Dawˬmehˬ 22:9 - Akha

⁹ “Nawˬ-euˬ aˬ gaꞈ yaˇ kmˇ laꞈ kʼoeˇ nui jeˬ maˬ ya ka keuˬ-a. Ka keuˬ naˇ, aˬ gaꞈ aˇ siˬ maˬ ehˇ, nui jeˬ maˬ ehˇ, nawˇ maˬ ya pyaˆ dzaˬ-a.

Dawˬmehˬ 22:9 ပူးပေါင်းရင်းမြစ်များ

Uˬ duˬ 19:19

“Ngaˬ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-awˬ. Aˇ jeuˬ maˬ duˇ leˇ-eu jeˬ zaˬ yaw kaˬ, zaˬ taˬ bi caw taꞈ. Yaˇ tiˬ kawˬ laꞈ kʼoeˇ, maˬ duˇ leˇ-eu siˬ yoeˬ nuiˆ yoeˬ nyiˬ jeˬ taˬ ka keuˬ. Saˬ kahˇ hawˇ-eu yawˇ zaˬ caꞈ hm zaꞈ keuˬ-awˇ, mehˬ tsoeˬ taˬ guꞈ dm.

Maꞈtehˬ 6:24

“Tsawˇ haˬ tiˬ gʼaˬ-iˬ sahˬ paˬ nyiˬ gʼaˬ-euˬ zaˬ kʼaˆ maˬ geuꞈ nya-a. Tiˬ gʼaˬ-ahˇ bye naˇ, tiˬ gʼaˬ-ahˇ gaˬ tehꞈ-a. Tiˬ gʼaˬ-ahˇ yaw zeu baw naˇ, tiˬ gʼaˬ-ahˇ yaw zeu maˬ baw-aˇ. Naw maꞈ-aˬ, Miˬyehˇ-euˬ zaˬ kʼaˆ hawˇ-eu pyuˇ shuiˇ myawˬ gahˬ-euˬ zaˬ kʼaˆ, nyiˬ jeˬ luꞈ tiˬ kawˆ loꞈ-ehˇ maˬ geuꞈ nya-a.

Maꞈtehˬ 9:16

“Tsawˇ haˬ tiˬ gʼaˬ-iˬ mehˬ tsoeˬ yaw cehˇ-ahˇ saˬ paˇ yaw shuiꞈ neh pehˇ tsahˇ maˬ doꞈ-aˇ. Kʼoeˇ loꞈ-ehˇ doꞈ naˇ, pehˇ tsahˇ yaw shuiꞈ kʼoeˇ, mehˬ tsoeˬ yaw cehˇ kʼoeˇ kahˇ-ahˇ yaw beh naˆ maˬ tseˇ paˇ bi pyaˬ-iˇ tehꞈ-a.

Lormav 11:6

Tseˇ doˆ-euˬ kʼoeˇ-aˬ, aˬ yawꞈ gʼawˬ shaˬ gaˬ-eu baˬ da neh meh. Aˬ yawꞈ maꞈ neh mˇ-euˬ gaˇ baˬ da neh maˬ ngeuˇ-a. Tsawˇ haˬ zaˬ neh mˇ-euˬ gaˇ baˬ da neh tseˇ doˆ-euˬ ngeuˇ naˇ, aˬ yawꞈ gʼawˬ shaˬ gaˬ-eu jeˬ-aˬ, maˇ maˇ ni gʼeh-eu gʼawˬ shaˬ gaˬ-eu jeˬ maˬ ngeuˇ-a.

2 Gawˇliˬtu 1:12

Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.

2 Gawˇliˬtu 11:3

Eˇbaˆ-ahˇ aˇ lawˇ neh mehˇ shuiˇ bi shuiˇ tawˆ-euˬ loꞈ-ehˇ, Ka li-ahˇ maˇ maˇ ni shawˇ jehˆ ni gaˬ-eu naw maꞈ-euˬ nui ma bi tsahˇ pyawˇ gaˇ ngaˇ kʼahˬ lahˇ dui dui nya.

Dawˬmehˬ 22:8

“Nawˇ nymˇ yaw shuiꞈ tsoˆ ngeh, nymˇ mˬ jawˬ jawˬ-ehˇ ya taw lahˇ meh. Tsawˇ haˬ tiˬ gʼaˬ na ga sehꞈ naˇ, nawˬ-euˬ kʼoeˇ taˆ iˬ baˇ maˬ ya bi keuˆ le-eu gʼaˇ duˬ, kʼoeˇ loꞈ-ehˇ ya jahˇ meh.

Yaˬkoˆ 3:10

Guiˬ lahˬ-ahˇ ja ceuˬ-eu dawˬ maˬ ehˇ, yaˬ kʼehˇ yaˬ-eu dawˬ maˬ ehˇ, kʼaˬ meh mehˬ boeˬ-ahˇ neh tehꞈ-ehˇ doˆ laˇ-eu meh. Aˬ yuiꞈ aˬ nyiˇ Ka li zaˬ deuˬ-oˇ, kʼoeˇ loꞈ-ehˇ bi gʼeh-eu maˬ tsaˬ-a.