Dawˬmehˬ 23:18 - Akha

¹⁸ Kʼoeˇ loꞈ-ehˇ mˇ-awˇ za-euˬ pyuˇ kʼoeˇ neh, saˇ jaˇ mˇ byah-eu aˇ poeˬ biꞈ-eu gʼaˇ duˬ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ nymˇ-ahˇ maˬ ya yuˇ laꞈ-a. Muiˬ-eu shawˇ-eu meh maˬ laˇ geuꞈ-eu jeˬ-ahˇ Sahˬpaˬ Miˬyehˇ bye-eu meh.

Dawˬmehˬ 23:18 ပူးပေါင်းရင်းမြစ်များ

1 Sahˬpaˬ 14:24

Doeˇ dui dui-eu tiˬ jeˬ-aˬ, lawˇ ciꞈ zaˬ deuˬ uˬ duˬ tahˬ-eu jawˇ duˬ-ahˇ, zaˬ miˬ zaˬ meh maˬ laˇ hawˇ-eu kʼaˬ dzeˇ zaˬ meh maˬ laˇ deuˬ kʼawꞈ jawˇ-eu kʼoeˇ hmˬ meh. Iˇsaˬleˬlaˆ tsawˇ haˬ deuˬ miˇ kʼahˬ kʼoeˇ kʼahˬ laꞈ kʼoeˇ jawˇ uˇ leˇ ngeh, Sahˬpaˬ Miˬyehˇ neh teh doˆ nehˬ-euˬ, yaw beh kʼoeˇ gaˇ jawˇ-euˬ tsawˇ jeuˬ deuˬ kʼaˇ mˇ-euˬ shaꞈ dawˇ dui dui paˬ-ehˇ gʼeh-eu jeˬ dawˬ tawˆ luꞈ-ahˇ, Yuˇdaˆ miˇ kʼahˬ zaˬ deuˬ mˇ-euˬ meh.

Jaceuq 22:16

Aˬkuiˬ ga jawˬle-eu loꞈ-ehˇ, haiˬ-eu tsawˇhaˬ tiˬjawˬoe-awˇ, ngaˬ-euˬ aˬkuiˇaˬlaꞈdawˬtawˆ, cehˬpyaˬcehˬshaˇjiˇ-euˬmiˇ-a.

Dawqdaq 26:11

Aˬ dzawˬ aˇ gah yaw lehˬ mˇ poˆ poˆ-eu jeˬ-aˬ, aˬ kuiˬ uˬ pehꞈ dzaˬ poˆ gaˇ duˇ-eu meh.

Iˇsaˬyaˇ 61:8

Sahˬpaˬ Miˬyehˇ heu loꞈ-ehˇ ehˇ-eu meh. “Yaw tsaˬ yaw dawˇ-ahˇ ngaˇ gaˬ-awˇ, myawꞈ dzaˬ kʼaˆ dzaˬ gaˇ byeh-eu ma. Ngaˬ-euˬ tsawˇ haˬ deuˬ-ahˇ saˇ jaˇ ziꞈ-eu laꞈ kʼoeˇ, aˬ yawꞈ maꞈ-ahˇ geuˇ-eu aˇ poeˬ ngaˇ biꞈ tsoeˬ ma. Mˬ maˬ maˬ byaˆ zaˇ ziˇ ziꞈ-eu saˇ jaˇ, aˬ yawꞈ maꞈ nehˬ-ehˇ ngaˇ dzaˬ ma.

Yeˬsaˬgeˬlaˇ 16:33

Meh maˬ laˇ geuꞈ-eu tsawˇ haˬ deuˬ pyuˇ za-eu meh. Ehˇ kʼawꞈ, nawˇ-aˬ, nawˇ jawˇ gaˇ laˇ-eu tsawˇ haˬ deuˬ-ahˇ laˬ sawˬ biꞈ nehˬ-awˇ, yawˬ paw yawˬ coeˇ na luꞈ jawˇ-eu tsawˇ haˬ deuˬ, nawˬ nehˬ-ehˇ yuꞈ laˇ ni, laꞈ nmꞈ nmꞈ nehˬ-eu meh.

Uˬ duˬ 18:22

Kʼaˬ dzeˇ zaˬ cawˬ cawˬ maˬ ya yuꞈ taꞈ-a. Kʼoeˇ loꞈ-ehˇ jahˇ gaˇ Miˬyehˇ maˬ haw nahˇ-a.

Uˬ duˬ 19:29

“Lawˇ ciꞈ zaˬ-euˬ uˬ duˬ tahˬ nymˇ-ahˇ meh maˬ laˇ bi geuꞈ-iˇ-eu laꞈ kʼoeˇ, yawˬ ha-euˬ aˬ buˇ-ahˇ yehˬ bawˬ sehˇ lu-ehˇ maˬ ya gʼeh-a. Naw maꞈ kʼoeˇ loꞈ-ehˇ jahˇ naˇ, miˬyehˇ nui deuˬ-ahˇ naw maꞈ uˬ duˬ tahˬ-awˇ, miˇ kʼahˬ kʼoeˇ kʼahˬ laꞈ kʼoeˇ maˬ muiˬ maˬ jaˬ-eu jeˬ byah jiˇ tehꞈ-a.

