Dawˬmehˬ 25:1 - Akha

¹ “Iˇsaˬleˬlaˆ tsawˇ haˬ nyiˬ gʼaˬ yaw kaˬ dawˬ ja doˆ laˇ-euˬ miˇ neh, yaˇ kʼaˬ daˇ duˬ-ahˇ le-awˇ bi laˆ tsaˬ leˇ ngeh, tiˬ gʼaˬ-aˬ iˬ baˇ ahˇ-awˇ, yawˬ gʼaˬ yawˬ iˬ baˇ maˬ ahˇ-a lehˇ bi daˇ tsehˆ-euˬ ehˇ-awˬ.

Dawˬmehˬ 25:1 ပူးပေါင်းရင်းမြစ်များ

2 Saˬmeuˬlaˆ 23:3

Iˇsaˬleˬlaˆ tsawˇ jeuˬ gʼaˇ duˬ, lo guˇ pyeuꞈ-eu Miˬyehˇ ehˇ-eu, “Miˬyehˇ-ahˇ guˆ-eu jeˬ ahˇ-awˇ, dawˇ coe ni uˆ lahˇ-eu tsawˇ haˬ,

1 Sahˬpaˬ 8:32

Sahˬpaˬ Miˬyehˇ nawˇ mˬ kʼoeˇ taˆ jawˇ-awˇ naˇ haˬ-eu laꞈ kʼoeˇ, nawˬ-euˬ zaˬ kʼaˆ deuˬ-ahˇ yaˇ kʼaˬ daˇ nehˬ-awˬ. Lehˬ-eu gʼaˬ lehˬ-eu bymˇ bi tawˆ-awˇ, tsaˬ-eu gʼaˬ tsaˬ-eu bymˇ bi tawˆ-awˬ.

Doˆ-iˇ 22:9

“Mawˇ neˇ, mahˬ tahˬ laˆ, yawˇ, dm gʼaˬ dm lmˇ hawˇ-eu, nui jeˬ aˬ geu jeˬ maˬ kaˬ, byoˆ-iˇ-euˬ paˇ mawˇ kʼoꞈ ngeh, tsawˇ haˬ nyiˬ gʼaˬ yaw kaˬ yaw sahˇ tawˬ-awˇ tsawˇ pyehˇ pyehˇ-eu laꞈ kʼoeˇ, dawˬ ja doˆ laˇ naˇ, uˬ duˬ tahˬ-eu jawˇ duˬ-ahˇ aˬ yawꞈ nyaꞈ-ahˇ ya sheuˬ gʼeh-eu meh. Iˬ baˇ ahˇ-eu meh lehˇ Miˬyehˇ neh laꞈ noeˇ bi toeˬ-euˬ gʼaˬ-aˬ, yawˬ gʼaˬ yawˬ-ahˇ nyiˬ bymˇ paˇ ya tsoeˬ kʼoꞈ nehˬ meh.

Dawqdaq 17:15

Yaw lehˬ deuˬ-ahˇ laˆ law nehˬ-eu jeˬ hawˇ-eu, yaw tsaˬ yaw dawˇ deuˬ-ahˇ yaw lehˬ no-eu jeˬ, nyiˬ jeˬ luꞈ-ahˇ Sahˬpaˬ Miˬyehˇ maˬ haw nahˇ-a.

Iˇsaˬyaˇ 1:17

Yaw muiˬ jeˬ mˇ-eu dzaw-awˬ. Yaw tsaˬ yaw dawˇ jeˬ-ahˇ poˆ-awˬ. Nawˬ dzaˬ kʼaˆ dzaˬ-eu jeˬ laˆ byoˆ-awˬ. Aˬ da maˬ baw-eu deuˬ-ahˇ haw piˇ-awˬ. Miˬ coeˬ miˬ ma-ahˇ gʼawˬ shaˬ gaˬ-awˬ.”

