Dawˬmehˬ 23:8 - Akha

⁸ Smˬ ziˇ dehꞈ dzeuˇ laꞈ ngeh, aˬ yawꞈ maꞈ-euˬ zaˬ deuˬ uˆ deuˬ-ahˇ, Sahˬpaˬ Miˬyehˇ-euˬ tsawˇ haˬ aˇ maꞈ laꞈ kʼoeˇ bi uˇ laˇ nya meh.

Dawˬmehˬ 23:8 ပူးပေါင်းရင်းမြစ်များ

Aˇ dahˬ 25:25

Yaw beh dehꞈ le-euˬ gʼaˬ-aˬ, shaˬ jiˇ neˇ tseuˆ ni gʼeh-awˇ, jeˬ zaˬ baˆ kʼoˆ guꞈ-awˇ bi dm taˬ-euˬ loꞈ-ehˇ, gʼawˇ mawˇ mawˇ lah-ehˇ caꞈ hm shuˬ byehˬ ni tsoꞈ-eu meh. Kʼoeˇ miˇ neh, aˬ yawꞈ-ahˇ Iˇsawˇ lehˇ myahˇ nehˬ-euˬ meh.

Aˇ dahˬ 25:26

Jeˬ nah dehꞈ le-euˬ gʼaˬ-aˬ, Iˇsawˇ-euˬ aˬ kuiˇ kuiˇ nuiꞈ-ahˇ ziꞈ dah ni tsuˆ tehˬ-awˇ dehꞈ doˆ le-euˬ miˇ neh, Yaˬkoˆ lehˇ myahˇ nehˬ-euˬ meh. Aˬ yawꞈ nyaꞈ nmˇ dehꞈ le ngeh, Iˇtsaˆ koꞈ tseˇ kʼoꞈ kʼawˆ laˇ-euˬ meh.

1 Sahˬpaˬ 3:1

Sawˇlaˬmoˬ-aˬ, Iˇjiˇtuˆ sahˬ paˬ zaˬ miˬ sheuˬ-awˇ, Iˇjiˇtuˆ sahˬ paˬ nehˬ-ehˇ cawˬ cawˬ taꞈ-euˬ meh. Sahˬ paˬ hawˇ nymˇ hawˇ-eu Uˬ duˬ tahˬ nymˇ nymˇ ma maˬ tsoˆ dah-ehˇ, Yeˬluˇsaˬlehˬ meuˬ-euˬ meuˬ meuˬ lahˇ maˬ gawˬ gʼaˬ nmˇ kaˬ, sahˬ paˬ zaˬ miˬ kʼoeˇ gʼaˬ-ahˇ, Daˬbiˇ-euˬ meuˬ laꞈ kʼoeˇ sheuˬ taˬ-awˇ bi jawˇ-euˬ meh.

Eˇzaˬlaˬ 9:1

Gaˇ kʼoeˇ deuˬ mˇ gʼaˬ jiˇ ngeh, Iˇsaˬleˬlaˆ tsawˇ haˬ aˬ yuiꞈ aˬ tsu tiˬ paˆ na deuˬ ngaˇ jawˇ gaˇ laˇ-awˇ, Iˇsaˬleˬlaˆ tsawˇ haˬ deuˬ, piˇ ma deuˬ hawˇ-eu Leˬbiˇ tsawˇ haˬ deuˬ-aˬ, aˬ yawꞈ maꞈ-euˬ dawˬ peh jawˇ-eu aˬ cawˬ tsawˇ jeuˬ deuˬ pyeuꞈ-eu Aˬmoˬ tsawˇ jeuˬ Mawˇbaˆ tsawˇ jeuˬ, Iˇjiˇtuˆ tsawˇ jeuˬ, Kaˬnaˬ tsawˇ jeuˬ, Heˬtaˆ tsawˇ jeuˬ, Paˬyehˆ tsawˇ jeuˬ, Yeˬbuˇ tsawˇ jeuˬ, Aˬmawˇliˆ tsawˇ jeuˬ kʼoeˇ deuˬ hawˇ-eu aˬ yawꞈ maꞈ-euˬ jawꞈ dui dui-eu zahˇ sahˇ kʼoꞈ deuˬ-ahˇ maˬ dehꞈ beu ni, dehꞈ keuˬ dehꞈ sho luꞈ-eu gaˇ kawˆ ehˇ laˇ-euˬ meh.

