Dawˬmehˬ 23:7 - Akha

⁷ “Eˬdoˬ tsawˇ jeuˬ-ahˇ taˬ taˬ nyiˇ. Aˬ yawꞈ maꞈ-aˬ, nawˬ-euˬ aˬ yuiꞈ aˬ nyiˇ pyeuꞈ-eu meh. Iˇjiˇtuˆ tsawˇ haˬ-ahˇ kʼawꞈ taˬ taˬ nyiˇ. Aˬ yawꞈ maꞈ-euˬ miˇ kʼahˬ laꞈ kʼoeˇ nawˇ ya jawˇ haw-euˬ meh.

Dawˬmehˬ 23:7 ပူးပေါင်းရင်းမြစ်များ

Aˇ dahˬ 25:30

“Nawˬ-euˬ dzaˇ yaw neˇ teu ngaˬ-ahˇ ui cuiˆ bi dzaˬ laꞈ sheˇ” lehˇ, Yaˬkoˆ-ahˇ ehˇ nehˬ-euˬ meh. (Kʼoeˇ miˇ neh, Iˇsawˇ-ahˇ aˬ cawˬ Eˬdoˬ lehˇ kuˇ-euˬ meh.)

Aˇ dahˬ 46:7

Aˬ yawꞈ-euˬ aˬ buˇ aˬ li deuˬ hawˇ-eu, oeˬ paˬ oeˬ ma dawˬ tawˆ luꞈ sheuˬ ka gʼeh-euˬ meh.

Aˇ dahˬ 47:12

Aˬ yawꞈ-euˬ aˬ da-ahˇ maˬ ehˇ, aˬ yawꞈ-euˬ mehˇ nmˇ deuˬ-ahˇ maˬ ehˇ, aˬ yawꞈ aˬ da o neh jeuˬ le o le-euˬ tsawˇ haˬ dawˬ tawˆ luꞈ-ahˇ maˬ ehˇ, Yoˇsehˆ yaw muiˬ paˬ-ehˇ bi dzaˬ bi dawˇ-euˬ meh.

Aˇ dahˬ 47:27

Iˇsaˬleˬlaˆ tsawˇ haˬ deuˬ-aˬ, Iˇjiˇtuˆ miˇ kʼahˬ laꞈ kʼoeˇ jaˆ-eu Goˬsheˬ lehˇ kuˇ-eu jawˇ duˬ-ahˇ jawˇ-awˇ, smˇ muiˬ muiˬ dui dui laˇ-euˬ uˬ taꞈ, tsawˇ haˬ behˇ laˇ tehˇ tehˬ luꞈ-eu meh.

Aˇ dahˬ 47:6

Iˇjiˇtuˆ miˇ kʼahˬ heu nawˬ-euˬ mehˬ shi jaˆ luꞈ meh. Miˇ kʼahˬ heu kʼahˬ laꞈ kʼoeˇ muiˬ dui dui-eu jawˇ duˬ pyeuꞈ-eu Goˬsheˬ miˇ tsaˬ kʼoeˇ tsahˇ-ahˇ, aˬ yawꞈ maꞈ-ahˇ bi jawˇ-awˬ. Aˬ yawꞈ maꞈ laꞈ kʼoeˇ, jeˬ zaˬ-ahˇ yaw muiˬ paˬ-ehˇ bo saˆ nya-eu tsawˇ haˬ jawˇ naˇ, ngaˬ-euˬ jeˬ zaˬ deuˬ-ahˇ bo saˆ-eu gaˇ bi mˇ-awˬ.”

1 Sahˬpaˬ 11:25

Aˬ yawꞈ-aˬ, Sawˇlaˬmoˬ yaw dehꞈ dehꞈ luꞈ-eu aˇ yamˬ laꞈ kʼoeˇ, Iˇsaˬleˬlaˆ miˇ kʼahˬ-ahˇ muiˇ-eu tsawˇ haˬ tiˬ gʼaˬ pyeuꞈ-eu meh.

Eˇzaˬlaˬ 9:12

Kʼoeˇ miˇ neh, naw maꞈ-euˬ zaˬ miˬ zaˬ yo deuˬ hawˇ-eu aˬ yawꞈ maꞈ-euˬ zaˬ miˬ zaˬ yo deuˬ taˬ bi sheuˬ dahˬ dzaˬ taꞈ. Miˇ kʼahˬ kʼoeˇ kʼahˬ naw maꞈ dzaˬ mawꞈ-awˇ, naw maꞈ-euˬ zaˬ deuˬ uˆ deuˬ-euˬ laꞈ-ahˇ bi jaˆ yaꞈ mawꞈ naˇ, kʼoeˇ gaˇ jawˇ-eu tsawˇ haˬ deuˬ dehꞈ dzaˬ laˇ-awˇ baw le za le ni naw maꞈ taˬ caw ba nehˬ lehˇ nawˬ neh ehˇ taˬ-euˬ dawˬ jaˆ-eu meh.

