Dawˬmehˬ 23:5 - Akha

⁵ Ehˇ kʼawꞈ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ gaˬ-eu miˇ neh, Baˬlamˬ-euˬ ehˇ dawˬ-ahˇ maˬ naˇ haˬ ni, yaˬ kʼehˇ yaˬ-euˬ jeˬ-ahˇ guiˬ lahˬ bi pyeuꞈ laˇ-euˬ meh.

Dawˬmehˬ 23:5 ပူးပေါင်းရင်းမြစ်များ

2 Saˬmeuˬlaˆ 16:12

Ngaˇ ya daˬ luꞈ-eu jeˬ-ahˇ Sahˬpaˬ Miˬyehˇ haw mawˇ-awˇ, iˬ nah ngaˬ-euˬ kʼoeˇ taˆ heu loꞈ-ehˇ yaˬ kʼehˇ yaˬ nehˬ laꞈ-euˬ aˇ poeˬ, guiˬ lahˬ biꞈ laꞈ-eu aˇ nah baw tehꞈ-a.”

Neˬhaˬmiˇ 13:2

Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh, Aˬmoˬ tsawˇ haˬ hawˇ-eu Mawˇbaˆ tsawˇ haˬ deuˬ dzaˬ dzaˬ dawˇ dawˇ hawˇ-eu iˇ cuꞈ maˬ biꞈ nehˬ-eu miˇ neh, zahˇ dawˬ kʼoꞈ dawˬ sahˬ boꞈ laꞈ kʼoeˇ kʼoeˇ loꞈ-ehˇ ehˇ taˬ-euˬ meh. Kʼoeˇ uˬ taꞈ, aˬ yawꞈ maꞈ Baˬlamˬ-ahˇ pyuˇ biꞈ-awˇ Iˇsaˬleˬlaˆ tsawˇ haˬ deuˬ-ahˇ yaˬ kʼehˇ bi yaˬ-euˬ meh. Ehˇ kʼawꞈ, aˬ yawꞈ maꞈ neh yaˬ kʼehˇ yaˬ-euˬ jeˬ-ahˇ guiˬ lahˬ biꞈ-eu jeˬ bi pyeuꞈ laˇ-euˬ meh.

Jaceuq 73:1

Miˬyehˇ-aˬ, Iˇsaˬleˬlaˆ tsawˇ jeuˬ kʼoeˇ taˆ aˬ diˇ aˬ maˇ muiˬ-eu meh. Nui ma shawˇ jehˆ ni gʼeh-eu tsawˇ haˬ deuˬ kʼoeˇ taˆ muiˬ-eu meh.

Dawqdaq 26:2

Iˬ baˇ maˬ naꞈ gaˇ yaˬ kʼehˇ yaˬ-eu jeˬ-aˬ, maˬ ga dawꞈ le ni yaw dzeuˇ gʼeh-eu aˇ jiˇ-ahˇ duˇ-eu meh.

Yeˬlaˬmiˇ 31:3

Gaˇ mahˇ kaˬ-eu jawˇ duˬ-ahˇ neh Sahˬpaˬ Miˬyehˇ oe-awˇ, nga maꞈ-ahˇ heu loꞈ-ehˇ ehˇ le-euˬ meh. “Mˬ maˬ maˬ byaˆ zaˇ ziˇ ziꞈ-eu gʼoeˇ-eu gaˬ-eu jeˬ neh, naw maꞈ-ahˇ ngaˇ gaˬ-awˇ, naw maꞈ-ahˇ gʼawˬ shaˬ gaˬ-eu jeˬ laꞈ kʼoeˇ, iˬ nah keuˆ ni ngaˇ saˇ jaˇ ziꞈ luꞈ ma.

Yeˬsaˬgeˬlaˇ 16:8

“Ngaˇ yawˬ poˆ yawˬ paˇ oe tsehˆ ngeh, nawˇ cawˬ shaˇ baw yamˬ tsaˬ laˇ taˬ-euˬ meh. Neˇ myawˆ ni gʼeh-eu nawˬ-euˬ gʼawˇ mawˇ-ahˇ, ngaˬ-euˬ pehˇ kʼahˬ neh tsahˇ lahˇ nehˬ-awˇ, nawˬ-ahˇ sheuˬ ma lehˇ saˇ jaˇ biꞈ yaꞈ-euˬ ma. Ngeuˇ ma. Nawˬ-ahˇ sheuˬ-eu gʼaˇ duˬ ngaˇ saˇ jaˇ dzaˬ gʼaˬ-awˇ, nawˇ ngaˬ-euˬ zaˬ kʼaˬ pyeuꞈ laˇ gʼaˬ-euˬ ma” lehˇ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Miˇkaˬ 6:5