Iˇsaˬyaˇ 1:23

Nawˬ-euˬ sahˬ paˬ sahˬ ma deuˬ tahˇ joe pyeuꞈ-awˇ, smˇ kʼoeˬ-ahˇ mehˬ bawˬ gm-eu meh. Yawˬ gʼaˬ na luꞈ laꞈ nmꞈ nmꞈ nehˬ gaˇ gaˬ-awˇ, laꞈ sawˬ biꞈ gaˇ caw teh-eu meh. Aˬ da maˬ baw-eu zaˬ deuˬ gaˇ kawˆ doˆ laˇ ngeh, aˬ yawꞈ maꞈ gʼawˬ shaˬ gaˬ-awˇ yaˇ kʼaˬ maˬ daˇ-a. Miˬ coeˬ miˬ ma deuˬ laꞈ jeuˬ shaˇ leˇ ngeh, aˬ yawꞈ maꞈ myaˆ haw maˬ cawˬ-a.

Iˇsaˬyaˇ 11:4

Iˇ shaˬ zaˬ-ahˇ yaw tsaˬ yaw dawˇ jeˬ bi mawˇ-awˇ, zaˬ coeˬ zaˬ-ahˇ di dehˬ ni haw tehꞈ-a. Aˬ yawꞈ kʼaˬ meh dawˬ ngehˬ dawˬ tmˇ, miˇ tsaˬ zaˬ-ahˇ daˇ cuiˇ sheu juiꞈ nya-awˇ, aˬ yawꞈ mehˬ luˬ-ahˇ gʼawˇ-eu saꞈ, yaw haiˬ deuˬ-ahˇ sehꞈ dzeh tehꞈ-a.

Iˇsaˬyaˇ 5:20

Yaw doeˇ-ahˇ yaw muiˬ no-awˇ, yaw muiˬ-ahˇ yaw doeˇ no-eu deuˬ, yaw zahˇ-ahˇ yaw shehꞈ ciˬ paˇ-awˇ, yaw shehꞈ-ahˇ yaw zahˇ ciˬ paˇ-eu deuˬ, yaw kʼaˬ-ahˇ laˆ coeˇ-awˇ, yaw coeˇ-ahˇ laˆ kʼaˬ-eu deuˬ, ya noeˬ shaˬ dui dui tehꞈ-a.

Iˇsaˬyaˇ 5:23

Aˬ yawꞈ maꞈ laꞈ nmꞈ nmꞈ gaˇ noeˬ muiˬ-awˇ, yaw lehˬ yaw ca gʼaˬ-ahˇ pyehˬ-awˇ, maˬ lehˬ maˬ ca gaˇ tiꞈ-eu meh.

Yeˬlaˬmiˇ 21:12

Daˬbiˇ-euˬ nymˇ-oˇ, Sahˬpaˬ Miˬyehˇ heu loꞈ-ehˇ ehˇ-eu meh. “Yawˬ shawˬ na luꞈ yaw dawˇ dawˇ-ehˇ yaˇ kʼaˬ daˇ-awˬ. Aˬ cawˬ smˇ kʼaˆ bi kʼaˆ dzaˬ-euˬ deuˬ-ahˇ, smˇ kʼaˆ deuˬ-euˬ laꞈ-ahˇ neh ka kʼoꞈ doˆ nehˬ-awˬ. Naw maꞈ kʼoeˇ loꞈ-ehˇ maˬ jahˇ naˇ, naw maꞈ mˇ-euˬ yaw haiˬ jeˬ baˬ da neh, ngaˬ-euˬ nui pehˇ miˬ dzaˬ doꞈ doˆ laˇ-awˇ, tsawˇ haˬ zaˬ maˬ laˆ miˆ nya-eu miˬ dzaˬ doꞈ laˇ tehꞈ-a.

Ngoeˇ dawˬ 3:35

tsawˇ haˬ yawˬ gʼaˬ na-ahˇ oꞈ-eu, aˬ yawꞈ biꞈ-euˬ yaw tsaˬ yaw dawˇ, maˬ biꞈ ni zuiˆ gʼaˬ-eu tiˬ jeˬ,

Ngoeˇ dawˬ 3:36

saˇ naˇ-ahˇ yaˇ kʼaˬ daˇ nehˬ ngeh, maˬ ngeuˇ gaˇ keuˆ jahˇ-eu tiˬ jeˬ, Sahˬpaˬ Miˬyehˇ maˬ haw nahˇ-a.