Jaceuq 105:23

Kʼoeˇ naˇ, Iˇjiˇtuˆ miˇ kʼahˬ-ahˇ Yaˬkoˆ iˇ-awˇ, miˇ kʼahˬ kʼoeˇ kʼahˬ-ahˇ jawˇ-euˬ meh.

Doˆ-iˇ 22:21

“Boeˇ miˬ siˬ kʼaˬ-ahˇ yehˬ bawˬ sehˇ lu-ehˇ maˬ ya jahˇ-a. Aˬ jeˬ miˇ neh ehˇ naˇ, Iˇjiˇtuˆ miˇ kʼahˬ laꞈ kʼoeˇ, naw maꞈ boeˇ miˬ siˬ kʼaˬ pyeuꞈ haw-euˬ meh.

Doˆ-iˇ 23:9

“Boeˇ miˬ siˬ kʼaˬ deuˬ-ahˇ yehˬ bawˬ sehˇ lu-ehˇ maˬ ya gʼeh-a. Iˇjiˇtuˆ miˇ kʼahˬ laꞈ kʼoeˇ, naw maꞈ boeˇ miˬ siˬ kʼaˬ pyeuꞈ haw-euˬ loꞈ-ehˇ, boeˇ miˬ siˬ kʼaˬ-euˬ nui ma naw maꞈ siˬ nya meh.

Uˬ duˬ 19:34

Iˇsaˬleˬlaˆ tsawˇ haˬ yaw kaˬ cawˬ cawˬ taꞈ-eu loꞈ-ehˇ, aˬ yawꞈ maꞈ-ahˇ cawˬ cawˬ taꞈ-awˬ. Yawˬ haˇ yawˬ ha gaˬ-eu loꞈ-ehˇ, aˬ yawꞈ maꞈ-ahˇ gaˬ-awˬ. Iˇjiˇtuˆ miˇ kʼahˬ laꞈ kʼoeˇ naw maꞈ boeˇ miˬ siˬ kʼaˬ pyeuꞈ haw-euˬ gaˇ taˬ ngehˇ. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Maˬlaˬkiˇ 1:2

“Naw maꞈ-ahˇ ngaˇ aˬ myah luꞈ gaˬ-euˬ ma” lehˇ, Sahˬpaˬ Miˬyehˇ ehˇ ngeh, “Nawˇ nga maꞈ-ahˇ gaˬ-eu aˬ joˆ-ehˇ bi siˬ laꞈ teˬ” lehˇ, aˬ yawꞈ-euˬ tsawˇ haˬ deuˬ ehˇ-eu meh. Sahˬpaˬ Miˬyehˇ ehˇ-eu, “Iˇsawˇ hawˇ-eu Yaˬkoˆ aˬ nyaꞈ tiˬ mehˇ nmˇ meh. Ehˇ kʼawꞈ, Yaˬkoˆ hawˇ-eu aˬ yawꞈ-euˬ zaˬ deuˬ uˆ deuˬ-ahˇ ngaˇ gaˬ-euˬ ma.

Bawˇtsahˬ 20:14

Kaˬdeˬshaˇ meuˬ-ahˇ Eˬdoˬ sahˬ paˬ jawˇ gaˇ Moˇseˬ tsawˇ haˬ pyehˬ gʼeh-awˇ, heu loꞈ-ehˇ bi tsaꞈ-iˇ-euˬ meh. “Nawˬ-euˬ aˬ yuiꞈ aˬ nyiˇ pyeuꞈ-eu Iˇsaˬleˬlaˆ tsawˇ haˬ deuˬ heu loꞈ-ehˇ dawˬ tsaꞈ tsaꞈ ahˇ leꞈ-eu ma. Nga maꞈ ya tahˬ puˬ-eu shaˬ-euˬ zahˬ-eu jeˬ dawˬ tawˆ luꞈ-ahˇ nawˇ siˬ nya meh.

Dawˬmehˬ 10:19

Kʼoeˇ miˇ neh, boeˇ miˬ siˬ kʼaˬ deuˬ-ahˇ gaˬ-awˬ. Aˬ jeˬ miˇ neh ehˇ naˇ, Iˇjiˇtuˆ miˇ kʼahˬ laꞈ kʼoeˇ, naw maꞈ boeˇ miˬ siˬ kʼaˬ pyeuꞈ haw-euˬ meh.

Dawˬmehˬ 23:8

Smˬ ziˇ dehꞈ dzeuˇ laꞈ ngeh, aˬ yawꞈ maꞈ-euˬ zaˬ deuˬ uˆ deuˬ-ahˇ, Sahˬpaˬ Miˬyehˇ-euˬ tsawˇ haˬ aˇ maꞈ laꞈ kʼoeˇ bi uˇ laˇ nya meh.