Dawˬmehˬ 25:5 - Akha

⁵ “Mehˇ nmˇ nyiˬ gʼaˬ tiˬ nymˇ dahˬ laꞈ kʼoeˇ jawˇ-awˇ, tiˬ gʼaˬ shiˇ-euˬ ehˇ-awˬ. Shiˇ-euˬ gʼaˬ aˬ li maˬ jawˇ naˇ, aˬ yawꞈ-euˬ miˬ zaˬ pyeuꞈ-eu miˬ coeˬ miˬ ma kʼoeˇ gʼaˬ, aˬ yawꞈ pehˬ-ahˇ aˬ yuiꞈ aˬ nyiˇ maˬ taꞈ-eu tsawˇ haˬ-ahˇ maˬ ya mˇ dzaˬ-iˇ-a. Shiˇ-euˬ gʼaˬ-euˬ mehˇ nmˇ gʼaˬ, zaˬ miˬ zaˬ kʼoeˇ gʼaˬ-ahˇ ya sheuˬ meh.

Dawˬmehˬ 25:5 ပူးပေါင်းရင်းမြစ်များ

Aˇ dahˬ 19:31

Kʼoeˇ ngeh, aˬ buˇ aˬ yuiꞈ gʼaˬ aˬ buˇ aˬ nyiˇ gʼaˬ-ahˇ ehˇ nehˬ-eu, “Aˬ da mawˬ laˇ shaw-euˬ ngaˇ. Aˇ nyaꞈ zaˬ jawˇ le nya ni aˇ nyaꞈ-ahˇ sheuˬ dahˬ dzaˬ-eu gʼaˇ duˬ, miˇ tsaˬ kʼoeˇ taˆ kʼaˬ dzeˇ zaˬ tiˬ gʼaˬ-iˬ maˬ paˇ jawˇ meh.

Maꞈtehˬ 22:24

“Saˬ laˬ-oˇ, Moˇseˬ neh ehˇ taˬ-euˬ heu loꞈ-ehˇ jaˆ-eu meh. ‘Tsawˇ haˬ tiˬ gʼaˬ zaˬ maˬ jawˇ le mi naˆ-ehˇ shiˇ naˇ, aˬ yawꞈ-euˬ tsuiꞈ maˬ ya bi dahˬ-iˇ-eu gʼaˇ duˬ, aˬ yawꞈ-euˬ miˬ zaˬ-ahˇ aˬ yawꞈ-euˬ aˬ nyiˇ paˇ ya bi sheuˬ meh’ lehˇ ehˇ taˬ-euˬ meh.

Maˬkuˆ 12:19

“Saˬ laˬ-oˇ, Moˇseˬ neh nga maꞈ gʼaˇ duˬ boꞈ taˬ yaꞈ-euˬ zahˇ dawˬ kʼoꞈ dawˬ heu loꞈ-ehˇ jaˆ-eu meh. ‘Tsawˇ haˬ tiˬ gʼaˬ miˬ zaˬ sheuˬ-awˇ, zaˬ maˬ jawˇ le mi naˆ-ehˇ shiˇ naˇ, aˬ yawꞈ-euˬ tsuiꞈ maˬ ya bi dahˬ-iˇ ni zaˬ bi jawˇ le-eu gʼaˇ duˬ, aˬ yawꞈ-euˬ miˬ zaˬ-ahˇ aˬ yawꞈ-euˬ aˬ nyiˇ paˇ ya bi sheuˬ meh’ lehˇ boꞈ taˬ-euˬ meh.

Luˇkaꞈ 20:28

heu loꞈ-ehˇ naˇ haˬ-euˬ meh. “Saˬ laˬ-oˇ, Moˇseˬ neh nga maꞈ gʼaˇ duˬ boꞈ taˬ yaꞈ-euˬ zahˇ dawˬ kʼoꞈ dawˬ heu loꞈ-ehˇ jaˆ-eu meh. ‘Tsawˇ haˬ tiˬ gʼaˬ miˬ zaˬ sheuˬ-awˇ, zaˬ maˬ jawˇ le mi naˆ-ehˇ shiˇ naˇ, aˬ yawꞈ-euˬ tsuiꞈ maˬ ya bi dahˬ-iˇ ni zaˬ bi jawˇ le-eu gʼaˇ duˬ, aˬ yawꞈ-euˬ miˬ zaˬ-ahˇ aˬ yawꞈ-euˬ aˬ nyiˇ paˇ ya bi sheuˬ meh.’

