Dawˬmehˬ 24:5 - Akha

⁵ “Miˬ zaˬ sheuˬ-euˬ tiˬ dehˬ pyeuꞈ-eu tsawˇ haˬ-ahˇ, guiˇ deuˆ-eu paw taꞈ leˇ-eu gaˇ maˬ ehˇ, miˇ kʼahˬ-ahˇ taꞈ leˇ-eu gaˇ maˬ ehˇ, maˬ ya bi mˇ-a. Aˬ yawꞈ-euˬ miˬ zaˬ nehˬ-ehˇ laˬ kʼaˬ tiˬ cehˇ bi dehꞈ taꞈ-eu gʼaˇ duˬ, tiˬ kʼoꞈ byah ni, aˬ yawꞈ-ahˇ gaˇ tiˬ hmˬ-iˬ maˬ ya bi doˇ leˇ-a.

Dawˬmehˬ 24:5 ပူးပေါင်းရင်းမြစ်များ

Aˇ dahˬ 2:24

Kʼoeˇ miˇ neh, kʼaˬ dzeˇ zaˬ-aˬ, yawˬ ha-euˬ aˬ ma aˬ da-ahˇ ya gʼawˬ-iˇ-awˇ, yawˬ ha-euˬ miˬ zaˬ nehˬ-ehˇ taꞈ leˇ-eu laꞈ kʼoeˇ, nyiˬ gʼaˬ-euˬ tiˬ shiˬ tiˬ shaˬ tehꞈ-ehˇ ya pyeuꞈ laˇ-eu meh.

Dawqdaq 5:18

Nawˬ-euˬ miˬ zaˬ-ahˇ nui kʼahˇ shiˇ-awˇ, nawˬ neh sheuˬ dahˬ dzaˬ-euˬ gʼaˬ nehˬ-ehˇ byawˬ gʼa-awˬ.

Dawˬ tsoˆ 9:9

Nahˇ ma heu siˬ uˬ moˆ Miˬyehˇ neh nawˬ-ahˇ bi dehꞈ bi jawˇ laꞈ-euˬ tiˬ jeˬ-iˬ gaˇ dahˇ maˬ tsoeˬ-eu aˇ nah aˇ yamˬ heu laꞈ kʼoeˇ, nawˇ gaˬ-eu nawˬ-euˬ miˬ zaˬ nehˬ-ehˇ byawˬ gʼa-awˬ. Shaˬ zahˬ naꞈ-awˇ gaˇ dahˇ maˬ tsoeˬ-eu aˇ nah yawˬ nah na luꞈ laꞈ kʼoeˇ, nawˬ-ahˇ oꞈ-eu jiˇ jeuˬ kʼoeˇ tehꞈ meh.

Luˇkaꞈ 14:20

Tiˬ gʼaˬ paˇ ehˇ-eu, ‘Ngaˇ miˬ zaˬ sheuˬ gʼaˬ-euˬ tiˬ dehˬ pyeuꞈ-eu miˇ neh maˬ laˇ nya nga.’

1 Gawˇliˬtu 7:29

Aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ mawꞈ-eu-aˬ, heu loꞈ-ehˇ ma. Aˇ saˬ saˬ-eu aˇ yamˬ keuˆ le-eu gʼawˬ myahˇ ni maˬ paˇ ca meh. Iˬ nah taꞈ naˇ, miˬ zaˬ baw-eu tsawˇ haˬ deuˬ kʼawꞈ, miˬ zaˬ maˬ baw-eu tsawˇ haˬ deuˬ loꞈ-ehˇ jawˇ-awˬ.

Dawˬmehˬ 20:7

Oeˇ mˇ baˇ-eu gʼaˇ duˬ ngehˬ cawˬ tsehˆ taˬ-euˬ tsawˇ haˬ keuˬ te loˇ. Keuˬ naˇ, gʼoꞈ-iˇ-awˬ. Guiˇ deuˆ-eu laꞈ kʼoeˇ aˬ yawꞈ ya shiˇ lawˬ naˇ, aˬ yawꞈ sheuˬ-eu lehˇ gʼeh-eu zaˬ miˬ aˬ buˇ-ahˇ aˬ cawˬ neh bi sheuˬ gaˇ keuˆ tehꞈ-a’ lehˇ ya ehˇ meh.

Dawˬmehˬ 24:6

“Tsawˇ haˬ tiˬ gʼaˬ na-ahˇ, nawˇ tiˬ jeˬ paˬ biꞈ paˇ nehˬ ngeh, aˬ yawꞈ lehˬ dzaˬ luꞈ-eu lo lehˬ nawˬ-ahˇ maˬ ya bi biꞈ daˇ-a. Kʼoeˇ loꞈ-ehˇ jahˇ naˇ, aˬ yawꞈ pehˬ zaˬ yaw dehꞈ ya dehꞈ-eu gʼaˇ duˬ, dzaˬ-eu dawˇ-eu laˆ saˆ-eu keu ka nawˇ yuˇ-euˬ jeˬ pyeuꞈ-eu meh.