Dawˬmehˬ 25:9 - Akha

⁹ meuˬ kʼoeˇ taˆ aˬ yuiꞈ aˬ tsu geuꞈ-eu deuˬ mehˬ shi, aˬ tsu gʼaˬ aˬ yawꞈ dawˬ peh le-awˇ, aˬ yawꞈ-euˬ sehˬ nawˆ tiˬ pyawˬ gʼeu lehˆ nehˬ-awˇ, myaˆ pyawˬ-ahˇ duˬ kʼaˬ kʼa shehˬ nehˬ-awˇ, ‘Yawˬ ha-euˬ mehˇ nmˇ-euˬ aˇ jeuˬ aˇ ca maˬ ya byoˆ-iˇ ni maˬ mˇ mawꞈ-eu gʼaˬ-ahˇ heu loꞈ-ehˇ jahˇ nehˬ nyaˇ’ lehˇ ya ehˇ meh.

Dawˬmehˬ 25:9 ပူးပေါင်းရင်းမြစ်များ

Yawˇbaˆ 30:10

Aˬ yawꞈ maꞈ ngaˬ-ahˇ nui daˆ daˆ-eu meh. Aˬ yawꞈ maꞈ ngaˇ naˆ maˬ tseˇ muiˬ dzehˬ ma lehˇ noeˬ-awˇ, ngaˬ-euˬ myaˆ pyawˬ-ahˇ duˬ kʼaˬ kʼa shehˬ laˇ-eu meh.

Iˇsaˬyaˇ 20:2

Kʼoeˇ-euˬ mehˬ hu smˇ kʼoꞈ huˬ-ehˇ, “Nawˇ nawˬ luꞈ-eu sehˬ nawˆ hawˇ-eu, nawˇ dm luꞈ-eu guˬ daˇ pehˇ zeuˇ mehˬ tsoeˬ lehˆ dzeh-awˬ” lehˇ, Aˬmoˆ-euˬ aˬ li Iˇsaˬyaˇ-ahˇ Sahˬpaˬ Miˬyehˇ ehˇ nehˬ-euˬ meh. Kʼoeˇ ngeh, Iˇsaˬyaˇ mehˬ tsoeˬ maˬ dm, sehˬ nawˆ maˬ nawˬ ni, smˇ kʼoꞈ cah-euˬ meh.

Iˇsaˬyaˇ 50:6

Ngaˬ-ahˇ diˬ-eu deuˬ-ahˇ ngaˇ dahˇ teˇ ciˬ daˬ nehˬ-euˬ ma. Aˬ yawꞈ maꞈ ngaˬ-euˬ mehˬ mahˬ tseuˆ doˆ niˇ gʼa ngeh, ngaˬ-euˬ baˬ ba maˬ gʼawˇ pyawˇ-aˬ. Aˬ yawꞈ maꞈ cehꞈ lehꞈ ka-awˇ duˬ kʼaˬ kʼa daˆ nehˬ laꞈ ngeh, ngaˬ-euˬ myaˆ pyawˬ maˬ ciˬ zaꞈ-aˬ.

Bawˇtsahˬ 12:14

Sahˬpaˬ Miˬyehˇ ehˇ-eu, “Aˬ yawꞈ-euˬ aˬ da neh aˬ yawꞈ-euˬ myaˆ pyawˬ-ahˇ duˬ kʼaˬ kʼa daˆ nehˬ law nmˇ-aˬ, shiꞈ nah keuˆ ni aˬ yawꞈ ya shaꞈ dawˇ-eu maˬ ngeuˇ-a loˇ. Shiꞈ nah keuˆ ni aˬ yawꞈ-ahˇ pu laꞈ nyiˇ paw teh dzeh-awˇ, shiꞈ nah byah laˆ naˇ paˇ bi gʼoꞈ laˇ nya tehꞈ-a.”

Maꞈtehˬ 26:67

Kʼoeˇ naˇ, aˬ yawꞈ maꞈ aˬ yawꞈ-euˬ myaˆ pyawˬ-ahˇ duˬ kʼaˬ kʼa daˆ-awˇ diˬ-euˬ meh. Tiˬ paˆ na deuˬ aˬ yawꞈ-euˬ baˬ ba-ahˇ tehˆ-awˇ heu loꞈ-ehˇ naˬ gʼa nehˬ-euˬ meh.