Luˇta 1:11

Ehˇ kʼawꞈ, aˬ yawꞈ nyaꞈ-ahˇ Nawˇmi ehˇ nehˬ-eu, “Ngaˬ-euˬ aˬ tsu deuˬ-oˇ, naw nyaꞈ gʼoꞈ-iˇ-eu tsaˬ tehꞈ-a. Aˬ jeˬ miˇ neh ngaˬ-euˬ mehˬ nah caw teh laˇ mawꞈ-eu nya. Naw nyaꞈ-ahˇ bi sheuˬ-eu aˬ li paˇ jawˇ laˇ nya ni, ngaˇ zaˬ ciˬ zaˬ cu mˇ-eu aˇ yamˬ maˬ paˇ ngeuˇ ma.

Luˇta 3:13

Nymˇ ciꞈ heu gaˇ jawˇ tawˬ-awˬ. Tsawˇ haˬ kʼoeˇ gʼaˬ nawˬ-ahˇ haw piˇ nehˬ mawꞈ nga loˇ lehˇ ni shawˬ uˬ shawˬ ngaˇ naˇ haˬ-iˇ ma. Nawˬ-ahˇ aˬ yawꞈ haw piˇ nehˬ mawꞈ lawˬ naˇ, muiˬ dzehˬ tehꞈ-a. Ehˇ kʼawꞈ, aˬ yawꞈ nawˬ-ahˇ maˬ haw piˇ nehˬ mawꞈ naˇ, ngaˇ nawˬ-ahˇ aˬ diˇ aˬ maˇ haw piˇ nehˬ ma lehˇ, dehꞈ luꞈ-eu Miˬyehˇ mehˬ shi, ngaˇ nawˬ-ahˇ saˇ jaˇ dzaˬ-eu ma. Uˬ shawˬ paw keuˆ ni heu gaˇ yuꞈ tawˬ-awˬ.”

Luˇta 3:2

Nawˬ neh zaˬ miˬ zaˬ deuˬ-euˬ mehˬ nah caw caw-ehˇ cehˇ nmˇ gʼoˆ-iˇ-euˬ deh yaˇ kʼoeˇ kawˬ-euˬ yaw sahˇ pyeuꞈ-eu Bawˇza-aˬ, aˬ dui pehˬ-euˬ aˬ yuiꞈ aˬ nyiˇ tsaˬ-eu nawˇ kʼawꞈ siˬ nya meh. Ngaˇ ehˇ gaˇ naˇ haˬ sheˇ.

Luˇta 3:9

“Aˬ suˇ gʼaˬ te” lehˇ naˇ haˬ-euˬ meh. Luˇta ehˇ-eu, “Ngaˇ-aˬ, iˇ shaˬ zaˬ Luˇta ma. Nawˇ-aˬ, ngaˬ-ahˇ haw piˇ-eu tsaˬ-eu ngaˬ-euˬ aˬ yuiꞈ aˬ nyiˇ meh. Teu miˇ neh, gʼawˬ shaˬ gaˬ-awˇ, ngaˬ-ahˇ sheuˬ nehˬ laꞈ-awˬ.”

Luˇta 4:5

Bawˇza ehˇ-eu, “Muiˬ tehꞈ-a. Nawˇmi-euˬ deh yaˇ nawˇ zeuˇ ma lehˇ ngeuˇ naˇ, shiˇ dzeuˇ-euˬ gʼaˬ-euˬ nymˇ dahˬ hawˇ-eu, aˬ yawꞈ-euˬ zaˬ deuˬ uˆ deuˬ-euˬ aˬ laꞈ laꞈ kʼoeˇ neh, deh yaˇ kʼoeˇ kawˬ maˬ ya bi doˆ-iˇ ni, Mawˇbaˆ tsawˇ haˬ miˬ coeˬ miˬ ma Luˇta jiˇ, nawˬ-eu miˬ zaˬ ya bi geuꞈ tehꞈ-a.”