Uˬ duˬ 20:13

Kʼaˬ dzeˇ zaˬ tiˬ gʼaˬ kʼaˬ dzeˇ zaˬ yawˬ gʼaˬ yawˬ nehˬ-ehˇ joe naˇ, jawꞈ dui dui-eu jeˬ mˇ-euˬ miˇ neh, nyiˬ gʼaˬ luꞈ sehꞈ nehˬ gaˇ ya daˬ tehꞈ-a. Aˬ yawꞈ nyaꞈ-aˬ, yawˬ haˇ yawˬ ha ya shiˇ ni mˇ-euˬ meh.

Uˬ duˬ 7:16

Saˇ jaˇ mˇ byah-eu gʼaˇ duˬ maˬ ehˇ, yawˬ ha nui ma keuˆ-awˇ lawˇ-eu maˬ ehˇ, tsawˇ haˬ tiˬ gʼaˬ na cawˬ cawˬ taꞈ-eu lawˇ-eu jeˬ lawˇ naˇ, lawˇ gʼaˬ-euˬ dzaˇ-ahˇ aˬ yawꞈ ngeh nah neh dzaˬ jiˇ-eu maˬ loˬ-a. Dzehˬ laˇ-euˬ deuˬ-ahˇ, yawˬ nah yawˬ kʼawꞈ dzaˬ nya meh.

Miˇkaˬ 1:7

Aˇ poeˬ kʼaˆ-eu tahˬ pahˬ aˬ ma mawˇ kawˇ dawˬ tawˆ luꞈ meuˇ-iˇ loeˇ-iˇ jiˇ-awˇ, uˬ duˬ tahˬ nymˇ-ahˇ jawˇ-eu meh maˬ laˇ deuˬ-ahˇ kʼaˇ biꞈ-euˬ yawˬ jeˬ na luꞈ miˬ dzaˬ bi keuˬ dzeh-eu uˬ taꞈ, tahˬ pahˬ aˬ ma mawˇ kawˇ dawˬ tawˆ luꞈ yaw cawˆ-ehˇ baꞈ bymˇ taˬ-awˇ ga tehꞈ-a. Zaˬ bi myaˬ laˇ-eu gʼaˇ duˬ maˬ tsaˬ maˬ dawˇ-eu zahˇ sahˇ kʼoꞈ bawˬ-iˬ jahˇ gaˇ geuꞈ-eu lehˇ, aˬ yawꞈ maꞈ neh poˆ uiˬ taˬ-euˬ mˇ myawˬ kʼoeˇ deuˬ-ahˇ, muiˇ-eu deuˬ neh uˬ duˬ tahˬ gaˇ geuꞈ-eu lehˇ yawˬ gaˇ yawˬ bi baꞈ byoˆ gʼeh tehꞈ-a.”

Haˬbaˬkuˆ 1:13

Nawˬ-euˬ myaˆ nuiˆ shawˇ dui dui-awˇ, yaw lehˬ mˇ gaˇ maˬ haw nahˇ kʼawꞈ, haiˬ-eu deuˬ yaw doeˇ mˇ dehˆ-awˇ, tsawˇ muiˬ deuˬ bi myoꞈ ahˇ jiˇ gaˇ, aˬ jeˬ gʼeh haw haw-ehˇ jawˇ te.

Maˬlaˬkiˇ 1:14

Jeˬ zaˬ kuˆ laꞈ kʼoeˇ, ngaˬ-ahˇ biꞈ ma lehˇ ehˇ taˬ-euˬ jeˬ shawˇ jawˇ kʼawꞈ, maˬ shawˇ-eu jeˬ zaˬ tsahˇ-awˇ ngaˬ-ahˇ lawˇ nehˬ laˇ-euˬ mehˇ shuiˇ shuiˇ-eu tsawˇ haˬ-aˬ, yaˬ kʼehˇ yaˬ gaˇ ya daˬ tehꞈ-a. Aˬ jeˬ miˇ neh ehˇ naˇ, ngaˇ-aˬ, huiˬ dui dui-eu sahˬ paˬ pyeuꞈ-awˇ, miˇ tsaˬ tsawˇ jeuˬ dawˬ tawˆ luꞈ ngaˬ-ahˇ guˆ-eu meh.”

Maꞈtehˬ 7:6

“Aˬ kuiˬ-ahˇ yaw muiˬ yaw shawˇ jeˬ taˬ biꞈ. Aˬ kuiˬ kʼoeˇ naw maꞈ-ahˇ kawꞈ laˇ tehꞈ-a. Aˬ zaꞈ-ahˇ aˇ caˇ caˇ kʼawꞈ sehˇ taˬ dzeh nehˬ. Aˬ zaꞈ kʼoeˇ aˇ caˇ caˇ kʼawꞈ sehˇ-ahˇ nawˬ pahˬ tehꞈ-a.