Maꞈtehˬ 27:30

Aˬ yawꞈ maꞈ aˬ yawꞈ-ahˇ duˬ kʼaˬ kʼa daˆ-awˇ, aˇ toꞈ aˇ kahˬ kʼoeˇ kahˬ neh uˬ duˬ-ahˇ diˬ-euˬ meh.

Maˬkuˆ 1:7

Aˬ yawꞈ dawˬ mehˬ mehˬ-awˇ ehˇ-eu, “Ngaˬ-euˬ mehˬ nah oe luꞈ-eu gʼaˬ-aˬ, ngaˇ naˆ maˬ tseˇ baoˬ huiˬ-eu meh. Ngaˇ-aˬ, aˬ yawꞈ-euˬ sehˬ nawˆ aˇ caˆ-ahˇ awˆ kʼoꞈ-awˇ puiˇ nehˬ-eu tehꞈ-ehˇ kʼawꞈ maˬ geuˇ nya.

Maˬkuˆ 10:34

Aˬ cawˬ tsawˇ jeuˬ neh aˬ yawꞈ-ahˇ yehˬ bawˬ sehˇ lu-ehˇ bi ehˇ niˇ gʼa-awˇ, duˬ kʼaˬ bi kʼa daˆ-awˇ, yahˬ caˆ neh bi juiꞈ-awˇ, bi sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Yoˇhaˬ 1:27

Aˬ yawꞈ ngaˬ-euˬ mehˬ nah oe luꞈ meh. Ngaˇ-aˬ, aˬ yawꞈ-euˬ sehˬ nawˆ aˇ caˆ puiˇ nehˬ-eu tehꞈ-ehˇ kʼawꞈ maˬ geuˇ nya.”

Dawˬmehˬ 25:10

Aˬ yawꞈ-euˬ aˇ jeuˬ kʼawꞈ, Iˇsaˬleˬlaˆ tsawˇ jeuˬ laꞈ kʼoeˇ sehˬ nawˆ bi gʼeu lehˆ-euˬ aˇ jeuˬ lehˇ tsawˇ myahˇ doˆ tehꞈ-a.

Dawˬmehˬ 25:8

Kʼoeˇ naˇ, meuˬ kʼoeˇ taˆ aˬ yuiꞈ aˬ tsu geuꞈ-eu deuˬ aˬ yawꞈ-ahˇ ya naˇ haˬ meh. Aˬ yawꞈ-euˬ aˬ tsu-ahˇ aˬ yawꞈ maˬ sheuˬ lehˇ ehˇ naˇ,

Luˇta 4:6

Kʼoeˇ ngeh, tsawˇ haˬ kʼoeˇ gʼaˬ ehˇ-eu, “Toˆ-ehˇ maˇ diˇ ngeuˇ naˇ kʼawꞈ, ngaˇ ya geuꞈ paˬ-ehˇ tsaˬ-eu deh yaˇ kʼoeˇ kawˬ ngaˇ maˬ paˇ zeuˇ ma. Aˬ jeˬ miˇ neh ehˇ naˇ, deh yaˇ kʼoeˇ kawˬ ngaˇ paˇ zeuˇ law hawˇ kʼawꞈ, ngaˬ-eu zaˬ ngaˬ-euˬ uˆ deuˬ maˬ paˇ ya geuꞈ-eu nga. Teu miˇ neh, nawˇ zeuˇ-awˬ. Ngaˇ maˬ paˇ zeuˇ ma.”

1 Saˬmeuˬlaˆ 2:30

Ngaˇ-aˬ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ma. Nawˬ-euˬ nymˇ jiˇ hawˇ-eu nawˬ-euˬ aˇ jeuˬ-ahˇ, aˬ myah luꞈ ngaˬ-euˬ gaˇ mˇ-eu piˇ ma deuˬ bi geuꞈ ma lehˇ, dzeuˇ laˇ ngeh ngaˇ saˇ jaˇ dzaˬ taˬ-euˬ ma. Ehˇ kʼawꞈ, nymˬ-mˇ kʼoeˇ loꞈ-ehˇ maˬ paˇ geuꞈ nya meh lehˇ ngaˇ ehˇ-eu ma. Ngaˬ-ahˇ taˬ huiˬ-eu tsawˇ haˬ-ahˇ ngaˇ taˬ huiˬ nehˬ-awˇ, ngaˬ-ahˇ yaw zeu maˬ baw-eu tsawˇ haˬ-ahˇ ngaˇ yaw zeu maˬ baw.