Dawˬmehˬ 24:9 - Akha

⁹ Iˇjiˇtuˆ miˇ kʼahˬ laꞈ kʼoeˇ neh nawˇ doˆ le ngeh, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh Miˇliˬyaˬ-ahˇ aˬ joˆ-ehˇ jahˇ nehˬ-euˬ gaˇ kawˆ-ahˇ nawˇ noeˬ keuˆ-awˬ.

Dawˬmehˬ 24:9 ပူးပေါင်းရင်းမြစ်များ

2 Sahˬpaˬ 7:3

Nyawˬ naˇ-eu tsawˇ haˬ oeˬ gʼaˬ, Saˬmaˬliˆ meuˬ-euˬ lahˇ kʼehˬ laꞈ nyiˇ paw jawˇ luꞈ-eu meh. Aˬ yawꞈ maꞈ tiˬ gʼaˬ tiˇ gʼaˬ ehˇ-eu, “Aˬ dui ya mehꞈ sehꞈ jiˇ ngeh keuˆ ni, aˬ jeˬ miˇ neh heu gaˇ dzuˇ dzuˇ-ehˇ jawˇ nmˇ.

Bawˇtsahˬ 5:2

“Shaˬ jiˇ baˆ kʼoˆ-ahˇ nyawˬ leˇ nya-eu maˇ naˇ naˇ-eu tsawˇ haˬ maˬ ehˇ, gʼawˇ mawˇ-ahˇ maˇ uiˇ doˆ-eu tsawˇ haˬ maˬ ehˇ, shiˇ taˬ-euˬ jeˬ-ahˇ toeˬ ciˆ-euˬ miˇ neh maˬ shawˇ-eu tsawˇ haˬ deuˬ maˬ ehˇ, pu laꞈ nyiˇ paw teh dzeh nehˬ-awˬ lehˇ Iˇsaˬleˬlaˆ tsawˇ haˬ deuˬ-ahˇ dawˬ biꞈ nehˬ-awˬ.

Luˇkaꞈ 17:32

Lawˇtaˬ-euˬ miˬ zaˬ-euˬ gaˇ kawˆ noeˬ mawˇ-awˬ.

1 Gawˇliˬtu 10:11

Gaˇ kawˆ kʼoeˇ deuˬ aˬ yawꞈ maꞈ kʼoeˇ taˆ keuˆ le-euˬ kʼoeˇ-aˬ, aˬ cawˬ bi dzaw geuꞈ-eu gʼaˇ duˬ pyeuꞈ-awˇ, aˬ dui kʼawꞈ dzaw geuꞈ-awˇ bi yahˇ-eu gʼaˇ duˬ boꞈ ka leꞈ-euˬ meh. Aˬ jeˬ miˇ neh ehˇ naˇ, aˬ duiˬ-euˬ ziˇ heu ziˇ-ahˇ miˇ tsaˬ heu aˇ saˬ saˬ-eu aˇ yamˬ peh le taˬ-euˬ meh.

1 Gawˇliˬtu 10:6

Heu-aˬ, aˬ yawꞈ maꞈ loꞈ-ehˇ yaw haiˬ jeˬ-ahˇ aˬ dui maˬ mˇ-ehˇ yahˇ nya laˇ ni dzaw geuꞈ duˬ pyeuꞈ-eu meh.