Ngaˬ-euˬ tsawˇ haˬ deuˬ-oˇ, Mawˇbaˆ sahˬ paˬ Baˬlehˇ naw maꞈ-ahˇ aˬ joˆ-ehˇ jahˇ nehˬ-eu lehˇ gʼeh-euˬ gaˇ kawˆ hawˇ-eu, Beˬyoˇ-euˬ aˬ li Baˬlamˬ neh aˬ yawꞈ-ahˇ aˬ joˆ-ehˇ ehˇ kʼoꞈ nehˬ-euˬ gaˇ kawˆ-ahˇ naw maꞈ taˬ ngehˇ. Aˬkaˬshaˇ lehˇ ehˇ-eu jawˇ duˬ-ahˇ sehˬ gʼawˆ gʼawˆ-awˇ naˬ-euˬ tsahˇ-ahˇ neh Giˇlaˇgaˬlaˇ-ahˇ iˇ-eu gaˇ pehˇ-ahˇ pyeuꞈ laˇ-euˬ gaˇ kawˆ-ahˇ shaˇ noeˬ haw sheˇ. Gaˇ kawˆ heu deuˬ-ahˇ shaˇ noeˬ-awˇ, naw maꞈ-ahˇ ka kʼoꞈ-eu gʼaˇ duˬ ngaˇ aˬ jeˬ mˇ yaꞈ-euˬ gaˇ noeˬ keuˆ-awˬ.”

Maˬlaˬkiˇ 1:2

“Naw maꞈ-ahˇ ngaˇ aˬ myah luꞈ gaˬ-euˬ ma” lehˇ, Sahˬpaˬ Miˬyehˇ ehˇ ngeh, “Nawˇ nga maꞈ-ahˇ gaˬ-eu aˬ joˆ-ehˇ bi siˬ laꞈ teˬ” lehˇ, aˬ yawꞈ-euˬ tsawˇ haˬ deuˬ ehˇ-eu meh. Sahˬpaˬ Miˬyehˇ ehˇ-eu, “Iˇsawˇ hawˇ-eu Yaˬkoˆ aˬ nyaꞈ tiˬ mehˇ nmˇ meh. Ehˇ kʼawꞈ, Yaˬkoˆ hawˇ-eu aˬ yawꞈ-euˬ zaˬ deuˬ uˆ deuˬ-ahˇ ngaˇ gaˬ-euˬ ma.

Bawˇtsahˬ 22:35

Mˬ taˆ gʼaˬ kʼehˇ kʼoeˇ gʼaˬ paˇ ehˇ-eu, “Tsawˇ haˬ heu deuˬ nehˬ-ehˇ le-awˬ. Ehˇ kʼawꞈ, ngaˬ neh kʼaˇ bi ngehˬ kʼaˇ bi tmˇ-euˬ jeˬ tehꞈ-ehˇ nawˇ ya ngehˬ ya tmˇ meh.”. Kʼoeˇ naˇ, tsawˇ haˬ kʼoeˇ deuˬ nehˬ-ehˇ Baˬlamˬ le gʼeh leꞈ-euˬ meh.

Bawˇtsahˬ 22:5

tsawˇ haˬ pyehˬ gʼeh-awˇ, Aˬmaw miˇ kʼahˬ Uˇpaˬlaˇ lawˇ baˬ dawˬ peh Peˬdawˬ meuˬ-ahˇ jawˇ-eu Beˬyoˇ-euˬ aˬ li Baˬlamˬ-ahˇ heu loꞈ-ehˇ dawˬ tsaꞈ bi tsaꞈ-iˇ-euˬ meh. “Iˇjiˇtuˆ miˇ kʼahˬ-ahˇ neh laˇ taˬ-euˬ tsawˇ jeuˬ tiˬ jeuˬ yawˬ gaˇ na luꞈ jawˇ byah jiˇ-awˇ, aˬ dui-euˬ miˇ kʼahˬ-ahˇ ceh geuꞈ laˇ paˬ-ehˇ gʼeh-eu gaˇ kawˆ nawˬ-ahˇ ngaˇ bi siˬ-eu ma.

