˇ shiˇ-ahˇ taꞈ leˇ-eu gaˇ mˇ-eu laꞈ kʼoeˇ, yawˬ ha-euˬ gʼawˇ mawˇ maˬ muiˬ maˬ shawˇ-ehˇ pyeuꞈ-iˇ ni maˬ ya jahˇ-a.

Uˬ duˬ 21:11

Tsawˇ shiˇ baꞈ taˬ-euˬ jawˇ duˬ-ahˇ aˬ yawꞈ maˬ ya uˇ-iˇ-a. Yawˬ ha-euˬ aˬ ma aˬ da shiˇ taˬ-euˬ gaˇ kʼawꞈ, maˬ ya iˇ-a. Aˬ jeˬ miˇ neh ehˇ naˇ, kʼoeˇ loꞈ-ehˇ iˇ naˇ, yawˬ ha-euˬ gʼawˇ mawˇ maˬ muiˬ maˬ shawˇ-ehˇ bi pyeuꞈ-iˇ ni jahˇ gaˇ duˇ-eu meh.

Uˬ duˬ 7:20

Ehˇ kʼawꞈ, maˬ shawˇ-eu tsawˇ haˬ shaˬ jiˇ kʼoeˇ dzaˬ naˇ, Sahˬpaˬ Miˬyehˇ-euˬ tsawˇ haˬ lehˇ maˬ paˇ sawˇ nya meh.

Maˬlaˬkiˇ 2:13

Naw maꞈ heu loꞈ-ehˇ paˇ ya shaˬ tehꞈ-a. Naw maꞈ neh lawˇ-euˬ shehˇ-euˬ jeˬ-ahˇ Sahˬpaˬ Miˬyehˇ maˬ paˇ ha geuꞈ-eu miˇ neh, naw maꞈ ngoeˇ dui ya dui-awˇ, naw maꞈ-euˬ myaˆ biˇ Sahˬpaˬ Miˬyehˇ-euˬ lawˇ duˬ-ahˇ dahˬ pymˬ tehꞈ-a.

Dawˬmehˬ 13:5

Ehˇ kʼawꞈ, naw maꞈ aˬ cawˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ sheuˬ doˆ nehˬ laꞈ-euˬ Sahˬpaˬ Miˬyehˇ-ahˇ puiˬ kaˇ-euˇ lehˇ, naw maꞈ-ahˇ kʼaˇ ehˇ-eu yuꞈ maˆ dawˬ tsuiꞈ yuˇ doˆ-eu tsawˇ haˬ -ahˇ maˬ ehˇ, Miˬyehˇ gʼaˇ duˬ ngehˬ dah-eu tsawˇ haˬ-ahˇ maˬ ehˇ, sehꞈ-awˬ. Kʼoeˇ loꞈ-ehˇ gʼeh-eu tsawˇ haˬ-aˬ, maˬ muiˬ maˬ jaˬ-eu tsawˇ haˬ pyeuꞈ-awˇ, Sahˬpaˬ Miˬyehˇ neh naw maꞈ-ahˇ bi cah-euˬ gaˇ ma-ahˇ maˬ cah ni, naw maꞈ-ahˇ sheuˬ doˆ gʼeh-eu lehˇ leh jeh-eu meh. Maˬ muiˬ maˬ jaˬ-eu jeˬ laꞈ kʼoeˇ naw maꞈ ya buˬ-iˇ ni, kʼoeˇ loꞈ-ehˇ gʼeh-eu tsawˇ haˬ-ahˇ sehꞈ dzeh-awˬ.

Dawˬmehˬ 16:11

Nawˬ-euˬ zaˬ deuˬ, nawˬ-euˬ zaˬ kʼaˆ deuˬ, naw maꞈ-euˬ meuˬ deuˬ-ahˇ jawˇ luꞈ-eu Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ nehˬ-ehˇ, uˬ duˬ tahˬ-eu jawˇ duˬ-ahˇ Sahˬpaˬ Miˬyehˇ-euˬ mehˬ shi laˬ kʼaˬ cehˇ-awˬ.

Dawˬmehˬ 26:13

Sahˬpaˬ Miˬyehˇ-ahˇ heu loꞈ-ehˇ ehˇ nehˬ-awˬ. ‘Nawˇ ngaˬ-ahˇ dawˬ biꞈ taˬ-euˬ loꞈ-ehˇ, muiˬ-eu shawˇ-eu tseˇ bymˇ tiˬ bymˇ ngaˬ-euˬ nymˇ-ahˇ tiˬ pawꞈ-iˬ maˬ bi dzeˇ yaꞈ ni, Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ-ahˇ ngaˇ biꞈ-eu ma. Tseˇ bymˇ tiˬ bymˇ-ahˇ taꞈ leˇ-awˇ, nawˬ neh biꞈ taˬ-euˬ zahˇ dawˬ kʼoꞈ dawˬ tiˬ dawˬ-iˬ maˬ byehˇ ni mˇ luꞈ ma.

Dawˬmehˬ 26:15

Mˬ kʼoeˇ taˆ nawˬ-euˬ muiˬ-eu shawˇ-eu jawˇ duˬ-ahˇ neh haw ka gʼeh leꞈ-awˇ, nawˬ-euˬ Iˇsaˬleˬlaˆ tsawˇ jeuˬ-ahˇ guiˬ lahˬ biꞈ laꞈ-awˬ. Nga maꞈ-euˬ aˬ poeˬ aˬ bawˇ deuˬ-ahˇ nawˬ neh saˇ jaˇ dzaˬ taˬ-euˬ jaˆ-eu loꞈ-ehˇ, nawˬ neh nga maꞈ-ahˇ biꞈ laꞈ-euˬ miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ heu kʼahˬ laꞈ kʼoeˇ, nga maꞈ-ahˇ guiˬ lahˬ biꞈ laꞈ-awˬ’ lehˇ nawˇ ya ehˇ meh.