Doˆ-iˇ 22:20

“Sahˬpaˬ Miˬyehˇ pyeuꞈ-eu ngaˬ-ahˇ maˬ ngeuˇ ni, miˬyehˇ nui gʼaˬ-ahˇ lawˇ-eu shehˇ-eu tsawˇ haˬ-ahˇ ya sehꞈ byoˆ meh.

Uˬ duˬ 19:34

Iˇsaˬleˬlaˆ tsawˇ haˬ yaw kaˬ cawˬ cawˬ taꞈ-eu loꞈ-ehˇ, aˬ yawꞈ maꞈ-ahˇ cawˬ cawˬ taꞈ-awˬ. Yawˬ haˇ yawˬ ha gaˬ-eu loꞈ-ehˇ, aˬ yawꞈ maꞈ-ahˇ gaˬ-awˬ. Iˇjiˇtuˆ miˇ kʼahˬ laꞈ kʼoeˇ naw maꞈ boeˇ miˬ siˬ kʼaˬ pyeuꞈ haw-euˬ gaˇ taˬ ngehˇ. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Aaˇbaˬdiˇ 1:10

Nawˬ-euˬ mehˇ nmˇ deuˬ pyeuꞈ luꞈ-eu, Yaˬkoˆ-euˬ zaˬ kʼoeˇ deuˬ-ahˇ nawˇ, tahˇ joe joe-awˇ sehꞈ-euˬ miˇ neh, luˬ-eu seˇ-eu nawˇ ya daˬ-awˇ, mˬ maˬ maˬ byaˆ daˬ ga tehꞈ-a.

Dawˬmehˬ 10:19

Kʼoeˇ miˇ neh, boeˇ miˬ siˬ kʼaˬ deuˬ-ahˇ gaˬ-awˬ. Aˬ jeˬ miˇ neh ehˇ naˇ, Iˇjiˇtuˆ miˇ kʼahˬ laꞈ kʼoeˇ, naw maꞈ boeˇ miˬ siˬ kʼaˬ pyeuꞈ haw-euˬ meh.

Dawˬmehˬ 23:7

“Eˬdoˬ tsawˇ jeuˬ-ahˇ taˬ taˬ nyiˇ. Aˬ yawꞈ maꞈ-aˬ, nawˬ-euˬ aˬ yuiꞈ aˬ nyiˇ pyeuꞈ-eu meh. Iˇjiˇtuˆ tsawˇ haˬ-ahˇ kʼawꞈ taˬ taˬ nyiˇ. Aˬ yawꞈ maꞈ-euˬ miˇ kʼahˬ laꞈ kʼoeˇ nawˇ ya jawˇ haw-euˬ meh.

Dawˬmehˬ 23:9

“Nawˇ guiˇ deuˆ-eu laꞈ kʼoeˇ taˆ tsoˆ-awˇ jawˇ ngeh, zahˇ sahˇ kʼoꞈ-ahˇ taꞈ leˇ-eu laꞈ kʼoeˇ maˬ shawˇ-eu tsawˇ haˬ maˬ ya pyeuꞈ laˇ ni, yawˬ haˇ yawˬ ha ya yahˇ meh.

1 Saˬmeuˬlaˆ 30:11

Daˬbiˇ nehˬ-ehˇ iˇ-euˬ deuˬ, bawˇ tsahˬ-ahˇ Iˇjiˇtuˆ tsawˇ jeuˬ aˬ li tiˬ li mawˇ-awˇ, Daˬbiˇ jawˇ gaˇ sheuˬ laꞈ nehˬ-euˬ meh. Aˬ li kʼoeˇ li-ahˇ aˬ yawꞈ maꞈ kaˬ muˇ bi dzaˬ-awˇ, iˇ cuꞈ bi dawˇ-euˬ meh.