Yeˬsaˬgeˬlaˇ 44:24

Dawˬ ja kʼaˇ laˆ doˆ ngeh, ngaˬ-euˬ zahˇ dawˬ kʼoꞈ dawˬ-ahˇ tsaˬ ni piˇ ma deuˬ yaˇ kʼaˬ ya daˇ nehˬ meh. Ngaˬ-euˬ zahˇ sahˇ kʼoꞈ-ahˇ tsaˬ ni, uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ deuˬ aˬ yawꞈ maꞈ ya gʼeh-awˇ, jawˇ nah ngeh nah muiˬ-eu shawˇ-eu aˇ nah pyeuꞈ ni aˬ yawꞈ maꞈ ya jeˬ hmˬ meh.

Haˬbaˬkuˆ 1:13

Nawˬ-euˬ myaˆ nuiˆ shawˇ dui dui-awˇ, yaw lehˬ mˇ gaˇ maˬ haw nahˇ kʼawꞈ, haiˬ-eu deuˬ yaw doeˇ mˇ dehˆ-awˇ, tsawˇ muiˬ deuˬ bi myoꞈ ahˇ jiˇ gaˇ, aˬ jeˬ gʼeh haw haw-ehˇ jawˇ te.

Haˬbaˬkuˆ 1:4

Zahˇ sahˇ kʼoꞈ deuˬ peuˬ-iˇ jiˇ-awˇ, yaw tsaˬ yaw dawˇ maˬ paˇ ziꞈ meh. Yaw muiˬ-ahˇ yaw haiˬ jawˬ lahˇ-awˇ, yaw tsaˬ yaw dawˇ buꞈ-iˇ-euˬ meh.

Maˬlaˬkiˇ 3:18

Yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ aˬ joˆ-ehˇ beu gaˇ-eu gaˇ kawˆ hawˇ-eu, ngaˬ-euˬ ehˇ dawˬ naˇ haˬ-eu tsawˇ haˬ hawˇ-eu maˬ naˇ haˬ-eu tsawˇ haˬ aˬ joˆ-ehˇ paˆ gaˇ-eu gaˇ kawˆ, ngaˬ-euˬ tsawˇ haˬ deuˬ tiˬ poˆ paˇ ya mawˇ duˬ tehꞈ-a.”

Maꞈtehˬ 3:10

Aˇ bawˇ duˬ ciˇ-ahˇ tuˆ ni tuˇ coˬ-eu gʼaˇ duˬ, deuˆ haˬ lehˬ hmˬ taˬ-euˬ meh. Aˇ siˬ yaw muiˬ paˬ-ehˇ maˬ siˬ le-eu aˇ bawˇ deuˬ bi tuˇ dzeh-awˇ, miˬ dzaˬ-ahˇ bi baꞈ puiˆ tehꞈ-a.

Dawˬmehˬ 17:11

Aˬ yawꞈ maꞈ neh daˇ tsehˆ nehˬ laꞈ-euˬ gaˇ juˬ-awˇ, aˬ yawꞈ maꞈ neh kʼaˇ mehˬ kʼaˇ tsoˆ laꞈ-euˬ loꞈ-ehˇ, tiˬ dawˬ-iˬ maˬ bi lehˬ-iˇ ni caw teh-awˬ.

Dawˬmehˬ 24:22

Iˇjiˇtuˆ miˇ kʼahˬ laꞈ kʼoeˇ, nawˇ aˬ cawˬ zaˬ kʼaˆ ya geuꞈ yaꞈ-euˬ gaˇ tiˬ jawˇ-iˬ taˬ ngehˇ. Kʼoeˇ miˇ neh, ngaˇ nawˬ-ahˇ heu loꞈ-ehˇ dawˬ biꞈ-eu jeˬ pyeuꞈ-eu ma.