Dawˬmehˬ 12:6

Miˬ dzaˬ dzah puiˆ-awˇ lawˇ-eu jeˬ hawˇ-eu, nui deuˬ lawˇ-eu jeˬ maˬ ehˇ, tseˇ bymˇ tiˬ bymˇ hawˇ-eu nui deuˬ damˬ-eu jeˬ maˬ ehˇ, gʼaw beh beh-euˬ mawˇ neˇ hawˇ-eu yawˇ maˬ ehˇ, kʼoeˇ gaˇ naw maꞈ ya lawˇ meh.

Dawˬmehˬ 22:21

zaˬ miˬ aˬ buˇ kʼoeˇ gʼaˬ-ahˇ aˬ yawꞈ aˬ da-euˬ nymˇ gʼoˆ kʼehˬ-ahˇ aˬ yawꞈ maꞈ sheuˬ gʼeh-awˇ, zaˬ miˬ aˬ buˇ kʼoeˇ gʼaˬ jawˇ-eu meuˬ-ahˇ jawˇ-eu tsawˇ haˬ deuˬ neh kʼaˬ lo ya bi biˬ sehꞈ meh. Zaˬ miˬ aˬ buˇ kʼoeˇ gʼaˬ-aˬ, maˬ mˇ dzaˬ-iˇ mi naˆ-ehˇ, yawˬ ha aˬ da-euˬ nymˇ-ahˇ jawˇ ngeh neh kʼaˬ dzeˇ zaˬ nehˬ-ehˇ yuꞈ taꞈ-eu laꞈ kʼoeˇ, aˬ dui-euˬ tsawˇ jeuˬ laꞈ kʼoeˇ shaꞈ dawˇ-eu jeˬ doˆ laˇ ni mˇ-euˬ meh. Kʼoeˇ loꞈ-ehˇ gʼeh-eu maˬ muiˬ maˬ jaˬ-eu jeˬ maˬ ya doˆ laˇ ni, naw maꞈ kʼoeˇ loꞈ-ehˇ ya mˇ meh.

Dawˬmehˬ 23:21

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ saˇ jaˇ dzaˬ naˇ, saˇ jaˇ kʼaˇ dzaˬ taˬ-euˬ loꞈ-ehˇ maˬ mˇ byah ni maˬ ya byehˇ-a. Nawˬ neh saˇ jaˇ dzaˬ taˬ-euˬ jeˬ-ahˇ, Sahˬpaˬ Miˬyehˇ aˬ diˇ aˬ maˇ maˬ byehˇ nehˬ laꞈ-a. Maˬ mˇ byah naˇ, nawˬ-euˬ kʼoeˇ taˆ iˬ baˇ jaˆ-eu meh.

Piˇliˇpiˆ 3:2

Yaw haiˬ jeˬ mˇ-eu tsawˇ haˬ kʼoeˇ deuˬ-ahˇ yahˇ-awˬ. Aˬ kuiˬ kʼoeˇ deuˬ-ahˇ yahˇ-awˬ. Yawˬ ha-euˬ gʼawˇ mawˇ-ahˇ yehˬ-eu pyehˆ-eu tsawˇ haˬ kʼoeˇ deuˬ-ahˇ yahˇ-awˬ.

2 Beˬtuˆluˆ 2:22

Aˬ yawꞈ maꞈ kʼoeˇ loꞈ-ehˇ pyeuꞈ-eu kʼoeˇ-aˬ, “Aˬ kuiˬ yawˬ ha uˬ pehꞈ dzaˬ poˆ-eu” lehˇ ehˇ-eu dawˬ daˬ hawˇ-eu,“Iˇ cuꞈ dzuiꞈ shawˇ nehˬ-euˬ aˬ zaꞈ lah shiˇ paˇ lah poˆ-eu” lehˇ ehˇ-eu dawˬ daˬ tsaˬ gaˇ duˇ-eu meh.

Panmaeq 22:15

Ehˇ kʼawꞈ, dehꞈ jawꞈ dui dui-eu tsawˇ haˬ deuˬ, maw loˬ ja maw mˇ-eu tsawˇ haˬ deuˬ, kʼaˬ miˬ sheu-eu tsawˇ haˬ deuˬ, aˬ cawˬ-ahˇ sehꞈ-eu tsawˇ haˬ deuˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ, ngehˬ-eu tmˇ-eu mˇ-eu shaˇ-eu laꞈ kʼoeˇ jaˬ myawꞈ myawꞈ-eu tsawˇ haˬ deuˬ, heu deuˬ-aˬ meuˬ-euˬ laꞈ nyiˇ ya jawˇ tehꞈ-a.