Dawˬmehˬ 24:3 - Akha

³ Kʼoeˇ gʼaˬ kʼawꞈ, aˬ yawꞈ-ahˇ nui ma maˬ tsaˬ-eu miˇ neh kʼoꞈ ma lehˇ noeˬ tsehˆ-eu laꞈ kʼoeˇ, miˬ zaˬ kʼoꞈ-eu sahˬ boꞈ boꞈ-awˇ, aˬ yawꞈ-ahˇ biꞈ-awˇ, aˬ yawꞈ-euˬ nymˇ-ahˇ neh bi doˆ-iˇ-euˬ ehˇ-awˬ. Maˬ ngeuˇ naˇ, aˬ yawꞈ-euˬ kʼaˬ dzeˇ zaˬ jeˬ nah gʼaˬ shiˇ-euˬ ehˇ-awˬ.

Dawˬmehˬ 24:3 ပူးပေါင်းရင်းမြစ်များ

Iˇsaˬyaˇ 50:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ bi gʼoꞈ-iˇ-eu loꞈ-ehˇ, ngaˬ-euˬ tsawˇ haˬ-ahˇ ngaˇ teh dzeh-euˬ nga lehˇ noeˬ te loˇ. Toˆ-ehˇ ngeuˇ naˇ miˬ zaˬ kʼoꞈ-euˬ seuˬ gʼaˬ aˬ gaˇ jaˆ ta. Yawˬ ha-euˬ zaˬ aˬ cawˬ zaˬ kʼaˆ bi geuꞈ-eu lehˇ, ahˬ dzaˬ byoˆ-eu tsawˇ haˬ loꞈ-ehˇ, naw maꞈ-ahˇ ngaˇ ahˬ dzaˬ-euˬ nga lehˇ noeˬ te loˇ. Naw maꞈ iˬ baˇ ahˇ-eu miˇ neh, aˬ cawˬ miˇ kʼahˬ-ahˇ bi nyehꞈ gʼeh-euˬ meh. Naw maꞈ yaw lehˬ toˆ-eu miˇ neh bi sheuˬ byoˆ gʼeh-euˬ meh.

Yeˬlaˬmiˇ 3:8

Iˇsaˬleˬlaˆ ngaˬ-ahˇ byehˇ dzeh yaꞈ-awˇ, meh maˬ laˇ geuꞈ iˇ-euˬ baˬ da neh, aˬ yawꞈ-ahˇ ngaˇ kʼoꞈ-awˇ teh dzeh nehˬ-euˬ gaˇ, Yuˇdaˆ mawˇ duˬ taˬ-euˬ meh. Ehˇ kʼawꞈ, Iˇsaˬleˬlaˆ-euˬ aˬ nyiˇ gʼaˬ pyeuꞈ-eu saˇ jaˇ maˬ ziꞈ-eu Yuˇdaˆ-aˬ, guˆ-eu nui ma maˬ ahˇ-ehˇ, aˬ yawꞈ gʼaˬ kʼawꞈ meh maˬ laˇ paˇ geuꞈ-euˬ meh.

Maꞈtehˬ 5:31

“ ‘Tsawˇ haˬ aˬ geu gʼaˬ maˬ kaˬ, miˬ zaˬ kʼoꞈ naˇ, kʼoꞈ-euˬ gaˇ kawˆ yaw duˬ yaw ciˇ baw ni, miˬ zaˬ gʼaˬ-ahˇ sahˬ boꞈ tiˬ dzeh ya biꞈ meh’ lehˇ ehˇ taˬ-euˬ jaˆ-eu meh.

Maˬkuˆ 10:4

Aˬ yawꞈ maꞈ ehˇ-eu, “Miˬ zaˬ kʼoꞈ-eu sahˬ boꞈ tiˬ dzeh boꞈ nehˬ gʼaˬ naˇ, yawˬ ha-euˬ miˬ zaˬ-ahˇ kʼoꞈ-awˇ bi gʼoꞈ-iˇ nya meh lehˇ, Moˇseˬ neh ehˇ taˬ-euˬ jaˆ meh.”

Dawˬmehˬ 24:1

“Tsawˇ haˬ tiˬ gʼaˬ miˬ zaˬ sheuˬ-awˇ jawˇ-eu laꞈ kʼoeˇ, aˬ yawꞈ-euˬ miˬ zaˬ-ahˇ aˬ yawꞈ nui ma maˬ tsaˬ-eu jeˬ jaˆ-eu miˇ neh, kʼoꞈ ma lehˇ noeˬ tsehˆ-eu laꞈ kʼoeˇ, miˬ zaˬ kʼoꞈ-eu sahˬ boꞈ boꞈ-awˇ, aˬ yawꞈ-euˬ miˬ zaˬ-ahˇ biꞈ-awˇ, aˬ yawꞈ-euˬ nymˇ-ahˇ neh bi doˆ-iˇ-euˬ ehˇ-awˬ.

Dawˬmehˬ 24:2

Kʼoeˇ naˇ, zaˬ miˬ zaˬ kʼoeˇ gʼaˬ yawˬ gʼaˬ yawˬ-ahˇ paˇ mˇ dzaˬ-iˇ-euˬ ehˇ-awˬ.

Dawˬmehˬ 24:4

Kʼoeˇ loꞈ-ehˇ pyeuꞈ laˇ gʼaˬ ngeh, aˬ yawꞈ-euˬ kʼaˬ dzeˇ zaˬ yaw beh gʼaˬ aˬ yawꞈ-ahˇ maˬ paˇ ya sheuˬ kʼoꞈ geuꞈ meh. Zaˬ miˬ zaˬ kʼoeˇ gʼaˬ-aˬ, jawꞈ-iˇ-euˬ tsawˇ haˬ pyeuꞈ-eu meh lehˇ aˬ yawꞈ ya siˬ nya meh. Zaˬ miˬ zaˬ kʼoeˇ gʼaˬ-ahˇ aˬ yawꞈ paˇ sheuˬ kʼoꞈ naˇ, Sahˬpaˬ Miˬyehˇ-ahˇ mˇ bahˬ gaˇ duˇ-eu meh. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ biꞈ-eu lehˇ gʼeh-eu miˇ kʼahˬ laꞈ kʼoeˇ, kʼoeˇ loꞈ-ehˇ guˆ laˇ paˬ-ehˇ gʼeh-eu iˬ baˇ nawˇ maˬ ya mˇ-a.