Bawˇtsahˬ 24:9

Iˇsaˬleˬlaˆ tsawˇ jeuˬ-aˬ, aˇ laˬ jaˬ shiˇ-ahˇ duˇ-eu meh. Aˬ yawꞈ yuꞈ kʼaˆ luꞈ ngeh tiˬ gʼaˬ-iˬ maˬ laˆ noeˬ peuˬ-a. Iˇsaˬleˬlaˆ-ahˇ dawˬ kʼaˇ ngehˬ gʼeh nehˬ-eu tsawˇ haˬ guiˬ lahˬ za-awˇ, Iˇsaˬleˬlaˆ-ahˇ yaˬ kʼehˇ kʼaˇ yaˬ-eu tsawˇ haˬ-aˬ, yaˬ kʼehˇ yaˬ gaˇ ya daˬ tehꞈ-a”

Lormav 11:28

Yuˇdaˆ tsawˇ haˬ deuˬ-aˬ, Laˬ kʼaˬ cehˇ-eu Guiˬ lahˬ dawˬ heu-ahˇ maˬ ha geuꞈ-eu paw dzeˇ neh ehˇ leꞈ naˇ, naw maꞈ Yuˇdaˆ tsawˇ haˬ maˬ ngeuˇ-eu deuˬ-euˬ dah zaˇ Miˬyehˇ-ahˇ muiˇ-eu tsawˇ haˬ pyeuꞈ laˇ-euˬ meh. Ehˇ kʼawꞈ, Miˬyehˇ neh tseˇ doˆ-euˬ paw dzeˇ neh paˇ ehˇ leꞈ naˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ myaˆ pyawˬ naˇ mehˇ baˬ da neh Miˬyehˇ-euˬ nui gaˬ-ahˇ za taˬ-euˬ tsawˇ haˬ pyeuꞈ-eu meh.

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

Lormav 9:13

“Yaˬkoˆ-ahˇ ngaˇ noeˬ dzoeˇ-awˇ, Iˇsawˇ-ahˇ maˬ noeˬ dzoeˇ nya” lehˇ, Jaˇliꞈ laꞈ kʼoeˇ ehˇ taˬ-euˬ meh.

2 Gawˇliˬtu 4:17

Tiˬ kʼehˬ tiˬ yamˬ laꞈ kʼoeˇ nga maꞈ ya daˬ luꞈ-eu ehˇ nyaꞈ maˬ nyeuˆ-eu shaˬ zahˬ heu-aˬ, maˬ shaˇ cehˆ nya gaˇ keuˆ ni huiˬ-eu mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ-ahˇ za nya ni lehˬ hmˬ luꞈ gaˇ duˇ-eu ma.

Dawˬmehˬ 2:29

Eˬdoˬ miˇ kʼahˬ-ahˇ jawˇ-eu Iˇsawˇ-euˬ zaˬ deuˬ uˆ deuˬ hawˇ-eu Aˇlaˆ meuˬ-ahˇ jawˇ-eu Mawˇbaˆ tsawˇ haˬ deuˬ aˬ yawꞈ maꞈ-euˬ miˇ kʼahˬ laꞈ kʼoeˇ nga maꞈ-ahˇ bi cah tsehˆ laꞈ-euˬ loꞈ-ehˇ, Yawˇdaˬ lawˇ baˬ-ahˇ nga maꞈ tsehˆ doˆ-awˇ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh nga maꞈ-ahˇ biꞈ laꞈ-euˬ miˇ kʼahˬ-ahˇ iˇ keuˆ ngeh keuˆ ni, nawˬ-euˬ miˇ kʼahˬ laꞈ kʼoeˇ bi cah tsehˆ laꞈ-awˬ’ lehˇ bi tsaꞈ leˇ-euˬ ma.

Dawˬmehˬ 33:3

Aˬ yawꞈ-euˬ tsawˇ haˬ heu deuˬ-ahˇ, Sahˬpaˬ Miˬyehˇ gaˬ-eu miˇ neh, ngehˬ gʼeh dah teˬ haw piˇ-eu meh. Aˬ kuiˇ uˬ moˆ tah uˇ leˇ-awˇ, yawꞈ-euˬ ehˇ dawˬ aˬ dui geuꞈ ma.

Dawˬmehˬ 4:37

Naw maꞈ-euˬ aˬ poeˬ aˬ bawˇ deuˬ-ahˇ aˬ yawꞈ gaˬ-eu miˇ neh, naw maꞈ-ahˇ aˬ yawꞈ tseˇ doˆ-awˇ, aˬ yawꞈ-euˬ huiˬ-eu baoˬ-ahˇ gʼoe-eu laꞈ kʼoeˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ aˬ yawꞈ sheuˬ doˆ laꞈ-euˬ meh.

Yawˇshuˆ 24:10

Ehˇ kʼawꞈ, Baˬlamˬ-euˬ dawˬ-ahˇ ngaˇ maˬ naˇ haˬ nehˬ-euˬ miˇ neh, aˬ yawꞈ naw maꞈ-ahˇ dawˬ ngehˬ gʼeh nehˬ-euˬ laꞈ kʼoeˇ guiˬ lahˬ biꞈ-euˬ meh. Kʼoeˇ loꞈ-ehˇ jahˇ-awˇ, Baˬlehˇ-euˬ aˬ laꞈ laꞈ kʼoeˇ naw maꞈ-ahˇ ngaˇ ka kʼoꞈ-euˬ ma.