Dawˬmehˬ 23:9 - Akha

⁹ “Nawˇ guiˇ deuˆ-eu laꞈ kʼoeˇ taˆ tsoˆ-awˇ jawˇ ngeh, zahˇ sahˇ kʼoꞈ-ahˇ taꞈ leˇ-eu laꞈ kʼoeˇ maˬ shawˇ-eu tsawˇ haˬ maˬ ya pyeuꞈ laˇ ni, yawˬ haˇ yawˬ ha ya yahˇ meh.

Dawˬmehˬ 23:9 ပူးပေါင်းရင်းမြစ်များ

2 Laˬsaˬbaˬ 19:4

Sahˬ paˬ Yeˬhawˇshaˬpaˇ-aˬ, Yeˬluˇsaˬlehˬ meuˬ-ahˇ jawˇ kʼawꞈ, miˇ kʼahˬ zaˬ deuˬ kʼaˇ jawˇ gaˇ cah doe-euˬ meh. Laꞈ oˆ paw pyawˬ-ahˇ jaˆ-eu Beˬlaˇsheˬba meuˬ-ahˇ neh, laꞈ taˆ paw Eˇpaˬleˬ miˇ kʼahˬ gawˬ jawˬ gawˬ duˇ-ahˇ keuˆ ni cah doe-awˇ, miˇ kʼahˬ zaˬ deuˬ-ahˇ aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ gaˇ gʼoꞈ kʼoꞈ laˇ-awˬ lehˇ kuˇ-euˬ meh.

2 Laˬsaˬbaˬ 31:20

Sahˬ paˬ Heˬsaˬgiˇ-aˬ, yaw tsaˬ yaw dawˇ jeˬ hawˇ-eu, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui ma tsaˬ-eu jeˬ-ahˇ, Yuˇdaˆ miˇ kʼahˬ doe ni mˇ-euˬ meh.

Iˇsaˬyaˇ 56:3

Sahˬpaˬ Miˬyehˇ-euˬ tsawˇ haˬ deuˬ jawˇ gaˇ, jawˇ ahˇ laˇ-euˬ boeˇ miˬ siˬ kʼaˬ deuˬ-euˬ kʼaˬ meh, “Sahˬpaˬ Miˬyehˇ-euˬ aˇ maꞈ aˇ muˇ laꞈ kʼoeˇ, ngaˬ-ahˇ aˬ diˇ teh dzeh nehˬ laꞈ tehꞈ-a” lehˇ taˬ bi ehˇ. Aˇ caˆ pyehˆ gʼaˬ-euˬ kʼaˬ dzeˇ zaˬ deuˬ kʼawꞈ, “Zaˬ maˬ jawˇ le nya-eu miˇ neh, aˇ bawˇ baw guˇ-ahˇ duˇ leˇ-awˇ, Sahˬpaˬ Miˬyehˇ-euˬ tsawˇ haˬ deuˬ-ahˇ maˬ taꞈ nya-a” lehˇ taˬ bi ngehˬ.

Luˇkaꞈ 3:14

Yehˇdeuˬ kʼawꞈ aˬ yawꞈ-ahˇ naˇ haˬ-eu, “Nga maꞈ toe. Aˬ joˆ-ehˇ ya jahˇ nmˇ.” Aˬ yawꞈ ehˇ-eu, “Aˬ cawˬ-ahˇ nawˬ dzaˬ kʼaˆ dzaˬ-eu jeˬ hawˇ-eu, laˆ dzaˬ gahˇ dzaˬ-eu jeˬ taˬ mˇ. Yawˬ ha za luꞈ-eu ba la aˇ poeˬ-ahˇ nui kʼahˇ shiˇ-awˬ.”

Dawˬmehˬ 23:10

Tsawˇ haˬ tiˬ gʼaˬ na, uˬ ciꞈ paw kʼaˬ miˬ sheu-eu yuꞈ maˆ maˆ-eu laꞈ kʼoeˇ maˬ shawˇ-eu jeˬ yoeˇ doˆ-eu ngeuˇ naˇ, taˆ laꞈ nyiˇ paw doˆ-iˇ-awˇ ya jawˇ meh.

Dawˬmehˬ 23:8

Smˬ ziˇ dehꞈ dzeuˇ laꞈ ngeh, aˬ yawꞈ maꞈ-euˬ zaˬ deuˬ uˆ deuˬ-ahˇ, Sahˬpaˬ Miˬyehˇ-euˬ tsawˇ haˬ aˇ maꞈ laꞈ kʼoeˇ bi uˇ laˇ nya meh.

Yawˇshuˆ 6:18

Ya laˆ luˬ ya laˆ seˇ nehˬ-eu mˇ myawˬ kʼoeˇ deuˬ tiˬ jeˬ-iˬ naw maꞈ maˬ ya yuˇ geuꞈ-a. Naw maꞈ yuˇ naˇ, shaˬ-eu zahˬ-eu jeˬ hawˇ-eu luˬ-iˇ seˇ-iˇ-eu jeˬ Iˇsaˬleˬlaˆ tsawˇ haˬ deuˬ-euˬ sehˬ gʼawˆ kʼoeˇ taˆ keuˆ le ni naw maꞈ jahˇ gaˇ duˇ-eu meh.

Yaˇ kʼaˬ daˇ 20:26

Kʼoeˇ naˇ, Iˇsaˬleˬlaˆ tsawˇ haˬ dawˬ tawˆ luꞈ Beˬdeˬlaˇ meuˬ-ahˇ le-awˇ tsawˇ ngoeˇ ngoeˇ leˇ-euˬ meh. Kʼoeˇ gaˇ, Sahˬpaˬ Miˬyehˇ-euˬ mehˬ shi aˬ yawꞈ maꞈ nuiˇ-awˇ, uˬ ciꞈ paw keuˆ ni maˬ dzaˬ maˬ dawˇ-ehˇ jawˇ-euˬ meh. Cawˬ cawˬ taꞈ-eu lawˇ-eu jeˬ hawˇ-eu, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ heu deuˬ dawˬ tawˆ luꞈ, Sahˬpaˬ Miˬyehˇ-euˬ mehˬ shi aˬ yawꞈ maꞈ lawˇ-euˬ meh.