Dawˬmehˬ 24:21 - Akha

²¹ Nawˇ aˬ gaꞈ aˇ siˬ pyaˆ uiˬ ngeh, nyiˬ poˆ maˬ ya pyaˆ poˆ-a. Dzeˇ yaꞈ-euˬ deuˬ-ahˇ, boeˇ miˬ shiˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ gʼaˇ duˬ ya taˬ yaꞈ meh.

Dawˬmehˬ 24:21 ပူးပေါင်းရင်းမြစ်များ

Aaˇbaˬdiˇ 1:5

Smˇ kʼoeˬ deuˬ nawˇ jawˇ gaˇ oe-awˇ, tahˇ joe deuˬ uˬ ciꞈ paw oe ngeh, aˬ yawꞈ maꞈ maˬ geuꞈ mawꞈ-eu jeˬ, maˬ yuˇ jiˇ ni byehˇ yaꞈ tehꞈ-a. Aˬ gaꞈ aˇ siˬ pyaˆ-eu deuˬ kʼawꞈ, maˬ pyaˆ jiˇ ni bi dzeˇ tehꞈ-a. Ehˇ kʼawꞈ, nawˬ-ahˇ muiˇ-eu kʼoeˇ deuˬ, nawˬ-ahˇ laˆ cawˆ-eu lehˇ oe ngeh, tiˬ jeˬ-iˬ maˬ bi dzeˇ yaꞈ-aˇ.

Dawˬmehˬ 24:19

“Nawˇ cehˇ yehˬ ngeh, maˬ ya uiˬ jiˇ-ehˇ dzeˇ yaꞈ-euˬ cehˇ diꞈ maˬ paˇ ya poˆ ni, boeˇ miˬ shiˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ gʼaˇ duˬ kʼoeˇ loꞈ-ehˇ ya bi jaˆ yaꞈ meh. Kʼoeˇ loꞈ-ehˇ jahˇ naˇ, nawˇ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ guiˬ lahˬ biꞈ nehˬ laꞈ tehꞈ-a.

Dawˬmehˬ 24:20

Nawˇ saˬ loˬ aˇ siˬ pyaˆ ngeh, maˬ pyaˆ jiˇ ni dzeˇ yaꞈ-euˬ deuˬ-ahˇ maˬ pyaˆ poˆ ni, boeˇ miˬ shiˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ gʼaˇ duˬ ya bi jaˆ yaꞈ meh.

Dawˬmehˬ 24:22

Iˇjiˇtuˆ miˇ kʼahˬ laꞈ kʼoeˇ, nawˇ aˬ cawˬ zaˬ kʼaˆ ya geuꞈ yaꞈ-euˬ gaˇ tiˬ jawˇ-iˬ taˬ ngehˇ. Kʼoeˇ miˇ neh, ngaˇ nawˬ-ahˇ heu loꞈ-ehˇ dawˬ biꞈ-eu jeˬ pyeuꞈ-eu ma.